انا جييييييييييييت هههه
لبنات كيتحدثو فالطبلة مرة يضحكو مرة يتناقشو وداك السيد مراقبهم من بعيد ... ومرة مرة يعلم رجال لتحت مايتحركوش ومايديرو تا اثر لان الكارد غير فلباب دالريسطو ... بقا مراقبهم وصافي ..
لامار : توحشت بنتي من دابا
حياة : ختي واش راجلك غايتعطل بزاااف ؟؟؟؟؟
رتاج : قلبي مامهنيش الامار على عدنان .... واش ديبو فيه شي تهوية ها ؟
لامار : ديبو راه كبيييررر ...
رتاج : لامااار .. راه كيعرض بحياة خوه للخطططر .. ( ولات كترعد ) عيطي ليه عفااااك ... راني خيفاااانة على عدنان
لامار : هانتي سمعتيه بودنك شنو قالي .. داخلين لاجتماع غايطفيو تيليفونات ... خلي تايخرج
اريج : انا مفهمتكش علاش مكبرة الموضوع على مالو عدنان ؟ ايه عرفناه مريض ... بصح مدام تحمل كولشي اش غادير ليه ساعات قليلة فديبو ؟ بالعكس اسد عرف يتصرف ملي دارهم تما يلاه يفكرو شوية بعقلهم .. ويستاهل على هادشي لي كيدير فيك ... انا كرررهتووو ... مرمدك كيف بغا على هواه .. ختي عمرها كانت هاكا والله تاكرهتو مكنحملش دابا تا سميتو على هاد العداب لي معيشك فيه مكرهتش ليه كتر من هاكا عاد
رتاج : سكتينا متكمليش عليا ...
لامار : هو اسد مغايبغيش المضرة لخوتو ارتاج ... كون شاف شي خطر عليهم واش غايديرها
رتاج : ( طيحات راسها ) نتووما ماعرفييين واااالو ماعرفين والو انا لي كنموت بوحدي
لامار : شنو لي ماعرفينش حنااا ؟؟؟؟ ممم
رتاج : ق قصدت .. ا انا لي طبيبة وعارفة مرضى القلب كيف كتكون حالتهم ....
لامار : رتاج .. اسد دار هادشي حتى على قبلكم ... باش يمشي مهني لرباط حيت كون خلاهم .. كانو غايجيو يديوكم بسيييف عليكم .. ووهو شافكم كيف كنتو مخلوعين منهم صباح....
حياة : ( دايرة يدها على حنكها ) اوووودي غير يخرج نمشي معاه فين بغا
اريج : المدلوووولة لوخرا .. شوفي شوفي عنننقك وشوفي وجهك كيف خبزوووو وباقي خيفانة عليه
حياة : نتي جات معاك تقولي هاد الهضرة ... السيد معااااامر ليك داك الكرش وضااااامناه فيديك بسيف تفششي ... انا شكون عرفني يخرج من داك ديبو ويقولي الله يعاون ... زايدون راه قالهالي فطموبيل لبارح وها رتاج حاضرة قالي نعدبك ونطلقك مانديش انا لي تدخل لديسكويات ...
اريج : وسيري بينيلو بلي نتي كتقفقفي باش مايخليكش وشوفي كيف غايتعفر على جد والديك
حياة : شششش سكتو قلبو الموضوع ها شيماء جاية
جات شيماء لي كانت فليطواليط غير كلسات هوما ابتاسمو بحالا مكاين والو من غير لامار لي تقادات فلكلسة ونطقات
لامار : شيماااء ... كيف دايرة امورك نتي مزيان ؟
شيماء : من ناحية القراية ؟ اااه مزياااان بديت كنولف داك الجو وولفت حتا صحابي تما ... صراحة كولشي ضريفييين معانا والقراية تما مبدلة بزاااف على هنا ... ( حياة مبتسمة فرحانة ليها معنقاها)
لامار : هادشي لي بغينا .... و واسبرو .. كيعاملك مزيان ؟
اريج : اوييييلي على سؤاال اسبرو تشبع معاه غير ضحك شكون بحالها ههههه
شيماء : صرااااحة مكدبتيش .. ولاكن مكيضحكنيش .. كيدير الضحك فرااااسو
لامار : هههه علاش اش دار ؟
شيماء : والو اختي والو غير قلت وصافي .. ص .. صراحة انا سعيد ك .. كنرتاح ليه ... و وكيعجبني ... م م عرفت ... و ولاكن بغيتو يترجل شوية ... ا اه انا عارفاه راااجل وغير معانا لي كدير هاكاك .. حيت ملي كنخرجو انا وياه وكيتبسل عليا شي حد كيولي واحد اخور ... ب بصح بغيتو يثقااال شوية
رتاج : هو هاكاك داير اشيماء عزيز عليه الضحك .... و وزايدون باقي صغيير
شيماء : كببير اختي منين جاتو صغير ... راه غايبقا بحال هاكاك ديما .... انا صراحة مكرهتوش يترجل شوية ...
