بدات لامار كتغوت وتبكي
لامار :عييطلوو اسفياااان عفاااااك يمشي يديلي لبنت ويخليني
سفيان : واش حماااقيتي ؟؟؟؟ فين غايديها الله يهديك تلقايه غي معصب واش مكتعرفيههش خليه تااايبرد وغاتلقاايه رجع
لامار : لا لااا ...لابقيت بلا بيها نهار واحد نحمااق عيطليه شنو هادش كيدير ليا حرام عليه
حياة : وغي تهدني اخختي يمكن مشا غي لدار
سفيان : صافي هانتي بلا ماتخلعي انا غانعيط ليه دابا
لامار : عييطليه عفاك شفو فين هو
سفيان جبد تيليفونو كيصوني عليه وكيقطع عليه
سفيان : متاايجاااوبش
لامار : هااويلي هااااويلي غايديلي لبنت وييييييخلييني ( طاحت الارض كتبكي )
سفيان: واتهدني حماقيتي .... واش رديتيه كاع هاكا ... راك كتعرفيه زعما كيتعصب ويرجع وصاافي اخختي هاناا غانبقا نصوني عليه تايجاوووب .. حياة جيبليها تشرب
خرج لبرااا كيصوني
سفيان : جاااااوب اسد جاوب ...
كيصوني والو ودخل عندها ولامار كتتشهق وتبكي ولات حممرة عينيها فازكين عاد صونا تليفونو وهي توووقف
سفيان : الوو اسد !!
اسد : اش واقع راني كنت صااايك
لامار : سووولو دغياا فين هي بنتي
سفيان : ششش خليني نهضر .. اسد فين مشيتي راه لامار غاتهبل هنايا
اسد : فيين غانمشي راني غادي لخدمتي شهاد لحمااق
سفيان : ااه صافي غي تخلعات وصافي ملي ديتي قسم
اسد : علاش داها لبراني ولا شنو ؟
سفيان : ولا اصاحبي مالك كتأول ...
قطع عليه وسفيات بقا غي كيضور راسو
سفيان : وااش هدا معاه شي هضرة هذااا !
لامار : رااه سممعتوو ... داير ليا حنا حالة وهااز لبنت بلا مايعلمني وكيقولك ماشي لخدمتي فين غاانمشي ... ومبرد مع راسو ..بسيف ماقلبي غااااايسكت ... مااوليتش كننهههمو كاااع
سفيان : واااايلي تانتي ..
حياة : اش كتقولي اختي راه غي كان معصب ..
سفيان : عادي ا لامار راه تانا فاش شفت تسجييل و لبنت حدااا الخطررر راه تخلعت
حياة : تفوووووو تريييكة وحدة
لامار : وردييتو عليا اللومة انااا. . غانبغي لبنتي الضررر ؟؟؟
سفيان : لا مارديتش عليك اللومة ولاكن كون كنتي مراتي كنت غانغوت عادي ونتصرف نفس تصرف اسد واي واحد غايديرها .. راه نتي وتكوني فبلاصتو غاتغوتي عليه لاسمح فيها ومشات للخطر .. عرفتي اش دارت فشركة ولامعرفتيش نااس راه كانو غايتخنقوو فساانسوورااات وداك ساعة فكيها مع لاسيرونص .. ولاكوموند لي جبنا ضاااعت ... وابار هادشي البنت كانت غاتوقع ليها شي حاجة الله يحفظ كون هبطات من دروج راه مغاتوصل تاالهنايااا كتكرب الله يستر .. داكشي باش انفاااعل .. دابا يبرررد وتصالحو
لامار : يمممممشي يزززمر مغانتصااااالح مع حد
حياة : وعلاش غاااايتصالحو ... حشومة يدير ليها هاد الحالة مالها عنها عشرة دالعقولا
سفيان : شوووف ليك على شعالة العوافي ..راه خويا هاداك علامن كتهضري
حياة : وراه تانا هادي ختي .... تفو عقلية وحدة عندكم الى طاحت البنت تسبيييوهااا فالام ... ويلا طيحتوها نتوما مايكانش لي يحاسبكم ..الحكووومة العليا مكيحاسبها حد
سفيان : شاااااا ....شتك بيديتي تجمعي
لامار : سكتووووني .. اووف ( كلسات كتسوط شادة على راسها وحياة وسفيان كيخنزرو فبعضياتهم )
سفيان : صااافي الاماررر ماعندك علاش تخلعي دابا .. دازت بيخيير الحمد الله ماطرا والو مرة اخرى مغاتبقا لاعندك لاعندو غانهزها معايا انا ...
