يقين الصمت

البارت السابع

أهلا بكم معي من جديد متابعيني الاعزاء ....

...
..
..
.

ناديه .... رجعت للشقه وي بلال ...وهو الطريق كله يحجي عليه ويصيح ...ويرزل

بلال .... لج إنتي شنو...... شلون تكدرين تكولين لا ...لجابر انتي تعرفين جابر منو

ناديه ... شنو قابل تريد أقبل على طلبه....

بلال .... لعد إني شنو جايبج يمه حتى يتفرج عليج ....غير يريد يتونس وياج

ناديه ...يا ونسه بلال .. لك انته لو تدري شيريد مني

بلال ...شيريد ... يعني لو صرتي بت الشريفه برأسه

ناديه .... بلال أمي مو يمنه ليش تجيب طاريها

بلال ....اوكفي خل أجاوبه ....
الو هلو أستاذي

جابر .... شوف بلال ... اريد كل فلس ..صرفته على ناديه ...من يوم جبتها لليوم

بلال .... شنو قصدك ...

جابر ... انته فاهم قصدي ... وأريدهن خلال اسبوع مو أكثر

بلال .... أنته تعرف اني نطيتهن لأمها حتى اجيبها الك ... والباقي دفعته عربون لشقه ...لأن تدري مكانه نكشف وانته كلت غير مكانك

جابر .... مو بس الفلوس الي راحن لأمها ....كل فلس صرفته عليها ...ونطيته ألك حتى متخلي واحد يتقربلها فتهمت

بلال ....استاذ ...انته ليش صاير عصبي .... هسه أجيبها واشمرها جوى رجليك

جابر .... اني ما أريدها ...أريد فلوسي

بلال ...الو ا....الووو
ها كح.... ارتاحيتي هسه

ناديه ... ليش شكو

بلال ...هذا يريد كل فلوسه الي صرفهن عليج .. شوفي لج ...باجر من الصبح اوديج لبسعاد تجيبين الفلوس منها ...وانتي راح أعرف شلون اتعامل وياج منا وجاي

ناديه ....بلال ...والله لو تدري شيريد مني متصيح عليه

بلال .... كل شئ يريده منج لازم تنفذي .... بس إني مستغرب ليش رجعج ... هيج تمشين على رجليج وما كسرهن لان رفضتي

ناديه ..هو ميريدني ولا يريد يتونس وياي

بلال ...اسكتي بعد ولا كلمه ما أريد اسمع صوتج افتهمتي

ناديه .... بقيت ساكته ...بس جسمي كله يرجف من الخوف ..لان الله اعلم هذا بلال ..شناوي عليه ....
اخذني للشقه ...واول ما كعدت الصبح ...أخذني لبيت أهلي .... بالطريق فكرت اتعارك ويا ... وابقى عد أمي وبعد ما ارجع ويا واذا راد يغصبني اسويله فضيحه بالشارع .... ومن وصلت للبيت ...نصدمت بقطعه سوده على الباب
نزلت ركض ...دكيت الباب ..وكمت اعيط واصيح وماكو أحد فتح الباب

بلال ..... لج كافي شهرتينه

ناديه ...بلال أنته متشوف هاي القطعه ..لك ابويه ميت وإني ما أدري