شيماء : وحياااة الله يهيدك كلسي فين غاتشوفنا مي ... مي غاتفرح الى تزوجنا تاحنا شي زواج بحال فاطمزهراااا و دار لينا الشان كيما داير ليها راجلها... فين غايبان ليها شي عرا .. شوفي خالتي رقية كي فرحانة ببنتها واديري عقلك نفرحو مي تاهي
حياة : منيتك ؟؟ جينا نتزوجو حنا ؟؟؟؟ انا جيت نقراااا ونخدم ونهز راسي لاكانت مي غاتفتخر بيا .. تفتاخر بشي حاجة درتها انا ماشي دارها ليا الراجل ....
شيماء : ولاكن مغاتكمل فرحتها تاتلقاك مزوجة براجلك
حياة : مانجيبدليش حس الزواج الله يرحم باك لحمي كتوقف عليا وعارفاني هاربة منو باش نعيش حياتي جيت لقيتو هنا معااك ...فففففف شفت فرق كبير بين هاد ناس وناس د دوار .. كانو كيقولو لماما بنتك كبرات وغاتبقالك بايرة فالقنات .. وفاش جيت لهنا كيعيطوليا عموو( جاتها ضحكة ) عاد حسيت براسي لاباقا صغيرة ... ناس لي واااعييين ... ماشي بحال داك الجهل لي عشنا فيه .... ناس قدي هنا باقين كيبينيو مستقبلهم مكيفكرو لافمشاكيل لا فزواج ... شوفي اريج .. كبيرة ويالاه غاتزوج كون كانت عندنا فدوار كون سماو عليها البايرة وداتو شارفة ..
شيماء : كون تشوفي شحال كيحماااق عليها
حياة : اوا شتي ...وهاهي تباركالله قرااات ووصلااات ودارت مستقبلها وحققات احلامها .. ودات راااااجل شهوة منو شتي كيداير .. وهذا هو لمن كيقولو زواج... ماشي بحال خواتاتي ...
شيماء : دابا علااااش جاابدة ليا دوار بالكشايف باش كنساااه ونسا شنو كانو غايديرو فينا ... صافي بعدنا على دييكشي خلينا دابا نعيشو حياتنا .. مهم انا مقتليكش ... راه سي اسد و وفاطمزهرا غايسيفطوني انا واسبرو لامريكا نقراو
حياة : شنووو ؟؟؟؟؟؟
شيمار : يلاه قالتها ليا خالتي رقية انا حسابتني غاتقرا غي هنا .. سعت اسبرو قالهم تمشي معايا
حياة : هاااااوللي ؟ وتسكني معاه
شيماء : لاا اويلي .. كلا ودارو انا اصلا باغا نمشي ونخدم ونقرا .. تجيني حشومة يبقاو يصرفو عليا .... بحرا نسيفط حتا لمامااا تهز راااسها من داك القهرة
حياة : والله الى طلعات ليك المسخوطة .. وقلتيها لمي؟
شيماء : لا مزال .. تما فاش بقات كيندير نقولها ليها
حياة : شوفي .. انا غانرحع لدوار ... بلااااااا متحمري فيا .. راه غانرجع غي نهضر مع ماما ونجي بشوارها .. سي سفيان ضار فيا ولقيت عندو الصح
شيماء : حمقة نتي ؟ ويلا حببسوووووك يزووجووك
حياة : ق قق قااليا غايمشي معايا ويلاه حتانتي تهضري مع مي .... نشوفها ونجيو .. شكوووون غايمنعنا من مانا ...
شيماء : ( صغرات عينيها ) قلتي غااايديك سي سفيااان ممممممم
حياة : بلاااا ماتبقاااي تجبدي عليا...راااه غي بغا يعاوني
شيماء : هانا ساكتة ... ولاكن وليت نحشم حداهم دخلناهم فمشاكيلنا بزاف
حياة : مدخلتوووش هو لي بغااا ... واصلا واعدني يدني ليوم شفتو نسا ... ي يمكن غي كييهضر ... تفووو اشيماء كيشوفو عندنا ناري معرييين بزاف
شيماء : اويلي تي سكتي حنا راه مغطييين حداهم ونتي حالسة داك ريييش طلقي ازمر راسك هادو راه هاكداا عايشيييين .. شوفي ارييج كي ضاربة دنيا بركلة .. وكون تشوفي واحد ختهاااا تاهي ... راه جراااحة كبيرة فالميريكان ... قالتلها مكتعرفي والو لزيار والعرا ...
