اسد : صاافي من عينيك فهمت بلي مااكتعرفيش طيبي والو .. مااشي مشكل سيري تنعسي لامار : هااء شكووون قالهااا لييك ( تعفرات و علات راسها لسما ) انااا رااه طيااابي مديرو تاوحدااا اسد : ممم وااضح مغاديرو تاوحدا .. راها لكوزينة
👈ضارت شافت عندها و سرطات ريقها و مشات و هو كلس فصالوون... دخلات لكوزينة بدات كضور فعينيها شهوووة طيبي فيها كتشعل بنقااوة و كلها فالابيض و مطلة على الشاطىء .. جات تعلي كمامها مالقات بو كمام تعلي و دارت بناقس
😏 و بدات تقلب فلمجورة لامار : علاش كنقلب انا بعدا ... اشنو غانطيب !؟؟ نشوفو ثلاجة اش فيها ... بانتليها واحد ثلاجة كبييرة بجوج بيبان فالكحل فتحاتهااا بانليها فلباب غي بواطات ماعرفاتهم ديالاش هزات وحدة بدات تشوف فيها لامار : هذا جاني بحال العدس .. دايرو فثلاجة !؟؟؟ مسكين خصو شي مرا لي ترتب ليه هادشي
☺ ردات لبواط بلاصتها و بانوليها غي طرووفا دلحم محطوطين هاكاك و طروفا د طوون و انواع للحووت الكبييير لامار : اناري هادشي كيكون فالفريكو و علاش حاطو بلا ميكة فففف هادي هي ثلاجة الزوفري مسكين بانتليها واحد الفخدة ديال شي عجب ماعرفتاش اشمن حيواتطن بضبط و جبداتها تقييلة و حطاتها على كنطوار و ربعات يديها كتشوف فيها لامار : لبكككرة فخدتها كبيرة على هادي الغنمي صغير على هادي ماهي د غزال ماهي د حمار وحشي ديالمن غاتكون اودي ماتكونش غي دبنادم كولشي ناكلوه
😂دابا فين غاانطيبك و اش ندير ليك و منين نبدااك بدات دور بيها و تمس فيها ماعرفات متكجدر لامار : مممم نديرك معمرة ميااميام ولاكن باااش مشات تاني تقلب باش تعمرها هو يدخل اسد شاف ديك الفخدة على كنطوار و حل فمو .. اسد : اش هاادشي ضارت عندوو لامار : فخخدة و ولا يمكن ضلعة نديروها مععمرة اش بااالك... اسد : موالفة كتاكلي الخنزير !!!! لامار : اعوووودو بالله لااااا ... و اش كيدير نتا عندك الخنزير فثلاجة ..(طرطقات عينيها ) ي ياا ياااكما كااافر اسد : بسم الله الرحمان الرحيم ... رديها فين كانت هااادي ماااكلة روووبن اش وصلك لثلاااجتوو لامار : ( حسات براسها فهاد لللحظة اكللخ خلق الله ) هاا !! اااااه عااارفااا عااارفااا غغير جاتني حشومة نطيبو لينا و نخليوه هو بجووع قلت نصابهالووو بالبرقووق تعجبو !!!( اسد غي ربع يدو مخنزر فيها اش كدير لكدوب ) ااا و ولاااا معسلة !! نفورها يااك ... و واااخا تسولو كيف يبغي ياكلها مسكين اسد : طننزي طنزي ... رديها لبلاصتها رااه ثلاجة ( ضاارت عاد بانت ليها واحد ثلاجة و تبسماات وهي كتلعن حظها للداخل )