لامار : ( كتشرب من كاسها بهدوء ) مكاينش لي غايرجلو قدك نتي اشيماء ...
شيماء : اش غاندير ليه انا ...كيجيني زااايغ واي وحدة تلعب بيه .. خصوصا ملي ختاروه فالكاستنيغ يمشي يمثل داك الفيلم فكوريا غايغبر عليا بزاف .. وكنخاف ملي يجي تكون ضارت بيه شي وحدة اخرى
رتاج : حبسي حبسي اشمن فيلم ؟
اريج : هذاك لي كان قالينا ااختاروه فيه ؟؟؟؟ حححلفي
لامار : شوفي الجدر مزال مقاليا والو
شيماء : راه عاد كيف ردو عليهم ... اختاروه غايلعب دور اخ البطلة وتادور ديالو مهم حيت هو فللخر لي غاضحي براسو باش ينقد ختو ... وباينا داك الفيلم غايدير بوم الان البطل والبطلة مشهووورين فامريكا وتاهنا فالمغرب ... وغايصوروه فكوريا ...
رتاج : والله الى تباركالله عليييه
حياة : وهااااانتي على اسبرو مغايوليش عاطينا تالوقت هههه
لامار : شحال مدة التصوير
شيماء : ماعرفتش مي حددو راه تقريبا عام ...
لامار : بزاااااف .... ونتي لعطلة ديالك قربات لابغيتي سيري معاه
شيماء : لا مابغيتش ... فهادي بغيت نجربو واش فعلا كيبغيني ويلا تشهر ماينسانيش ... ولا غيررر نزوة مراهقة ...
لامار : لا لا اشماء اسبرو راه كيبغيك ديال بصح ... وباغي يتزوج بيك كاع راه حنا لي ماخليناهش راكم باقين صغاار ...
اريج : مغاينساكش انا متأكدة ... غير هو انا معاك ففكرة يترجل شوية ... عرفتي ؟ قبل مايمشي لوحي ليه الهضرة راه واخا تشوفيه هاكاك دغيا كدخل ليه الهضرة للراس ... وقوليليه انا مابغيتكش هاكا وكدااا هديديه بلي غاتخليه ... راه نتي بوحدك لي قادرا ترديه بشخصية ... حاولي ماتجرحيش وصافي ولاكن خلي فيه هضرة كتاكل طول ماهو بعيد عليك .... وهاكا مغاينساكش وغاايدير بهضرتك ...
شيماء : تانا داكشي لي قلت .. اصلا ديجا بيناتنا واحد مشكل بسيط غانستاغلو ...
حياة : غايرجع هو لامريكا ؟
شيماء : اه هو غايرجع غدا عندو ايكزام .. وانا باقا عططلة عندي 20 يوم .. يعني مغانجي فين نرجع تايكون هو سااافر ...
اريج : والله الى فرحت ليه .. حلمو تحقق مسكين تاهو يستاهل .. راه واخا تشوفيه هاكاك اشيماء راه مكاين ماحن منو فيه شي حوايج والله ماتلقايهم فواحد اخور ... تاهو عاش الحرمان بزاااف ... ومع دالك مكيقر فيه والو ديما نااااشط وفرحان وخالق الجو ديالو ... اه فعلا خصو يترجل شوية ومايبقاش يهضر يحال البنات ... بصح راك نتي غاتعرفي ليه ... هاديك علاقتكم ونتومت بيناتكم حنا منقدوش ندخلو فشخصيتو ... وعزييييز علينا منقدوش نقولو لو شي هضرة .... مكرهناهش يبقا هاكا ديما يفوج علينا مي خصو يكتسب شخصيتو تاهو ...