لامار : كااالس كيقول يا مربية ماامربية.. كالس كيقارني بمررربية ماخلا ماسمع ليااااا .. دابا انا لي حملت ووولدت وتعدبت وكنفيييق بليل نرضع مرة كنعس مرة لاا .. فاااش كتممرض كنمرضو بجوج بقوة مكنسهر معاها ..فللخررر هاكاك يقووول ليااا ... فين عمر وقعات ليها شي حاجة قريات تدخل فتسع شهوررر وعمرني خليتها طيح ولا توقع ليهاوشي حاجة
سفيان : ورااكي كتعرفيه عصبي غي مع راسو مجنون .. حناا كاملين هاكاك دايرين بحالا عاض لينا شي كلب فيدينا .... فاش كنتعصبو مكنعرفوش اش كنخرجو على فمنا ... ووهو كتررر ..انا خوه وملي كندير شي حاجة متعجبوش شي كنسمعو شي لا.. حيت عارفو كيداير .. وملي كيبرد كيندم .. وصااافي تانتي متديش على هضرتووو داابا يبررد ويرجع يطلب منك السماحة ...
لامار : يمشي يبعد ...انا يجييبليا غي بنتي
حياة : وهانتي سمعتيه راه داها معاه غي اللخدمة ترجعي لدار تلقايها
لامار :كيفاش داها هاكاك وال جاااعت
حياة : راه هز صاااكها كااامل ودا تا آييس معاها ..
سفيان : صاافي نساي هادش بلا شوهة كتر وطلعي غسلي وجهك و كملي خدمتك بشوية عليييك ... ولا تبغي نخرجو انا وياك نتغداو ؟
لامار : الا معندو مين يدوز ....
خرجااات وحياة بدات تخنزر فيه وتبعاتها خلاتو غي مطلع حاحبو
سفيان : وهادي مالها تااهي؟ ...
طلعات لامار لبيرو ديالها لتخات لباااب ...شافت لبلاصة د قسم لقات غي بلاااصتها و كلسات تما كتبكي
لامار : الله على بنتي الله كااااانت غاتوقع ليها شي حاجة بسباابي ( كتشم فداك مخدة لي كتلعب عليها) حبييييبة ديالي سسسمحت فيها .... كون وقعاتليك شي حاجة غاااانتسطا غااانحماق ..
بقات تما كتبكي تابردات قلبها ومشات لحمامات غسلاات وجهها و كلسات قدام لبيسي تلهى فالخدمة رتاحت ملي عرفاتو داها معاه غي لبيرو .. قالت صافي يكون سافر بيها لشي جزيرة سيير فين تشوفهوم .. .. شوية سمعات دقان ودخل سفيان هاز الغدا معاااه و شد ليها داك البيسي
سفيان : معندناااش حنا لي كيخدمو جيعانين ...
لامار : معندي منين يدوز اسفيان
سفيان : ديريليو منين يدوز بسيف عليه ... شدي راه عارفك كيعجبك لفروماج بزايد .. ( عطاها ديالها )
لامار : ( كتاكل وباقي صوتها منغنغ بالتبحبيحة دالبكا وعينيها منفوخين ) على حااالة ... مغرقني فالوراق وزايديني بالدباز والعاداو
سفيان : نساااايه عليك دابا هو راه جنونو مشا يبردهم على خاطرو .. وبقاي نتي طحني هنا .. ونتوما غدا مسااافرين زعمااا .. غاتمشيو للعمرة مخاصمين
لامار : يقووولها لراااسوو لي خصو غي منين يدوز ليا ... كيقولي شي عقل نمشي دابا عندو لبيرووو نوريه هادشي لي كيدير فيا
سفيان : صافابا ؟؟؟ ماااعمركم تناقشو مشااكلكم ونتوما معصبيين ولا تاخدو شي قرار ... خليو تاتبردو وتكون هضرة اخرى .. نتي بحال الغافية وهو لييصوونص راضعو وتشعلو بجوج كيغاديروليها ؟ خلي تاااتبردو وهضرو ..
