بعد شهر ونصف ...
وصل اسد هدا لفيلا لي فالجزيرة وباركا نزل كان بلباس رسمي حيت كان فالشركة ... كوستار مارووون هاز الفيست فيدو لابس غي جيلي .. ودخل لدار لقا امنة ورقية مجمعين ابتسم ليهم وطلع ديريكت لبيتو .. لقاها يلاه خارجة من دوش شعرهاااا ساااارد و طواال لييهاا .. شافتو وجات عندو كتجري تعلقات فيه باستو ففمو تاهو تكا على لكوافوز وحازطها بيديه متنغم فشفايفهاا ... والبيت عامرة غي بريحة لكريمات دققسم و روايح ديالها ...
لامار : متعااااودش تخرج بلا متفيقني ..
اسد : بتي سهرانة لبارح مابغيتش نفيقك ... ( طل على لكونة ) نعسااات
لامار : ممم نعسات .. قاتلي مامااا لبارح عااادي يمرضو كون بلاما درتي ديك روينة كاملة خلعاناهم على والو ....
اسد : راه شفتها كتخنق قدااامي تالبكا مابغاش يخرج ليها ونبقا نتفرج ... مزيان دابا لي نعسات .. غاندوش ويلاه معايا لواحد بلاصة باغي نوريك شي حاجة غاتعجبك ...
لامار : ( كتنقز)نووووو شنو هي قووليا ؟؟؟؟؟
اسد : حتى توصلي وغاتشوفييها ههه.... يلاه خليني ندخل ندوووش .....
لامار : قسم نااااعسة منقدرش نفيقها ....
اسد : قسم مريضة بلا منخرجوها خليها مع ماماك ... مغانتعطلوووش ..
نصل حوايجو ومشا باسها بشووية باش مافييييقهااا كانت نااااعسة ولاو عنها حنييييكاااات مطبزين بالحليييب و شفييراتها غي مكزيدو يطوالو زعيعرين مميزينهااا .. وعاد بدات تبان شوية فوجهها كتشبه فلامارر بزاااف مي نخنزيييرر و الوعارة و الصوت د اسد ... كانت لابسة غوووب حمرة بسميطاااات .. حيت الجو سخووون فالجزيرة ...
مشا لدوش ولامار مشات لبلاكار كدوز فالعلاقات اش غاتلبس و فرحانة ... اصلا ليوووماااا نهار اسد حيت فاتت ربعين يووم لبارح كان ناوي يقضي وهي تمرض قسم حرمات عليهم وليوم حاااالف مايفلتها عرفاتو غايكون موجد ليها شي سيربيريز ... يختمو بها ايامهم فالجزيرة حيت قربو يمشيو للمغرب باش تبدا لامار للخدمة و غايجي يوونس وسفيااان لي غايحتفلو بالتخرج ديالو .... و اسبرو غايدخل يقرااا تاهو خصو يرجع يقاد وراقو ....وكان اقتراح من اسد انو يكمل قرايتو هو وشيمااء ... لبسات سروال دجيين توووووحشاااااتهم مني كانت حاملة مكانتش كتلبسهم ... قصير شوي ومطوي من تحت ولبسات بيل بسماطي بيضة لاكوست ومزيراا ... وعاد كاااب منفوووق دجين تاهووو طويول مفتوح ... و صبادرين لاكوسط بيضة ديال البيل .... وشدات شعرها لفوق .. وبدات تشوف مع طاي ديالها ضااعت وتاكرشها خارجة شويية كتسنا غي امتى يرجعو لمممغرب تجيب الكووتش لي تعاونها تقاد لاطاي ديالها وترجع كيف كانت وضعاف ... هزات تيليفونها و باست بنتها مسخاتش تخليها وهبطات ... لقاتهم كالسين على برراد اتاي
لامار : صبااااح الخييرر ( باستهم)
رقية : دابا عااد فقتي ؟؟؟
لامار : فقت قبيلة رضعتها ورجعت نعست هاد ليلة راك شتي كيدازت علينا
امنة : مخصكومش تخلعووو راه عادي يمرضو دراري صغغاار وهاد الصهد يمرض لي مايمرض ...
رقية : وشكوووون يسمعليك اختي يامينة على لبارح هوما كانو يسمعو لشي حد هضرتنا ولا يخسبوووهااا زايدة ناااقصة بحالا عمرنا ولدنا وعمر خرقناا .. الدار الله يستر ولات كي سبيطار بقوة ابة مجموعين على الدرية قالك مابغاتش تخرج ليها البكية ...
لامار : راه زرااااقت نتي مشتيش كي ولااات وتخنقااات بسيف نتخلعووو .... مهم اماما غانخرج مع اسد معرفتش فين بغاني .. مابغيتش نخرجها راها لفوق ناعسة مغانتعطلوش
رقية : غا سيري ابنتي هاحنا هنا .. ومغاتفطريشاي.؟
لامار : تانجي بلا منعطلوو ... معندي شهية ...
امنة : تاهو مفطرش خدا غي قهوتو شنو شهوتكم نقولهاليهم يوجدوه نجيو تلقاو لفطور واجد ...
