السلام عليكم ..... .
.
.
.
.
.
.
.
هبه .... خاله ما فهمت قصدج شنو أمي بالسجن
....والله خاله هذا الي سمعنا قبل فترة ... جايين الأمن يدورون عليها ... وبعدين جماعه كالو لازميها ولاكين عدها مخدرات ...وهسه مسجونه هي وزوجها
هبه .... لا خاله لا تره حجي الناس كله جذب أمي عد خوالي .... صح هي تزوجت ... بس من باعت البيت راحت يمهم ....
.... ان شاء الله متشوفون شر خاله وهاي الناس مترحم وانتي تدرين امج مكروها بهاي المنطقه
هبه ....اي ادري .... سلمت عليها .... بس ما اعرف شنو الاحساس الي كاعده احسه هسه فرحه ...لو خجل ..لو شماته .... أوووف شكد اتمنى يطلع حجي جارتنه صدك ...حتى ادورها بيا سجن واروح اضحك عليها ...واتشمت بيها ....
روكان ..... شنو القصه هبه صار شكد احجي وياج وانتي ولا يمي
هبه .... هلو روكان شلونك
سحبني لحظنه وباسني ...هسه صرت زين ...سحبت نفسي ..هاي شبيك احنه بالشارع
روكان ...غير انتي لازمه باب السياره ومتقبلين تصعدين
هبه .... صعدت ... يله بسرعه خل نروح منا احس نفسي مخنوكه ....
روكان .... اخذتها وطلعت وبالطريق سألتها ...وين تردين نروح ونصدمت بجوابها
هبه ..... روكان إني موافقه على طلب الزواج حتى لو بالسر أقبل
روكان .... من سمعتها كالت هيج ....وكفت السياره
هبه .... شبيك ليش وكفتها
روكان .... هبه عيدي شنو كلتي
هبه .... اني موافقه بس اريدك ما تخلف وعدك وياي ..بس يتحسن وضعك نعلن زواجنه
روكان .... اي هبه صدكي راح اخذج ... واحميج ... وما اخليج تشيلين هم الدنيا صدكي
هبه .... هسه عوف هذا الموضوع واخذني لشقتك حتى الصبح نروح نعقد عد السيد ... واصير حلالك
روكان ... سحبتها من كرسيها ...وبقيت أبوس بيها واشم عطرها حتى اشبع منها واصدك هي يمي
هبه ... عفيه روكان فضحتنه احنه بالشارع
روكان ... لج هسه لو بيدي اطلع واظل اصيح هبه مالتي هبه مرتي
هبه ... على كيفك على كيفك بعدني ما صرت مرتك
روكان .... أكلج لعد راح ابقى افتر بيج بالشارع للصبح
هبه ... شبيك روكان انته مو تكول عندك شقه هنا لو هاي الشغله جذب
روكان ... لج عندي شقه بس شلون اتحمل اني وياج بنفس المكان ... وانتي مو بحظني
هبه .... هههههههههه يله نروح للشقه تره صدك فضحتنه
روكان .... اخذتها للشقه ...
هبه .... وصلنه اني وروكان ..للشقه ... واول ما طبيت حسيت بيها سجن جديد .... راح اكمل بي بقية عمري .... والي قاهرني حيل اني اختاريت هذا الوضع الغلط بأرادتي ... وراح اعيش كل عمري ...بالظل ... اخاف احد يكتشف زواجي منه
أنت تقرأ
يقين الصمت
Mystery / Thrillerتعزف الحياة على اوتار الجروح......وبعزفها ...ينطق الصامتون .... ويصمت الناطقون .... اكتب قصص من وحي الخيال ليس لها علاقة بواقع ملموس .... بل هي وقائع احداث تعاش في مجتمعنا ... ومواقف وضع بها ابطال القصه ..... نتيجة اسرار وخفايا ....لا يخفيها سوى الص...
