يقين الصمت

البارت الثامن والثلاثين

مساءكم محبه ...متابعيني الاكارم
.
.
.
.
....

جنه ..... فهمتي ...صدك  انتي شنو اسمج

هبه ..... من شفت صورة ناديه حسيت الدنيا رجعت بيه لليوم الي إجه القذر بلال لبيتنا  وأخذها ...وين راحت ما ادري ... وهسه هي وين ما ادري ...ليش صورتها عد جنه زوجه روكان .... شنو علاقتها بجنه لو شنو علاقة جنه ببلال ... وشنو علاقة ناديه بهذا الطفل بحيث جنه .... مصره متوصل ناديه يمه لو تشوفه .... بقيت سالفه تجيبني ...وسالفه توديني وووسيطرت على دموعي حتى متحس جنه عليه .... وصاحت بصوت عالي

جنه .... هاي شنو اني مو كاعده احجي وياج هييي.... وين رحتي

هبه .... العفو بس كاعده احفظ شكلها .

جنه ... راح اعيد عليج الحجي ..شغلج ويانه واستمرارج .... متوقف على منع هاي القذره  من ابني ...وما راح اعيد الحجي ... حتى لو أموت لتخليها توصل يمه

هبه .... ان شاء الله بس اكدر اعرف ليش

جنه .... لا ليش ولا بيش كتلج وانتي تنفذين الحجي وخلص

هبه .... العفو

جنه ..يله روحي يمه ....ودزيلي الخدامه حتى اكمل تحضير الغراض

هبه ... طلعت منها ودزيت الخدامه ...دخلت لغرفه الطفل ....بقيت صافنه عليه شنو قصتك ولك ...وشنو علاقة ناديه بيك ....وليش امك تكول عليها قذره .... معقوله ناديه جانت تشتغل عدهم ...يعني ناديه خدامه عدهم لا لا مستحيل...  وفزيت على صوت

روكان ..... حبيبي  ليش صافن

هبه .... روكان اسكت شبيك تريد تفضحنه

روكان ...تقربت عليها وشميت رقبتها اوووف ياريحتج .... ولج شلون بيه من اشمج جسمي كله يخدر ......اوووف يا هبه ..اخيرا القدر راح يجمعنا ببيت واحد كل العمر

هبه .... دفعته روكان شبيك تخبلت ...لحد يشوفنه

روكان ... ماشي راح اعوفج اليوم بس خلي ببالج ..من باجر تنامين بحظني

هبه .... اي بس اطلع هسه الله يخليك

روكان .... شببج ترجفين ...لج جنه بالحمام ...والخدامه ملتهيه تحظر بملابسها صدك 
هبه شفتي ابني شكد يشبهج

هبه ..... هااااا

روكان .... لا لا وضعج ابد مو طبيعي خل اعوفج وبعدين اعرف شبيج

هبه .... طلع روكان ...ورجعت صفنت بوجه الطفل .... معقوله ... يشبهني ... رفعته من فراشه وحظنته .... اوووف اكو إحساس غريب ربطني بي .... وشكد شبه بينك وبيني  .... ولك  ... انت منو وناديه ليش ممنوع تشوفك ... احجي ولك احجي ناديه ليش ممنوع تشوفك كعدت وحطيته بحظني وهو نايم مثل الملاك ...وبدت دموعي تنزل بدون شعور
وسمعت واحد يكول  ....ليش تبجين
فزيت مخروعه ... لأن عرفت الصوت ..صوت جابر أخو جنه
هااااااا