لامار : شيماء منخافش عليها غاتهلا فيه ... صغاار بجوج ...ومحتاجين للحنان يجوج بيكم ... ملي غاتكبرو غاتلقاو راسكم كوبل مثالي وهو راه غير غادخلو المسؤولية غايدير عقلو
اريج : لبنات يلاه رجعو لداررر فيا الموت دنعاس
رتاج : يلاه نوضو نمشيييو ...
ناضو خرجوو لطموبييل وهادوك لي مراقبينهم مالقاو كيف يديرو وغايرجعو خااوييين تاني ... والكارد تبعوهم ومشاو دارو شوبينغ .. اريج شرات جوج صبيبطات زورق باش ديرها مفاجأة ليونس .. وكل وحدة اش خدات وتاجهو لدار ... اريج طلعات ديريكت تنعس بحكم الحمالة كتنعسها بزاف ... ورتاج وحياة شافو لامار وشيماء طلعو .. وهوما يشدوها بجرية عند الكارد كيسولو على بلاصة ديبو ووصلوهم حتى لتما ... نزلو من طموبييل كانو لبيبان دالحديد كباااااررر اتوماتييكييين ووالكارد مشتتيتن تما ... ورتاح ابتسمات ومشات بجيهة واحد
رتاج : احمم اححم .. اا ... عدنان وسفيان لداخل
حياة : ( فودنها ) اويلي شهاد سؤال مالو بغيتيه يكلمهم ليك .. ناري شوفي كيف كيشوف فينا
رتاج : ( عرفاتو مافهمهاش باليها اجنبي ورجعات دوات بلونكلي ) ب بغيت غير نسول على عدنان وسفيااان و واش راهم بيخير
الكارد : معنديش الحق نجاوبك ...
رتاج : ش شوف ه هادي خطيبة سفيااان ... و وانا دكتورة الخاصة ديال عدنان ر راه ماشي غراب .. غير كنسول على الحالة دالمريض ديالي
الكارد : نعاود نقوليك معنديش الحق نقول حتى معلومة ...
حياة : ر راه خطيييبي لي لداخل ... بغيت غير نشوفو ولا نعرف غير كيداير
الكارد : هادا ماشي حبس مركزي .. راه روكان لي آمرنا مايتحلش عليهم لباب لحتى حد .. واخا تكون حتا السيدة لامار
حياة : فففففف مزيااااان مززززياااان فمهنا يلاااه اريتاج هاد طنوكا هادو مامعاهم هضرة
جات ضور عندها لقاتها مشات لباااب وكتسسسسنط بودنيها واش تسمع شي حس واااالووو وتا لكارد مخليها على خاطرها عارفين مغاتسمع والو .. ورجعات بعدات مشات عند حياة
رتاج : باليا مغانخرجو بحتى نتيجة مع هادو .... اودي غير يكون لاباس ويخرج منها بيخييير نعيطه تيقاااار انا كااااااع فخطرة
حياة : تانا راه بالي مشوش عليه هو لي مريض ... كتر مامشوشة على سفيان ... زيدي زيدي يلاه نمشيو ..
رجعو ركبو مشاو ورتاج بحالا محطوطة حجرة على قلبها ضاااارها مامهنيهاش .. ومشاو لدار لقاو لامار كتتتقلب عليهم لان المروضة جات لعند حياة .. وطلعات معاها لبيت ورتاج كلسات فصالون هي ولامار كيهضرو ... وشيماء فجردة كتهضر ابيل فيديو مع صحابها .. تاشافت طموبيل ديالو دااااخلة وهي تقطع داك للابيييل ودارت راسها غير مشغولة فتيل ....
اسبرو نزل من طموبيل داخل لدر وهي تبان ليه فجردة .. وبدا كيبتسسسسم ومشا عندها وهي طلعات فيه عينيها شافتو ورجعات قلباتهم زعما مقلقة ...
اسبرو : ششمممشوووومتي ... شميشيمة ديالي ...
شيماء : بعد مني اسسعيييد ... بعد مني
اسبرو : ( هبط شنايفو ) علاش كتغوووتي عليا ... مااالي انا لخاطري نتي لي مكتعرفيييش تهضضضضري .... شفتي الالغاز فين كيوصلو ... مالك ماتهضري نيشان وقوليلي باغية نغنيليك راه كل واحد ونية لي عطاه الله
شيماء : فين غاااانحط وجهي انا دابا مع صحابي لي عارفينااا كولشي انا وياك مرتااابطين فييين
اسبرو : ( كلس ) ونتي لاش ... انا لي فين غاااانحطووو ..
