من بعد شهر و 3 اياااام ....
خااارجة من الدوووش كتننشف فشعرررها لابسة غي شورط و ديباردور ديالو وكلاكيط كوحل ... وشافت لسرير بابتسااامة عرييييضة
لامار : صباااااح نووورر حبييييبي ... حشووومة عليك انا مقلقة منك ( قلبات شفايفها الارض و مشات تلاحت حداه فرسرير بدلعها وفشوشها كيديما كتلوي ليه فخيوط القب دسيرفيت ) صااافي كعيييييت اجاب مايرجعني للطريق تاااني .. واااشووف فيا .. كنهضر بصح ... هذااا راه نهاارر 38 و مزااال كتبااااات فراااحة وماااتفيقنيش بفررررحة ... علاش ؟ ممم ؟ 38 يوووم و ( كتشوف لسعتها) 12 ساااعة و 2 دقاايق و 18 ثااااانية بضبط ... هاهوما كيتزادو فميزانك دبر راسك .. شبع نعاااااس ... وغي تفيق تخلصوهم ... حكمكم هو كل ثانية مغمض فيها عينيك غاتعوضني عليها بنظرة ... يعني محكوم عليك تبقا كالس كتشوف فيا 38 يوم .. هادشي للافقتي ليوم .. بغيتي تزيد تكتر عليك شغلك هداك .. بنننتي نووضي احبيبة ديااالي نبدل ليك ليوووما كتسنانا الخدمة باباك الكسووول ردنا حتا حتى كوساالا معاه عطينها غير نعاااس ... ( نووضاتها مطيراهاا بحال طيااارة كيف كيدير ليها اسد باش متحسسهاش بغيابو و لا عاداتها معاه .... و دخلاتها لدوش )
غي هي دخلات وجوج ممرضين دخلو عندو كيركبلو سيروم جديد ... واسد كان باقي بنفس نعستو ولاكن تبدلو فيه بزاف دالحوايج .. اولهم ولا يلبس حوايجو عادي و حيد الملابس الواقية ... وتا تيو من فمو تحيد ورجعو شفايفو ميف ديما مشدودين .... ولا عندو غي خيط رفيييع د الاوكسيجين فنيفو وسيروم فيدو ... وتالاباراي زجاجية مابقاتش فراسو عندو غير بااانضة بيضة دايرة على راسو .... شعرو مكابلنش واش بدا يكبر ولا لا ...ولحيتو باقا مقادة هي هي.. لامار ديما كتقااادها ليه ... شيء لي ماتبدلش فيه هو نعستو ... بااااقيا نفس النعسة ممن اول نهار فغيبوبتو حتا ليووووم .... داز على العيد يوماين و هدا هو النهار لي كان لازم انهم يجيو من للعمرة كون كمل الرجا ... حسبات هاد الشهر لي كانت محبوسة هنا.. انها فسعودية وكولشي مشا على داك الاساس ... يونس و اريج تاهوما هاد نهار لي لازم يرجعو فيه لكندا ... رتاج واسبرو رجعو شحال هادي وجااو فالعيد عيدو مجمووعين ورجعو مشاو لبارح ... سقيااان من نهار الثالث فرمضان سيفطاتو للمار للصييين على قبل شي صفقات متقدرش تحضر ليهم ماجا تانهار لعيد .. وحياة من ليلة 27 وعشيرين مشات لدارهم ورجعات لليوم فضباح حيت الكومجي ديالها سالا ومن هار اخر قبلة ليهم ماااتقاابلو مزال .. هو سافر من بعد يوماين ماجا تاكانت هي سااافرت .. وعددنااان باقي فللمجهول ماعارفو حد واش ميت ولا حي .. كولشي طاافيييه علم الله فين نافي راااسو هاد المرة تاني .. خرجات لامار من دوش كاملة فااازكة كتدوش ليها قسم جوج دمرات مكمشاها ففوطة ديالها بحال البطة و حطاتها فكونتها وجا اييسسسس حداها كيلعب معاها ولات مولفاااااه بزاف و تاهو ولا غي كيشم ريحتها كاينقز عليهااا ... هزات ليها لامار حوايجها وكلسات كتبدل ليها كسيوة كححلة ديال دجين .. وسبيطيط كحل و بااانضة دونطيل كحلة تاهي وطلقات ليها شعيور زعيعير .. وهبطاتها الارض كتحاول توقف شوية مع سرير و تمشا معاه غي كطلق بيدها كطيح فالاارض زدااف على قزيبتها وتنوض من تاني تحك فيها تبردها وتعاود توقف .. كيف لا وهي بنت الروكان و لااامار .. لي عمرهم كيستسلمو من طيحة لووولا ... كيطيحو ويعاودو ينووضووو اقوى ..
