مساء الخيرات حبايب .
.
.
.
.
روكان... اتصلت عليه هبه اكثر من مره ومجاوبتها ومن للبيت ... صعدت سبحت ومددت على فراشي ..حتى انام وارتاح بس منظرها شلون تطرد بالولد ...ومنظر البنيه الي ثوبها مشكك ميروح من بالي..... ..بقيت اتكلب بفراشي والوم بنفسي معقوله اني أسرعت بزواجي من هبه واني اعرف ماضي امها كله ... معقوله هبه مثل امها يعني كل الي سوته وياي كذب وجانت تمثل الشرف عليه حتى تورطني واتزوجها ...واحتمال جانت تسوي هذا الشئ بغيابي عنها ....والي صار اليوم صاير قبل واني ما حاس .... بس الله كشفها اليوم ...حاولت انام ما كدرت ... بقيت اتكلب للصبح وما اعرف شوكت غفيت
علي .... دخلت للمستشفى وبقيت اتختل حتى متشوفني أم جاسم ...صرت قريب على الغرفه الي نايمه بيها هبه .... شفت باسم طالع من الغرفه الثانيه ..درت وجهي على الحايط حتى ميشوفني ... ومن عبرني دخلت بسرعه للغرفه ...
سحر ..هااا علي شبيك تمشي وتتلفت
علي ... سحر يله تعالي نطلع بسرعه منا
سحر ...شبيك علي ...مو كتلك هبه لازم تبقى للصبح تحت المراقبه
علي ... لج ياهبه يا مراقبه هاي خالتج ام جاسم وأبنها هنا ..
سحر ...من جاب طاريهم حسيت قلبي راح يوكف من الخوف
شششششنو خالتي ام جاسم شلون
علي ... تعالي نطلع هسه وبعدين حققي وياي ....اني راح اطلع كدامج ...وانتي بقي عينج عليه ومن أشرلج ...طلعي بسرعه وانتظريني يم الباب الرئيسي
سحر .... اي صار .. بقيت عين على ..علي وعين على هاي المكروده شلون راح أعوفها وهي فاقده متدري بروحها ..وانتبهت عليه يأشرلي بعصبيه حتى اطلع بسرعه ..وفعلا عفتها وحدها وطلعت ركض ...وانتظرت علي بالباب الخارجي ....شويه وأجاني اخذنه تكسي ورجعنه لبيت هبه
علي .... الحمد لله وصلنه بسلامه ...
سحر .... شلون حظ هذا ياربي هسه هاي شجابها للمستشفه وهاي المسكينه هبه بقت وحدها حتى محد يعرفها هناك
علي .... سحر رجعي دكي على رجلها بلكت يرد عليج ... وكوليله هبه بالمستشفى حتى يروح عليها
سحر ... اي هو ماكو حل غير هذا
روكان ... بقيت نايم وما حسيت اله على صوت الموبايل يدك ... كعدت ومن لكيته هبه رفضته ...قفلت جهازي ورجعت نمت
علي ...هاااا
سحر ....ما جاوب ويمكن غلق جهازه
علي .... شلون حظ هسه ذوله بيت خالتج شجابهم
سحر .... معود كول الحمد لله ربك ستر وما شافونه
ام جاسم .... بعد ما نكشفت سالفه سحر ..وكل اهلنه سمعوا بالسالفه بقيت يم بيت اختي لثاني يوم الصبح .......من كعدت سمعت رجل اختي يصيح ويسب عليها وابنها وعيالها كلهم يلومون بيها ...ومحمليها الغلط كله ..... قررت ارجع لبيتي ... لان حرامات اخربه واخسر رجلي لخاطر وحده طالعه من الطريق صدك .... والسبب الثاني ما اتحمل اسمع كل هذا الحجي على أختي وابقى ساكته .... طلعت منهم حتى بدون ما اكول لاي بشر إني راجعه لبغداد
أنت تقرأ
يقين الصمت
Misterio / Suspensoتعزف الحياة على اوتار الجروح......وبعزفها ...ينطق الصامتون .... ويصمت الناطقون .... اكتب قصص من وحي الخيال ليس لها علاقة بواقع ملموس .... بل هي وقائع احداث تعاش في مجتمعنا ... ومواقف وضع بها ابطال القصه ..... نتيجة اسرار وخفايا ....لا يخفيها سوى الص...
