يقين الصمت

البارت السابع والاربعين

مساء الخيرات احبتي متابعي يقين الصمت .. طبعا
.
.
.
بلال ......صار ١٠ ايام سحر عندي ...بس اني ما ما خليت احد يتقرب منها ... ولا اني حاولت اتقرب عليها ابد ... لأن لحد هاي الساعه اكو خوفه بقلبي من جابر ..اتوقع بأي ساعه يفوت علينه ... ويحاسبني عليها ... حسيتها كمين منه
اتصلوا جماعتي الي بالشمال ... ورادوا وجبة بنات حتى يطلعوهن خارج العراق .... واتفقت وياهم على ثلاث بنات ..وطبعا سحر وياهن ... رحت للبيت....و قررت اخلص هاي الليله وياها ..لأن من الصبح راح اسلمها للجماعه اجيت عليه وكتلها تتحظر حتى انام وياها .... وطلعت اشتريت غراض ..حتى نخلص بيهن الليله ... طلعت تقريبا ربع ساعه ورجعت ... طبيت للغرفه ما بيها احد ..طلعت ونصدمت من شفت اكو دم طالع يسيح من المطبخ ..ركضت ...لكيت سحر ممده بالكاع بس غركانه بدمها ... صيحت عليها ما جاوبت
تقربت عليها سمعتها تون وروحها رايحه ... ركضت جبت جرجف شكيته وشديت ايدها حتى اكطع الدم الي بعده ينزف من وريدها ...شديت زندها حيل .. ولفيتها بالجرجف الي بقى واخذتها للمستشفى ... وبالطريق دكيت على جابر ... لان خفت تموت عندي واتورط بيها

جابر .... بعد ما خلصت من سحر ... حجزت بالفندق وبقيت هاي الفتره كلها كاعد مرتاح ... واليوم صارت عندي شغله ضروريه ... طلعت حتى افضها ...وقررت مناك ارجع للبيت ... حتى افض سالفتي وي ناديه ... واعرف شنو سالفة الارقام ... كلت اذا طلع شكي بمحله اطلكها وخلص بعد ما ابقيها دقيقه وحده ...ولو قلبي صاير ضدي بهاي السالفه ..بس كله ولا الخيانه
..واني بطريق الرجعه دك عليه رقم رفعت ونصدمت بصوت بلال .. يحجي وهو مرعوب وكلشي ما فهمت منه ..
اوكف اوكف فهمني شبيك

بلال .... لك جابر جيب مستمسكات سحر وتعال للمستشفى

جابر .... بلال يا سحر يا مستشفى فهمني شكو ...وسحر شعدها باقيه يمك لحد هسه

بلال ... جابر من تجي افهمك ..هاي الكحبه انتحرت ...

جابر .... شنو انتحرت يعني ماتت

بلال ... لا بعد بيها نفس .... بس ما تصور تلحك توصل للمستشفى

جابر ... وانت مخبل مأخذها للمستشفى ...لك اذا تموت شتكول ...علاقتك بيها شنو وشتصير منها

بلال .... يعني وين أخذها اكلك كاطعه وريدها والدم مصفيها

جابر .... بس اهدئ شويه واسمعني راح انطيك عنوان دكتور تروح عليه بسرعه ...واني جايك

بلال ... موو...إني صرت قريب على المستشفى

جابر ... لك أنت مخبل اكلك اخذها لهذا الدكتور حتى اذا صار بيها شئ ...نعرف شلون نتصرف ... مو ندخل بسين وجيم

بلال .... صار ... راح اطلع بيها للدكنور

جابر ... حاول تطلع بكل سرعتك واني جايك
...طبعا من كال بلال سحر انتحرت احس تدهور عندي الوضع ... يعني اني ردت اخلصها من الموت ... حتى اريح ضميري شويه ... تكوم هي تجيب الموت لنفسها ....اووووف.. اتصلت بدكتور من جماعتنه ...وطلعت على عيادته ...
وأول ما وصلت ...طبكت سياره بلال ونزل يركض منها