يقين الصمت

البارت الثالث عشر

مساء الخير حبايبي
.
.
.
.
.
ناديه .... خابرت جنه أخته ... وكالت لجابر صارت قريبه من البيت ...بلحظتها حسيت قلبي يدك سريع وراح يركف من الخوف طبيت للمطبخ ...و كمت اسوي عصير حتى التهي وانسى شلون راح اتفق وياها ... حتى تأخذ ابني مني و تربي بحظنها .. وتأخذ كليتي حتى تعيش حياتها .... هاي شنو معقوله الي كاعد يصير وياي ... اني وين جان عقلي من قررت هذا القرار .... شكاعده اسوي بروحي ...فكرت اطلع من باب المطبخ الخارجي ..... وأنهزم من المزرعه قبل متوصل
وحسيت جابر حاظني من ظهري

جابر ... هااا ناديه شبيج شو ترجفين

ناديه ... التفتت عليه وحظنته وبجيت ... جابر إني خايفه

جابر .... شوفي والله اعوضج عن كل شئ راح تسوي لخاطر أختي حتى تعيش حياتها ...بس الله يخليج لتخليها تحس بيج مقهوره .... تره وضعها حيل تعبان وما تتحمل اي ضغط نفسي

ناديه .... يارب ..... جابر ادعيلي الله يصبرني وأكدر اسوي هذا الشئ

جابر .... يارب ...... يله تعالي ...تره جنه وصلت وتنتظرج بالصاله

ناديه ...طلعت .... باوعت اكو بنيه ...كاعده ضعيفه ....و شكلها تعبان من المرض .... وحتى شكلها مو كلش حلو ...تشبه جابر على بنيه ....سلمت عليها وكعدت يمها

جنه .... إنتي ناديه

ناديه .... اي

جنه .... جابر هواي سولفلي عليج وعلى وضعج .... واتصور شرحلج وضعي

ناديه .... اكيد .....لعد إني شلون قبلت

جنه .... اكدر أعرف انتي بيا شهر هسه

ناديه .... ما أعرف بس اتصور شهرين

جابر .... جنه ...إنتي بس اتفقي ويا ناديه وهاي الأمور كلها أرتبها وي الدكتوره

جنه .... اني اريد اعرف شئ واحد منج

ناديه .... كولي

جنه ...تكدرين تكتمين هذا السر لو لا

جابر .... جنه إني وعدت ناديه بعد ولادتها ونجاح عمليتج راح اتزوجها ..... ما أتصور تكدر تكشف سرنا لأن راح تصير وحده من عدنه.... وابنها راح تشوفه بعد ليش تكشف السر

جنه .... كلام جابر هذا صدمني ... شلون يقبلها على نفسه يتزوج وحده بت ليل ...
بقيب اباوع عليه باستغراب ...وضحك بوجهي ... ومن ضحكته فهمت ...شنو قراره

جابر ...هاا ناديه نتوكل على الله

ناديه ..... هاااااا ... شنو قصدك

جابر ... يعني اتفقنه على سالفه الطفل

ناديه .... اي بس شنو ضماني متحرموني من شوفته

جابر ...... اني ضمانج

ناديه .... ماشي اتفقنه

جنه .... ناديه اني راح أخابر زوجي هسه واكله اني حامل ..... مو تتراجعين بعد .. حتى نرتب وضعا على هذا الاساس