يقين الصمت

البارت السابع والثلاثين

مساء الخيرات
.
.
.
..
ناديه ... حسيت قلبي انقبض من سمعته يحجي وي جنه ... وكمت أدك على وجهي من سمعته يكول شلون اختنك أبنج

جابر ... أحجي وي جنه ...وطفرت الدمعه من عيني على حال ناديه شلون صارت مثل الطير المذبوح .... بدون متعرف شنو القصه يعني قلبها فرفح على أبنها ...الله واكبر شلون راح اكدر اسامح نفسي على عذابها ..... سديت الخط وكمت أبدل ملابسي

ناديه .... ركضت طلعت عبايه وشال ...

جابر ... شنو هاي ناديه وين

ناديه .... اروح وياك جابر الله يخليك اريد اشوف ابني حتى لو من بعيد

جابر ....سحبتها لحظني ..وأخذت العبايه منها .. اكيد اخذج .... بس هسه اروح إني وحدي  واعرف شكو ..وصدكي راح اخليج ترحين تشوفي غير وقت ..لأن جنه متوتره ...و منريد نزيد وجعها وانتي تعرفين وضعها شكد تعبان

ناديه ... كعدت بالكاع وكمت ابجي اوووف يمه وليدي ..لو ميته ولا عايفتك عد الناس

جابر ... ما جاوبتها ..بدلت ....وعفتها وطلعت لان ما اتحمل اشوف لوعتها ... ومن وصلت  لكيت جنه شايله الولد وتنتظرني بالشارع .
...شنو القصه ليش واكفه هنا

جنه ....فدوه جابر اخذني للمستشفى الولد تعبان فد مره ...وصاير ازرك

جابر .... أخذتها للمستشفى وبالطريق عرفت السايق رايح يجيب بتها من المدرسه ... ومحد يمها بالبيت
اوووف يا جنه

جنه .... شكو جابر شكو

جابر ... لو مطاوعتني وقابله ناديه تداري الولد وياج جان ساعدتج ..عليه ويمكن ما صار وضعه هيج

جنه ....جابر أنت ليش تريد تحرك دمي ...اكو الف  مربيه غير ناديه  اذا أريد وحده تساعدني على أبني بس إني أريد أربي وحدي ما احب أحد يشاركني بي

جابر ... خلص خلص لتصيرين عصبيه ..وهاي المستشفى صارت كبالنه  ...نزلت
أخذت الولد من أديها حتى اشيله سحبته على صدرها حيل

جنه ... لا لا إني اشيله

جابر .... خلص بس على كيفج ردت اساعدج لان وجهج تعبان حيل

جنه .... انت شنو شتريد مني ساعه تكول لو مخليه ناديه تربي وهسه تريد تأخذه من بين اديه ونوب تكول وجهي تعبان تريد تموتني حتى ست ناديه ترتاح

جابر ... اباوع على جنه ..ولا عبالك هاي اختي الي اعرفها ومربيها على ايدي كل اطباعها متغيره .... خلص حبيبتي براحتج ادخلي للطبيب حتى نشوف شنو القصه ...دخلت وره شويه
طلعت جنه ووجها غير شكل وعيونها تجري دمع ولازمه بيدها ورقه
هااا شكال الدكتور

جنه ... جابر أبني قلبه تعبان .... الدكتور يكول لأن جانت ولادته صعبه صاير عنده عجز بالقلب

جابر .... اووووووف ياربي ...

جنه ....هسه.... أبني لازم يدخل مستشفى ..حتى يتابعون حالته على الاجهزه  ياربي شلون بيه