ناضت سارة من حدا لامار بعد ما هضرات معاها و حاولات توعيها شوية بشنو ضاير بيها .. وبقات كتشوف فيها كانت لامار غي كاالسة وكتشوف فمنحى واااااحد وسااااااكتة .. ورجعات شافت عند قسم بانت ليها ناعسة ... و خرجات لقات اريج كانت واقفة فزاج ومشاو كلسو ...
اريج : نتمنى كلامك يفيقها .... حيت صراحة خصو يفيقها عرفتي دوي معاها ولامار كتبغي لي يتحداها ...
سارة : كنتمنى ... تبغي نطلع ليك شي حاجة تاكليها وجهك مخطووف ...
اريج : لا اختي لا ...معندي منين يدوز هاد الساعة .. على دنياااا كيدايرة .. شهر ونا مسبقة لفرحة امتى نجي لمغرب ونطير وحشي من صاحبتي ونمشيو اعمرة .... كانو متحمسين بزااااف ... ( بضحكة مستهزأة ) مكنااااش دايرين بحساب هادشي ... لي فاليز ديالهم بااااقين مجموعين .. كانو غانكونو دابا فمقااام الرسووول
سارة : ماتمشي غير فين مامشاك الله اختي .... الحمد الله على كل حال .. والحمد الله غير لي بقاا بالحيااة ...
( شوية شافو رتاج جايا )
اريج: رتااج فين يوونس ؟؟؟ ماشتيهش
رتاج : اء ! لاا..... غ غاايكونو خرجو هو وسفياان ... ( مابغاتش تقولها ليها تما تجدب ليها )
جات كلسات حداهم وكلسو كيتنهدو ..
اريج : منين نزل علينا هادشي منييييين ...
رتاج : اقبح المصائب هوما لي كيجيو فدقة وحدة بلا تا مايعلمووناا ولا نستعدو ليهم .... كيف بقات لامار؟
اريج :دخلات سارة هضرات معاها شوية على الله تفهم كلامها ...
سارة : خصها مدة باش تفهمو غير خليها ضورو مع راسها راه فهاد الحالة الدماغ كيخدم معطل بزاف ...
اريج : دابا اسد مغاانشوفوهش كااع ؟؟؟؟
رتاج : لا غانشوفوه مي ماشي دابا ... باقي الوقت حرج ....دايرين عليه حراسة مشددة باش مايخرجش شي خبر لبرا راكي عارفة ..
جا اسبرو هاز قهوة فيديه ليهم .. عطا وحدة لرتاج ووكدة لاريج ووحدة ليه وكلس سارة بقات غي كتشوف .. واريج عطات ديالها لسارة لي ماكيهضرش معاها
سارة: لا لاا اختي غي شرربي ديالك ...
اريج : لااا مكنحنملش ريحتها ...
شدااتها عليها
اريج : خلاوك تشوفو !!
اسبرو : لااا.. دارو المساخط راسهم مكيعرفونيش .... (طالع ليه الدم )
بقاااو كالسين تماااا ساااعااات غير كيسمعو قسم فاقت كيسكتوها ويرجعوها تنعس تااني ....
#من_بعد_سبع_ساعات...
*ألمانيا
فكاراج كبيييييررررر مضلم واقفين تما رجاال بزاااف وجهم كبخلع ها لي ضارب حجبانو .. ها لي جسدو موشوووم كاااامل كي دفتر الوساخ .. و وااحد غليض وقرع مكككلضم كيمشي ويجي ويييحك فيديه
ليون : موووووصيبة كحلة هاااادي ... من لول مكانش عليا نتييييق فيهم من لووووووول
- الهضرة لي كينقول ليك راه موثووووقة... راهم شدوهوم كااملين
ليون : تا لي ضربو ؟
- راه قتليك كاملين ....
ليون :صاااافي غايبغي يخرج راااااسو ويورطني انا ..
-حنا من لول كان خاصنا نبحثو بعدا على شكوون هو هداك الروكان .... مشينا للششخص الغلط ا ليون ...
ليون :كنت كنضنو غي رجل اعمال عادي .. محسابتني محروس من طرف اكبر الدوول .. وبهاد النفود كااااامل .. تصرفت بلا منبحث ..