اسد : بغيت الحوت .. ( مشا ) لامار : مقققلي و لا مشووي !!! سردين كوااري !!! فففف مشااا ردات ديك الفخدة لثلاجة و رجعات لثلاجة الاخرى فتحاتها و هي تحل فمها كلشي مرتب و متول فطيسان ديالو و شوكولا على الانواع و باب فيها سطر د قراعي د شرااب حلات واحد لباب لتحت بانوليها الحوت مستفين ببلاستيك غدائي مسكدين منقين هزات وة متوسطة وحطاتها على كونطوار لامار : مغاتفعني غي خالتي ريييحاااانة كماااال ... جبدات تيليفونها لي كان مخشي مع صدرها و حلات ليوتيب منقسالو فصوت حسابتها كيسمع و دارت قناة ريحانة كمال كيفية اعداد طبق السمك .. لقات حوتة كتشبه لهاديك لي عندها و لونصات الفيديو وحطاتو كتسمع و دير اش كتقوب شي 3 د سوايع كوزينة ولات بحالا لعبو فيها الخيول د القمماارة
🏇🏇🏇 .. فين مكاين شي عجب جبداتو و حالتها ولات حمرة بتحميرة و اسد برا فصالون شاد عندو بيسي كيراجع خدمتو و ساعة دارت 2 دليل ... صايبات داك للحوتة ف لبلا المنظر كيبان كيشششهي زوقاتها بليموون و كروفيت و اعشاب البحر لي لقات تمااا كيف شافت فالفيديو لامار : ( حطات يديها على خصرها كتشوف ) ااااح عليا و خلاص هاادشي كيشهي هاانتا اسي روووكااان ليوم تبقا تهترررف بطيااابي ... هزااات داك الحووووتة كتمختر بيهااا و مشات عندو غي شافها حط بيسي و سكد لكلسة اسد : اخييرا .. نهار تولدات هاد الحوتة و كبرات كاع مخداتش هاد الوقت كامل لامار : احم احم اوا اللذة فتأني .... مشات تجيب الفراشط وهو بقا يشوف فيها مستغرب المنظر و دريساج يا سلاام .. جابت الفورشيطات كتجري و كلسات حداه لامار : تتتفضل ( كلسات كيف كانت توريها داك لبنت ضهرها مستقيم و شدات لفورشيط بليسر و الموس بليمن رد ليها لبال و قلبهوم ليها فيدها لامار : لا قااتلياااا المووس فليمن اسد : ( علا فيها حاجبو ) شكون لامار :ها!؟؟ ااا م ماا ماامااا فاش كنت صغيرة كانت كتعلمني اسد : حنا مسلمين كناكلو بليمن ... لامار : هااا اااه و واخا يالاه دوووق ورد عليا الخباار قطع واحد طريف و دارو ففمو و ملامحووو كيتخربوووو و زير على فمووو سرطهااااا بسيييييييف لامار : م م ماااالك ز زوينة ياك اسد : لا زوينة غ غير شوية مسووسة لامار : هاا بصاح ولاكن درت الملحة العجب هزات تاهي دوووق وهي تصصصصعق و طارت على كاس د الما شربات و اسد كيضور راااسووو داير ضحكة د خزيت اسد : واقة كاع الملحة لي لقيتي خويتها هنا لامار : وااااهي قااتلي قبصة ملح خويت قااابصة
😢😢 اسد : شكوون؟؟؟ لامار : اا خ خاالتي خاالتي و صااافي اسد كتجيه الضحكة على كدووبها لي مكتعرفش تكدبو و جمع جوج صبعانو وراها اسد : ها قداش قبصة .. غغغي قد هاكا .. لامار : ها؟؟؟؟ م مااشي باكية ؟؟؟ اسد : نووضي جمعي هادشي نوضي نووضي الله يعفو عليك بقات غي كترمش دموع بغاو يهبطووو و حنووكها حمااااارو لامار : ( ببراءة ) ولاكن فيااااا جوووع شاف فيها و عوج راسو و ناض فحالو لبيتو طلب من عادل بجيب بيتزااا و تخشاا فسريرو ينعس كيضحك عليها كي ش بنت د 6 سنين بغا تكبر راسها بزز
