مساء الخيرات
.
.
.
.
ناديه .... اخذوني سحل ...إني والمره ..وذبونه بغرفه ...بيها مجموعه بنات ومن ضمنهن البنات الي جانوا عد بلال ... كعدت يمهم وحطيت رأسي بين رجليه ... وبدت دموعي تنزل بساعتها بجيت على نفسي ..وعلى حظي ... واني القهر كاتلني شلون نفرت الدنيا بيه هيج فره ...وين جنت ووين صرت ..بوقتها اجت هبه اختي على بالي .... لاول مره اتذكرها بعد كل هاي الفتره ليش اجت على بالي ...ما اعرف يمكن افكر هسه هي شنو حالها .......مثلي مشتته ورايحه بين الرجلين ..لو لا ..مستحيل هبه توصل لهاي الحاله ...هي حافظت على نفسها وشرفها .... أكيد متزوجه ومستقره بحياتها...بس ما اتصور عايشه مرتاحه .... لان اسمها مرتبط.....باسم بسعاد لازم تتدمر حتى لو قاتلت حتى تعيش راح تعيش بين الناس مشبوهه بقيت ابجي ....وادعي على امي لان بسببها كل إلي صار بينه ...وسمعت وحده من البنات تحجي وياي
ناديه ... هاا شرايده
.... ما رايده شئ ..بس اريد اعرف انتي شجابج يم بلال
ناديه .... حظي الاسود
.... ما فهمتي قصدي ..يعني انتي هم طالعه تهريب مثلنه
ناديه ..لا اني اصلا عايشه هنا صار ٥ شهور
.... يعني عندج جواز اصولي ومستمسكات
ناديه ... اي
... لعد ليش بقيتي ساكته غير تطلعيهن حتى يطلعوج منا
ناديه ... هاااا مو مستمسكاتي مو عندي
.... وهاي هم سهله حاولي تتصلين بأي أحد يجيبهن ألج
ناديه .... بقيت ساكته ..شلون اتصل بيهم واني مهزومه منهم .....ردت اشتري عمري وأبني ...بس هو الفكر يبقى فكر .....زين اذا اتصلت بيهم هسه معقوله راح يجي جابر ويطلعني ... واذا طلعني راح يبقيني عايشه ... ما اتصور ..اكيد يدفني واني عدله على هاي سوايتي ...بقيت افكر ساعه اكول اتصل بي بأي طريقه ...وساعه اكول لا ابقى هنا مسجونه أحسن من عذاب جابر وعقوبته ...بقيت محتاره ...وثاني يوم الصبح اخذونه يحققون ويانه ... والبنات حجن قصتهن للمحقق شلون مهزمات وشلون بلال جابهن حتى يبيعهن ...ومن وصل دوري ... بقيت محتاره شجاوبه .... ظل يصيح ويغلط عليه وتفاجئت ..من البنيه كالت سيدي هي مو ويانه جانت جايه خطار لبلال... لأن هي عايشه هنا
رجع سألني على صحة كلامها ... هزيت رأسي بنعم ... طلعنه من الغرفه بس اخذوني لغير مكان ...
بقيت لليل ...بغرفه وحدي ..دخلت عليه محققه .. سألتني ... شنو علاقتي بلال .. تصوروني سمساره لو مهربه ..واشتغل ويا .. بهذا الوقت كلت...... خلص لازم ارجع لجابر مابيه حيل اتحمل مصايب بلال ...سالتها
ناديه .... اكدر اتصل بشخص يجيب مستمسكاتي ..وجوازي حتى تتاكدون اني جنت ضيفه ببيت بلال
بسرعه ...طلعت جهازها ...وكالت ردي الرقم ...والصبح احنه نتصل
اخذت اسمي ... وكم معولمه عني وطلعت
أنت تقرأ
يقين الصمت
Mistério / Suspenseتعزف الحياة على اوتار الجروح......وبعزفها ...ينطق الصامتون .... ويصمت الناطقون .... اكتب قصص من وحي الخيال ليس لها علاقة بواقع ملموس .... بل هي وقائع احداث تعاش في مجتمعنا ... ومواقف وضع بها ابطال القصه ..... نتيجة اسرار وخفايا ....لا يخفيها سوى الص...
