يقين الصمت

البارت السادس عشر

السلام عليكم ورحمه الله وبركاته
.
.
.
.
.

هبه ..... انتي كاعده .... تعرفين شنو معنى كلامج هذا

سحر .... اعرف بس صدكي اني تعبانه والقهر كاتلني عليه ..... والخوف على روحي من تنكشف ااسالفه

هبه .... مو شغلة قهر سحر باسم مرتب وضعه ومنتظر تخرجه يوم يوم حتى يتزوجج ... تعرفين شنو واحد ميفكر يباوع على بنيه وحارم نفسه من كل شئ لخاطرج

سحر .... وهو هذا الشئ الي متعبني اني ما اكدر أحجي هذا الشئ لباسم والسبب أمي وخالتي ميقبلون اتقرب عليه لو أكعد يمه وأسولف ويا خاف يأخذه عليه غير نظره ........واريدج تساعديني

هبه .... لا مستحيل مااكدر ادخل نفسي بهذا الموضوع انتي متعرفين وضعي شنو بهذا البيت وخالتج تنتظر من ابسط غلطه حتى تطردني ...وبعدين ما اكدر أحرج باسم وأكله انتي متردي
...اباوع لها كامت قفلت الباب ورجعت دنكت بالكاع

سحر .... فدوى هبه ابوس رجلج اوكفي وياي وساعديني ...لأن زواجي منه يعني نهاية عمري

هبه .... عفيه طلعيني من هذا الموضوع وانتي شوفي حل لنفسج ...شوفي شلون تكولين ما اريده

سحر .... انتي ما فهمتي كلامي مو كاعده اكلج زواجي منه يعني نهايتي

هبه ...وليش يعني قابل باسم شنو نقصه ...ونفرض إنتي متحبي .الحب مو مشكله ..... تكدرين تتعلمين عليه بالعشره ...وخالتج تريدج وتموت عليج وراح تدللج
شو هاي كامت تدك على رأسها وتلطم

سحر.... لج هبه ادري والله ادري وهذا كله اعرفه بس اني مستحيل اتزوج باسم لأن اني متزوجه

هبه .... من سمعتها كالت هاي الحجايه ...وكفت على حيلي .....شنو ...شلون متزوجه ...لج أنتي كاعده تفهمين معنى كلامج

سحر .... ادري والله ادري بس كل شئ صار غصبن عليه وبسبب خوفي لا أهلي يجبروني أتزوج باسم سويت هاي المصيبه

هبه .... تعالي.....تعالي أكعدي يمي وفهميني الموضوع من البدايه

سحر ....إني أحب أبن عمتي ... صار أربع سنوات

هبه .... أي وليش ما عمتج تجي تخطبج وتحط حد لهذا الموضوع وتفضه

سحر .... عمتي متوفيه من جان عمره عشر سنوات ....وهو عايش ببيت جدي ....

هبه ...سمعنا صوت خالتي تصيح على سحر وتدور عليها
.شفتي الحظ
....هسه شلون اذا شافوج طالعه من غرفتي

سحر ....وشنو يعني

هبه ...فدوه سحر شلون ...شنو يعني ....مو تدرين هي شكد تكره طبتج يمي .....بس أوكفي اشوفها وين صارت لأن صوتها راح

سحر .... هبه شكو قابل احنه شمسوين ....ليش تخافين منهم

هبه .... سحر فدوه صوتج اني راح أفتح الباب وأشوف شكو ...وإنتي نزلي بس لتكولين جنتي يمي