يقين الصمت

البارت الثالث والاربعين

السلام عليكم متابعيني ...
.
.
.
.
.
علي ..... بقيت واكف وخالي يهدد بيه وبيبتي تصيح عليه اشرد لا يكتلوك بقيت واني واكف  بمكاني وما تحركت .... واصيح بعلو صوتي اريد سحر .... سحر مرتي وحامل الله يخليك خالي روح على خالي ابو حيدر وكله اريدها .... دنكت على رجليه حتى ابوسها دفرني..... وكال
امشي ناقص هاي جزاتنا لميناك وربيناك ....من ذبوك اهل ابوك .....
تسوي هاي السوايه السوده وتكسر وجهنا كدام الناس لك خالك ابو حيدر ما كاعد بديوان من يوم الي شردتوا بي لليوم ..... .. وهس جاي تكول اريد مرتي امشي ول شوف وين راحت منك هاي القذره .... وانت جاي تدورها هنا
خالي ... سحر متعوفني ومتروح سحر اشرف بنيه .....
بعدني ما مكمل حجايتي و سمعت صوت صياح بالطرمه .... وعياط مرت خالي عليه
ولك علي انهزم خالك ابو حيدر جاي عليك كتال ولك انهزم..... ركضت وين اروح منو يحميني ...منه ةسمعت  بيبتي صاحت  تعال ولك ادخل بسدي ومحد يكدر يوصلك .... ركضت لغرفتها وصرت بضهرها وجسمي كله يرجف ....

ابو حيدر ..... وينه هذا الناقص وينه اطلع ولك اطلع اليوم موتك على ايدي اطلع

علي .... من سمعت صوته وشفت الشر مالي وجها كلت هذا كتل سحر وجاي يكتلني طلعت .... لان بعد شنو معنى حياتي اذا هي مو بيها
.......ولك يمه وين رايح ولك علي لا تطلع ولك يمه ارجع اختل بسدي

علي .... بيبي خالي كتل سحر وجاي يكمل ثاره مني شلون تردين ابقى ضام روحي يم النسوان
طلعت .... ووكفت كدامه ...ها خالي قتلت سحر ...يعني ضميرك ارتاح .....وراح تكدر ترفع رأسك بين الزلم ....من كتلتها هي وابنها .... وما سمعت غير صوت صيحه اخوها بعلو صوته عليييييييييي الناقص ...وثارت الطلقه ونار فاتت بجسمي  .... وكعت من طولي للكاع  واني اكول سحر جايج حبيبتي جايج لتخافين ما اخليج وحدج ......وووكعت بالكاع

....ولك يمه شلون تقتله ولك شلون نطاك قلبك تكتله

ابو حيدر..... طبيت اصيح  وعصبي نار  على علي ....بس ما نيتي أقتله بسرعه لا ...ردت قبل ما اقتله اعرف منه مكان سحر وين ....وشلون سوت هيج بينه .... وبعدني ما عرفت  اي شئ منه 
...سمعت  صوت طلقه فاتت من صفحتي التفت ابني حيدر ضربها وذب السلاح بالكاع وكعد على أركبه منهار  .... ركضت اخذت المسدس من ايده حتى ما يضرب بعد طلقه و يتورط ......واخذته دفع طلعته من بيت اهلي ..ورجعت على علي سمعته يصيح سحر اجيتج اجيتج ....بقيت اهز بي حتى ميفقد لو يموت قبل ما أعرف منه مكان سحر وين ....
بس طلقت حيدر جانت أسرع من كل شئ ....ومات علي بساعتها

..... يمااااي كتلو الولد يماااي

ابو حيدر ..... سمعت صوت أمي ومرت أخوي يعيطن ...صحت بيهن كافي ما أريد اسمع صوت واحد عار وخاين .....ناقص ... جلب وراح عليمن العياط

.... شلون ولك يمه شلون خليت أبنك يقتله ولك هذا ربه بحظني ..... هنا بهذا البيت شلون انت وابنك ..... ولك تقتلوا بحظني وكدام عيوني شلون