جااا صباااح جديد فااقت لامارر كولها نشااااط كدندن باغنية هاك اماما .. دوشات ومشات لبسات حوايج العمل فالشركة كتبان رسمية ومحترمة وراقية ... سروال كحل واسع من تحت كلاااص وشوميز موووف معقودة فالعنق حريرية .. و كوستيم كحل مع طااالون عالي وفيرور من فوق من البرد .. ورولات شعرها من تحت طلقاتو ومكاياج خفيف ... باقا كتصاوب راسها مع لمراية وهي تسمع صووتو كيعيط عليها مدددعدع بنعاس ومشات عندو تكات حداها كتمشط فشعرو لور طاحلو كامل على عينيه المجبدين العسلين ...
لامار : حبيبي نووض تمشي لخدمتك ..
اسد : مزال الحال ... فف حاس براسي لسيمانة ديال النعاس ...
لامار : هههه قرب الويكاند ونرتاحو شوية ...انا هادي هي الوقيتة راه عندي اجتماع مع العشرة ... فففف قسم مكاين لي يفيقها يلاه نعسات
اسد :غيير سيري دابا نجيبها ليك هانا معاها
لامار : بصح ؟
اسد : وي يالاه شي بووووسة .. ( عنقها عندو كيبوس فيها ) خرجو نتي وسارة فطرو على برا غيري شوية الجو باش تمشي انفوغم لاجتماع ...
لامار : ممم تاهذا نظر .. كنت غانشرب غي شي قهوة فالمكتب ....يالاه احبيبي نخليك ماتعطلوش عليا ...
باااستو وناضت هزات صاااكها ومشاات ... وهو خشا صبعو فيد قسم عاد نعس باش يلا فاقت يحس بيها حيت نعاسو خفيييف.. .. ودازت لبيت سارة دقات لقاتها واجدة كتصايب فولارها قاتليها يخرجو ومشاو لطموبيل ركبات حدا لامار فرنج لي هداها اسد غوز .. ومشاو لواحد ريسطو على لبححررر كيفطرو ولامار كل شوية تشوف لساعة
سارة : فكرت فالفكرة لي قلتي ليا لبارح بنسبة لسكنة صااافي معنديش مشكل لاكانت بنت خالك باغا علاش لا
لامار : بنت خالتي .. وي تبببغي تاهي مسعداتها .. الى بغيتي يلاه معايا دابا لشركة ودوي معاها راها خدامة تما .. وسيري توريك الابارطمون شوفي واش تعجبك
سارة : اهاه صافي واخا ..
فطروو ومشاو لشركة لامار مشات ديريكت لبيرو ديالها وتبعاتها حياااة بالاجوندا
حياة :كولشي واجد امادام لامار .. راهم فقاعة الاجتماعات كاملين ...
لامار : ( كتشوف لوراق ) داااكوغ .. صااافي مزيان ... يلاه انا مشيت .. ( جات ماشية ورجعات ) ااه حياة .. هاادي سارة .. بنت عم يونس وسفيان .. راه باغاك فواحد الموضوع...
حساة :ااه واخا ... تفضلي اختي معايا لبيرو ..
مشااات لاماررر و سارة تبعات حياة لمكتب ديالها ..
دوزات لامار اجتماعاها عال العال كيف ديما متألقة كتخليهم ديما خارجين ضاحكين ..لطافتها فالمعاملة وجديتها المختلطة بحس فكاهي كتخليهم يوافقو على كل شروطها وهوما فرحانين .. ودعاتهم ومشاو وهي تمشي عند حياة لقاتها بوحدها كتخدم
لامار :حياااة؟ فين سارة
حياة :لقيتها عاد كيف مشات صوناا ليها شس حد ومشات
لامار : ااه اوا تفاهمتو ؟.
حياة : ااااه صااافي قتليها مرحبا بيك تانا كنت كنقلب على شي وحدة .. جاتني ضريفة انتفاهمو انا وياها ... قسمنا الكرا فالنص.. كل وحدة و بيتها و كوزينة والصالون ودوش مشروكين ... درت معاها غدا تجي تشوف الابارطمون ...
لامار : مزيياااان ملي اتفاهمتو .. يلاه اطوطالوغ..
