ناضو كاملين خرجو لجردة ويونس وعدنان خارجين كيهضرو
عدنان : كون كان يحسابتني هاكا اصاحبي كون كملتو فطموبيل متعرفش تكتب ميساج قولي دار عامرة ....
يونس : انا قاليا اسد راك غاتجي قلت غاتكون فخبارك .. دابا صبر وصافي
وصلو لجردة فين كاينة لاصال امونجي ولقاو جوج بناات كيتسناوهم بابتسامة ... وحيااة تخطاتهم ومشات بزربة جرات لكرسي لي حدا سفيان باش متجي ليه لوخرا ... وهو مشافهاش كاع هااز تيل تاني كيشوف لماتش .. ومريم مابغات لاتكلس كتسنا فعدنان يكلس باش تكلس حداه وهو عاد جاي مع يونس ... جر كرسي يكلس وهي عاد ابتسمات ومشات تجر لكرسي لي حداه تالقات شي حد جرووو وكلس بقات غير كترمش .. ورتاج علات فيها راسها بابتسامة ... وكتومي ليهاا تكلس . .. مريم خسر ليها البلااان تاني مالقات لجد والديهم طريق دايرين عليهم بحال الشوك الله يستر لي قرب يرعف .. وكلسات حدا رتاج منيرفية ضاع ليها العشا.. والخادمات بداو كيسربيو على الطبلة كلا واحد و اشنو بغا ... اسد كيوكل بنتو ولامار واريج عاطينها لضحك .. وعمران عااايش عالمو مع سارة كيهضرو هو وياها ويضحكو ... وولاد ابتهال كلا واحد شاد تيل تحت طبلة كيتفرجوو فالماتش .. تاتحط لعشا كلا وطبقو عاد حطو تيليفونات ... عدنان شم شي ريحة حداه كتعجبووو ماغريباش عليه وضور راسو بشوووية لقاها رتاج كتاكل بشوووية عليييها وهو يبتسم كان مشغول مع الماتش ماردش ليها البال هي كتاكل وهو كيشوف فيها .. تاحسات بيه وضارت عندو كانت الدغمة عاد ففمها .. وبدات ترمش فيه وهو داير فيها واحد الشوفة زوييييينة وابتسامة شبه مختفية غير لا حققتي عاد تبان ليك .. غير شافتو كيشوف فيها بداك النظرات وهي توحل ليها وبدات كتكحب وهو ضحك وخوا ليها كاس ديالما عطاه ليها شربات عاد تهدنات وابتسمات ليهم بمعنى انا بيخير عاد كملو عشاهم وشافت عندو لقاتو كياكل ويضور فراسو ضاحك وعضات على شفايفها على فرشة كيف دايرة وبدات كتخشي فوجهها ....
سلاو عشاهم وديسييرر وهو داك الام والاب يوقفو
الاب : الله يرضي عليك ابنتي شي بلاصة نصليو فيها صلاة العشاء ...
لامار : اه اجي تفضل معايا
مشات قدامهم وتبعوها لدار ... وسارة وعمران ناضو كيتمشاو فجردة ويهضرو ... ودراري دغياااا جبدو تيل دارو الماتش وحطوه مكالي مع واحد البوكيه باش يتفرجو كامليين وناضو تجمعو فقنيتة وحدة لبنات بقاو غير كيشوفو تسييييفوووو عليهم مابقاوش كييييعرفوهم ... كل وحدة كترمش فلوخرا ... عاد تأكدو بلي الكرة هي الوحييييدة لي غاتلهيييهم عليهم والموصيبة تامن قسم كلسها على طبلة وكتفرج مخخخشعة
يونس : واااااازييييييد ابنادم
سفيان : يلاه يلااااه يلااه .... هاااهو عطاها ليك يلااااه
ناضو لبنات حيت بااااليهم غايبقاو غير زايدين تما هادوك مكينينش فداك لعالم ... ومريم ناضت تاهي كتسرا فالجردة وتسيييلفا ولبنات مشاو كلسو حدا لابيسين اريج ملي شافت مريم بوحدها ناضت هي عندها باش متخليهاش بوحدها ورتاج وحياة كالسين كينمنمو فمريم ويتحلفو عليها لاقربات لشي حد فيهم...
