رتاج : عدنااااان ...حراااام عليك
عدنان : جاااوبيني ولا غاتباتي تما ....
رتاج : ففففف ضرووووروي تحشمني
عدنان : مابغيتيش تجاوبي ... اذن خليك تما توانسي نتي ونجوم ... ( مشا)
رتاج : عدنااااان عنداك تمشي ديرها بصاااح عدناااااان
ماشي ييديه فجيابوو وهي كتهرنن من موراه وهو مبتسم تاسمعهاااا
رتاج : كنبغييييييييييييييك اااازمررررررررر غاهبطني
عدنان : ( وقف كيضحك وضار عندها ) نعاام؟؟؟؟؟
رتاج : وكنبغييييييك ... يخ على بنااااادم باغي يسكتلي قلبي هاد ليلة كنبغييييييييك والله يخلييييييها سلعة
عدنان : ههههههه ( قرب تاوصل تحت العجلة وهي كتشوف عندو من فوق ) عاوديها
رتاج : ( كتشوف فيه ونظرات لي كيدير فيها وابتسمات نسااات عصبيتها وقالتها ليه بكل حب هامسة ماوصلوش صوتها غير حركات شفايفها ) كنبغييييييييك
عدنان : ( بعد مدة كييشبع من داك لكلمة وقال بترجي ) .... نتي غاتخليني نعاود نحل عيني مرة. اخرى؟
رتاج : ( بحزن ) عدنان ... منقدرش نقوليك شي حاجة او نواعدك انك غاتحل عينيك ... ولاكن لي نواعدك بيه هو ( قلت بصوت مرتفع كتر ) اااخررررررر ما غايبقى لي من جهدي غانديرو .... واخخررررر حل غايبقا ليا غانديرو ....
عدنان : ( بابتسامة ) تنزلي عنندي ولا تبقاي تما هه
رتاج : هههه نززلللني عفااااك
مشااا لاكابيني وقف وشاف لعندها وهي كتسناه .... وقال بخفت
عدنان : ربي ونتي ... لي معول عليكم ...
شغل العجلة عاد تنفسااات وهبطات بيها وخرجات كتجري .. وتاهو خرج من لاكيبيني وهي تننقزززز عليه عنقااااتووو بججججهد فرحااانة ورجعات شافت فيه
رتاج : اذن قابل تعالج وندير ليك العملية ياااااااك ؟
عدنان حرك ليها راسو باااه وهي ترجع تعنقووو تاني بججججهد فرحانة ورجعات شافت فيه
رتاج : فرحتني بزاااف ... غانكون قد الثقة لي درتيها فياااا .. وغانجيبك مور هاد للعملية لهنا ونتفكرو هاد لكلام...
جرها عنقها عندو وبداو كيتمشاو فداك الحديييقة والصقيييييل وكيضحكووو وكلسو على واحد الكرسي تما وهي متكية على كتفو وكيشوفوو لسمااا مزوقة بنجومها كتبان كيف شي ثوب اسود حريري لاااامع محجر بداك نجوم وجو صاااااقل مريييييح ... تاحسها كتحسس شي حاجة فيه وهبط عندها راسو لقاها كتشوف لداك الوشام مبتسمة وكدوز عليه صبعها من احت كمام جاكيت لي مغطين يديها وشافت عندو
رتاج : زويييين ( عدنان اكتفى فقط بابتسامة ) امتى درتيه بضبط ؟ ....
عدنان : مممم معقلتش امتى بضبط .. لي عاقل عليه هو درتو فواحد اللحظة لي حسيت براسي تملكت .... وباش مستحيل نكون مع شي وحدة اخرى ... مشيت وشمت اسمك ....
رتاج اكتفت غير بالصمت كتشوف فداك الوشام .... فللخر نطقات
رتاج : تانا مكرهتش نهز اسمك معايا فشي حاجة كتخصني ..بحال هاد الطاطو ...
عدنان : هههه ( بدا كيضحك ويحك تحت لحيتو وهي كتشوف معاه باستغراب علاش كيضحك) بلاش ازين راك ديجا مسمياني لكانيش ديالك ههه
رتاج : ناااااري واش مكتنسااااش هههه غير زكارة فيك هو عندو اسم اخور .... واصلا عطيتو دابا لواحد بنيتة صغيرة حيت منقدرش نتفكل بيه كنتنقل بزاف ...
عدنان غير ساكت اصلا باينة فيه الا كيحاول يتقمص السعااادة بسيييييف ... تاسمعها
رتاج : مدام جبدتي هادشي ومكتنساش اش طرا ... غايكون عندك بزااااف ماتقول ليا ...
عدنان : عندي .... ( هبط راسو لعندها تاكيقرب يتحط نيفو على نيفها ) عندي بزاف دالكلام باغي نقولو ليك فدقة وححححدة
رتاج : هاء ؟ وكيفاش كيتقال بزااااف دالكلام دقة وحدة ؟
عدنان : هااااكدا
جبدها وعنقها لعندووو ضمة داااااافية قوووية لصدروووو وهي غير سااااكتة وبادلاتو العنااااق بحالا فهمات كاع داكشي لي باغي يقول من خلالها وفعلا هي الوسيلة الوحيدة لي ممكن من خلالها تقول بزااااااف دالكلام دفعة وااااحدة ...