لامار دخلات لديريسنغ لبسااات حوايج رسمين غوووب موبرة كحلة فايتة شوية الركابي مع ليباموس كوحل وصبااااط عالي كحل وكوستيم كحل من فوق شيييك .. ولات كتللبس غي الكحل لا هي لالبنتها وحااالفا وقاطعة وعد لراسها اننها مغاااتلبس لون مفتوووح حتى يفيق اسد .. غاااتبقا عالنا السواد و الحداااد حتا يفتح عينيه ... معاهدا روحها ... انو ماحد نور مزال مارجع بعيون اسد .. مغايرجعش تاليها ... ماحدو كيشوف السواد ... غاتلبس السواد ... ونهار يشوف الالوااان غاتلبسهم ....هزات ملفها وصااااكها وخرجات كاااتقااد فوراقها ... امرأة اعماااال بكل ما في الكلمة من معنى .. نفس الوقفة و نفس النظرة ... و رجعات تنهدات ملي شافت للملف .. اااااح اش كيتسناها ليوم ... ليوووم هوو قتالها .. بوحدها .. خاسة راسها غادخل لحلبة مصارعة بدون مدربها ... كيفاااااش دابا غاتمشي لشركتو وتقنع الكلياان ديالو يعطيوها مهلة مزاااال لي يتخلصو فيها الشيكات لي مفروض يتتتخلصو غدا ... كيفاش تقنعهم بلا مااايردو لبااال لان اسد واقعة ليه شي حاجة .....
قربات حداه وكلسات مدة كتشوف فيه و سااااهية كانو الممرضين خرجو...
لامار : دابا انا كيف غاندير لهااادشي! ... كيفاااش غانفك هاد الحريرة ... صراحة مكهرتش تسلفني عقلك شوية غي نخرج من شركتك نردو ليك ... ليلة كاملة و نا نفكر كيفاش غاتقنعهم فهاد الاحتماع لي مترأساه بالنيابة عليك نتا لي دابا فالجزيرة د لامار فلاور واااقف على لبني د اوزين جديد لي تما ... مهم هادي هي الكدبة لي لقيت حيت هاديك لبلاصة الوخيدة لي مغايشدش ليك فيها ريزة باش تفاكسي ليهم تواقيع ديالك ... منغير الغيبوبة طبعا ... عييييت نفككررر والو ... وفقت دايراها فيد الله .. فين ماخرجات نتبعها .. النوثدهيم هو ندير لي فجهدي و شركتك تبقااا الاولى فالصدااارة كيف خليتيييها غااتلقاها .. واخا نعرف نسهر ليل بنهارو .. لي بنتيه هاد سنين كاملة مااافانسحش ليه يتخرب ... غاندير لي فجهدي احبيبي ( باستلو يظو ) تيق فيل هاد المرة نيقني مغانخيبش تيقنك وغانجيبلك معايا خبتر مزيان ... اكيد غالقا شي حل انا وسفيان لهاد شيكات ديال غدا .. غي كون هااااني ... ( تنهدات مطووولة ) دعي معااايا عفاااااك .. صراحة منكدبش خيفاااانة بزاف.. حاسة براسي بحالا عرجة ومعنديش علاش نتكا ... ففف .. بحالا اول مرة غانخرج على داك لباب .. وراه بصح .. اول مرة انخرج بلا بيك .. كنت مكنخاف من والو حيت كتكن من مورايا ! ... اي غلط درو كتصلحو ليا بلا مايكبر ... ودابا ! ( تنفساااات ) ...