حياة : وهوما هاكا ترباو حنا لا ... تفوووو حشمت كزن غي لبست شي كولون تحتها
شيماء : تسمعك اريج تعلقك فداك ترية لفوق ... وكلشي ازمر شكون داها فيييييك شوفي داك مولات لكحل لهيه اش لابسة صدرها قرابة تحطو فوق طبلة ... حمااقيتي
بقاو كيشربو عصييرهم وكيتفرجو تاااابان ليها لي معدبها ومخليها بلا نعااس داخل كيشوف لتييييل مامسوووقش ... كان لابس سروال كري سليييم و صبااااط شيييييك بلو .. وشووميز بلووو مزييرة عليه مطلع ليها الكمااام وفاتحها من فوق مع ساعة دجلد ..ستيلو سبور وكلاسيك ... و عينيه عاطينو وساااامة خطيرة وجادبية ... ماشي وكيبتسم للناس لي كيعرفوه و يقدم تحية غي براسو تاوصل عند لامار ....وحياة ساااااااهية فيييه حمقها القاعة كااااملة سكتات فودنيها و حبسات .. بقا غا سفيان لي كيبان ليها .... كتشوفو كيفاش كيهضر ويعبر بلملامحو وحجبانو كايتعلاو... وابتسامتو خطيييررة وضحكتو كتر وسنيناااتو بووووويض مسطرين ... كيبارك للامار ... فلخر كلع فدرووووج لفوق عنهم ...بحالا قطع عليها ضو مكرهاتش تطلع غاتبعو بعينيها ومايقطعش ليها الشوفة فيه ... تطلقات الموسيقى وناس ناضت كتتتشطح وتالامار و وااريج ناااااشطين ... والمشروبات كيضرووو على الناس .. سلاو المؤتمر لفوق ومشاو ناااس لي كانو فيه .... و البعض بقا .. عاد هبطو اسد ويونس و سفيان لتحت ...كلسو فطبلة طويلة مجموعين غي هوما العائلة ...
لامار : فين حياة وشيماء مابانوليش ؟؟؟؟
اريج : راااهم لهيه كالسين . .
لوحات لييهم بيديها يجيو ...وناضو زحياة حشماانة مقتداش توقف حداه بهاد البببس وكتهبط فالكسوة وهي رجليها عااااامرين وبوووويض ... بقات غي تغزز فشفايفها ام هو كاع مامسسوق طالق رجليه على كرسي واحد اخور كيشوف لتيل ويضحك ويتبسم ومرة يلعب بحجبانو كيقرا ... وكلسو تاهوما ... وهي كتسناه غا امتى يطلع عينيه .. سعا مارهش فداك العالم كاع ... تاحسات براسهااا كتحلم لبعيييييد وهبطات راسها كتشرب فعصيرها وتفرج فناااس ساهية فيهم و فتصرفاتهم وكيفاش مطلوقين وشي كيكمي شي كيشرب .. تعجبات فاش شافت تا عيلات كيكميوو وبقات غي كتبلق بعينيها
اسد : مزال هادشي مغايسالي!!
لامار : باااااقي الحااال ماااسخييييتش
يونس : باقي الحال اصاحبي . خلي البنت تفرح فالانيفغسيغ ديالها .. نتا اصلا جايب ليها الخدمة و المؤتمرااات تالهنا ...
اسد : ااه وي فكرتيني ... جابولكي شي وراق توقعيهم ؟
لامار : ااااه راه وقعت كولشي داك العقود ... وقريتهم مزيان
اسد : هه .. انا فاش كنقوليك قراي عاد وقعي كنقصد العقود دناس ماشي لي كاتب انا
لامار : موووهيم قريييت ....
اسد شااف لعند سفيان كيضحك مع تيل هو يخطفو ليه طفاه
اسد : مكننشوفوش لتيليفون فاش نكونو مجموعين .... مغايتسناوش عليك هاد لبنات تاتكون بوحدك! يلاه قاد كلستك
سفيان : ههههه للاا لااا ماشي معاهم غير عطني اخويا
اسد : قتلييك لا ..
