يقين الصمت

البارت الرابع والعشرين

مساء الخيرات
.
.
.
.
.
....
ام حيدر .... ولج خيه .... شلون هسه دبريني

ام جاسم ..... شلونج ادبرج ولج موخابرتج وكتلج بت طالعه من الطريق شلون تعوفيها هيج

ام حيدر.... خيه وين عفتها هاي كبال عينج الغرفه جانت مقفوله ....

ام جاسم...... انتي قافلتها عليها

ام حيدر.... هااااا لا بس اني من لكيتها مقفوله كلت زعلت عليه وقافله الباب عليها

ام جاسم..... عوفي الحجي ...وكومي دكي على ابوها واخوها ...حتى نلحك عليها ...ونشوف وين صارت هاي الكح .....

ام حيدر .... هااااا راح ادك عليها بلكي تطلع زعلانه مني ورايحه لبيت جدها والله يهديها وترجع
دكيت ...دكيت ..جهازها مغلق

ام جاسم....هاااا

ام حيدر.... ولج غالقه جهازها .... يمكن حجي رجلج صدك وسحر مصخمه وجوهنا

ام جاسم..... يبووووه واني هجمت بيتي بيدي من وراها ..... كومي دكي على ابوها حتى يلحك على مصيبته قبل ما تكبر

ام حيدر.... خيه شلون اخابره وشكله ..وهو قبل ما يطلع طاب عليها ومطمن على صحتها وهي حاضنته وتبجي

ام جاسم..... جااا شلون تبقين هيج واكفه كدامي

ام حيدر..... شوفي اني رايحه لبيت جدها اشوف بلكي رايحه عليهم ...

ام جاسم .... كومي نروح عليهم سوى قبل لا يفوت علينه الوكت
رحنه ..عليهم ..واول ما طبينه سألونه عليها شلون صارت ونصدمت بأختي تجاوبهم ولاجن اكو شئ صاير وبتها عايفه البيت ومهزومه

ام حيدر.... هااا زينه الحمد لله احسن

ام جاسم.... ولج شنو زينه وعليمن الحمد لله على صخام وجهج ....احجي لاجدادها المصيبه

ام حيدر.... هااا .... شكول انتي احجي

..... شني السالفه ولجن احجن 

ام جاسم..... خاله سحر بت ابنج شادره من بيت ابوها وما نعرف عنها خبر

.... شنهي شلون شارده وين ...

ام حيدر...اي والله خاله من طلعتو انتي وابوها ... عفتها نايمه بفراشها ....ومن وصلت ام جاسم رادت تشوفها وما لكيناها بغر فتها

.... ولج شلون ما لكيتنها وجايات عليه... وبعدجن ساكتات ..كومن خابرن ابوها ...واخوها واني راح احشم اهلنا يدورون عليها ..يماااا البت جاهل وين راحت وحدها

ام حيدر .... كعدت بالكاع وكمت ادك والطم على وجهي شلون بيه
كله مني لو ما مخوفتها جان ما هجت

....ولج عليمن مخوفتها

ام جاسم.... خاله السالفه طويله بس نلكاها ...كل شئ يصير سهل