كان عند الحق منين قاتي ليا ضروري خصني ننضج فمجتمعك .. حييت كو بقيت لامار لقديمة كون تقاضا عليييينا دابا ....موحال كنت واش نقدر ندير خطوة وحدة لقدام ...نتا غي رتاح دابا متخافش ... لبووووئتك لي ربااها أسدها ورضها فعرينهم لي تنفات فيه 5 اشهر كتعلم لغة مجتمعكم ... قااااادة بشغالها و قادة تواجه ضباااااع الغاااابة .. وغااااتصيد وتجيييبليك تالعندك فريستها (رجعات باستو ففمو وناضن )انااا عارفاك غاتوووحشني ... ولاكن غااانحاول مااانتعطططلش ... بساامة احبيبي .. رد لبال لراسك .. ودعي معايا .. للبوءة ليوم غاثبت لاسد ان نيااابها ولاو قد نيااابو ...
مشاات هزات قسم عنها و ايس تابعها مع رحليها وهزات صاكها ونظاظرها الكوحل وخرجات من الجناااح .. تااا تلقات بسفيان خارج كيلبس الفيست ديالو ... فالخدمة كيلبسو لباس الرسمي ..كان لابس سروال زرق غالق قصير شوية من تحت و صبااااط كحل كلاص و شوميز ززرقة والفيست مارون .. وسمطة كتبان كللاااص فالسروال فوق شوميز ...
سفيان : صباااح الخييييررر على اجمل الاميراااات ديال الدارر ( مشاا هز قسم عندو باسها ) واخا لابسين الكحل منورات مفهمتش انا .....شكووون لي غايمشي ينوووررر ليينا الشركة ليوووم مم ( كيشم فيها ويبوس ) زييييين دياالي .. شكون غايعاونا فالخدمة زييييين ديالي ( كلاها بالبوسان)
لامار : صبااح نور سفيان .. اريح ويونس باقي مااافاقو ؟
سفيان : يمكن مزاااال ... انا يلاه خرجت من البيت .. خلني نشبع من قسم قبل ماتخرج المهااوشة نخطفها ليااا
لامار : ناااري لبارح فارقتهم بالكشاااايف ... الوحم صعيب لاجاك على شي حد ....يلاه نهبطو نفطرو دابا يلحقو علينا ..
هبطو كانت رجاء و الخدم جاااو وتاهوما عنهم تعليمات مااايخرجو تاخبر لبرا ... كلسو و هوما كيصخرو عليهم وكيحطو ولامار كتشرب عصيرها بكل لبااااقة ....وقسم كيوكلها سفيان لي كالسة حداه فكرسيها د الماكلة .. وهي كتفرج فيهم و كتشوف بنتها شحال محظوووووظة بعمااامها لي كلهم كيحماقو عليها وكابرة وسط الحناااان .. ولاكن ضروووري مااايكتمل حنانها بوجود باباها .. كتشوف الى تاعي محظوظة بيهم .. عاونوها ووقفو معاها بزاف فهاد الفترة .. غير كلمة حنا معاااك كترريحهااا منهم ... ولات كتحمد الله عليهم وتمنى يبقاو مجموعين ويد وحدة مع بعضهم ...الازمة هي لي كتبين ليك لي معاك ولي ضدك ... وهي هاد الازمة وضحات ليها بزاااف د الحوايج ومزاااال غاتوضح .....
عند يونس و اريج ..
يونس : واااااش تفيلبيتي نتي ولا بغااا تخلخلي ديللللمي ... كيغانديرو ليييها ...