اريج : الزاااايغ لاخور
سفيان : والله تاحرام عليكم شهاد الظظلم .. بحالا انا كنهضر مع البنات راه هوما لي كيهضرو معايا
حياة بقات غي كاتشووووف وترمش بعوينتها وختها كتزطم عليها زعما سمعي وهي كاع ماهامها داكشي هامها غي كيفاش كيهضرو فهاد المواضيع عادي بيناتهم ومكيحشموش ...
اريج : بغيت غي نعرف هاد البنات فين عينيهم تابغاوك نتا .
يونس : خصك تشوفي لي كانو كيقراو معاه ... وحدة داك نهار باستو صحة ههههههه ( حياة طرطقات عينيها)
اريج : ههههه تحرش هذا
سفيان : تانتا اصاحبي اش جبدتي لينا ...
يونس : والله تاجبداتو بززز قاتليه حلمي نقيس شفايفك هههه
لامار : عليييها دافع عليهم كبييييير هههه مرة اخرى هز معاك الصفارة .. دابا داخلنا عليك بالله وسط هاد القوم كامل دالبنات كيفاش بغيتي هاديك لي تدي نتا
سفيان : اش غاندي اختي الله يهديك يديني الواد .. انا دالزوااج انا ؟؟؟؟
لامار : علم الله حريرتك نتا غي غاتكون
سفيان : لا لالااا هناك الله خوك مااعندوش مع زيكزاك نهار نبغي شي وحدة لزواج من دااااارهم ديريكت لداااري ..
اريج : قووولينا كيفاااش بغيييتها وحنا نختارو ليك و واالاااا عليك ضربها على حسااابنا ... طوولة قضييرة بييضة سمممرة
سفيان : معمرة بشكلاط ومدردة بلوز ايفيلي .. كيفاش غانبغيهاااا بببنت وصاااافي
يونس : هوو يلقاها غي ححبانها طبيييعين مايهموش حاجة اخرى
لامار : ههههه هانا حجباني طببعييييين دوماااااج تزوجت هههه
سفياان : لا لااا نتي موحال نلقا منك مزال ههه ... سيادة الاسد ميك ميك هههه ( اسد مطلع فيهم حاجبو غي كيشوف اش كيقولو ويضحك فلداخل ديالو شي حاجة فراحة فاش كيشفهوم مجموعين وضاحكين على الاقل هادو معاه .. على امل يلتحق عندنان شي نهار وترتاح ماماهم فقبرها ... ) انا ماباغيهاااش تكووووون زويينة بزاف تبدا تبان عليا .. ونخرجو بالقتيلة وندخلو بالقتيييلة ....وماباغيهش قبييييحة مالقا علاش نفيق ....
اريج : اوا
سفيان : تكون طبيعية معنديش مع الفنون فالوجه .. بلغة اخرى طلعولي فراسي .... محجبة ...
يونس : الله اكبر ..
سفيان : وااااايه مححجبة ... تكون داخلة سوق راسها ... وثقيلة ورزينة ... واااااعية مكيهمنيش مستواها ولا طبقتها تكون غا بشخصيتها قوية.... وخطييني من زواااااق والتبعكيك ....
اريج : ( ضرباتو لكتفو ) ومالو زوااااق
سفيان : لا لااا انا ممكنهضررش عليك نتي ... بزواق ولا بلا زواق كطيييري الزواق ههههه .. اصلا كون مكنتي مرات خويا كنت غانتحرررش بيك ( اسد غاكيشوف على خوت عطاه الله كل واحد مكيشبه لاخور )
يونس : غااااانضرب وااالديك تااااااطييير
سفؤان : هههههه مجنون الله يستر... وغااااتهناااا مااااامزووووجش انا ... ( طلع عينو فوحدة داييزة لابسة غوب مزييييرة وبقا متبعها )
يونس : يااالاه .... ها لي قلنا
ارييج : قاليك بغاها محجبة .... باز اخويا باز ....
سفيان : ااااه محجبة ... وتلبس بحال هاكدا نقطع ليها رجليها...
حياة بقات غي كتشوف وتشوف مع حاللتها ... بقات غي كتغزز فشفايفها ....
لامار : قتليكم هادا خاارج ليكم من الجنب .... زهواني هارب من تمانينااات ....
سفيان : هدا ماعطا الله اختي لامار ....
