يقين الصمت

البارت الثامن والاربعين

مساء الخيرات على كل متابعيني

.
.
.
.
.
.

جابر .... من كالت طلكني حسيت قلبي وجعني ...من الحجايه
شنو عيدي شتردين ....لان ما سمعت زين

ناديه .... فدوه جابر طلكني واخلص مني احسن ما تبقى عايش كل عمرك وياي بالشك ..وقلة الثقه ...اني بت بسعاد وراح ابقى بنظرك بت بسعاد

جابر .... هههههه

ناديه ..... ليش تضحك اني ما كلت شئ يضحك ...كتلك طلكني

جابر .... هو هذا الي ضحكني ...تردين اطلكج ...لازم غيابي عن البيت ... سوالج واهس واخذتي راحتج ..واحتمال حصلتي واحد من ربعج ..واتفقتي ويا حتى يأخذج ...مثل ما سويتيها قبل وي بلال

ناديه ....ربعي منو جابر انت شبيك اني نايمه بالفراش من يوم عفتني لليوم

جابر ....والارقام الي حصلتيهن من المستشفى ... ولتكولين ماكو هيج شئ لان الارقام موجوده عندي ....

ناديه .... زين اذا عندك الارقام اني شلون خابرت عليهن

جابر ... اووووووو .. كافي لتحجين ..

ناديه .... اوووو شنو فهمني جابر

جابر .... ماكو شئ ... اكلج شو كومي طلعي من كدامي و نامي بالغرفه الثانيه ..لأن حيل تعبان واريد انام ....ميعجبني اشوف خلقتج يله طلعي من كدامي
طبعا طردتها من الغرفه ......لان ما أعرف شجاوبها ...ابد ما متوقع منها تطلب الطلاك مني

ناديه .... واذا ما طلعت شراح تسوي تضربني لو تقتلني

جابر ..... وكفت بوجهي ...واني اعصابي فرت عليها ... دفعتها حيل.... روحي من وجهي لا اكوم ابتلي بيج والله

ناديه .... من رجع وتهمني ولا اهتم لتعبي ووجعي كلت خل اني اطلب الطلاق منه حتى اطلع من هذا البيت بكرامتي ..ووكفت بعينه وجاوبته كلمه بكلمه ...صار عصبي عليه ودفعني .... حسيت الغرفه فترت بيه ردت شئ استند عليه ماكو .... وكعت بالكاع ....وحسيت روحي راحت

جابر .... دفعتها حتى تطلع ..اباوع عليها هوت ووكعت بالكاع ..وما كدرت توكف على حيلها ...حسيت روحي وكعت وياها ركضت عليها وحظنتها خليتها بحظني شبيج ناديه ...ناديه شبيج ....ما جاوبتني .....دكيت على السايق يحظر السياره لان اباوع وجها صار اصفر وشفايفها بيض .... خفت ليصير بيها شئ وتروح من بين اديه مثل ما راحت جنه مني .... شلتها وطلعت بيها للسياره واخذتها للمستشفى ... وهناك سمعت احلى خبر بحياتي من الدكتوره كالت .... المريضه حامل وعدها هبوط بالضغط ...ولازم تبقى على المغذي ...حسيت نفسي طاير من الفرح ... دخلت ركض عليها حظنتها وهي حظنتني وبجت

ناديه .... مبروك جابر

جابر .... مبروك عليه وعليج يا روح جابر القزومه ..ولج ليش متكولين انتي حامل