اريج : ماامشياش هي مامشياااش .. صاافي ... نتا عارفني هاد الفترة كيدايرة عندي .. ومنقدرش نفرررررق قسم من لفوق .. و منخليش لامار هي سطاش
يونس : وعشريييين راه هي نوضي لداك لبوشيت غاتلاقاي عقد فيه راك مزوجة بيا الكاااارثة ... اش هاد الوحم العوج بغيت نفهم ...
اريج : ماسوقيييش .. صاافي سير نتا لخدمتك شكون حيد ليك ولاكن انا ماغانخليش لامار بوووحدها ... على الاقل نبقااا انا معاها كوولشي مشااا ... حشووومة كاع
يونس : راااه تانا مكرررهتش واش حسااابتك باغي نمشي واسد فهاد الحاالة ؟ ولاكن راه الخدمة اش غانديرو .. راه خصنا نتعايشو ..
اريج : وصااااافي سير نتا و انا نبقا
يوني : مريضة نتي فكرك واااقلة ولا كتقلبي عليااا فهاد صباح ؟ واش نتا نتزوج شهر ونطق ربع شهور ؟
اريج عطاتها لبكا ولاو على سبة وبدااات تهرنن وهو كيدعي الصبر ....
اريج :والله ماااااانمشي اوا ديني بسييييف .. توقع لي شي حاجة دنوووبي على رقبتك ....اش غادي نبقا ندير انا تما بووووحدي حرااام عليك ...وانا هاد الفترة مريضة غي مع راااسي .. خليني حدااا لااامااررر ... تما كنبقا بووووحدي .. عفاااااك
يونس : ابااااا سلااامة كيف كديري لتبوحيط .... وتسخاي بيا ؟؟؟؟
اريج : ( عنقاتو باستو ففمو ) ماااااسخيتش بيك ولاكن نتاا مضطر تمشي لخدمتك .. عفاااااك احبيبي ماضيعليش خاطري خليني هنا وغي تكون شي فسحة اججي و رجع ...ياك طيارة د اسد غي واقفة مغااتعدبش فالرحلات اجي وقتاش مقالها ليك عقلك ورررجع .. عفاااك احبيبي غي يبررا اسد وفيييق نرررجع معاك ...
يونس : وتحرميني انا نشوف كرشك كتكبر ماشي حشووومة عليك
اريج : اش غاانحرمك الله بهديك ... هانتا غي تبدااااا تكبر كرشي ويفوووتني هاد الوحم نمشششي معاك صاافي ؟؟؟؟ وعفاااااك خلني مزااال شوووية غي نبراااا .. عفاااااااااااك
يووونس نااض محاملاش راسو غي كايننفض و يتنننهد ماحيلتو للغصة دقلبو غايمشي بعد ماولف كل مرة يطل على اسد .. و لا يخليها هي ويمشي بوحدو روونااااتو وتقلب كيشوف عندها كتتترمش بداك العوينات مكمشة فوق سرير كتبقا فيه اصلا الوحم مخلاااااااذ فيها ولات صغييرررة وعويناتها دخلو ...
اريج : اش قلتي ممم ؟؟؟؟؟؟
يونس : تاااانفكرر... ماعرفت راسي مزووووج ولا مصااااحب ..
هز تيليفونو و هبط لقاهم كيفطرو
يونس : صبااح نور باقين هنا
سفيان : غانمشيو داابا ... مزال فين غاتسافرو نتوما ؟ تاليل!
بونس : اودي مابقيت عارف والو دابا .. لي يتبع سوق دالعيلات يخرجوه لاربح لا راس مال
لامار : عللاااش ؟؟؟؟
يونس : مااابغاتش تمشي
لامار : وصاااافي خليها على خاطرها ..راه من رمضان وهي كترغب فيك مسكينة ...و غي يفوتها الوووحم وعد مني نجيبهاليك بيدي ..
يونس : ونبقا انا تما بووحدي ... . منقدرش ولفتها دابااا فداار حداياا ...كيغاتجني انا العيشة تما بلا بها .. ففف مغاندخلش لداك دار ...