شيماء : واش عقلك غير فداااكشي ... واش بغيتي نعطيك راسي بلا زوااااج حمااااقيتي لا ....
اسبرو : ومالها اش فيها على كريستيانو ماشي داير معاها لولاد
شيماء : ونتاااا هووو كريستيااانو
اسبرو : وانا كتر منو ... شنووو هووو كاع مشهوور .. تانا مشهووور غير باقي مكيعرفني حد
شيماء : وباز باااااز .... ( جات ماشية ورجع شدها )
اسبرو : وصاااافي سمحي ليا ...
شيماء : لااااء منقدرش ننسا هادشي بسهوولة راك حشميتني مع صحااااابي اسعييييد ... وليييت ضحكة فسكووووول كولشي كيتغامز عليا وكيقولولي مصاحبة مع gaaay
اسبرو : شنااااهوااااا ؟؟؟؟؟ شكون هذا لي قالها ليييييك
شيماء : ماشي سووووقك راه تانتا كاديررر تصرفااات ديالهم
اسبرو : ( عصباااتو جمع حجبانو ) داايا هاكا كتشووفيني اشيماء .... ماشي راااااجل ؟؟؟؟؟؟
شيماء : على التصرف لي درتي ديال الرجاااالة ... سعييييد انا راه مكنشوفكش غير صاااحبي ...انا بغيتك راجلي واب لولاااادي .... بغييييتك تكون رااااجل ..كديييررر شي تصرفات فالقراية كتردني ضضضضحكة ... كولشي كيحسبك تما بحال شي كلووون ( اسبرو مزير على سنانو ) خصهم غير يضحكووو عليك ... فينااااهي شخخخخصيتك ... نتا كتبقى ضسر فناس بزااااف تاااكولشي كيحسابك بلا شخخخصية .... هنا معانا ماشي مشششششكل ولاكن برا لااااا ... ( اسبرو السخااااانة طلعات معاه صدماااااااتووو ) اه انا كنبغييييك كيف مانتا .. وكتعجبني بالشغب ديالك وبكولشي ....بصح بغيتك رااااااااجل ا اسعييييد ... راجل فلباسك فشخصيتك ...فكولشي
اسبرو : ( شاف عنها ) ساليتي ؟
شيماء : دابا مالك كدير فيا دوك شوفات ...
اسبرو : ( ناض وقف وحط يدو بجوج على طبلة) شفتي لي مامتقبلنيش كيفما انا .... معندي ماندير بيه ....ويلا كانت الرجلة عندك هي لباس وهي منضحك مع حد .... وديما عاقدهم ...خليت ليك داك الرجلة ..ترجليها نتي .... حيت انا اشيمااااء ( ضرب بيدو على طبلة ) لي عشتووووو ماتكونيش عشتي فيه تاربع ...واااحد نهاررر عطيت وعد لراسي انني غانعيش فالغباااااء طول حياتي ...على نتعقل واحد نهار و نوعا بلي الحياة قبيحة لهاد درجة ....ونوعا بلي معندي حد ...و نوعا بلي مشفووق عليا .... بغيت نبقا هبيل لي شافني نضحك معاه ماهمنيش واش غايبادلني نفس الضحكة ولا استهزاء موهيم نضحك .... ولي مامتقبلينيش كيف انا معندي ماندير بيييه... سيري ابنت النااااس قلبي على الراااااجل لي يليق بييييك .... اما انا ... منصلاحش ليك ... حيت ماشي راااااجل
شيماء : ( شافت راسها قفراتها ووقفات شدات فيدو ) لااااااا ماقلتش هاكا لااااا عفاك متفهمش كولشي غلاط ...صافي ننسا ماقلت والو .
اسبرو : ( سلت يدو منها عينيه حمارو ) وااخا .. تسناااي مني ننسااا ليك هادشي ...