- دابا شحال خصك تبقا مخبع هنايا ... هربان من رجال الروكان ... ومن البوص لي كيتسنا عدنان ولا يقتلك بلاصتو ... اكبر غلط درتي فحياتك هو هدا اليون .. عدنان ماجبتيهش وزدتي عليك موصيبة اخرى ...
ليون : ( ضرب بركككلة فواحد السارية ) صااااااافي قطعوووو علياااااا حسسسسسكم ..... ( بدا يتهدن) الغلط لي درت هو نهااررر لي دخلتو لعصااابة وتقت فيه وتحملت ضماااانتو ..
- مهم حنا غانمشيو دابا ... راك عارف عندنا عملية غدا وخصنا نخططو ... جينا غي نعلموك الى تشديتي قطع ححححسك ولا راه غي غاتزيد عليك ثقل ثقلييين ..
سمعو دقة خفيف فالباب وليوون قففز وهوما كلهم حبدو سلاااااحهم ...
ليون : ( حابسهم ببديه ) ششششش كلسو فبلاصتكم تاحد مايهضر
- حل ..راه يقدر يكون غير كوسطافو ..
ليون : شششش .. بعدووووو لهيييه تخبعو ...( بدا كيقرب بشوية لبااب وكيترعد وطل من واحد ثقيييبة صغييرة )
(لقاه غير واحد منهم وحل ليه بززربة دخل ) خلعتيييينا اصاحبي ... ماشافك حد ؟
- لا لاا ... هو فصراحة راه خصك تخلع ( داخل وكيهضر ) اابوووص راه محيح ... كولشي كيقلب عليك ا ليون ...
ليون : فااااااااااك ( ضرب تاني لواحد الكارطونة وكلس كيغزل ) اش غااندير انا دابا ....
- خصك تحرك اليون راه يقدرو يشدو مراتك...
ليون : مغايعرفوهاش فين هي ....سيفطتها لبربطانيا ....
- ونتا رااك هنا .. راه غايلقاوك اليون ...
-عندك حل واحد هو طلع لمريخ ....
- وقت طنز هدا
- نقولو يهرب للبوص للمريخ ... اما رجال الروكان ... يتبعوه تالتمااا .....
ليون : هاد اابلاصة ماعارفها حد غانبقا هنا تايتنسا الموضوع ديالي مسسستحييييل يلقاني شي هنا ....
- نتا متأكد تاحد معارفك كتجي لهاد البلاصة ؟؟؟؟؟
ليوم : (كيفكررر ) ... ل لا لا .. ا اكيد مغايعرفها حد . تاليجا معايا مغايعقلش عليها ... لا .. معنديش شي بلاصة اخرى نتخبا فيهاا من غير هادي ...
- شفتي من احسن تقتل راسك بديك ولا الجحيييم غايدير ليك البووص
- ورجال دروكان نسيتيييهم ؟
- وهو لاش ؟ ياك لي ضربوه العصابة الاخرى ماشي هو ... . ينكر الموضوع وصافي
- راه شدووهوم واحتمال يكونو اعترفو ليهم ان هو لي سيفطهوم ..
ليون : انا ماااااسيفتهومش يضربوه ... هوما لي تصرفو من راسهم
- تعقدات عليك القضية اصاحبي ...
- عدنان معارفش هاد البلاصة يا اليون ؟ كنتتو مكتفارقوش
ليون : اء ؟مم .. مغايعلقش عليها
- شكون قالها ليك ؟؟؟؟؟؟ هداك مكينسى وااااالووو .....
- ليوون : ميييمكنش هو راه فالمغرررب .. وزايدون غايكون مع خوه دابا ... مغايلقاش الوقت يقلب عليا .... ومغايبغيش يرجع عارفنا غانهزوه ونديوه للبوص .. ويلا بغيتي تيقني مصاب غير يجي نشدوه ونديه للبوص و نتحرر
- شفتك استهتي بيه ولا كتبرد على راسك بهاد الهضرة
ليون : هو واحد وحنااااا ثلاااثين هنا اكوسطاافو عللش انا جايبكم لهنااا ومخلصكم باش تخافو منوووو
