عند سفيان ...
رجع ضار عندها كامل .. تنهد ومشا كلس حداها بلا كلام ...
حياة : مامعمرني ضنيت شي نهار غانتوحش داك البلاصة من بعد ماخرجت منها ..... كنت كنسميها كرنة ... حفرة ... ماعرفتش كيفااااااش ...م مم مكنتش كنحملها .... كنت كنعتبر راسي سجينة تما ... عاداااات تقااليد .. كلام ناااس .. جهل تخخخلف .... كملت لباك بزز معااهم ... انا طموحي بعيد على داك العالم ... باغا نهز راسي .. بغا تتفتخر ماما بلي حملاتها تسع شهور وكبراتها ... مابغيش نحسسها انها ضربات تمارة على والو .. بغيت نخلي بصمتي حتى انا ونهزها هي وخواتاتي مايعشيش الدل .. مابغيتش ديك الحياة ديال تبقا طول عمرك فالداررر حتا يديرو ليك زواج المدبررر وتمشي تفني لي بقا عندو ... ماشي هاديك هي الحياة لي بغيت انا ... خواتاتي كاملين كنشوووف مصيرهم ....بااقين صغاارااات .. الصغيرة فينا فعمرها 23 عام ... صغر من فاطمة زهرا .. لي كتقولو ليها نتوما لامار ....عرفتي قداش كتبان ؟ قد جدة .... تسالاو ليها الاحلام وطموحات ... ولات غارقة ولاااااد وشقاااا .. يديها ولاو حوووورش غصبوووها فطفولتها وهي عنها 15 عام .... كنشوف فلامار ونشوف فيها.. . لامار كبيرة عليها ولاكن لاوقفو بجوج كتباان هي الشاارفة بتمارة ... دنبها انها تولدات فداك الحفرة كو راها دابا بااااقا كتقرى و تشق طريقها كون راها باقا زوينة كيف كاع لبنات .. مااابغيتش مستقبلي ومصيري يكون بحالها ... تحديت راسي و تحديت واقعي و فاول فرصة جاتني هربت . .. بغيت غير نقرااا و نعيش حياتي بلااا دوك القيود ... ولاااكن فاش جيت لهنا حسيت براسي محتاجة لماما .... ماقديتش نعيش فهاد الرعب ديال شي نهار يقدو يلقاوني ... اه بااغااا ندير مستقبلي .. ونفس الوقت مابغاش نتخلى على عائلتي وماما و خواتاتي ... ماباغاش نضحي بشي حاجة على قبل لوخرا ... منقدرش .. مستقبللي وعائلتي هوما انا ... وبلا بيهم انا مكنسوا والو ( مدة كتبكي وتشهق وتسترجع الانفاس وهو غي ساكت ) كانت ليلة عرسي ... كانو باغين يزوجني لداك المقدم غير باش يبداو يصايبو كولشي بلا قانون وانا مافكر فيا تاحد كيف غانعيش معاه واش باغاه ولا لا ....كيزوجوني على مصلاحتهم ... مكنتخيلش راسي عايشة مع شاااارف بحالو ... ففففف بمجرد كنتفكر كنتيغليف ... كانت غاتكون كنازتي لاغذا كون ماهربت
شفيان : ففففف ( تعصب ) واش باقي شي حد كيعطي بناتو بهاد الشكل شهاد الخرررا
حياة : بابا .... باباااااا لي تمينت نحيد راسي من الحالة المدنية ديالو ..
سفيان : ( مدة غي كيفكر ) كتفكريني براسي احياة ....
حياة : ( شافت عندو ) علاش ؟ هه؟ غاتكون عشتي بحالي .... بلا مضحكني ... نتوما هنا ماشي بحالنا
سفيان : ماتخدعيش بالمضاهر .. على اي .. مزيان لي جيتي وتحديتي واقعك ومغصبتيش راسك .... ولاكن انا را ماتتفاقش معاك فهادشي لي قلتي وهاظ روينة كاملة .. مني باغا تحداي تحدااااي كولشي ... ماشي عيشة هادي لي غادي تعيشيها هربانة صافابا ! عايشة فيلم ؟ ... وااااجهي ... فرضي عليييييهم واقعك يتقبلوك ولا لهلا يقلب ..علاش غاتخافي منهم وكيف خلقك ..خلقهم راكم كلكم ولاد العباااد ؟ .. هاد باك هادا شكون يكون فملك الله ؟ ..
حياة : نتا معارف وااالو
سفيان : لا .... هذا المنطق ... ماتعيشيش بحال هاكا .. راه عصبتيني بلاصتك ماعنديش مع بحال هاكدا والحكرة دوالو .... راك باقا صغيرة ومحتااجة لماماك معاك وخواتاتك علاش غاتحرمي راسك منهم بسباب باك .. لاكن هو فارض عليك هاد الواقع فرضي عليه تانتي واقعك لي باغا .... انا مكنقولكش دي سخط باك ولاكن شي اباء هاكا كيصلاح ليهم ... ملي الاب كيلوح ولدو ولا بنتو كيف سلعة شايطة ومعمرو يسول تاشحال فعمرها ولا عمرو .. قاري ولا مقارييش ... .. واكل ولا لا .. مصلحتو فين .. لا سطوب تالهنا وحبسنا .... بناقس منو رضاااا كاع ... غاترجعي لدااااركم وغاتشوفيهم بزز عليهم وغاتعيشي واقعك كيف نتي باغاه ضساااارة هااادي .. بنت فسنك هاربة من دااارهم لا بغاو يزوجوها بزز عايشين القرن 19 حنا مريييضة ولا شنو ...وكولا ليلة نجي نبمي ونخنن الحياة ضلماااااني ضضضضلمي جد والديها تانتي ....