سفيان : الى خليتيها بااااز هههه نعرفك صبااااار هه
لامار : سككت نتا ...شوف انا ماباغاش ندخل بيناتكم ولاكن من الاحسن خليها ووحمها جاها صعييييب و مورالها على سبة .. صااافي خليها وسير خدم خدمتك ياك عندك كونجي د عيد الكبير اجي ديها غاتكون برات داك ساع وفاتها الحال باش تانتا ماتحرمش تقيس لبيبي ديالك كيتحركو فكرشها .. تيقني مكيانش ماااحسن من داك شعور فالحمالة كاملة ....
يونس :اودي انا مكرهتش غي نوصل تعيطي ليا تقوليلي اااجي راه فاااااق ...
لامار : ااه علاااش لا كوولشي عند الله قرييب ... علاااش لا
يونس : داز علينا هاد الشهر يلا بيه بحال جوج قرون .... عرفتي شابو ليك والله ... ططططلعتي صباااارة ... وليت عاااطيك العشرييين اختي لاماار
لامار : بزز عليا ماشي بيدي .. اسد يستاهل مني قوتي كاملة نحطها عليه ماشي غي الصبر ... احقا ماما بغااات تجي ليوم حيت عارفانا جيينا ... ماعرفت كنديير نمنعها والله .. قتليها نجي انا مابغاتش
يونس : لامار شحال قدك تخبي عليها ؟ صافي خليها تاتحي وقوليلها كولشي .. تأقلمنا مع الوضع وتعاااايشنا ... باركا ماانبقاو نخبيو ولحد الامر لي ماعرفينوش امتى يقدر يسالي ....
نزلات اريج لابسة سرفيت غي شافت قسسسم عينها تحححلو وتقسم مشات عندها كطيرر هزاتها كتبوس فيهاا
اريج : اجججي اججججي اش هاد زييين اش هاد الانااااااقة .. ورويحة مشاء الله ...
لامار : قلت نديها معايا بلا متبرزطك هنا
اريج : ها ؟؟؟ حمااااقيتني فين غاتديها .. واش هادي قربت نتفارق مع راجلي بسبتها هههه تديها
يونس : داكشي لي بان لي نيييت
اريج : خلييييها ووسيري خدمي فخاطررررك معنها ماتبززززطني انا كنستنا نهار يطلع غي باااااش نشوفها ونتي تديها
لامار : هههه هانتي هاهي مانحرمكش منها .. تاطيري منها عشققك كااامل ... ( وقفات ) يلاه نخلييوكم دابا ...كلسو تفطرو على خاطركم نتلاقاو منبعد ...
يونس : اشنو غاديري بعدا فداك موضوع ! فكرتي فشي حاجة
لامار : غانكون كدبت عليك لاقتليك اه ... موعيم انا بالعاني قلت لعادل يجمعهم لي ليوم .. هوما براسهم معارفينش الى غدا عنهم شيك يتخلصو فيه .. تاكيعلمهم الاشعار .. قلت ارا انا نسبق ليهم و نحاول نتفاوض معاهم بشي طريقة
سفيان : اش هي
لامار : تما فاش بقات .. ضروري مغايكون شي حل .. نفكر فيه .. غاندخل عالله وصااافي ..
يونس : اول مرة غايطيو لشركة واقلة
لامار : وي عمرهم تلاقاو باسد شخصيا خيت مكيقابلش زبنائو و لا تجار لي كياخد عليهم كيتفتهمو غي فالايميلات .. بصح ليوم مضطرة نشوفهم وجه لوجه ونكبر بيهم لمصلاحتنا ... كنضن غايتفهمونااا ...
سفيان : اوا يكون خير .. فطريق نفكرو فشي حل ... يلاه
لامار : دعييييسو معايااااا
اريج: ياااتربي يسهل عليكم ماصعاااب .. قوولي بايباي لبابا وعموووو ( كتلوح قسم بيديييها )
مشاو هي وسفيات وقسم كدير ليهم بايباي و لامار كتسيفط ليهاا بوسات فالهوا ...تاخرجو ركبو فطموبيل ....