لامار دخلاتهم يصليييو وهي تشدها الام وجبدات من صاكها واحد صويك صغير فيه دي بواط لداخل
الام : هاهوما ابنتي الخواتم ديالهم .. تانركبوهم ليهم
لامار : ااه داكوغ انا غادي نوجدهم ... الله يتقبل
مشات لصالون فين غايديرو الخطبة لقات داكشي هو هداك فاش كانو كيتعشاو الخادمات قامو بكولشي .. طبلة مرشوش عليها الورد ومحطوط مصحف فضي وحرف كبييررر ديال S و واحد ديال I وشموع صغيرة وقريعات طوال فضييين بحال طيم ديال المصحف فيهم ماء الزهر وكويسن طوال تاهوما فالفضي فيهم الحليب و طبسيل طويل ديال التمر .. عطاتهم يحطو ليهم لخواتم فبلاطو اخور ... ودارو طبيلة طويلة لور بحال بيفيه عليها كيسان كباااااررر ديال الرجل .. عامرين بالحلويااات لي ماكاغون و لمورااانغ و شوكولا .. ومحطوط تما تابوكيه دالورد لي جاب ليها .. ولاطاغاط فالوسط كانت بعجينة السكررر كلها بيضاء وفوقها جوج دالخواااتم بالعجين فالدهبي واسماءهم مكتوبة فجنب لاطاغاط ... وليبلاطو ديال الحلوة التقليدية .. وعاد زجاجات المشروووبات الغير الكحووولية والعصائر .. شافت داكشي كولو هو هداك وخرجات لبرا لعندهم بانوليها غير دراري على طبلة وطاااااالع ليهم الدم مخنزريييين من غير اسد وعدنان لي واقفين بعيد كيهضرو وهي تشد على قلبها
لامار : اربي شنو واقع ( مشات عندهم بزربة ) ماالكم ؟؟؟؟؟
يونس : ( كيهضر مغدد ماحاس بىاسو تامعامن كيهضر) ضيييييعها ولد الحرااااام
لامار : ( حلات فمها وشدات عليه ) اويييييييلي
سفيان : ضاااااعت المرة لووولا ماقلنا والو .. لاكن باش ضيع جوح دمرات راه بزاااف
لامار : وو .. و و و هي واش بغات ؟
يونس : هي بالفرحاااات عليها ( كيهضر على لفيفا ) هي علااااش هي .... رابحة فكل الاحوال .... ضييييعها ولد الحرام هذا ملوووول مكانش خصهم يثيقوو فيه
سفيان : قلتها ليكم فلول داك خينا مصااالحش واامشلل اصاحبي مشلل .. عرفتي شحال من وحدة ضيع ؟ وهوما سااااكتين ليه ...
لامار : ( لا هادي سلات معاها وكلسات ) اويييييلي شحال من وحدة؟؟؟؟؟
سفيان : بلا حساااااب .. مكيجيهومش ديريكت ديما كيضرب من الجججنب داكشي علاش ... عرفتي كون عطاوها لياااا انا برررررب لاضييييعتها
لامار : هااااااااء ؟؟؟؟؟؟؟؟ شهاد الحماااااق نتا عاود
سفيان : وااااابرب ماكنت غانضيعها .. كانت ساااااهلة ساااااهلة وتاحد ماواقف قدامنا ..
لامار : واااااش حماااقيتيييييي وحياااااة ؟؟؟؟؟
سفيان : واش جاب حياة لهضرة ؟؟؟؟؟؟
يونس : نتي علاش كتهضري ؟
لامار : قولولي نتوما علاش كتهضرو شكون لي ضاعت وشكون لي ضيعها ؟
سفيان : كنهضرو على ضربة الجزاء لي ضيعها بيييل .... نتي علاش كنتي كتهضري ؟
لامار : ( ناضت معصبة ) اوا الله يمسسسخكووووووم .. الله يلكيهاليكم نتوما وهاد الكورة كتتو غااااتسكتو ليااااا قلبييييي ... اووووووف ( شادة على قلبها ) ياربي سلامة شوية مكنت غاندير شي فضيحة فعمران مسكيييين .....
