يقين الصمت

البارت الثالث

مساء الخير أحبتي
.
.
.
.
.

هبه .... ناديه شنو القصه فهميني ومنو هذا العريس أنوب

ناديه ....هااااا واحد أخته  شافتني بالسوك ...وطلعت تعرف امي  و بالسوك ... وخطبتني منها

هبه ....يعني انتو رحتو للسوك لو لهذا الي اعتدى عليج ... شلون تزوجين فهميني ..... 

ناديه .... هااا أي أي نفسه هو

هبه ... زين اذا هو نفسه ....و يريد يخطبج ليش اعتدى عليج ..هيج وانتي مو كلتي لأمي واحد جان بيت هذا القذر بلال يعني مو أخو صديقتها

بسعاد ..... ولج هبه إنتي شنو سالفتج كاعده تحققين وياها ...نصيبها أجه لحد يمها بعد شنريد

هبه ..يمه لوما إنتي تعرفين السالفه  ...وشصار بناديه

بسعاد ....ولج شنو الصار بيها... هاي أختج عوبه ..ومتعرف تتصرف ...هو الولد رايح لبلال ....ومن شايفها بالباب... جارها يريد يحجي وياها ....حتى يدز أخته تخطبها ....وهي من الخوف كايمه تدفع بي ..... وتصيح أعتدى عليه

هبه ....ههههههه أني مو طفله حتى تقنعيني بهاي السوالف ..  يعني أخذتيها وطلعتي شايطه لأن الولد جارها ويريد يحجي وياها.....جرتني أمي من شعري 

بسعاد ... شوفي ولج رأسج بعدى يجري دم  ....تريدين اكسره مره ثانيه

هبه ...يمه إني شنو علاقتي ...عوفيني رأسي يوجعني عفيه هدي

بسعاد ..... هاااا إنتي ما ألج علاقه همزين افتهمتي .... واذا فتحتي حلكج بكلمه ..والله تشوفين الي ما شايفته

هبه .....( ما أشوف اقذر من إلي عايشي وياج  )

بسعاد .... شنو ولج شكلتي

هبه ...ما كلت شئ سوي إلي تريدي انتي وبتج

ناديه ... ثاني يوم أمي راحت على بلال وجابت شدة فلوس ... أخذتني للسوك ..وأشترتلي ذهب وملابس وسيتات نوم ..... وكل واحد يعرفنه .....سمع من أمي .... اني راح أتزوج يوم الخميس
وفعلا صار الخميس

سالم ...بسعاد إنتي مو كلتي يجون هو واخته ...وبعدين نحدد يوم الزفه

بسعاد .... سالم شنو السالفه مو شفت الناس شكد دزو فلوس حتى نجهزها ... وهاي شوفة عينك مستعجلين .... حتى يأخذها الولد

سالم .... أعرف بس لازم أنطي خبر لأخوي لأخوتج .....ما جنت أعرف هيج راح تصير السالفه بسرعه

بسعاد ....عوف أخوتي ماكو داعي تدز عليهم ...عايشين بغير محافظه شبجيبهم .....إذا تريد خابر أخوك حتى يحظر عقد السيد .. ومثل متعرف ما عدنه قابلية حفله ومصاريف

سالم .... زين ...... شلون يزفوها قبل ما تعقد بالمحكمه 

بسعاد ....شنو سالفتك يا رجال أكلك الناس مستعجلين ..وأنت كاعد تحط العقد بالمنشار ......شنو قابل المحكمه راح تطير يعقد ألها السيد ....وشوكت ميريد يعقد محكمه بس خل نزفهم ونخلص