يقين الصمت

البارت اثنين والثلاثين

هلو حبايب .... نغيب ونعود .... والكل يعرف الظروف وتعطل الكثير من الأمور بسبب قطع النت و الوضع ...ويارب يتغير الوضع  وينتصر صوت الشعب ... وما عدنه غير الدعاء للابطال الي ضحوا براحتهم من اجل تحقيق النصر على الحكومه الفاسده

مساء الخيرات
.
.
.
.
.
جابر .... اخذتها وطلعت من المركز  واني دمي فاير وصاير أعصاب بس مسيطر على تفسي بالكوه .... لأن تذكرت دموع جنه وهي تتوسل بيه ما أأذيها خاف يصير بالطفل شئ ... طلعت بيها وبالطريق تذكرت عندي تسليم بضاعه ...باوعت على الساعه..ما الحك ارجعها وارجع للمخزن أخذتها وياي ومن نزلت صحت عليها حتى تنزل وياي لأن ما اثق بيها بعد وما اكدر أعوفها وحدها بالسياره  .... نزلت..... وهي فتحت الباب ... نزلت وركضت بكل سرعتها وهي تصيح الله يخليك لتقتلني ...الله يخليك .... اني ركضت وراها ...حتى توكف وافهمها اني عندي شغله هنا نخلصها وارجعها لشقتها وما اريد اسويلها شئ  .... اركض وراها وهي تركض بس خايفه ومخروعه مني ..بلحظتها نقهرت عليها حيل .... ردت بس اوصل يمها حتى احظنها واهديها ... تفاجئت بيها وكعدت من طولها ..وصلت يمها لكيتها فايضه بدمها .... وما بيها حيل تكوم وياي .... رجعت ركض للسياره ..وصحت على حارس المخزن حتى يبلغهم يلغون التسليم ... رجعت عليها ..شلتها واخذتها للمستشفى ..وخفت حيل من شفتها  لا حس ولا حركه ...وصلتها واخذوها مني ...شويه ...طلع عليه دكتور كال عدها نزف ولازم تدخل غرفة العمليات ...
ولازم اوقع على العمليه .... وقعت ودخلوها
بقيت كاعد على الكرسي الوب ... خاف يصير بيها لو بالطفل شئ ..زين اذا مات الطفل شلون راح اخلص من جنه ..وشلون أقنعها مو اني السبب مرت نص ساعه  .... تعبت اعصابي بيها لحد ما عرفت هي ولدت ...وبعدها بالافاقه ...رحت للحاضنات حتى اشوف الولد ... بقيت واكف اباوع عليه من الجام وهو يحرك بايديه ورجله .... ما اعرف اوصف شعوري بهاي اللحظه .... فرحان لان راح يتحقق حلم جنه ويصير عدها ولد ... لو مقهور لأن راح أحرم أم من ابنها .... بقيت صافن وبلا شعور نزلت دموعي ..يمكن هاي اول مره ابجي من سنين طويله مرت.... رجعت لصاله الانتظار حتى اشوفها من يطلعوها ... وسمعت صوتها تصيح ..اريد ابني وين ابني ما اريد انطي ...رحت على الغرفه الي بيها الصوت وسمعت الدكتور والممرضه يحجون بينهم

... والله تعبتنه ... بعدها بالبنج وتصيح ..لو تفيق بسرعه حتى نحط ابنها بحظنها وترتاح ....

جابر ...تقربت عليهم .... ليش شبيها

الممرضه .... تعبانه ولدت قبل ساعه تقريبا وبعدها ما فايقه من البنج ... بس الظاهر ماره بصدمه مسويه عدها انهيار عصبي لان صار ساعه تصيح ومتسكت

جابر ... ميصير تنطوها مهدئ

الدكتور ... هههه بعدها بالبنج لازم نفيقها مو نومها .... بالمهدئ

الممرضه .... انته تعرفها

جابر .... هاااا أي هي اشتغل ببيتي ...وصار عدها نزف مفاجئ واظطريت اجيبها لهنا وحدي لان زوجها ما موجود