يقين الصمت

البارت الرابع

السلام عليكم

.
.
.

هبه .... اخذوا ناديه ....وراحوا حسيت  روحي راحت وياها...بقيت ابجي ...وألوم بنفسي ليش ما حجيت لأبويه ...على اللعبه الي اخذوا ناديه بيها ... وشلون أمي  ضحكت  عليه بهاي الجذبه

سالم ....بابا هباوي كافي بجي ...هذا طريق كل البنات...انتي هم يجي يوم وأزفج بأيدي لابن الحلال إن شاء الله

هبه .... أي بابا بس إني ما عندي غيرها

سالم .... حبيبتي .... قابل هي وين راحت ...هم راح تجي وتشوفيها ....وتوكف وياج بعرسج ان شاء الله .... حتى اذا أموت ...انام مرتاح بكبري

هبه ...حظنت بابا ...لا إسم الله عليك بابا عمرك طويل ...لتكول هيج

سالم .... والله بابا إني أتمنى الموت اليوم قبل باجر .... العيشه صعبه ...والحمل ثكيل وأمج متعذر ... وضعي ...

هبه ... بابا معليك بيها ...وحتى إذا تحجي بعد لتجاوبها .... اني أعرف شلون أرد عليها ..

سالم .... هههههه الله يخليج  هباوي بس بعد لتعاندين أمج واسمعي كلامها لخاطري ...وهسه...  كومي نامي وارتاحي ...لأن أمج اليوم تبات يم ناديه ...حتى تجيب بشارتها وياها وتجي

هبه ...إن شاء الله.... عفت بابا ورحت لفراشي ... ونفجرت بالبجي بعد اكثر ...لأن ابويه ينتظر بشارت ناديه ..وهو ميدري هي اغتصبوها و كل هذا إلي صار لعبه ...ضحيتها ناديه .. والمستفيده من كل هذا أمي
تعبت من القهر والبجي .... والتعب خلاني أنام ...وما حسيت على نفسي غير من سمعت صوت ضحكت أمي...فزيت
وطلعت ركض من الغرفه ....شفتها واكفه بنص البيت ..ويمها رجال غريب
يمه منو هذا

بسعاد .... شبيج ولج متعرفين تكولين صباح الخير

هبه ...يا خير يمه ..وإنتي جايبه رجال غريب للبيت بعز النهار ...شنو نسيتي أبويه هسه يرجع

بسعاد .... ولج يا نهار هذا ...الساعه ٣ الفجر ...عمت عينج وعين أبوج الخابصه الدنيا بي

هبه .... باوعت على الساعه ... طلعت صدك نص الليل ...يعني هي جايه ويا هذا الرجال حتى تكمل سهرتها بفراش أبويه ...
اووووف الله يأخذها ونخلص من عارها ...عفتها ورجعت للغرفه

بسعاد ...وين رايحه ولج

هبه .... شنو يمه قابل وين اروح.... أريد أرجع أنام

بسعاد ....نامت عليج طابوكه ..تعالي ولج هاج حظري هاي الغراض وجيبيها للغرفه

هبه ... شنو ...أحظر

بسعاد ....مثل ما سمعتي سوي ماعون الفاكهة ...ورتبي بسرعه

هبه ....اخذت العلاكه وهي  طبت للغرفه .... بقيت واكفه بمكاني ما أعرف شسوي .....
لحد ما صاحت عليه بصوتها الحقير

بسعاد ....ولج وين صرتي

هبه ...طبيت للمطبخ فرغت الغراض ....وما ادري شلون دكيت الباب وحطيت الغراض ..وإني مغمضه عيوني حتى ما أشوف ...أمي وقذارتها
رجعت ركض قفلت باب غرفتي ..وبقيت كاعده للصبح ما كدرت أنام لحد ما سمعت صوت الباب نقفل وجه الصبح حطيت رأسي ونمت