يقين الصمت

البارت الثالث والثلاثين

مساء الخير على الجميع
.
.
.
.
.
.
روكان .... شنو هبه ما سمعتج زين

هبه ...الله يخليك طلكني بعد ما اكدر اتحمل اعيش بالظل ... تعبت من احساسي هذا

روكان ... تقربت عليها وحظنتها انتي حبيبتي وماكو احساس غير هذا لازم تحسي وتعيشين بي .... انتي مالتي واني ملكج الله يخليج لتعيدن هاي الحجايه بعد ... وخصوصا اني راح انقطع عنج هاي الفتره ...

هبه ... هااااا زوجتك المصون راح ترجع

روكان ...اي اتصلت بيه والحمد لله جابت
اشوفها انتفضت وكامت على حيلها

هبه ... اذا زوجتك تريد ترجع وانت فرحان بيها وبأبنك ..ليش اجيت عليه فهمني ليش اجيت حتى تحرك قلبي لو حتى تنطيني علم بغيابك ...مو جنت زعلان وبعيد وحتى قلبي تعود على فراكك ..ليش رجعت

روكان ... وكفت وحظنتها ولان جانت بحظني بالفراش ... يعني ماكو اي شى يمنع جسمي من جسمها حتى الجرجف الي جانت لافه نفسها بي وكع .... لج اني ملكج وكلي الج ...تصدكين لو كتلج عمري ما حسيت بنفسي وياها ...ولا حسيت بيها مره جوايه ...ولج حتى ابني طلع يشبهج لان جنت انام وياها وانتي بعقلي

هبه .... احس جسمي وجسمه صار قطعه وحده بنفسين حظنته وبجيت وهو ما قصر لفني بحظنه ... واخذني للفراش وبقينه لثاني يوم سوى  ... كل ما اريد اكوم من الفراش يسحبي وووو .. بحجه يريد يشبع مني لان راح يفاركني هاي الفتره .....
كعدت اباوع على الساعه وحده الظهر .... سحبت نفسي بالكوه من بين اديه ... كمت للحمام سبحت وطلعت سويت جاي وحظرت الميز ورحت كعده لكيته يلبس
شبيك حبيبي شو لبست ملابسك بدون ما تدخل للحمام

روكان ... اتصل جابر ويكول العصر توصل طيارتهم واني لازم اروح ارتب وضعي واشتري هديه ... يعني تعرفين هي راجعه تعبلنه من الولاده لازم افرحها

هبه ... اي طبعا اكيد روح لتتأخر عليهم .... باسني من خدي وطلع ...
ورجع عليه مره ثانيه
ها عيني

روكان .... هاج هذا مصرف مشي امورج بي واتصلي  على سحر وعلي حتى يرجعون يمج

هبه ... ماشي....رجع حظني وراح ..ودموعي بدت تنزل بحركه من شفت الخوف الي بين على وجها ... كلت خلص بعد ما الح عليه ولا اتعبه لحد ما يرتب اموره وهو اكيد ما راح يعوفني
كعدت اكلت لكمتين وكمت اتصلت بعلي حتى يرجعون للبيت وفعلا ..ورا ساعتين تقريبا اجوا ...ورجعت حياتي مثل قبل كم يوم بس هاي المره اكو احساس بداخلي ما اكدر اوصفه ... خوف مو طبيعي... وقلق ... احس اكو شئ راح يصير ويغير حياتي
كعدت اسولف وي سحر وعلي حتى اعرف شقرروا ...يسون لان مو معقوله يبقى علي يطلع كل كم يوم يشتغل عماله حتى يكدر يوفر مصرف الهم

علي .... هبه هو اني لكيت شغل وتعاجزت هاي كدامج اطلع للعماله ..والله العظيم ابقى كا تلني الخوف لحد ما ارجع للبيت خاف احد يشوفني ويعرف مكانه