سفيان&يونس : ؟؟؟؟؟؟؟؟؟؟؟؟
خلاتهم لامار ومشات شادة على قلبها لعند لبنات ...
عند اسد وعدنان
اسد : لحد الان مزال ماقلت والو .... ولاكن بلا متفرح الامر مغايطولش .... حيت حتى انا الى خباو عليا الخبار غانتقلق ..
عدنان : اسد ... مشاكيلي ااخاصة انا قاد بيهم خرج سوقهم
اسد : ( شاف عندو ) مرضك ماشي مشكل خاص ..مرضك مشكلنا حنا كاملين ...لان نهار توقع ليك نتا شي حاجة ماشي بوحدك لي غاتآدى
عدنان : بلا متهز الهم ... حيت مزال ماكملاتش حتى عام ملي تعرفو عليا كأخ .... وسنين وهوما عايشين بلا بيا ... مايمكنش شهور قلال غايأثرو عليهم .... غايرجعو يكملو حياتهم عادي
اسد : ونتا شحال هادي باش عرفتيهم ؟ ياك غير شهورة قلال حتا نتا ؟ اوا الى قلت ليك سفيان كيموت حتى هو .... باش غاتحس ؟ ممم
عدنان : باركا هذا ماشي ضحك
اسد : انا مكنضحكش .... يلاه قوليا باش كنتي غاتحس غتتقول ماشي مشكل دغيا غانتخطاه هم ؟ دغيا كنتي غاتنساه ... ولا يوونس ؟ ...كنتي غاتنساه تاهو وترجع تكمل حياتك كيف عشتيها السنين لي دازو ...
عدنان : ( تنهد ) ماباغيش نصدعهوم بمشاكيلي .....
اسد : شد فمك وباركا من الهضرة الخاوية .... غدا فصباح بغيت نلقاك قدامي فالكيلينك ... غاترتاح وتاخد علاجك ..وملي يجي وقت العملية ونستعدو ليها ولقاو شي حل دخل ديرها ... يسالي هادشي وطلع تنعس ورتاح ... عطي شوية راحة لراسك ....
عدنان : ( شاف فاسد ) مغاندير ديك العملية ...ومغاندخل لداك البلوك ...ومغانمشي للموت ومغاااانرتاح ...حتى نشوف خويا سمح ليا ....ومن قلبو ماشي غير حيت باغيني ندير لعملية ... هديك ااساعة غااااندخل ...
اسد يلاه غايرد عليه تاحس شي حد عنقو من لور وخشات معاهم راسها حيت شحال وهي واقفة بعيدة كتشوفهم كيهضرو فرحاااات واخا مكانتش كاتسمع اش كيقولو
لامار : راااجلي لحبيب ولوسي لعزيز اش كالسين كيقول بالحس همممممم
عدنان : ههههه والو .. غير كنهضرو ..
لامار : ممممم اوا سمحووو ليا غااانقاطعكم وغانقوليكم دخلو راه غايركبو الخواتم
اسد : لامار صافي غير بيناتكم معندنا خاطر ....
لامار : حححمااااقيتي لا ... مايمكنش ...زيد قداااامي يلاه ....