لامار : على دووووقك اهااالتي لحبيبة ( ناضت جبدات ليها حنييكاتها ) شحااال وليت نمووووت انا فهاد المراااة ( باااستها)
رقية : تي طلللقي من المراة راه راجلك هاابط ...
هبط اسد فدروج كيشوف لتيل ...لابس غي شووورط كحل بسيورر وتيشورط كحلة كوول v وتقاشر وسبادرين و كاسكيط كحلة ... وخرجو هو لامار .. ركبات معاه فطموبيل ماعرفاتو فين غادي بيهااا ... تاوصلووو لمحمية ...
لامار : واااااووووو .. غاااانشششوفو روووووبن توووحشتووو
اسد : نووو .. واحد اخوررر .. نزلي ..
نزل من طموبيل وهي نزلات كتشوووف دايرة يدهاا من شمس وجرها من يدهااا معاه تابعاه و المروض كان فلباب ابتسم ليهم ودخل موراهم تاهوو .. ومشاو لواجد الكااج كبييييرررر بالحديد ... ولامار حلات فمهااا وشدات عليه من شنووو كتشووووووف ...
لامار : وااااو😍😍😍😍 ....
طلقات من اسد ومشات كتقرب للكاج كان مشدود وشدات فالحديدات كطل ... كانت نمرة انثى كبييييرة ووضخمة شكلها كيخلع ... وحداها نمر صغيييور مخخخشي فيهاا منظرررررهم غزاااال .... كيشبهوو بزاف لرووووبن واخا مبانش ليها تما .... الفرز كان صغير بزاف صغر من روبن فاش كان عند اسد ... و باقي ضعيف وحركتو دلوعة ومخشي فيهاا ... وجا اسد حداها شافتووو وبدات تنقزز بحمااااس وعينيها كيلمعو
لامار : وااااش يلاه ولدااتو ؟؟؟؟
اسد : نووو تولد قبل من قسم بربعة وعشرين ساعة تاهو عندو شهر ونص دابا
لامار : وااااووووو شحااال غزااال ... ماشي كيشبه لرووبن؟؟؟؟جاني فيهم نفس الزوااااقة على نمورا لوخرين
اسد : هههه ... وي ... ( شد فيديها ديما كيشبك صبعانهم ) اجي دخلي
لامار : ل الا لا غي خليني ....شووف هااديييك قدااااش
اسد : اجي قتليك... . ( شاف فيهااا مخلوعة ) كتخااافي معااياااا
بقات غي كتشوف فيه ودارت لا براسها وحل ليهم المروض الكاااج ودخلاااات وداك نمرررة بدات تقرب ولاماررر تخبات موراه واخا مولفة بروووبن ولاكن كان صغير هادي كبيرة .. وتاهو علم الله كيفاش ولا حيت النمر دغيا كينمو ... وجااات كتتقف حدا اسد حيت مرووووضة ومولفة بأسد ملي كانت صغيرة وجات كتلعب معاه بحركات بحالا فرحاااانة بزيااارتوو و كطلق فصووتها لي كيزعزع وللمار عينيها على الفرز الصغيورر لي كيضور فبلااصتو حمقهااا و بدات تفرب ليه ... و اسد شد فالمخااالب ديال داك نمرررررة تاااهبطها لتحت و كلس تاهو على ركااابيه معنق لاامارر لي كتقيس فيه
اسد : عججبك ؟
لامار : غزاال زوييييييين بزاف
اسد : ( باس على راسها ) بحااالك
لامار : فكرني برووبن ... هاكا كان ... ( شافت عند النمرة ) تاهي كتشبه ليه
اسد : هادي من نفس السلالة احبيبتي ...هادو كنعيطو ليهم سلالة السيبيري ...
لامار : اء كيفاش دابا فيهم انواع !؟
اسد : اكيد ... وهاد نوع بذات مهدد بالانقراااااض .. داكشي علاش حافظت على روبن وعطيتو رعاية خااصة من من التغدية و التطبيب ..لدرجة تامن العضو دكري شحال وانا كنعالج فيه باش ينتصب
لامار : هههههه لببلووووط هههه
اسد : كضحكي اشنيولة ....مني رجعتو لهنا حاولت نخليه غير مع هادي لي مالقيتها بالكشايف واخا كبيرة عليه مي من سلالتو ... ماقربت ليه تاشي انثى اخرى خليتهم هنا فالكاج باش يولدو ... ومتنقرضش هاد السلالة ... عندك هادو وعندك دوك نمورا البيضييين تاهوووما قربو ينقرضو لاسف مجبت حتا واحد مي قريب ندخلهم ....
لامار : فففف شحال زووويين ..ولاكن كيفاش واش نمورا كاملين غاينقضرو ؟
اسد : ل الاا اروحي ...غير هاد السلااالة ...
لامار : اااه .... وعلاش محافض عليها هههع عارفيني فياا كترررت التسواال يعني لانقرضو كانين نمورا اخرين علاش مهتم بيهم ....
