مساءكم محبه
.
.
.
.
.
سحبني روكان من زندي بقوة لدرجه حسيت اصابعه نبتت باللحم وعيونه تجدح نار
واني ساكته .... ما اعرف شجاوبه وشلون راح اقنعه هاي سحر وزوجها يمي
روكان .... ليش ساكته احجي منو هذا
هبه ... هذااااا علي
ضربني راشدي ... فر رأسي فر
روكان ... علي لج اني كاعد اسألج شنو اسمه ....شنو قابل اريده اطلعله جنسيه...اريد اعرف منو هذا ...بس المفروض اني ما أسال اصلا ..... صدك لو كالو العرك دساس وشكد ما اريد انظفج تبقين بت بسعاد
هبه ... من كال هيج حسيت هاي الكلمات اصعب من الراشدي الي ضربه الي وتمنيت لو ميته بهاي اللحظه ولا سامعه هذا الحجي
سحبت نفسي من بين اديه
وتقربت على علي
احجي انته شبيك ليش ساكت جاوبه جاوبه انته منو
علي .... سحر سحر تعالي بسرعه
سحر ..... طبيت للغرفه طلعت دشداشه اريد البسها بدل هاي المشكوكه .....سمعت صوت حجي بره وهوسه ...وعلي صاحني بصوت عالي طلعت ....شفت هبه واكفه ..ودموعها تجري واكو واحد واكف قريب على بابا الشارع ... جرني علي سحر احجي ..
سحر .....شكو علي احجي على شنو ...وهذا منو
علي ...هذا زوج هبه ... احجي ويا وفهمي حتى يعرف احنه منو وشعدنه هنا يمه هبه
سحر ...بقيت اباوع على هبه شلون وجها اصفر ... وجسمها يرجف ... بعدني ما حاجيه كلمه وحده .... شفتها تكومت بالكاع ركضت عليها لكيتها صايره قالب ثلج ...
هزيتها من جتفها
هبه شبيج احجي هبه فهميني شكو
دارت عينها على الباب ...
باوعت ... الرجال الي جان واكف طلع وركع الباب بكل قوته
لج هبه احجي شكو وهذا منو صدك زوجج
علي ... لج شبيج مو كتلج زوجها ومن سمعها تطرد بيه ...تصور اني صاحبها ..لو عشيقها ..حتى ضربها وغلط عليها
سحر ... وانته شنو اخرس غير تحجي وتفهمه الوضع .وتكله انته منو .....لك اذا عرفت هو زوجها غير تفهمه
علي ... اني صحت عليج حتى يعرف اني مو وحدي وياها ...بس هو طلع بدون ما يفهم شئ
سحر .... اركض ورا فهمه اركض بسرعه
هبه ... لا سحر عوفي يروح
سحر .... شلون اعوفه يروح ...غير يفتهم السالفه شنو نوب خاف يسويلج مشكله
هبه .... سحر تدرين روكان بيش عيرني
سحر ... روكان هو اسمه روكان
هبه ...اي ..لج سحر اني ضحيت بسعادتي وفرحتي وقبلت اعيش ويا بالضلمه والخوف بس المهم بالحلال ..وحاولت بكل قوتي اخلص من طريق الحرام وماضي أمي القذر وهو اجه باول موقف صار بينه ...عيرني بأمي
سحر ...أمج
هبه ... اوووووووف شوكت اموت وارتاح من اسمها
أنت تقرأ
يقين الصمت
Mystery / Thrillerتعزف الحياة على اوتار الجروح......وبعزفها ...ينطق الصامتون .... ويصمت الناطقون .... اكتب قصص من وحي الخيال ليس لها علاقة بواقع ملموس .... بل هي وقائع احداث تعاش في مجتمعنا ... ومواقف وضع بها ابطال القصه ..... نتيجة اسرار وخفايا ....لا يخفيها سوى الص...