زادو دخلو لدار و اريج سيفطات مريم تمشي تعيط عليهم ...ودخلو كلسو كانت الام والاب كالسيين وعاجبهم داكشي كيستغربو ويقولو هادو ضاربين لحساب لكووولشي لاماررر واجرك عالله ... يلاه كلسو وهي مريم دخل سارة وعمران .. لي غير شاف داكشي استغرب وابتسم وتا سارة عجبهااا الحاااال كولشي كان مقاد زوييين ومشات رتاج جراتهم وقفاتهم فبلاصتهم ...وكيصوروهم ومريم باينة فيها فرحاااانة لخوها غير كتنقز .... وتصور معاهم سيلفي والخادمات كيفرقو عليهم المشروبات .. وبدا كيشربها الحليب والتمر وهي كدالك وكتشوف فيه وتضحك .... عمرها مكانت كضن غادير شي نهار شي خطابة تاهي مع شخص لي عمرو جا فبالها ...وتقدر كاع تكون شحال من مرة تلاقاتو فزنقة بصح مكتعرفها مكتعرفو ... وجمعوهم الاقدار تاولاو زوجين ...عمرها تخيلات غاتخطب قدام انظار الراجل لي كانت مهووسة بيه وكتقول لامتزوجتوش نموت وقدام واحد كان راجلها واحد نهار .... على حياااااة !!!! .... ركب ليها خاتمها وركباتو ليه وهوما كيصفقو عليهم... وحياة كتشوف فسارة شحال فرحانة وهبطات راسها كتفكر خطبتها وكان ليوم غايكون عرررسها ... وسفيان كيشوف فيها عارفها مزيان فاش كتفكر .... وعدنان كيشوف فرتاج كيفاش واقفة كتصفق وعنيها فرحانين كيحس قلبها بييييض دغيا كتفرح لكولشي ومكتسوقش لراسها .... غير جا يقلب عينيه هو يلقا داك مريم كتبحلق فيه بغات تااااكلو عيقات كاع .. ورجع ضور راسو وبعد شوية .... وتارتاج ردات ليها لبال ومشات مغددة عند حياة مشافتش كاع الى عدنان بعد من تما وولا كالس غير حدا حياة
رتاج : شتتتتتتي كيفاش كتشوف فيه عععععصبتني
حياة : ششششفتها مكرهتش نوض نتفها فبلاصتك ... عطات تيقار لسفيان رجعات لعدنان يخ ...
رتاج : حتاااا هو عاطيها وقت وكيضحك ليها ... يااااربي تصبرني ياااااربي ( عدنان غير تبسم حيت اصلا عيااااان فلداخل ديالو وماعندو خاطر ثقييييييل واخا هاكاك عجباتو لغيرة ديال رتاج عليه تاشوية بانت ليه داك مريم قربات لعندو ورتاج عاد شافتو كالس تما وكتدعي الله مايكونش سمعها )
مريم : اا س سمحليا تيليفوني عمر ليا ...ممكن تصورني نتا وتسيفطهومليا فالواتساب هاناااا غانعطيك نمرتي
بغات دوز ليه نمرتها غير بالفن ورتاج كتفرك فصبعاااانها بالغدايد ..ولاكن معامن هي مع تريكة مكيحملوووش ذررة تقلق حبهم يقلقوهم ومايخليو لي يقلقهم ....
عدنان : طفا ليا اختي تيليفون ...( شاف عند رتاج لي برد ليها القلب ) هاهي رتاج تصورك ... صوريها احبييبتي
رتاج طرطقاات عينيهاااا على داك حبيبتي و حياة ضحكااات عجبها الحال اما مريم تصدمات ديال بصح جاها اليأس وقالت بعفوية جاوها دمووووع بزااااف على الصكوووووعية
مريم : هاااااااء😢 ؟؟؟؟؟
عدنان : نعام ؟؟
مريم : ل لا لا والو .. ( رتاج جاتها الضحكة من داك الجيست وكلمة حبيبتي كاتعاود فودنيها فرفراتها وداك مريم قالت يمكن غير مصاااحبين مهم تجرب حظها والله كبييرر ارا غير ميكونوش مزوجين ما تصاحيب مكيخلعهاش ) صافي مكاين لاش نعدبك غانشوف تيليفون خويا ..
