يقين الصمت

البارت الثاني والاربعين

مساء الخيرات
.
.
.
.
.
.
هبه .... علي انت تعرف شكاعد تكول

علي ... هبه اكو شئ واحد اني اعرفه وشاغل بالي هسه اذا سحر عد اهلها يعني راح كتلوها...وما اكدر اتخيل شلون تموت واني ابقى عايش

هبه ...بقيت محتاره شلون اتصرف لا اكدر امنعه ولا اكدر اشجعه يروح ....بقيت ساكته وما سمعت غير الخط انكطع ...
دكيت على روكان .... بس ما جاوبني رجعت دكيت مره وثانيه وهو ماكو
جمعت غراض الطفل .... واتصلت بالسايق وبعد نص ساعة وصل ...وهذا الوكت كله قلبي مشتعل نار على مصير علي وسحر...وشراح يصير بيهم ..وصلت للبيت وزاد قلقي من نغلق جهاز علي ...اووف ياربي شلون راح اخبارهم...واعرف اخبارهم

ناديه .... نكطعت اخبار جابر صار كم يوم ابد ميتصل ولا يسأل عليه ... طلعت سألت السايق ......وعرفت منه جابر ببغداد وعنده شغل .....بس يجي اليوم بالليل .... طبيت ركض رتبت البيت وحظرت العشه بكل الانواع الي يحبها ... بدلت وتعطرت وكعدت انتظره .... وصار الليل وسمعت صوته يحجي بالكراج ... طلعت ركض حظنته وبقيت ابوس بي واشمه

جابر ... ولج ناديه انتظري خل نفوت للبيت مو هيج كدامهم

ناديه ...انتبهت السايق والحارس واكفين وعيونهم تريد تأكلني ... لملمت نفسي وضحكت من فشلتي .... اعتذر حبيبي بس مشتاقه لريحتك

جابر ....يله فوتي للبيت بين ما اخلص كم سالفه وي الولد

ناديه ... طبيت للبيت ومن فشلتي ما اعرف شسوي ...وبعد ربع ساعةاجه جابر ....وكفت على حيلي

جابر ... هااا ولج شو واكفه لعد وين البوس والحظن ..لو بس كدام الزلم تبوسين

ناديه ... ضحكت وركضت حضنته وهو ما قصر بدى يأكل بيه أكل بوس وحظن وشالني للفراش ....😉😉😉😉ما اكلكم شلون عيشني ساعات وحب وشوك للصبح ....
ها حبيبي .... طلع النهار

جابر .... انتي نهاري وليلي ناديه تدرين وياج ما افكر بالوكت ... لان كل ساعاتي وياج راحه

ناديه .... تقربت منه بحيث صار نفسنه واحد ...تدري هسه شنو حلم حياتي

جابر ...لتكولين حلم ..كل احلامج اسويها حقيقه ...بس كولي

ناديه .... اوووف يا عمري انته

جابر .... ما عرفت شنو حلمج

ناديه .... حلمي اغمض عين وافتح عين الكه ببطني طفل منك ....

جابر ... الله ... هذا فعلا حلم ويارب يتحقق

ناديه .... يعني انت صدك تريد طفل

جابر .... شنو قصدج صدك ...ناديه بيوم الي تكولين اني حامل اخذج للمحكمه اصدق عقد زواجنه واعلنه لكل العالم ....

ناديه .... حظنته ...الله يخليك اليه ..واني جنت متصوره انت تريد تسكتني بسالفه الحمل حتى انسى موضوع ابني
وما حسيته اله دفعني من حظنه
وكعد على حيله
شبيك حبيبي