شاف فيها شوووفة طويييييلة وهي كترمش فيه ..داك الشوفة عمرها غاااتنساها فحيااااتها .. ومشااا وهي تخرج لامار ورتاج حيت شافهم من زاج بحالا كيتخاصمو ...هو شاف لامار ورجع لضحكة دياالو بحالا مكاين والو
لامار : فييييين كنتي اااججدررر .. درنا خرجة بلا بيك
اسبرو : عليهاااا تفككككرتيني كتعرفوووني غير فالمصاييب ونهززز عليكم الدقة فزرود كديرولي مود افيون اتريكة الايلاينر مجججبد والزهررر مقوووود ... بقات فزيييين
لامار : راه نتا لي صكع شغاندير ليك .. كتبان غير فالاوقات لغير منااااسبة ..
اسبرو : انا غانطبك فحالي كاع ... تهلاوووو غانرجع لقرايتي خوكم عندو امتحان غدا وماموجد غير الخصاااااوي والاقضاااااب
رتاج : لا قرييييتي نتا داك الخصاااوي لي تحتك غانديهم كوووومة ... نتا سير شد شي كرسي فساحة جامع الفنااا نقش لعيالات حسن ليك
اسبرو : نضرب لخط لا ؟ يلاه تهلاااااو جينا على قبل العرس لقينا غا الههرررس ... مناقص كاع بقاو فيا غير فلوس البيي ...
لامار : قالولي غاااتمشي لكووووريا علاش كتخبع
اسبرو : على لحاجة لي غاتخشيو فيها خنافركم نتوما غااااتكمل ... واقضو حوائجكم بالكتمااااااان ... يعني غير ف الكييت مااان ( ليكيت ) مايسمعك حد
رتاج : ( ضربات على كتفو ) فرحنااااا ليك ربي يسير ليييك كولشي .... عنداك غتشهر وتنساااناااا
اسبرو : ملي عرفتووها دابا انا متأكد داك طيارة غاطيح بيا عند ليزانديان قبل مانوصل لكووريا ...
لامار : لاواه لااااواه سيد بدا يتكبر علينا من دابا
اسبرو : والله وباقا دوات معايا شي قرررردة تانضربكوم بالاوسكاااار ديالي ...
لامار : كنخاف غير داك كوريا مطلقكش لينا غاتعجبهم مع خفيف وكطير بحالهم غاتغالط ليهم مع بجاغطهم
اسبرو : لهلا يطلق جد بابايا لاغانجي عند خناششكم ... تهلاو الحبااااب خوكم مقلع ...
لامار : فين ماشي دابا ؟؟؟ خليك مزال
اسبرو : عندي واحد صاااااحبي قدييييم كنعرفو قبل ماانعرفوكم... عاوني بزاف ... بغيت نمشي غير نضور معاه ... مانتسماش نسيتو ... وعاد غانمشي راني مقطع ... ( قرب عند لامار عنقها وشيماء كتشوف من بعيد كيودعهم ودموع فعينيها) تهلاي فرااااسك اختي ... وعطي بووووسة كبييررررة لقسم ...
لامار : ( معنقاه تاهي ) غااااانتوحشك اجججدررر ... ماتغبرش بزاف لقيتي شي فسحة اجي .. ودابا نرغب اسد نجيو نشوفوك قاتلينا شيماء مدة تصوير طويلة .... غاااانتوحشوووووك
اسبرو : ( طلق منها وعنق رتاج ) طبيييييبة ديالي تهلااااي فالمريض هههه زهرك بحال زهري الله يستر رضينا بالهم والهم مارضا بينا ههههههه
رتاج : ولايني مسخوووط غاااانتوحشك والله تاغاتخلي بلاصتك ... بصح راه غانجي نشوفك وشحال وانا باغا نجي لكوووريا دابا تلقاني بعثت معاك
اسبرو : اعووود بالله... ماتجينيش غير بكواااارثك تحرق الكاميرا نصدقو لا فيلم لا سيدي بوزكري ...
لامار : اريج جات .. راها لفوق سير طلع لابغيتي تشوفها ... ونزيدك عندها جوج ولييدات غايكونو غزاااليييين
اسبرو : انا غانطلع عندها ..و عند داك المعطوووبة تاهي ....
