يقين الصمت

البارت التاسع والعشرين

مساء الخيرات
.
.
.
.
دفعني باسم وبقى يصيح بوجهي ...لج إنتي شلون تتجاوزين هيج على أمي
سحبني روكان لحظنه واني جسمي كله يرجف خفت بس لا ماتت بيدي حظنت روكان بقوه

ابو جاسم .... احجي عمي هبه شسوت هاي وياج وخلتج هيج تسوين

باسم .... يابه رحمه لربك امي كوه تتنفس من ورا الضرب وانته تريد تذب الصوج بيها تعال ساعدني حتى ننقلها للمستشفى

هبه .... سحبوها روكان وباسم وعمي وبالكوه صعدوها للسياره ... رجع عليه روكان ...يله هبه
روكان فدوه من شلتوها جانتت تتنفس لو لا

روكان ... تتنفس ... تتنفس امشي خل نلحك بيهم ...

هبه ... شنو نلحك بيهم اني ما اروح

روكان ... لج بابا امشي كدامي حتى اذا صار بيها شي نعرف نتصرف ...

هبه ... صعدت بالسياره ولاول مره بحياتي ادعي كون ميصير بيها شئ
وصلنه لكيناهم مدخليها للطوارئ والدكتوره تفحص بيها
شنو القصه الحجيه شبيها
وتفاجئت بجواب عمي

ابو جاسم .... اجانه خبر اخوها ميت وبقت تدك وتلطم لحد ما وكعت بالكاع

الدكتوره .... بس حيل مأذيه نفسها ...شلون تخلوها هيج تسوي بروحها  وخاصه هي عدها ضغط

باسم..... دكتوره مو هي سوت بنفسها هيج

هبه ... حسيت روحي راحت من الخوف باسم راد يحجي
وصاح عمو عليه

ابو جاسم ... باسم تعال أريد احجي وياك بره ...خل الدكتوره تكمل شغلها 

باسم .... يابه صدك جذب شنو سالفتك لوما بعينك شفت هبه تضرب أمي

ابو جاسم..... ولك ادري بس هم تدري كلش زين امك ما تضب لسانها وشوف شنو الحجي الي مسمعته للمسكينه وهيج هايجه عليها

باسم ... والله يابه اني دماغي راح يوكف معقوله هلكد تكره أمي ...معقوله كل هاي العشره الي بينكم ما بيها خير ولا عدك ذره حب لأمي

ابو جاسم.... لك انت مسودن شلون اني أكره امك بس باسم بويه والله صارت سوالفه متنبلع ..

باسم .... المهم يابه اني من تكوم أمي بالسلامه اخذها واطلع بيها من البيت لأن أمي وهبه ميرهمن بمكان واحد بعد

ابو جاسم.... ولك هذا رجل هبه رجع من السفر وجاي يأخذ مرته ..بعد شعدها تبقى عدنه

باسم ... زوجها هههههه يابه والله قهرتني انت مصدك هذا متزوجها

هبه ...جانت الدمتوره تفحص بيها ... واني وروكان واكفين يم رأسها ......باوعت  على عمي ضرب باسم راشدي ...طلعت اركض عمو فدوه خلي يكول اني ضربت أمه ليش تضربه باسم ميستاهل

ابو جاسم.... ها يالنذل شفت شلون فرفحت عليك ..وانت كاعد تطعنها بشرفها  

هبه .... يطعني ليش