ناضت مشات لعند خوها وقفات حداه كانو باقين واقفين كيتصورو .. بغات تسولو خافت يعيق بيها وهي تمشي عند سارة هضرات فودنها
مريم : حبيبة شكون هداك واش تاهو ولد عمك ؟
سارة : عدنان ؟ لا هذاك خو اسد ...
مريم : ااااه فهمت .. عندو شي ولاد تاهوا ؟ فين مراتو ؟
سارة : لل لا مزااال مامزوج
مريم : اااه غايكون خااااطب
سارة : لاااا باااقي
مريم ضحكاااات عجبها الحال ومشات تكلس .. بقات كتقول السهرة قربات تسالي وانا مخرجت بحتى نتيجة ... شافت لعند رتاج لقاتها مشغولة كتهضر وهي تمشي حدا عدنان ودارت راسها بالعاني تعكلااات فرجلو كانت غااطييييح وشدهاااا ورتاج قرصاتها حياة تشوف طايحة على ركابيه
عدنان : نتي بيييخيرررر ؟
مريم : ااااي رجججلي .. ر رجلي يمكن تلوات لياااا ااااي
عدنان بقا غير كيرمش وعاونها تكلس ورتاج كتدعي الله يصصبرها وإلا قربات دير شي كارثة
عدنان : ككلسي ... سمحي ليا ماشفتكش
مريم : ل اا لاااا الغلط دياااالي انا ... اااااي رجلي
عدنان : نقولها لواليديك تشوفي طبيب ؟
مريم : ل ا لااا ماشي لداك درجة
دارت راسها بغات تنوض وشدات فيدو زعما كتكا عليه ورجعات كلسات دارت راسها مقداتش توقف
عدنان : خليك كاالسة ...
حياة : على مووصيبة كيف دااااايرة
رتاج : انا صاااااافي غايطرطق ليا شي عرق فالراااس الى منااااضش من حداها نموت هنا ......
حياة : اويلي غاتمشي تنوضيه
رتاج : صوووني ... صووني عليا
حياة : شنو ؟
رتاج : قتلييييك صوووني عليا
حياة : على انا خلا ليا شي تيليفون
رتاج هزات ديال اريج كان على طبلة بلا مايشوفها شي حد وعطاتولها بزززربة
رتاج : يلاه صوني تحت طبلة مايشوفك حد
حياة : لكود لكود
رتاج : يوووونس شكون من غيرو سسسربي دابا وهي تلاحت عليه ...
بقات كالسة رتاج تابدا تيليفونها كيصوني شافو لعندها وهي شافت لنمرة وضحكات ووقفات
رتاج : سمحو لياااا خصني نجاااوووب ( ضحكات وجاوبات بصوت رقيق محلون ) الووووو اهليييين
دازت من حداه و مشات كتهضر فتيل وهو متبعها بعينيه وشاف لسعتو العشرة ونص ديال ليل .. شكون هذا لي غايصوني عليها فهاد الوقيتة وتجاوبو بهاد لشكل والفرحة والضحكة .... طلع حاجبو وخلا لخرا كتوحوح برجلها وتبعها وحياة ضحكات
حياة : نااري ابلييييس رداتو غير بورط-كلي هاد خيتي مايقد عليها حد ههه ....
رتاج خرجات لجردة غير شافت الخيال ديالو موراها وهي تجمع راسها باش متاكل شي قتلة تاني
رتاج : واخا اختي صافي كوني هانية ... شكرا احبيييبة ...
قطعات تيل وجات ضايرة عاد دارت راسها تفاجآت بيه
رتاج : اء عدنااان ؟
عدنان شاف فيها ورتاح ملي سمعها كتهضر مع بنت ... وتنهد وخرج لجردة كيجبد كارو وهي تبعاتو منيرفية حيداتو ليه من يدو زطمات عليه
رتاج : باااااقي مقسح راسك وعارف بلي الكارو خطير عليك وومصصصر تكميه ....