حياة:اا لامار .. صبري اختي ..(بتردد) بغيت نسولك
لامار :وي
حياة : سسفيان ؟ شفتو مجاش ؟كاين شي مشكل
لامار : هه لا سفيان خارج كونجي .. راه سافر مع خوه هو ورتاج
حياة : اا بصح ( نزل عليها الضيم فاش سمعاتو مع رتاج كتر حيت ولات كتغير منها بزاف كيفاش منسجم معاها ) ص صافي واخا .. غ غير حسابتني يكون شي مشكل ...
مشات لامار وحياة لاحت الستيلو من يديها
حياة : ففففف كيغاندوز انا دابا هاد ليااام بلا بيييه ... والله ماقالها ليا ... وعلاش غايقولهاليا اصلا موالف كيشاااوررني .... ولاكن راني صديقتو زعما ... تانا والله لاحاشيتهاليه فااااش يجي .. وغير يدخل نشد انا كووونجي .. الى تسووووق لي بعدا ... دابت لي غايلقا راحتو مع لالة رتاج فضحك وتكريكير كتر من نهار العرس ... على زهههررر تفو ...
دخلات لامار لبيرو لقااات اسد كالس ليها فالمكتب كيشوف لبيسي وقسم فكونتها
لامار : شوفووووو شكووون نورررني ... ( مشات عندو كلسات على المكتب مقابلة معاه )
اسد : ساليتو ؟... وقعو على كاع الصفقااات ؟
لامار: واشنو كتعرف علياا ههههه اكيد يوقعوهوم كاملين .. بديت نقلد فلغتهم تااضحكتهم وهما يوقعو بلا مايحسو .. مع عويناتهم مجبدين وزادو تشدو بضحكة لاو كيسنيو فين مجاب الله بلا مايشوفو هههههه .
اسد : ههه شيطانة ... مزيان لقيتني كنشوف لهادشي... زوينة هاد الكوموند ..
لامار : راه كيوجدوها ... حبيبي فططرتي ولا نقولهم يطلعو ليك
اسد : وي فطرت انا وبنتي عاد جينا ...
لامار : مهم سارة كانت كتقلب عل لكرا وقتليها شركي مع حياة السكنة وجات معايا هضرات معاها وعجبهم الحال غادي يسكنو بجوج
اسد : كولشي عند ليه الحل ياك ؟.
لامار :بكل تواضع ... اه
اسد : اوا ماتلقايش ليا انا شي حل مع هاد ليغكل ديالك ...
لامار : هههههه لااا لاا تالهنا لااا ههه
اسد : وهانتي مادمتك كتزوجي كتزوجي فعباد الله .. تزوجني انا بعدا في المقربين اولى ... غي تمشي ليغيكل نطلقها .. نتزوح سبع يام فكل شهر هههه
لامار : ( طبعات حاجبها وخنزرات ) نوض لخدمتك نوووض قبببل مانوريك زوااااج شنو هو ...
اسد : هههه هانا غانمشي احبيتي جيت ناخد بوووسة كبيرة من المغييارة ديالي.. حيت مغانشوفش غزالتتي حتا ليل .. غادي لمحمدية .. عندي شي خدمة تمت
لامار : ااه مستفر .. صافي تانا غاندوز هاد نهار غي فشركة .. ودوز علي فاش تجي
اسد :داكوغ ححبي ( عنقها عندووو باسها ومشا باس بنتو ) تهلاي فرااسك .. وردي لبال ليكم .. ..
لامار :طريق سلاامة احبيبي ...
مشا اسد وهي كلسات فكرسيها كضور ستيلو بين صبعانها وكتتفكررررر وضااارت بالكرسي لزاااج موراها تاشافت طوموبيلتوو مشاات ورجعات ضارت لمكتب هزات لفكيس ...
لامار : سناء .. جمعيليا المدراء دالشركة الام .. ورئيس الدخل .. والمحاسبين .. منهنا نص ساعة يكونو واحدين فصالة الاجتماعات بغيت نطلع على ميزانية الفروع و رصيد الشركاء ...
سناء : حااااضر امدام .. نخبرو سي اسد ؟
لامار : مكان لاش هو مسافر بلا متزعجووه... عادي بغيتهم غي فشي امور كتخص الميزانية و الرصيد .. ماشي شي حاجة كغاف ...
سناء : هي لولا .. نص ساعة يكومو واحدين عندك فلاصال ...
قطعات عليها وبدات تفككررر خصهاا ضرووري تشوف كيدير تهني اسد من طارق .. ضروري مغاتكون شي طريقة لي يخرج من الشراكة بلا افلاس ...
