يقين الصمت

البارت الواحد والاربعين

مساء المحبه متابعيني الاحبه
..
.
.
.
.
جابر ..... رجعت لبغداد ... وبعد يومين من وصولي طلبت من جماعتي يجيبولي هاي الساقطه الي شاركت جنه ودخلت  بحياتها .... طلعت لمصنع بعيد مسافه عن مركز المدينه وانتظرتهم هناك ....وبعد ساعتين تقريبا وصلوا الولد ...وهاي الكح.... وياهم ..اشرتلهم نزلوها وذبوها بالكاع ....
حطيت كرسي وبقيت منتظرها تصحى حتى اعرف كل شئ منها

سحر ... من رشوا على وجهي البخاخ فقدت وما حسيت على نفسي اله واني مشموره على كاع كلها وصخ ... تحركت اريد اكوم حسيت بروحي ثكيله رجعت وكعت بالكاع وصحاني صوت مرعب

جابر .... لج فتحي عيونج

سحر .... فتحت عيوني بس اشوف غواش بسيط بقيت افتح عيني وارجع اغمضها لحد ما سبحوني بسطل مي بارد ..
اوووو اششششه

جابر ... انتي سحر

سحر .... اي اني سحر شتريد مني

جابر ...اني كلشي ما اريد منج انتي شتردين من جنه

سحر ... جنه يا جنه ... ضربتي بوكس حسيت الدم نزل من شفتي .... انت منو وشتريد مني

جابر ... لج اني سألتج انتي شتردين من جنه وهيج هجمتي بيتها بدون سابق انذار ... يعني خلصو زلم العالم ..ما بقه غير روكان رجال بيها

سحر ...  روكان اني شنو علاقتي بروكان

جابر .... هههههههههههه والله انتي جاوبي هذا الي ببطنج شلون صار اذا ما عندج علاقه بي  يا ساقطه

سحر .... بقت شفتي تجري دم واني امسح بيها بحجابي وتذكرت هبه مره كالت اخو زوجه روكان مجرم بس كون اتذكر شنو اسمه ....اووف شلون بيه معقوله وكعت بيده 
بقيت على نومتي وهو كاعد على الكرسي ومنتظر مني اجاوبه على سؤاله

جابر .... هااااا شو ساكته الي ببطنج شلون صار تزوجتي وحبلتي لو حبلتي وجبرتي يتزوجج

سحر .... بقيت محتاره اكول اني مو زوجته ... وهبه هي زوجته ... بس شلون احجي هيج وهبه عدهم وبين اديهم وخاف يأذيها هذا المجرم .... بقيت ساكته لحد ما ضربني جلاق على خاصرتي لج اني ويامن احجي الي ببطنج ابنه بالحلال لو بالحرام
حسيت نار اشتعلت ببطني وصار عندي وجع قوي .... جاوبته
انت منو حتى تحاسبني وشنو علاقتك بروكان

جابر ... لج انتي وروكان بنعال ما اشتريكم بس من يوصل الموضوع لحد جنه وكرامتها  ...لا احرك الدنيا عليكم ... شلون كدرتي تضحكين عليه وتسحبي منها ...كولي احجي لج لا هسه ادفنج هنا

سحر .... كلت ما زال اني وكعت بيدهم خل ابعد الشبهه عن هبه خاف يكتلها هذا المجرم ...واني حامل يمكن ينقهر عليه ويعوفني ...جاوبته
لا بالحلال ..وهذا الي ببطني ابنه

جابر ..... من جاوبتني بهاي الجرئه وشلون فرحانه  بأبنها تذكرت حال جنه ...وعذابها وشلون شبعت خوف ورعب ...  حتى يصير عدها ولد حتى ....لو مو منها بس المهم تفرحه الكلب الحقير  وهو ولا مهتم لوضعها ومحتار بهاي .... انت منين وبيا شهر حملج