يقين الصمت

البارت الخامس عشر

مساء الخيرات ..على مل متابعيني الاكارم
.
.
.
.
.
.

روكان ....  جنه شلون تسافرين وانتي حامل

جنه .... جابر راح يسفرني ..يكول اكو هناك مركز طبي كلش زين ..يعتني بيه ويتابع حالتي وحالة الطفل  لحد ما اولد

روكان ... انتي مو عندج دكتوره هنا  متابعه حالتج....وكاعده ترحين عليها كل أسبوع

جنه .... شنو القصه روكان ...أنت مو تعرف وضعي ..شكد صعب ... وهنا ميكدرون يسولي شئ واأني ما اريد اخسر هذا الطفل

روكان ... براحتج

جنه ..... هو جابر كال أحتمال اسبوع الجاي نسافر

روكان ...ماشي ..... اذا هيج ...حتى ارتب وضعي وشغلي واسافر وياج

جنه .....لا لا ..ما كو داعي جابر راح يأخذني

روكان ....شبيج فزيتي .....و كل حجايه والثانيه تصيحين جابر.... شنو القصه ...فهميني

جنه .... شبيك حبيبي ..لا قصه ولا أبد بس ما اريدك تعوف شغلك بيد العمال ...اعرف محد يدبر شغلك  غيرك

روكان .... هاي شنو سبحان مغير الاحوال ...هسه انتي متريدين اسافر وياج لان خايفه على شغلي ..لعد وين جان هذا الحجي .... وانتي ما نعتني أوصل للمصنع كل هاي الفتره

جنه ...هاااا يعني جنت بحاله عصبيه ..ويمكن بسبب الحمل ..

روكان .... ما أدري ....من  يجي جابر وافتهم منه .. عو اشوف اسافر وياكم لولا

هبه ..... صار أكثر من شهرين كاعده بيت عمي..... بس زوجته ابد ما تقبلت وجودي رغم أني اساعدها بشغل البيت واحترمها وما فد يوم كسرت الها حجايه ....... ومتحمله كل هذا  لأن  ....  حسيت بالأمان عدهم ..وعمو خطيه ما مقصر وياي بأي شئ   ..... وحتى باسم من  ينزل يمنه يكعد يسولف وياي ويحترمني واني هم أبادله الاحترام ....و ما حاول اي يوم يسئ الادب ....وياي ....وحتى رقمي غيرته حتى أنهي أخر شئ يربطني   بروكان ..... ونهيت علاقتي بي .. حسيت نفسي ما اكدر استمر ويا وأخرب بيته ... وخصوصا من  فهمت كلامه هو مستحيل يطلك زوجته .....  وحتى اذا فكر يرتبط  بيه لازم يكون بالسر .... واني رافضه هذا الشئ نهائي
اليوم كعدت من الصبح على صوتها

ام جاسم...... هبه ..هبه

هبه ... طلعت ركض من الغرفه ها خاله

ام جاسم..... انزلي بسرعه نظفي البيت ... وتعال يمي بالمطبخ

هبه ... اي خاله صار..... نزلت لكيتها راجعه من السوك وجايبه ... كومه مسواك ... اخذت المسواك وياها للمطبخ ...
شنو خاله اليوم عدنه عزومه

ام جاسم..... مو عزومه بس أختي أم حيدر وعيالها راح يجون لبغداد ويبقون يمنه كم يوم

هبه .... ليش خاله ... بيت اختج مو بغداد