لامار : هههههه سيير سير
طلع اسبرو وهوما شافو عند شيماء ووماتليها لامار تجي وهي مسحات دموعها
رتاج : مالك كتبكي
شيماء : صافي ... كولشي سالا بيناتنا
لامار : هااااء ؟؟؟؟؟؟ علاش
شيماء : بقا فيه الحال من هضرتي .. حسابتو قتليه ماشي راجل
رتاج : وتاااانتي اسبرووو مكيديرش فققلبوووو
شيماء : لا لا ارتاااج ... دار فيا شوفة عمرني غااانساها .... ( كتبكي وعنقاتها لامار ) غاااايخليني اخخحتي صاااااافي كولشي ساااالاااااا
لامار : ششششش سكتي ... واش حماقيتي هو كيتسطا عليك ... غايكون غير كيضحك ماشتيهيش كيف كان كيضحك معانا سكتي
طلقات منها شيماء ودخلات كتجري باش مايهبطش يشوفها كتبكي ومشات لواحد البلاصة كتبكي غير بوحدها من الغصة دالهضرة لي قاليها ومن سفرو لي غايغييب عليها بزااااف ... حيت حبها ليه بريء بزاف وهي بغاتو كيف ما هو ومكتنتضر منو والو منغير تشوفو راجل معاها ومكونش خواف من اي حاجة وبدون شخصية ..
اسبرو ودع اريج وحياة ... وهبط لقا لامار ورتاج واقفين شافوه غايمشي عينيهم حماااااروووو ولامار دمعات
رتاج : وسير تااااني وغببرررر ... باقا تعيط ديما ... ودابا نبقاو نجيو نشوفوكم
اسبرو : معندي منكدجر بيكم ... بعدو غا مني خليوني نخدم على ولاااادي لي باقي مشافو الضو
لامار : مغاتبغيش تسلم على شيماء ؟
اسبرو : فين هي مابانتليش عيطلي ليييييها ... مجاتش تاتودعني لقردة بحالك بحال تاسيلتك كلكم عوجين ... ياودي يالعشرة ياااودي ماتقولش تابسلامة
لامار : شيماااااء.. شيمااااء خرجججي اسبرووو بغااااك
شيماء مسحات دموعها ومشات بجيهتو وهو بحالا ماشي هو لي كان كيهضر معاها قبيلة
اسبرو : ماابغااااش تاتقولي لييينا بسلااااامة
ضحكات حيت شافتو ضاحك عرفاتو غايكون نسا ومشاا طارت عليه عنقااااتو
اسبرو : اييه ايييييه واااااكاميو دلاح وااااخنشة دزززرع ... غاطييييييحني شووري علياااا.. طلقي مني على مجعورة كيدايرة ....هانتي غاتوووسخني وطريكويا بيض
شيماء : غااااانتوحشك غاااانتوحشششك غاااانتوحشك
اسبرو : وصاااافي صافي يتوحشك لخيير والربح.. وااااطلقي
طلقات منو وبدات تسمح دموعها
شيماء : نتا مامقلش مني ياك
اسبرو : علاش غانتقلق ؟ شنو درتي ليااا ؟؟؟؟ ياااالااااه تهلاو .... شيماء ركزي فقرااايتك ان شاء الله نجي لقاك تخرجتي وبنتي مستقبلك صافي ؟؟؟؟... ( رون ليها فشعرها ) وردي بالك لرااااسك ....
