يقين الصمت

البارت السادس

مساءكم خير ومحبه متابعيني الأعزاء
...
...
..
..
..
.
جاسم ... يله هبه ...تعالو للسياره حتى نلحك بسيارة الإسعاف

بسعاد .... يا سياره....إني وهبه نصعد وي روكان ...مو إسمك روكان عيني

روكان.... أي خاله ..وأتشرف إذا صعدتوا بسيارتي

هبه .... تقربت على أمي يمه شنو القصه شو لزكتي للولد ....عوفي يروح مو هاي سيارة جاسم واكفه.... ..بعد عليمن نصعد بسيارته

روكان ..... أباوع عليها نزعجت من كلام أمها الظاهر متريد تصعد وياي

بسعاد .... شنو لزكتله ولج غير هو مدير المعمل .... ويعرف أبوج مو شفتي شلون مقهور عليه

هبه .... يمه تعرفين قصدي .. فدوه لعيونج عوفي هاي السوالف ..... تعالي نصعد ويا جاسم عمو صعد ..... وي الأسعاف يمكن راح يطلعون بابا ويروحون

روكان .... صار عندي فضول أعرف شكو .... وليش هي متقبل تصعد وياي تقربت عليهم .....
العفو خاله تره سيارة الإسعاف راح تطلع يله نطلع وراها

هبه .... أي شفتها واحنه راح نصعد وي جاسم ابن عمي .....طبعا ما أعرف شلون أشكرك على وكفتك ويانه ....
بس تكدر تأخذ راحتك ..... عمو وأبنه موجودين ويانه
ونعتذر خاف عطلناك عن شغلك

روكان .... من حجت وياي ما أعرف شنو الإحساس إلي صار بداخلي...وتمنيت أبقى ساكت وهي تحجي حتى أشبع من صوتها الناعم
لا بالعكس هذا حقكم وحق عمو سالم عليه ....واني عد كلمتي اي شئ تحتاجوا أني حاضر

هبه ...وأنته ما قصرت والله

بسعاد .... ولج يمه هبه خلي أستاذ روكان يروح ويانه .... خاف نحتاج شئ هناك

هبه ...يممممممه ..... إن شاء الله منحتاج شئ وعمي وأبنه موجودين أكيد ما راح يقصرون

بسعاد ...عمها ....عمه العماج إن شاء الله ......
مشكور خاله ....روح عيني الله وياك .... يله امشي كدامي ...هذا خبصنه بالهورن

هبه ... يله

روكان ... زين بلا زحمه أكدر أعرف رقمج حتى أطمئن على عمو سالم

بسعاد ...أي عيني عادي ..... أنطي رقمج ولج

هبه ....هااا أي... أي ..... سجله يمك

روكان .... هي ترد الرقم وإني ردت روحي يعني راح أكدر اسمع صوتها مره ثانيه واتواصل وياها
....... هذا رقمج الخاص

هبه ...أي

روكان .... ماشي إني راح ادك عليج هسه حتى تثبتين رقمي يمج

هبه ....ماشي

جاسم .... شنو السالفه هبه متسمعون صار ساعه ادك هورن

بسعاد .... اجينه عيني لتصيح ..يله أمشي كدامي
عيني ..... من رخصتك و رحم الله والديك ما قصرت ويانه