سفيان :لامار غانسبقو بشركة دفلاور .. عندك شي وراق تما توقعيهم خاص حياة تفاكسيهم من دابا شوية لمواليهم عاد نمشيو لشركة د اسد
لامار : فففف مشااااو من بالي ... واخا زيد .. تاحياة غاتكون دخلات من الكونجي ..
كسييرااا طيهة شركتهم ولامار غي حاطة راسها على زاج وكتفكر فشي حل ....
وصلو لشركة ودخل لباركينغ باركا وشاف لجيتها باانتلو ساااااهية مكايناش فهاد العالم ماعارفاش تا راسها واش وصلات ولا لا و عيط عليها
سفيان : لااااامار
لامار : ( قفزات ) هاا!!!! ( شافت مع الارجاء ) وصلنا ... فففف سهييييت
سفيان : مااااتقويش على رااااسك ... بشوووية عليك غالقاو شي حل .. يلاه نزلي ..
نزلو من طموبيل و علات نظاظرها فوق راسها وزادت بهييبتها .. فالشركة كولشي كيتسنا حظورها حيت كولشي عارف انهم غايرجعو .. تا فالشركة د اسد راه كولشي متوتر كيتسناوه يستقبلوه ... تحل بيها السانسور فالاستقبالات ... كانو الموظفين كاملين واااقفين لالستقبال ... حياوها براسهم و بادلاتهم نفس التحية
- عمرة مباااركة مدام اسمااااعيلي
- عمرة مبروووورة امادام .. الله يقبل ليكم ...
لامار : اميييين ... ( شافت مع الارجاء و رجعات شافت فيهم ) طووو فا بيان !
- سوووبر مداام ايسماعيلي...
لامار : جيسبيغ! ... تفضلووو لمكاتبكم ...صباحكم مبروك
خلاتهم ورجعو طلعو فسانسور هي وسفيان لطابق لي فيه البيرويات ديالهم ... تااوصلو وتحل بيهم غادين فالكلواار الطوييييل كيهضرو ويتناقشو .. وحياااة جااية بطابليطها فيديها .. كانت بسروال د ثوووب واااسع اسود و صباط كحل دوميطالون و شوميز كحلة وفوقهم كوستيم كري و شعرها كيف لعادة مجموع للور و الكيت فودنيها و نظاظرها الطبييين .. غي شاااافتووو توووترااات كااااملة تزاكلات ليها المشية .. وهو منننغمس فالهضرة مع لامار كطلع فيه وتهبط ... بقد ماتوحشاااتو بقد مامتووووترة تلاقاه .. كان عندها عادي ولاكن من بغد داك القبلة .. قلبها و لا يتتترعد بمجرد تشوفو خصوصي انهم مممممدة ماتلاقاو .. هو كان كيهضر غي لمحها جاااية وحبس الهضرة فالنص كيشوووف فيها ... و لامار تاهي شافتها و قربو سلمو على بعضياتهم وسلمات عليه بالخف نترات دغيا يدها كتجيب ليه ضحكة بهاد حركات ..
حياة : لامار مرحبااا بيك مرة اخرى .. نووورتي شركتك
لامار : ثاانكيو حياة ..
زاادت لمكتبها وحياة شافت فيه غي من تحت لتحت لقاتو مكيشوفش عندها كاااع ومشاااا لمكتبووو ... جاها احبااااط كانت متنظرة منو شي تصرررف احححسن .. بقات غي كتشوف فللخر تبعات لامار لبيرو .. لي كتحيد الفيست ديالها علقاتها فالكرسي وكلسات فتحات لاجوندا وحياة كتشرح ليها ..
لامار :ممممم هادشي خليه تانرجع .. دابا جايا بالخف نسني على الوراااق لي غاتفاكسي .. وجديهم ليا عفاك مزروبة ...