حياة حسات بالخخخخنقة ... ماحملاتش راسها فداك لاغووب خصوصي ملي سمعاتو هضر هاكداك وهضرات فودن شيماء
حياة : فين طوااااليط
شيماء : اجي معايا . ختتتي هاحنا جايييين
ناضو وسفيان عاد رد ليهم لبااااال وبقا يشوف معاهم ومشاو ... وهوما كلسوو مناكرين ... ويونس و اسد بداو يهضر على الاسسس لي تافقو عليهم فالمؤتمر وكيناقشو عليهم حيت تاهو وسفيان خداو اسهم تماا ولاو معاهم فالبورصة ... تاوقف عليهم واحد .. وطلعو فيهم عينيهم كان شريكو الجدديد شافتو اريج ووقفاااات مدات ليه يدها سلمات عليه وهو قرب بوجهو بعدات باش مااصدق فشي حاجة اخررى ويونس كالس مطلع حاجبوو....
اريج : طااااارق .. لاباس عليك .. عاااااش من شاااافك اولد عمي ...
طاريق : اهلاااا زين ديال عمي ... اوا شتي كون ما الانيفيغسيغ ديل السيدة لامار مغانشوفكش كاع .. نسيييتينااا ...
اريج: على شكون نسا لاخوور ماشي نتا لي خرجتي لبرا ونسيتينا هههه
طارق شاف عند لامار ومد يدو يسلم عليها بابتسااامة وهي ووماتلو غير براسها وجمع يدو فهم راسو ...
طارق : جوايوزانيفيغسيغ ...بطول العمررر وبكل المتنيااااات ... ونغتنم الفرصة و نبارك ليك حتا على المشروع الجديد ....
لامار : شكرااا ليك .. مرحبا ( بقا غير يشوووف وىطع شاف عند اسد لي رامقو بداك النظرة ديال زيد اشنو عندك اخور )
طارق : سي اسد ...امسية سعيييدة ... نتلاقاو فالاجتماع غايخصني نمشي... بسلامة ابنت عمي
اسد : انشاءلله
اريج : بسلامة اطاريق سلم على عمي ومرات عمي لاتاصلو بيك
طاريق : وااخا وتانتي متنسايناش زورينا مرة مرة ( شاف فيهم كاملين ) تشرفت بمعرفتكم
حس بالاحراج لكمية داك لبرووود حيت لا اسد لا لاماار لا يونس مامرتاااحين ليييه لامار كتر مامحلاتش داك نظرات لي دار فيها و اسد دغيااا تقققندش خسر ليه الخااطر مامرتاحش ليه وتاداك نظرات لي كيدير فلامار ماشي دبيخير ...
يونس : غاااالقا دينمك مفركة داك سنان لمن مكااان غانرربيهم ليك
اريج : شنوو ؟؟؟؟ صافااابا!!! راه ولد عمي هاداك
يونس : يكون لي بغا يكوووون ..... علاش يقوليك زين دعمي .. مضسراااه اذن
اسد : يوووونس ( شاف عندو ) .... حتا تكونو بجوج .. هاد المواضيع مكيتناقشوش هاكدا ... والبنت مدارت والو راه ولد عمها رحبات به ...
سفيان : والله تاكتزيد فيه خلي عليك لبنننت اش دارت ...
يونس : انا هاد السيد معاحبنيش من اساسو .. فالمؤتمر مارتاحيتش لييييه عينيه مثاااابتينش وكيسول شي اسئلة لا عللااااقة بالخدمة لي مجموعين عليها
اسد : ماشي وقت هاد الموضوع ... ومعمرك تهضر معاخا بداك لونكاج فالوسط اطونسيون
اريج غي كتترمش وكتقول بالها غي بلاتي عليك وتاحساتو هز يديها باسها
يونس : هي عارفاني غي من غيرتي عليهااا ....
سفيان جبد كارو وناض بعيد باش يكمي وانظار دبنات تابعينو غاياكلوه ... تابانت ليه حياة وشيماء جاااين وهي ابتسمات ليه تاعة بادلها نفس الابتسامة وومالها تجي عندو وقربات عندووو وشيماء مشات ....حشمااانة شادة قداك الفيرور باش مايطيح
سفيان : حيااة صافا
حياة : صاافااا ح ححمد الله ونتا
سفيان : سوو سوووري واعدتك نديك ليوم وماوفيتش كنت ناسي الانيف دلامار
حياة : ل الااااا عاااادي ماشي مشكل
سفيان : راه باقي عند وعدي .. غذا انشاءالله
حياة : ( راسها فالارض ماطلعاتوش فيه ) صصاافي واخااا ... ( جات ماشية واقطعها )
سفيان : نتي بنييوتة صغيورة وزوينة داكشي لي لابسة بلا ماتعلميه .... خليك فطبيعتك واخا ؟
حياة بقات غي ترمش ودارت ليه واخا غي براسها ومشات بزربة قبل ماطيح ليه تما
مشات حياة كلسات معاهم محاملاش راسها جاتها اهانة ندمات لي لبسات معري بعد ماسمعات هضرتو ..