شيماء : ( بالبكا ) متهضرش بحالا كتودعني ... ياك غاتبقا تعيط ليا
اسبرو شاف فيها وضحك معاها .....وشاف عندهم تاهوما ....ورجع ودعهم تااابكااااهم ومشا مخلي الضحكة ديالو كتسمع فووووودنيييييهم ديما كيخلي موراه البههههججججة وبلاصتو كتبقى منوووورة رغم كل الدخان لي فلداخل ديالو الى ان الاثر ديالو نقي بزاف وعمرو خسر مع شي حد ولا صرف شي عيب ديما كيوقف مع الحق وكيعجبو ينشر السعاااادة على كولشي ..... غير ركب فطموبيل مشاااااا كاع داك الضحك لي كان على وجهو ولا حززززن كبير .. حيت ديما هاداك لي كيييفوج على ناس ويضحكهم .....مكيلقاش هاداك لي يفوج عليه هو ... حيت كيفاش غايحسو بشنو عندو لداخل ...وهو طول نهار ضااااااحك ... وبقا كيشوف من زاج فشيماء لي حااااطة يديها على فمها وتنخصص كتبكي وتاهي عينيها فعييييينيه .. هزز يدو بشوووية دار ليها بايباي وهي كتشوف فيه فلخر طلقات رجليها للريح ومشات كتجري لعندو ملي كتفكر مغاتشوفش يمكن تالعام جاي زيد على لهضرة لي قالتلو وكيفاش جاوبها ....وهو شافها جاية وخرج من طموبيل وطارت عليه عنقاااتوو بجججججهد وتاهو بادلها نفس العناق ومخليها على خاطرها تابكاو لامار و رتاج ورجعات شافت فيه كتهضر بالبكا وخدودها حماااارو وشفارها كيقطرو وواحد البراءة كبيرة
شيماء : اناااا معااااامن دابا غانبقا نضحك ولمن غانعاود اش طرا ليا فلكلاص ... شكون لي غايطيب معايا لعشا ونحرقو كولشي ونطلبو بيتزا هم ؟ شكون غايفقني صبااااح بصدااع .. واش عارف قداشغاتخلي بلااااصتك (رجعات عنقاتو ) خصك ديما تفكر بلي نتا ماشي غير شخص عادي بنسبة ليا ... نتا كووولشي .. نتا لي كضحكني لاكنت مقلقة .. وكتقلقني لاكنت ضاحكة .. نتا بوحدك لي فايمكانك تحكم فماشاعيري وتقلبهم كيف بغيتي ... انا عارفاك غاتغيب عليا بزاف ويمكن تنساني كاع ... بغيتك غير تفكر انك شحال ماغبتي .. غانبقا كنتسناك ووفية لوعدنا ... نهار قتليك غانكملو حياتنا بجوج بينا وكيفاش خططنا ليها .... وحتى نتا ماتنسانيش ... نتمنى اي حاجة طراتليك فهاد العام .. خدمة ونجاح ومعجباااات ... ماينسيوكش فيا ( حيدات واحد الكورميط من يدها قدييم ديالها ودارتلو فيدو ) خليه ديما فيدك كل مشفتيه تفكرني ماتحيدوش عفاك ... غانبقا كنتسناك تالنهار لي غاتجي فيه وغانتمنى تبقى عند وعدك ... تهلا فرااااسك بزاف وماتنساش كنبغيييك كيفما نتا .... صافي ؟ ( رجعات عنقاتو وهو مكيقول تاكلمة معنقها ومعلي موراها يدو كيشوف لداك الكورميط وابتسم )
وهي طلقات منو ورجع ركب ومشا كدير ليه بايباي وتبكي ... وهو كسييرااا وهضرتها جمرة فقلبووو كتححرق ودموع نازليييين على خدو ......
ولامار ورتاج جاو لعندها عنقوها
شيماء : سعييييييييد سعييييييد صاااااااافي مشاااااا ( كتبكي )
لامار : وصااافي بحالا مغايرررجعش ... بالعكس تمنايليه لخيير يدير مستقبلووو ... وصاااافي عفاااااك
رتاج ولامار نوضو شيماء لي راسها بدا يحرقها بالبكا كتفكر كيدير تولف على داك دار بلا بيه ... وتالوداع ديالو لي دار عليها جاها بااااارد ماقليهاش حتى كنبغيك كيف مولف ... وطلعات لعند ختها لقاتها نعسات ونعسات حداها تخشات فيه عنقاتها ... ورتاج تاهي طلعات حدا ختها نعسات ولامار مشات لحناجها كتهضر مع اسد تاداها نعاس تاهي ....
بداات كضربها الفيقة كتحل عينيها وتججججبد فسريير الضلاااام .. مدات يدها شعلات الفايوز وتكات كتجبد شافت لساعة لقاتها التسعود ...
لامار : نااااااري شحال نعست ليووووما اووووف ( كترططق فعنقها ) هادا باقي مجااااش توحشت بنتي اعباد الله ... قسوووم ديالي سمحات فيا
كتشمشم فمخدة دقسم فيها الودينات ديال الدب وناضت لبالكون كطل مالقاتش طموبيل وخرجات جارة رجليها كتفوه حلات لباب على اريج لقاتها ناااااعسة ودايرة مخدة بين رجليها متكية عليها ... ومشات لبيت حياة لقات غير شيماء ناااعسة تاهي على دموعها وصورة اسبرو فتيليفونها ...