لامار : على هو مايعرفش يطفا شوية علاش ماشي هو لي يقول تانبرد ونهضر ولاهو كيعرف غير يعرعر وانا خصني نسكت باش مانكبروها .. ماااااخلا ماسمع ليا
سفيان : حتى نتي ماتبقايش تدي على هضرتو فاش يكون معصب .. راه مكانش عارف راسو اش كيقول .. خصك تشوفيه شحاال هادي قبل مايتزوج بيك كيف كان .... غي كنسمعوه جااي عنندنا لدار كنعرفوووو الاعصااارر غايوقع شحال من المرة الواليد كيقولك غايدخل عليا من السور بطموبيل ههههه.. دابا راه شوية ولا مهدن تااكلما بزاااف مور ماحيت من كندا تبهضت فيه ولا واحد اخور وكيضحك ويقشب انا راه عمرني كنت شفتو كيضحك ديما حاجبو مهزوز ... الوليد كان كيحطهم فسرواالووو فاش كان كيسمعو جاي ولا عيطولو .. هههههه محضرش لكنزة دالواليدة وهرررب خاااف غي منوو هههه واحد نهاررر جااا رون الداار .. سييمانة وزاج مابغاش يتجمع ... هو راه هاكاك دااايررر مجعورر طوووفاان خلاتها جدة ههه هاكا كانت كتعيط ليه
لامار : ههه عبرات عليه ههه فيضااان الله يستر كيفيييض توشيه شوية مشيييتي .. فاش كيكون مهدن تقول هنا نبااات مكاينش بحال هاكا فرزانتو .. غاابتقنندش شوووية ويهز داك الحاجب غازير سمطتك وقلب على شي طريق كتحرج ... تفوو
سفيان : ولاكن قلبووو بيض دغياا تلقااايه رجع مااكيشدش فخاطرو .. خصو غير يخرج داااكشي
لامار : وراه كنعرفو كيداير راه اسد حافضاه ... ولاكن مكنحملش هاد ااتصرفااات ديالو ... يولي يتحكم شوية فلسانو ... راه داك العضرة كتجرح ..
سفيات : ودابا شي سمعيه شي ميكي عليها اانتي متبقايش تنبشي فكل كلمة .... حمدي الله لي تبدل وماجيتيش فالزمااان ديال شحال هادي كيف كان ..
لامار : وراه جيت فداك زمان نيت .... تا مات الواليد ديالك عاد تهدن شوية .. كان عندو نمر سميتو روووبن ... ربع يام هو فالكلينيك معطوب هرس ليه العنق والرجل عوووقوو ماعرفتش اشمن حرر رد عليه واااش ضربو مع الحيط ولا زططم فيه ولا اش دار ليه ... كان عايش معاه فالعدااااب غا هو مشا جيت انا بلاصتو يرد عليا حرو
سفيان : وهانتي قلتيها بفمك هههه غي كيرد الحر.. راه هاكاك داير هو ...عاوتاني لي دااز عليه ماشي سااهل .. راه نكون بلاصتو ناشي غي نولي معصب راااه نتخلخل .. داكشي لي خلاه يكون مجعور هاكاك ودغيا كينفاعل ..مابقااش عندو الخاطر يتحكم فراسو ...
لامار : عرفتي انا الى درت شي حااجة وغوت عليا فالبلاصة و الله مانخاف مكنحملش فاش كييييسكت ويبداا يخخخنززرر و يجاوبك غاااااابشوية لا كنننعرف داااك ساااع البراااااكين غايتفركعو ... داك الهدوء ديالو خطير هو لي كيخوف .. ييييخخ
سفيان : ههه يسمعك يبوقل مك .. وماشي غي هو حنا كاملين هاكاك سيري طلي على يونس.. شهر العسل ياحسرة كركرب صاحبتك من الدروج على قبل سروال تعكسو عليه
لامار : اويييييييلي
سفيان : كون مافرقتهمش كون هرسها...ما واحد ختها ياحسرة مشات خبعات غي راسها خافت يجمعها تاهي هههه زهركم طيحكم فينا اش غادي نديرولكم
لامار : والنوصيبة وخا هاكاك نموتو ونحياو فيكم مفهمتش شنو عاجبنا فيكم
سفيان : ماتجمعنيش باقي صولو كيضرني قلبي ههه ... لا لا انا ديالي مغاتعدبش
لامار : مممم
سفيان : حيت عمرها غاتجي اصلا ههه خليت ايكم صداع راس ..انا باغي نبقا دراسي .. كنتخيل راسي غانبقا غي مع بنت وحدة كنتخنق هه خوك عزيز عليه ينووع
لامار : نااااري نتاااا عاد .. ممممم داابااا نشووفك .. فيمن شبهتو فيمن
سفيان : كون عرفناه كون مشينا نقتلوه باش مانتكاثرو ربعة اخرين منا ويكرهو البنات زواج ...ههه مهم انا غادي نمشي وجمعي خناينك ماتديش على اسد وتهزي فخاطرك راه غي تخلع على بنتو عادي
. راه انا بلاصتو نضرب كاع ههه
لامار : زاااااد فيه مالها ماشي بنتي ..