حياة : واش عرفتي لامششيت راه غايحبسوني والله لاخرجت مزال
سفيان : سيبا فالبلاد ؟
حياة : هوما عندهم السيبة غايقولهم انا باها وكانربيها ...
سفيان : كايريبيك ! هذا باغي يخرج عليد ....وزواج القاصرات فين هو من هادشي
حياة : راه مابقاليش ل 18
سفيان : على اساس 18 كبيييرة .. سمعني احياة ... نهار الواحد كايبغي يدير خطوة زوينة كينقي طرييقو من الشوك .. ماشي نتي كتفكري لغذا ولبارح باقي تابعك .... ماماك اش كتقول ؟
حياة : فوقتاش مانصوني عليها كتبدا تغوت عليا وتقولي رجعي حيت ماعارفاش عندمن كالسة وخالتي رقية مابغيتش ندخلها لمشاكيل
سفيان : ومالك اختي على هاد الحالة ؟ .. انا مامنحقيش ندخل فيك مي كنصحك .... ماتخافي من حد سيري شوفي داركم فوقتاش مابغيتي.. مك مكاااااينش لي غايعوضها ليك احياة .. بروووفيتي منها كلسي معاها قد مااابغيتي ششششبعي منها .... راه ماغاتحسي بقيمتها حتا تمووت هانا فين قلتها ليك ... تاحد معندو الحق يحرمك منها .... احسن حاجة غادييري هي انك غاتمشي لداركم .... وهضري مع مع ماماك وشرحي ليها بلي نتي باغا تقراي واجي برضاها ماشي هربانة بحال هاكدا ... راه لارفعو شي دعوة راه غايديوك بززز حيت هربانة ماشي جيتي بخبارهم ودرتي شهود ...( غمز ليها ) كوني دكية
حياة : ل الا منقدش نرجع مزاااال غايحبسوووني تمااا
سفيان : ااانا غاتمشي معاك غاديري اش كنقوليك وماتعكسيش ؟ ويلا راجل شي واحد وشاطو عليه عضيماتو يحبسك ... سيري عندهم وهضري معاهم انا ماغانتزوجش بغيت نقراااا بغيتو هو هءاك مابغيتو شغلكوم هداك شربو البحر بمواجو ...
حياة بدات غي كترمش
سفيان : و اشنو .. غاتبقاي كل مرة هاكا كتبكي موحشاها ؟ ماحسن تبقاي تمشي ومكاينش لي قرب ليك وتخرجي العين الحمرة وتشوفي ماماك وخواتاتك ولا هاد الحالة هربانة وكشمااانة وماعرف اش .... انا راه مكنحملش الفشوش ووهاد زيكزاك بنادم يوااجه مصيرو نيشان ياربحة يا دبحة .. علاش يعقد حياااااتو هاكدا راه حياة وحدة لي عندننا ياك مايتين ماايتين .. وااانعيشوووهااا كيف بغينااا .. حنا بوحدنا لي غانتحاسبو عليها ...
حياة : معرفتش ..معرفتش
حياة : خليك من هاد لفشوش دابا وهاد دراما دوالو .... بغيتي تقراي قراي ... بغيتي مك سيري شوفيها .... والى خفتي يحبسوك .. غذا انا غااانديك ....
حياة : ل الا اش كتقول بلا مندير المشاكيل لاشافوك تما موصيبة غايبداو يفهمو غلاط
سفيان : وكاع لايقصااار ليهم.. انا راه الباشار مداخلش ليا لمخي ... توحشتي مك سيري شوفيها ماديها فحد راه كل واحد عندو حياتو ولهضرة داكشي مامقاابلين
حياة طلعات فيه عينيها زاد فيها القوة
حياة : راه مابغيتش نعدبك معايا
سفيان : بلا هاد البوروطوكولات الخاوين دابا ... ( ناض ) تعطل لحال وراني عيان لعبنا بزاف ... غذا لابغيتي يلاه نديك بغيتي تبقاي تخنخني هناا وطيحي ضيم شغلك هداك .. غير بنادم ضعيف مكنحملوش ....
حياة : ( ابتسمات ) صااااافي واخا .... وشكرااااا بزاف
خلاها وطلع وهي بقات تضحك غاراسها
حياة : ناااااااااري شحال طلع ضريييييييف .. ففففف ... يااااااربي راه غايحمقني هاد الولد غااااايحمقني .... ناااااري غايديني لدوااار اولي اويلي اويلي غاايموتو بالسم .... فف عندك نديرولو شي مشكل ... نااااري دمووو شحاااااال سخون ياربي ياربي قلبي