حياة :اه ولاكن راني حطيتهم فلبيرو دسفيان خاص يفيرفييهم هو لول
لامار : ( تحنات على لاجوندا كتقرا و تراجع ) اه داكوغ دونك سيري جيبيهم الى سالاهم .... خصنا نمشيو ....( كتشوف لسعتها فيدها وترجع تشوف لاجزوندا وتقاد لبرنامج وتقبل لي تقبل و تاجل لي تأجل)
خرجات من البيرو غي شدات لباب بقات واقفة تما
حياة : حياااة احياة ديري عقلك .... نساااااي داك نهار صافي نساااي .. سيد علم الله فيمن كان كيفكر .. كون كان بصح باغيك كون طلع فيك غي شوفة بعدا ... صاافي تعاملي تانتي عااادي وماتزيديش تحطي راسك فمواقف بايخة ... .. غاندخل ندوي معاه بحال ديما ونشوفو ! بحال والو نقد نجبد ليه لسانو نعرف شكون لي مستوليا على قلبو .. ومن الاحسن فاش نعرفها نمشي نمحيها من هاد الكون .. ( ضحكات) وعلااااش مانكونش انا نيت كيف قالت رتاااج
مشات لمكتب دقات ودخلات طلع راسو شافها وهبطو على لبيسي .. وهي دخلات كلسات
حياة : ضوسي لي توقع لامار واجد !
سفيان : هنا خدام عليه تسناي واحد دقيقة يتحفظ ( تكا على اونطري وخلاه وضار عنها مربع يدو ) فييين مشيتي فهاد الكووونجي اصغيييورة ..
حياة : لدارنا وصاااافي ....
سفيان : داوك لملاهي ؟ هههه غاتكوني شبعتي لعب عههههه
حياة : ( بعصبية ) سفيااااان
سفيان : ههههه اه ولا نتي كبيييرة ماشي قد لعب .... نتي قد زوااااج ياك هههههه
حياة : وعلاش كتقولها وكضحك ... كيجيتك
سفيان : غزالة بحال قسوووم ههههه ..( دخلات ليه الكاتبة ديالو كاس د القهوة وحياة كتجنن قربات تعض فيديها منهاد الاعصاب لي كيركب فيهااا و كلس كيشرب فيه كيتسا دوصي يتحفظ يعاود يأمبريميه وكيشوف فيها وهي كتتتررمش )
حياة : مالك كاشوف فيا هاكااااك .. ياكما كتعبرلي فمي شحال يخصو من سكاتة ؟
سفيان : لا لااااا فمك مغااايسكتو غااافمي ( غمزهاا وهي طررطقات عينينها وبدا يضحك ) اوا ملي مابقيتبش قد اللعب وكاع مامشيتي باش تلعبي .. غانكوني مشيتي تزووجي ههههه لقاو ليك شي عريييس هههه عليها جيتني مززززنكة هههه شي قاااايد هاد المرة
حياة : ااااه... اللهم قاااايد كامل .. ولا وزير عووور
سفيان : مممم هي كتقلبي على الكاااامل .. ( حط قهوة وقرب عنها براسو ) ديها مني نصيحة .. كاع لي تلقايه كامل ... كيكون ... *ااامل ...
حياة : ( بدات ترمش )حرااااام واش كتحشم
سفيان : نححححشم من عمو ديااالي ! ( رجع تاني لور هاز قهوتو و هي زززنكها حداه ) عمو .... قوليلي قوليلي .. دردشي شوية .... كيفاااش باغا هاد الكاااامل هههه مثلا الراجل لي كتحلمي تديه كيفاش باغاع يكووون ... !!
