يقين الصمت

البارت التاسع

مساء الخيرات
.
.
.
.
.
هبه ....كعدت الصبح وأول شئ سويته دكيت على روكان

روكان .... بعدني بفراشي .... ودكت عليه هبه ...فركت عيوني ما مصدك معقوله هاي هبه ...إني بحلم لو علم وأخيرا ...حنت عليه وخابرت
أخذت موبايلي ..وطلعت للحديقه ...نكطع الخط
رجعت دكيت عليها

هبه ....الوووو

روكان ....ألو ...صباح الخير

هبه ....صباح النور ... أسفه اذا اتصلت بوقت مو مناسب

روكان ....وشلون عرفتي مو مناسب ....انتي اي وقت ... تتصلين بي هو وقت مناسب وثقي اني منتظر هذا الاتصال على نار

هبه ....اشكرك استاذ روكان....بس إني اتصلت علمود الشغل حبيت اعرف بعده لو لكيتوا وحده غيري

روكان .... اولا إسمي روكان مو أستاذ ..وثاني شئ الشغل هذا نوجد علمودج وماكو احد يشتغله غيرج

هبه .....ما فهمت

روكان ...اتصور تذكرين من كتلج أريدج تشتغلين بالمصنع .... حتى تكدرين تمشين أمورج ...وهذا الشغل اعتبره نوع من رد الجميل لعمو سالم الله يرحمه

هبه .... اشكرك ...يعني افهم من كلامك اكدر اشتغل ... بالمصنع

روكان ....هبه شوكت ما تريدين تباشرين

هبه .... بكيفك

روكان .... باجر جاي للمصنع وانتضرج الساعه تسعه الصبح زين

هبه .... أي ...وإني راح اكون موجوده قبل هذا الوقت

روكان .... هبه

هبه ....نعم

روكان ....نعم الله عليج ...اشكرج

هبه ...تشكرني على شنو

روكان ...لأن قبلتي تشتغلين وياي ..

هبه .... اني اشكرك على هذا الجميل ...واعتذر خاف اخذت من وقتك

روكان ....لا بالعكس .. لتنسين انتظرج باجر

هبه ...مع السلامه

روكان ....مع السلامه هبه

جنه ....روكان من هاي هبه

روكان .... هلة حبيبتي صباح الخير

جنه ...ومنين يجي الخير ..واني اسمعك كاعد تحجي وي وحده من الصبح ....

روكان ..... هههههه حبيبتي وحده ...شنو قابل شعندي وياها ..... هاي عامله بالمصنع ...مبطليها خطيه وخابرتني تتوسل حتى أرجعها

جنه ....أي ...ومتكدر تحجي وياها بالغرفه ....

روكان ...حبيبتي مو إنتي نايمه ...وخفت لتنزعحين

جنه .....وهسه

روكان .......هسه كتلها باجر أمر للمصنع واشوف اذا ما عدها شئ ارجعها لشغلها