السلام عليكم .
.
.
.
ناديه ...طلعت من البيت وكعدت على الرصيف الي مقابيل البيت ... لميت رجليه ... لان حافيه ... وبقيت افكر وين اروح هسه ياربي ما عندي غيرك ... بقيت كاعده لحد ما بدى الجو يظلم.... خفت حيل ..رجعت وكفت يم باب البيت ... شافني السايق واحه يركض عليه ...
... ها ناديه
ناديه ... الله يخليك افتحلي الباب اريد افوت انام بالحديقه
.... شلون واذا عرف استاذ جابر ...
ناديه .... فدوه لعينك بس لحد ما يكشف الجو واطلع اخاف أبات بالشارع وحدي
.... انتظري لحظه ...
ناديه ... بقيت واكفه لحد ما رجع السايق وفتحلي الباب ..طبيت ركض وختلت بسد الاشجار ... واجه السايق وشايل بيده جرجف ...ولفه
.... هاج ناديه اكلي هاي اللفه وتغطي ومنا للصبح ربج يحلها
ناديه ... رحم الله والديك
لفيت روحي بالجرجف ومن كد ما باجيه وراسي يوجعني حطيت رأسي ونمت ....
سحر ... هبه اني اليوم احس جسمي كله مكسر ونفسي تلعب
هبه ... ولج خاف حامل
سحر .... هاااااا والله مادري
هبه .... العصر نروح للدكتوره ...
سحر .... اكلج خاف صدك اطلع حامل شلون
هبه ... شنو شلون ..
سحر ... يعني ما اريد طفل هاي شوفة عينج وضعنه مخربط وما مستقرين
هبه ... سحر ليش تحجين هيج اني مقصرة وياكم ...البيت بيتكم واني خطار
سحر .... حظنت هبه ...اووف ياروحي لوما انتي جان اني وعلي هسه ما اعرف شنو مصيرنه
هبه ... كتلج انتي بمكان أختي إلي حرمتني الظروف منها ..والله اعلم هسه شنو حالها ووين صفى بيها الدهر
سحر ... يارب تجمعكم الظروف مثل ما فرقتكم
هبه .... يارب
وفعلا اخذتها للدمتور وطلعت حامل ومن رجعنه سمع علي وطار من الفرح ... واني خابرت روكان وبشرته
روكان .... حبيبتي هبه يوم تبشريني بابنه
هبه .... ياريت روكان بس
روكان .... اعرف شنو معنى البس مالتج بس وداعت عيونج الحلوه .... فرحتنه قربت ...وراح يجي اليوم الي اعلن زواجنه للعالم كله وازفج باحلى ثوب ابيض مثل قلبج وطيبته
هبه .... يا رب
ناديه .....بقيت للعصر كاعده بالحديقه وجابر ابد ما طلع من البيت ... طلعت من الحديقه واجه السايق يركض وحاول يمنعني بس اني كمت اصيح حتى جابر يسمع صوتي ويطلع ...
.... ناديه اطلعي راح تسويلي مشكله
ناديه .... انته ما الك علاقه اريد صاحب العلاقه يطلع ويفهمني اني ليش مشموره بالشارع ...ليش لان ضحيت براحتي ... ونطيته اغلى شئ بحياتي
نفتح باب المطبخ ..وأشرلي جابر تعالي
رحت ... وما فكرت شنو الي راح يصير ..... خلص بعد ما اريد اعيش ويا ريت يكتلني واخلص من هذا العذاب طبيت واني صايره نار كبره .....
أنت تقرأ
يقين الصمت
Mistério / Suspenseتعزف الحياة على اوتار الجروح......وبعزفها ...ينطق الصامتون .... ويصمت الناطقون .... اكتب قصص من وحي الخيال ليس لها علاقة بواقع ملموس .... بل هي وقائع احداث تعاش في مجتمعنا ... ومواقف وضع بها ابطال القصه ..... نتيجة اسرار وخفايا ....لا يخفيها سوى الص...