شيماء : مالكي تزنكتي قاليك شي حاجة ؟
حياة : لا لاا غي قالي نديك غذا ... شايمااا محملاش هادشي لي لابسة كون خليتني نلبس قفطاني الخزي بعدا
شيماء: شناااااهوا .. سكتي كستي يسمعك شي حد باغا تشوهيني ..
حياة: ومالو القفطااان .. هاراها خالتي رقية لابساه
شيماء : ونتي قدها ... تقددمي شوية اصاااحبتي تقدمي ...
حياة: واش التقدم هو العراااا ..لاكن هو انا خليتو ليكم بغيت التخلف
دخلو الكاطو ولامار وقفات وناس كاملين وقفو وتقللو الاضواء كان كاطوو كلو على شكل بنت كترقص نفس التمثال لي على برا ... وسفيان هاز قسم عندو .. ووقفو كاملين قدام البيفيه وكيلتقطو ليهم الصور .... وهي طفات الشمعة تحت تصفيقاتهم وقطعات الكيك ... ومشاو كلسو خلاو لوخرين يكملو .. ساالاااو الحفل وتقريبا كولشي غاااادر بقاو غير هووما .. تامن رقية و امنة وحياة و شيماء مشاو ... عاد بداو يستكشفو المدرسة ويشوفوها .. واسد كيوريها كل حاجة لاش كتصلاح .. وكتقوليهم افكارها و برنماجها الاسبوعي حيت مغايكونش يومي لانها غاتكون عندها حتى الشركة والتربية دقسم ماخصهاش تشاغجي وبقاو كيستشرو .. قسم نعسااات ليهم فيد سفيااان حطها حداه ....وهوما بقاو مقصرين ومحتفلين غي مع راسهم ... سفيان طالق رجليه فوق واحد كرسي كيكمي وكيشوف لتيل .. و اريج ناعسة على كتف يونس كيلعب بشعرها وكيهضرو و لامارر متكية على اسد .....
يونس : شششفتو العكس كيداااير ... كنتي كتقوليا مكاينش لي غايسطي الواحد قد العيالات ومتيقتكش ...
اريج : مغانمشييييش .. انا خدمتي كولها هنااا ..تسطا ولا كلس .. كيفاش غاندير نديبلاصي كاع هادشي زايدون انا من لول كيعجبني نعيش فالمغرب ...
يونس : وحتى انااا تما خدمتي .. شونو غانبقاو نتشافو مرة فالعام .. صافي كبري عقلك ويلاه وتبقاي ترجعي فوقتاش مابغيتي
اسد : نتي كنضن ساهل عليك ديبلاصاي .. هو لي لا ... ضاروري ما خصكم توصلو لشي قرار .. تعيشو بعاد ماشي عيشة
لامار : تاافقتو بعدا امتى العرس ؟؟؟
اريج : هو دابا قالك غايرجع لكندا عندو الخدمة
لامار : امتى راجع
يونس : سيمانة جايا اختي... وماعندي كونجي منهنا 3 شهور ... يعني عاد غانديرو العرس ...
لامار : ناااري غاتدي معاااك اريييج
سفيان : هههه هاهي لي ماامخلياهاش تمشي هههه شنو كيخبرو عليك من قبييلة واش حنا كاانزاوكو البنت تمشي مع رااجلها نتي غاتشديها
لامار : واااغايمشي ااسبرووو و رتااج تاهي مشاات وهي غااتمشي لمن خليييتوني انا .. نبقا بوحدي
اسد : علاش ازيييين هذا لي كالس حداك فين غايكون ؟
لامار : اء ؟ و وانتا علاش ..
اسد : .. اه حيت نتي خصك هادوك لي ديري معاهم FBI فالواتساب والكوارث الكحلة ياااك .. خلي لبنت تبع راجلها باركا من الفشوش ...