حياة : ( حيااااة هادي فرصتك احياااة يقدر هنا يفهم راسو ...الكرة جات تالبين رجليك دخليها للكوول ديريكت .... تنحنحات وقربات عندو ربعات يديها على لبيرو ديالو و شاف فيه بكككل حححب ) بغييييتووو ... يكووون .. (ساهية فيه) حنيييين و رررطب فنفس الوقت قاااسح .. من برا يبااان ليك زوين .. ومن داااخل بححرررر اححمرر .. بغيتو يكون حساااس .. يحس بيا بزااف ... ويكون معايا فاصعب اووقاااتي نلقاااه مايهمش يكون معايا ديما واخا غي مرة فالشهر موهيم يكون وااقف معايا وحاس بيا و بحريقي لي مكيبانش لناس كاملين... بغييتو يمممتص كاااع الحززن لي فيااا ... بغيييتو يكون رطب معاياااا و سمبببيك على براا ... ( كتشوف فسفيان و توصفو ) بغيتوو يكوون طويييييل و بيييض ...( غير الى مابغاش يفهم ) ولابس الازرق ... بغييتو يخلي اياااامي كلها احلى ....
سفيان : ( متأثر بكلامها حاط يدو على خدو وهي كتسنا الرد ديالو على نار ) ومايكونش سميتو اولوييز ؟؟
حياة : هاااا؟؟؟؟؟؟؟
سفيان : وراه هادشي لي كتطلبي كان غا فداك العجب ...
حياة بقات غي كااترمش وهو ضار لبيسي بانليه تحفظ وبدا يأمبريميه كيضحك وهي عاااد سرات معاها وقفزات
حباة : لاااااا ابناااااادم مال عقلك موووسخ ... مااقصدتش داااااكشي .. ( مع راسها : لعاد درجة كتشبهلووو اناري )
سفيات : ( عينيه فليبيسي داير راسو مامركزش معاها زعما ) نعام!!
حياة : واالو ( نااااضت معععصبة ) مرة اخرى متعااااودش دوي معايا .. صااافي
سفيان : ويييينو ... زين كعا.. احي نتصالحو اجي نشريليك مونيكة ههه
حياة : على نتا عاد غاتشريها راهم غي ضايرين بيك ..
سفيان : ( بدا ييجمع الوراق وعطاهم ليها ) هاكي ديهم ليها البريهيشة هاااكي ...
حياة : ( جات تشدهم عليه وعوج يدو عندو وابتسم فيها وجبد عويناتو الرماديييين لي كيلمعو بقات غي كتفادا انها اشوف فيه قبل مادوب تبسيمة عندو دمااار ) عطييني
سفيان : واااضحكي بعداااا ....
حياة : علاش غانضحك ؟ على الضحك لي درتي فيااا
سفيان : لا .. على لغمازات لي عندك وكيستاهلو نعلن حرب ونحفر عليييهم ...
حياة : ( بدات تشوف فييه تاني وترها مكتعرفو كيتغزل ولا تاني كيطنر) اا .. مم .. مم .. ع ععط عطني ...
سفيان : كليتي لساانك ههه صراحة عادراك .
. عندك لذيييذ ... غي ديال الماكلة( بانتلو قربات تسخف كتسرط ريقها ولات حممممرة ) شدي شدي دووسي ... غي كنطيسطي معاااك اش نقول لوحدة داير معاها فالعشية نتلاقاااو ههه .. ملي عجبك الحال قد هاكا اذن غي نقراااا عليها هاد الكلمات تاهي ..
شداتو عليه بزززعفة مكتشوفش عندو
حياة : سييير قرا عليها تاالفااااتحة ( ماشية وكتبركم ) والله يجعلني نقراها عليكم بجوج فشي سطافيط )
مشااات بزززرية وهو تكا على لكرسي مبببتتسم تتتكككقفزز من الخخخلعة د زددخة لي دارت للباب غي ربي ماتهرسات .....
مشات حياة عطات دوسي للامار ومشات لبيرو ديالها معصبة .... بدات لامار كتقرااه ووقعات على داكشي هو يصوني عليها عادل
لامار : وي عادل
عادل : مدام لامار .. ناس لي كنتي طلبتي نسيفط ليهم دعوة للاجتماع .. راه علموني من شركة بلي راه فلاصال كيتسناو ..