عدنان : ( وراها الباكية دسيكار لي مكتوبة فيها داك الجملة ديال " خطير " ) ديجا قالها ليا ( ردها لجيبو ) لي كيعترف ليك بلي راه غايآديك معمرك تخافي منو ارتاج ... خافي ملي كيواعدك غير بااسعادة ... اما لي منلول يبين ليك بلي حياتك معاه حجيم ... ماتخافيش منو ....
مشا لكرسي فجردة وكلس وهي متبعاه بعينيها ...
رتاج : كتبان ليا عيان مالك ؟
عدنان : نوو ؟ بالعكس ... ( كيشوف فيها ) اجي حدايا ...
رتاج : ( علات راسها ) لااا .. مرتااااحة هنا شكرا
عدنان : هههه .. نعيط ليها تجي هي
رتاج : ياكما حسابت ليك كنغير
عدنان : لا لااا لا شكون قال هاد الهضرة ؟ لااا
رتاج : اوا هاكااااك ... ( جات ماشيا تاوققها )
عدنان : رتااااج ( ضارت عندو ) جيتي زوينة بزاف ...
ابتسمات غير بالخف ودخلات دغيا كتجري فرحانة وهو علا راااسو لفوووووق كييتنهد بحالا هاز الجباااال على ضهرو حاس براسو مساااخيييششش بهاد دنيا كاع خصوصي ملي ولا وسط عائلة .. كيحس تا زيانت ليام عاد هو غايمشي ....
سارة كلسات حداها داك نقاشة نقشات ليها غير صبع خفييييف وهي فرحااااانة كتشوف معاهم وتضحك وشادة فيد عمران بحالا كتتحححلم... واسد بعد شوية خنقاتو ريحة هو يشوف عدنان كالس برا بوحدو ناااازل عليه الضضضضيم ...عارفو مزيان باااش كيحس ... حيت تاهو ليلة لي كان غايدير فيها العملية على ودنيه كان بهاد الضعف تماما ومتأكد لاغير غايسالي هادشي غايعيط على رتاج حيت غايكون محتاج غير لشي كتف يحط عليه راسو ومكاينش ماحس من كتف الام او نصف الثاني ..مدام الام غير موجودة باينة غايحط راسو على رتاج تعوض ليها حنانها كيفما دار اسد مع لامار ليلة لعملية ... واقف داير يدديه فجيبووو كيشوف فيه ... تابداو ناس يمشيو ووقفو كيسلمو عليهم وتافقو منهنا شهر غايديرو العقد وتمشي معاه ودعوهم ورتاج عاد رتاحت ملي غاتمشي مريم ... ضار عندهم تا اسد سلم عليهم ومشاو لباااب وسارة كدير بايباي لعمران غاطير بالفرحة واريج كتفوه على كتف يونس
يونس : طططلعي ترتاحي غدا غانوضك بكري
لامار : صافي ماشييين غدا ؟
يونس : وي .. ونهار يقررووو هاد جوج دابا نجيو ( لسفيان وحياة )
طلعها يونس لبيت وحياة لسقات فسارة طلعو حيت كتشوف داك شوفات لي كايدير فيها سفيان وقالت من الاحسن تهرب ...وتاهوا مانع راسو بزز لان شاف فكرتو جابت نتيجة هاهي بدات ترجع كيف كانت وغايبقا هاكا مبعد تااااترجع كومبليطمون حياة لي كيعرف... وكلس شاد تيل ديالو ولامار طلعات قسم لي ناعسة فيديها لبلاصتها ... ورتاج شافت لعند اسد بانليها واقف فزاج ومشات لجيهتو لقاتو كيشوف فعدنان لي جبد الكارو تاني يكمي
رتاج : راااسو قاااااسح ....
اسد : من امتى ونت فخبارك ... ( كيهضر وكيشوف لزاج مكيشوفش فيها )
رتاج : ( كتفرك فصبعانها وتعض فشفايفها عرفات الى راه عرف حالتو وهي تنهد ) ماشي بزاف ... قالها ليا فلحظة ضعف
اسد : ممم ... وحتى لامتى كنتي باغا تبقاي ساكتة ؟ تايموت !
