عند لامار
بدلات لقسم لي كانت فاقت وجداتها .. ومشات لبسات هي سروال كحل كلاص و بودي تاهو كحل لامع وكوستيم موبرة فالاخضر ملكي عندو صداف مذهبين ... وصباط عالي مع صاك طويل كحل .. وقادات شعرها على كتافها وكلوز خفيف .. وهزات وراقها وبنتها وخارجة هو يبان ليها سفيان تاهو هابط يلاه كان كيهضر مع حياة كيرد تيليفونو لجيب ..
سفيان : صباااااح الغزااال و الجمااال ( هز عليها قسم كيبوس فيها )
لامار : اهلا بسي لعريس فااايق منووورر الحب زوين لهاد درجة هههه
سفيان : وااااييييه ههه ..غادا الاجتماع ؟
لامار : مممم اه .. نتا فين ماشي
سفيان : لشركة تاحنا عننا اجتماع وغاندوز لدار نشوف فين وصللو
هبطو كيهضرو تاتلقاتهم رجاء تاني خلاو ليها داك لفطور فراسها ديما كيوجدوه وياكلوه غير هوما بيناتهم ...وخرجو كيهضرو
سفيان : بالله تاركب فيا الاعصاب .. معرفتش كيدار عدنان صبر شحال عزيز عليه يرااااوغ ...
للامار : دابا كيفدي فيه كاع داكشي لول .. اسد كنعرفو كيداير مكيعجبوش يدوز الحاجة بالساهل والله ماشحفك عليها لاسمح .. كل مكان غللطك كبير كل ماعدبك كتر
سفيان : والله اختي تاطلعو لينا لمشاكيل فراس مكرهناش امتى نتهناو .. زيدي ركبي نوصلك فطريقي
ركبات معاه وانطلقو
سفيان : ملي تمشي حاولي تهضري معاه يديرو حد لهادشي عدنان خدا جزاائو وباركا عليع غير الندامة
لامار : كضحك عليا .... قول مصاب نهضر معاه غير على حريرتي يسمحح ليا على لبارح لي خبيت عليه بلي لخطبة كبيرة ... عاد نشوف حاجة اخرى ههه انا كيسمع مني انا ؟ .... عييييت بالهضرة منهار فااااق والو لي فراسو فراسو
سفيان : رااااسو قااااسح ... والموصيبة ضايرين بيه غير لي كتر منو ...
شدو طريق لشركة ... ورتاج بعد ماقطعات الاتصال بدات تقلب فاقرب حجز لايطاليا لقات طيارة خارجة فالعشية وحجزات فيها ... وهي تجي ماجدة تهز لبلاطو
رتاج : اا س سمحيلي .. ممكن تنفدي ليا واحد طلب لاجات على خاطرك اخالتي ؟
ماجدة : اهاه على الراس والعين امري ابنتي
رتاج : ماجبتش معايا حوايجي وبغيت نخرج وعندي غير قفطان ممكنش نخرج بيه ... عفاك تمشي تاخدي ليا شي حاجة كيف ماكانت غير باش نقدر نخرج بيها باليا عدنان غايتعطل وانا معنديش الوقت
ماجدة : اااه الالة نقولها دابا لولدي يمشي يجيبهوم ليك
رتاج : ششكراااا بزاف انا غانكتب ليك فهاد الورقة لي طاي ديالي وشنو بغيتو يجيبلي ... ( هزات البوشيت ديالها بدات كتكب فواحد الوريقة وعطاتها لفلوس ) شكراااا بزااف ...
مشات داك المراة ورتاج عاد حلات لها ضور فدار وتساراها .. عاد كتكتشف دوق الرفييييع الكلاسيييكي ديالو .. كانت دار مفتوحة مافيهاش بيوت بزاااف ... دوقو غامض بحالو .. لدرجة مكتعرفوش اش باغي واش الديكور مغربي او فرنسي او الصيني او روماني كولشي مخلط ... خرجات لبرا كضور كانت فريمة صغيرررة فيها اشجااررر الفواكه .. ومزروعات والرشاشات دالما كيسقيو جو كيفتح النفس بصح هي معنهاش دابا لخاطر لي تستمتع بيه.. تاصونالها تيليفون.
رتاج : دابا عاد مفكراااااني
اريج : حياابتني بايتة فدار البغلة.. دخلت لبيتك مالقيتكش راك مع لامار
رتاج : لا ... موهيم تانجي ونعاودليك .. مغاتخرجي فين ؟
اريج : معرفتش غانمشيو عند اسد ولامار وصافي ..
رتاج :ياك منتو غاطلعو لشمال
اريج : مزال مقاليش يمكن تالغدا .. مزال مكلسش مع خوتو ... دابا فيييينك
رتاج : واحد شوية غانجي لدار ونعاودليك ..
قطعات عليها ...شوية تا كان جاب ليها حوايجها ودخلات بدلات وخرجات كتمشى ... تاوصلات لطريق الرئيسي ولخا بعاد بصح طاكسيات كاينين وشدات وحدة لمحطة ...
