يقين الصمت

الجزء الثاني والعشرين

مساء الخير حبايبي

.
.
.
.
.
.
سحر .... اول ما طلعت خالتي من عدنه رحت ... بست إيد ابويه ورأسه لأن ما ضغط عليه وجبرني على باسم

ابو حيدر ....حبيبتي اني كم سحوره عندي حتى أجبرها ...

سحر ....فدوه لعمرك يابه ... رحت على أمي دفعتني ...

ام حيدر .... روحي من كدامي ولج شلون هيج تفشليني كدام خالتج ورجلها

سحر .... يمه اني الف مره كتلج ما اكدر اتزوج باسم ...وانتي كلتي كلشي بوكته ...ومن اجه وكته بقيتي ساكته ما اعرف ليش

ام حيدر .... بقيت ساكته لأن ابن خالتج خوش ولد وحالتهم زينه ....ما عدهم زايده ناقصه.... واني متأكده ترتاحين عدهم

سحر .... شبكتها ..اني ما ارتاح بس يمك يا حلو
عفتهم وطبيت ركض لغرفتي دكيت على علي

علي ... هااا سحر بشري

سحر .... خلصنه منهم حبيبي ..وربك ستر ابويه صار وياي مو ضدي ... هسه بقت السالفه يمك

علي ... اي عفيه بمرتي حبيبتي شتردين اني حاظر

سحر ... شنو شريد علي رتب امورك بسرعه وتعال اخطب ..قبل ما السالفه تطلع ..لو أمي تفر رأس ابويه وتخلي يجبرني

علي .... هاي بسيطه مازال خلصنه من خالتج ... ما بقى شئ ان شاء الله بس أخذ ورثي من عمامي ..واخذج بحظني وبعد محد يكدر يفتح حلكه

سحر .... انته صدك تحجي اكلك دفعت بيت خالتي بالقدره ..وانته تكول اخذ الورث لعد وين حجيك ..مو كلت بس ترفضين ابن خالتج ثاني يوم اجيب بيبي ونجي عليكم

علي ... اي يا عيني يا حبيبتي ..اني
..غير من اتقدم كون عندي فلوس جهازج على الأقل

سحر ... علي كتلك كلشي ما اريد بس حلقه حطها بأيدي بين مترتب وضعك لخاطر الله

علي ... صار حبيبتي اليوم افتح الموضوع وياهم بس لتزعلين عليه
تدرين زعلج مو هين عليه....

سحر ... ما اريدك زعلت عليك من صدك

علي ... ولج تدرين من انتي زعلانه اني اموت عليج ....وتعرفين شلون احب أراضي الزعلان هههه

سحر ... روح يله

علي ... وين اروح

سحر ... شنو وين تروح سد الخط واحجي وي بيبي حتى نخلص من هاي السالفه

علي ... ما اروح وانتي زعلانه مني ...تعالي بحظني حتى اراضيج ..

سحر ...ما اكدر الباب مفتوح وخاف احد يجي ويسمعني

علي ....ولج سدي باب الغرفه وارجعي بسرعه نامي بحظني ..تره والله اجي عليج للبيت واخذج بحظني ... وتدرين بيه مخبل واسويها

سحر ....علي روح عفيه ... لتذكرني بذاك اليوم والله مدري شيصير بيه من اذكره

علي ... ليش سحر