يونس : اوا اش قررتي ؟.
اريج : وخليوني تاااانفكككررر ....
يونس : مافيهاش تفكيرر .. نتي عارفاني لادرتها فبالي غانديك هي غانديك .. هاد سيمانة وجدي فيها غي حوايجك .. بلا مضيعي الوقت فالتفكير
لامار بدات كتفووووه بالنعاس
اسد : تعطل الحال قسم ناعسة مععدبة ... نوضو نعسو ...
يونس : وووي تانا جااني نعاس ... تحححركي اماااادام
اريج : هاااهي نايضة
نااضو كاملييين خرجو ...و لامار ركبات حدا اسد
لامار : اجي بعدا ياكما غاتديني لدار
اسد : علاش فين باغا تمشي ؟
لامار : والله لامشيت لشي داااار ماحد هاديك فلوطيل .. تمااااا نبقااااا حتى انا تمشي دير هاه ولا هاه....
اسد : ( مسح على وجهو ) لا حول ولا قوة الا بالله ....ااش غاتبقاي كديري فلوطيل لله يهديك سيري لدار ترتاحي ...
لامار : لااااا ... هذااا شرطي ياك انا قبلت بهادشي لي داير ... وخصني نمشي تماا ..
اسد تنهد حيت طريقة لي كتهضر بيها ماشي د المفاوضة ... وديمارا مشاو لاوطيل من احسن يدير ليها خاطرها حسن ماضيع ليه كولشي بغيرتها ... وسفيان مشا لدارر لقاها خاوية كتتصفر .. تامن حياة باتت مع رقية وطلع ينعس دغيا تلاح على سرير بالعيا .. ويونس و اريج مشاو لواحد الابارطومون خداها مفرشة فاش جاو من افران ....
لامار دخلات لجناح ديالهم نعسات قسم ودوشات .. ولبسات غي بيجامة خفيفة موف ديال الساتان ودخلات عند اسد لبالكون لقاتو كيكمي حيداتو ليه بسيف ...
لامار : لوووووح عليييك ... ياربي امتى نتهنا منو ...
اسد : صاافي رصاي ( بعدو عليها )
لامار : ... اش غادير دابا مم ؟ كنقصد مع هاديك
اسد : عدنان دخل للبلاد ... يعني اكيد غدا خصها تلاقا بيه
لامار : والى مامشاتش
اسد : ميمكنش ماتمشيش غاتخاف يجي عنها لهنا .. راه سيفطلها تهديدات كيقول ليها لامالقاهاش غدا فدارها غايقلب عليها عندي ...
لامار : مممم حيت هي كانت ديجا قاتليه ماشيا عند روكان وخلاتو تما معلق ياك.. وشنو غادير ...
اسد : دابا خصني نمشي لقا ليها شي سبة لي نفلتو هاد ليلة تااااني ....
لامار : وامتى يسالي هادشي
اسد : قرييب احبيبتي قريييييب ... هاد ليلة غانيسيفطها يجهضو ليها
لامار : اء ؟ وكيف غادير تنوض على رجليها غدا تشوف عدنان وهي غاتجهض هاد ليلة ؟
اسد : هادي احبيبتي عملية اجهاض عادية غاتنوض ديريكت مغاتحسش تا واش جهضاااات ... لي مكيوقفوش دغيا هوما لي كيكون عنهم اجهاض طبيعي وطاح ليهم لبيبي راسو لي كتجي صعيبة... مهم عارف اش كندير غي تهناي .. غانحاول نوهمها بلي كلات شي حاجة ماشي هي هاديك داكشي علاش غاتلقا راسها فسبيطار فاش غاتفيق ....
لامار : ( حااابسة ضحكة بزز ) اصلاا غاااتجيك سااهلة غير سيييير..
اسد : ( باستغراب ) علاش
لامار : و و ووااااازعما تاحاجا مكتصعاب عليك هههه
اسد : مممم ... اوا على الله مانلقاكش دايرة شي كارثة ... كنعرفك عينيك فاش كيضورو بحال هاكدا
لامار : او اشتي الضم ... علااااش كضلمني علااااش اش غانكون دايرة ليها انا كاع وانا منقدش نقييييس تاااا نملة بفووووو شحال كضضضضلمني😢😢😢 اي حاجة واقعة لامار لامار لامار .. على اساس انا هي كولشي ...اووووودي ... سكوت حسن