سفيان : دابا داخلنا عليك بالله غي قوليلي فين كنتي هه ... كيفاش دازت مليهيه ونتي كالسة هنا يعني حدا عينيك وخرجات ورجعات وماشتيهاش ؟ راه يسرقوك امرات خويا قدام عينيك وماتعيقيش
لامار : على هي كتبت فبلاصة وحدة ؟ راه كتخطط بزاف فين غارد ليها لبال كنقول يمكن غي كتلعب مكيعجبنيش نحبسها .. كنبغيها تكون بحريتها حتى الى طاحت تعول على راسها تنوض ماشي ديما عنداك عنداك...راه غااطلع بلا شخصييية وديما تعول علينا حنا نوضوها ...
سفيان : سي فغي وقوليليه هاد الهضرة يفهم ..
لامار : وراه هاد الهضرة هو لي علمهاليا يا حسرة
سفيان : ههه يقولون ما لا يفعلون عادي عادي غي تخلع عليها فعلا طلقوها بحريتها مي الخطر حضييها راه الى خطاتنا هاديك نلوحو راااسنا فشي واد انا بعدا مانتخليش راسي عايش بلا بيعا دابا وتوحشتها..
لامر : مغاتكونش قدي .. معرفتش منين جابت هاد تشيطين حق الله بزاااف بزااااف... جنييييية .. ماعندهاش تصرفات طفلة عااادية كادير شي حوايج انا كبييرة ولله لاقدرت نديرهم ..هادي غي شهراين اسد دار فيها 8 دتيليفونات 2 طاحو فلاشاس و 2 لاحتهم من الشرجم و2 لحد الان فعداد المفقودين ...
سفيان :ههههههه وديالي نسيتيه هههه
لامار : على نتا غي تيليلون ونضاضر لي خشاتهم فعينين اييس وراسو كبير تاتهرسو عليه.. وسعتك لي باقي تاملبستيها يلاه وصلات لاحتها ليك فالما
سفيان : اووودي فسبيييل ضحكتها تهرسني تانا ..الله يجعلها دير لي دارت بربي تاهي تهرس ونا نبوس بحال هاديك ييضربووها
لامار : راه نتوما لي كتخسرو ليها تربية
سفيان : تخسر ولا تكلس والله ويقسيها شي واحد فيكم ... ماعندها ماتخسر ضايرين بيها عمامها تبارك الله الحلوف على لاخور الريح معندوش منين ندخل
لامار : انا هازة الهم نهار تكبر وتبغي تزوج شكون هذا لي يزعم يتناسب معاكم
سفيان : لييييييه الشرررررف يدي قسسسسم لييه الشرف .. ماشتيش نتي لاولدتي شي ولد اخوررر يطلع كيشبه لينا عاد غاتزير عليها القضية ..شتي نتي ولدي غي لبنات حسن هههه راه باين الولد لي غاتولديه كيف غايطلع ههه ولدي اختي غي لبنااات نصيحة ههه ( نااض يمشي ) ومسحي دمييعات مكيجيوش معاك امرات خويا لغزالة هههه
لامار : اسيدي سعداتي بيكم يونس كيعطلي لفراشة ونتا الغزالة .. سعداتي بلوساني
سفيان : تستااهلي كتر والدة لينا قسم وجامعنا مع خوونااا خلاها يونس راكي امنا الارض ههههه