لامار : فين حياة ورتااج ؟؟؟؟
هبطات لتحت لقات حتى لخدم مشاو وخرجاات لجردة لي كتبان سااااحرة فليل بالاضواااء ... وبدات كتصوني فتيليفون تاجاوبها
لامار : حبيبي فييينك ... توووحشتكم
اسد : صباح نور انعاسة خليتيني كنهضر ونعستي .... قربت نوصل احبيبتي راني فطريق ..
لامار : اش كدير قسم ...مابكاتش عليا ؟.
اسد : لا ماتفكراتكش كاع ههه ...راها نااعسة .. يلاه روحي قربت ندخل لكازا
لامار : اوكي كنتسنى حبيبي انا ...
قطعات عليه وبقات فجردة كاالسة كتنسااااه مرة تنوض تلعب فالما برجليها مرة تكلس تفكر ... تاسمعات طموبيلتو داخلة وهي تووقف ....داز عليها هاد نهار بحال العاااام ملي مكاينش لا هو لا قسم .... بحالا دار كاملة خاوية.... وتاطموبيل ديونس موراه ... وباركاو ومشات كطير حلات لباب لووورررر
لامار : قسووووووومي بببنننتتي الحبييييييبة غزااااالة ديالي تووووحشتها الله على بنتي نااااعسة معععدبة هاد باباك مايعرف تايسكدك....( هزاتها عندها ناعسة بشوية كتبوس فيها واسد نزل )
اسد : شنو زعما حناااا زااايدين ولا شنوووو ....
لامار : ( شافت عندو ) ههههه ( تعلات باستو ففمو مطووولة شادة عينيها كتنغم ..وبنتها فيدها ) توووشحتكم ..... تعطلتوووو بزااااف ... مابرزطاتكش ؟؟؟
اسد : بنتك كتعرفيها ... ملي ماشيباتنيش ليوم عمرني نشيييب ..
يونس : ( جاي ) الفرااااشة خلاوووك بوحدك ليوم هههه ( سلم عليهاا ) صااافاااا
لامار : صاافااا اخويا على سلامتك .... وااايييه عمرني لااااخليتيها تمشي ... داز عليا نهار بحال العااام ....
يونس : هههه تاهي ونساتنا ليوم واخا حمقاتنا كدخل تحت البيرويات وتقطع الحس وكتخلينا نقلبو .. ولاكن بردات لينا جنون فواحد خينااا الماني مكيتسرطش ... هزها كيلعب معاها عطاتو تصرفيقة تاضار وزادتها بضحك هههه يحالا علمات الى باها ماحاملوش .. ( اسد كيسمع وكيتفكر لبلان وكيضحك غير بعينيه مبتسم كيشوف لتيل )
لامار : هههه نااااري راه كتحس بلي هازها من قلبو وبلي غير دااير راسسسو هازها ...
يونس : وايييه ... فين اريج ناعسة عاوتاني
لامار : بحالا علمك الله على هي ولات تفيق غاتولد الكوالا داك خيتي ... سير فيقها عندها ليك واحد المفاجأة زوووويينة
يونس : واااايلي ههه هي لولا ...
مشا يونس وهي شافت عند اسد
لامار : فيين كاااادووووويااااا
اسد : ( كيقلدها بصوت رقيق ) فييييين كاااادوياااا ..... كااادو ملفووق جايا كطيري عند بنتك .. بحالا انا كنت معاك .. وفيقييها هي تجيبليك كادو .. ( خلاها ومشا وتبعاتو كضحك ) صبرررر اسااد هههههه ..
مشات موراه كتجري شداتوو وهو داير فيها مقققلق
لامار : والله تاتوحشتكم بجووووج ..
اسد : ممممم
قربات عندو تعلات تبوسو هو كيطول فعنقووو
لامار : هببببط عندي
اسد : ونزيد نهبط عندك عاد ... بغيتي تبوسي طططلعي ...
لامار : كيغاندير نطلع خصني معاك سلوم .... وغاابوووووسة ... هبببط اوااا بوووسني
اسد : ههه بووسني ...ماتعاوديش تقوليها .... عندي مع هاد الكلمة ماااضي مكيشرفش ههه ( هز عليها قسم وعطاوها سوارت طموبيل ) حلي لكوفر غاتلقايه .. ( هبط عندها باسهااا وطلع لدار وهي مشات كتجري لطموبيلتو نساااات قسم )