اسد : لا هادو ماشي بحال لخرين وكيتعتبرو من اجمل السلالات من الناحية الفرو النقاوة التعايش لامومة ... هاد السلالة ارووحي دسيبيري .. متميييييزة بزاف ... مهددة بالانقراض حيتاش واقع ليها واحد نوع دالصيد الجائر ... كيصيدوهم غير عشوائيا وبلا قانون ... حيتاش هادو من اغلى و واثمن السلالات ... الفرو ديالهم كيطلع الثمن ديالو من 3 تال5 دلامليااار فالسوق ولي مونطو و للفيرور و لي شابو لي من الفرو ديالاهم مكيلبسوهم غير الملووووك ...بسباب الصيد الجائر دابا مهددين بالانفراااض وناس كتفكر غير فالفرو نساوو بلي هوما من اجمل السلالات ..
لامار : ففففف .... وشنو فيهم اخور حسن
اسد : هوماا من النوع لي يقدرو يعيشو أليفين الى شبعو .. يعني لاكلاو مزياااااان مغايقيسوكش ماشي بحال لوخرين .. وكايكون فيهم واحد نوع د دلع والغنج خااااص ... يحال لبيبي دالبشر ... هانتي شفتي كيفاش كان رووبن الى كنت معصب كيحس بيا وكيييتكمش ويلا كنت فرحاان تاهو كيفرح ... وسلا فوت فيهوشي ضربة كيبقا يتسناك تحزرووو ونزييدك هاد السلالة واخا من عرق القطط ... ولاكن كتعامل بحال الكلاب فالحراسة ... يعني دابا هاد النمرر الصغييور الى شم ريييحتك وولفك وتهليتي فيه ...مستحيييييييل تقرب ليك شي حاجة ....
لامار : ااااه بحال رووبن داك ساع ... فاش شاف الحنش لي كانت جاية ليا ودافع عليا مخلاهاش تقرب
اسد : فوااالااااا ..... دونك ملي حملتي نتي تسنيت واحد 6 شهور موراك ...وحطيت روبن مع فيريزا هنا فالكاااج باش تحمل حيت باغيه يتزاد مع قسم وكيبر معاها... وكولشي مشا كيف بغيت
لامار : هاء ؟ صبر صبر خربقتيني دابا ؟ ... كيفاش تاااا لست شهور و ولدات معايا ؟؟؟؟ كديرتي ليها...
اسد : النمرة احبي كتولد على 90 حتا ل 100 يوم يعني تلت شهور حتا لربعة .... ماشي بحالك تسع شهوور الكارثة .. هادو دغياا كيرحمووو رجاالهم ماشي بحالي تسمع شهوررر مدخل نصووو وربعين يوم كنبردو غي بالمااا ...
لامار : هااااكداك والله حتا كان يحاسبتني تسع شهور .... د دابا هدا قد قسم !!
اسد : فايتها بنهااار ... ولداتو هو وجوج خرين و انثى ....
لامار : وفين لوخررين !
اسد : مع المروض ... ولاكن ختاريتو هو ناخدو حااارس ششخضي لبنتي قسسم
لامار : نوووووو حلف غاناخدوووه معانااا ؟؟؟؟؟ قول والله
اسد : وي حبيبتي غاناخدوه معانا ... شنو غاتسميه الغزالة ديالي ممم ... هزيييه!
لامار مدات ليه يديها وهزاتووو بشوووية عندهاا وهو كيفتح فمو ويسدو نيابووو باقين صغاارر
لاماار : عندو عوينات دبنتي قسم نييت هههههه ممممم ماعرفتش شغانسميه ... مي فاش كنت ضغيرة كان عندي واحد القط عزيز عليا وضرباتو طوموبيل .. كان سماه ليا بابا آييس .. نسميووه ايييس ممم؟
اسد : آييس ؟ زوين ... هو الصراحة هو دقسم يعني قسم لي خص تسميه .. مي ملي صغيرة تنوب عليهااا ماماها ... يلاه هزيه ارووحي نمشييييو توحشتها
لامار : ففففف ونفرقووووه على ماااماه ؟؟؟؟
اسد : راه عنها لوخرين احبيبتي ...
لامار : وفين رووووبن
اسد : رووووبن كاين فالمحمية لي فافريقيا .. النمر الذكر فاش كيتزاوج مع شي وحدة وكتحمل ... مكيمكنش ليه يمارس معاهااا حيت مكتبغيش ليه داكشي غريزة الاهية باش ميضرش الاجنة ... حيت الحيوانات اروحي الى حملو ومارسو العلاقة كيموتو الاجنة .. داكشي علاش الانثى كتتترفض كيمشي يقلب على راسو مع وحدة اخرى يحملها تاني... نمر ماشي بحاال السبع ... مكيحنضش على ولادو ..
لامار : ولد الحراااااام ... هذاااااك فيه فعايل لمغراابااا داك روووبن ... بكترة ماعيشتيه معاك فالمغرب ... المممفلس كيحمل فنماري دناس ويييهرب يخليها واغلة ولااااد ... هذاك خصك تعاودولو التربية معرفتيش تربيه ... كيضحك على نمرات دعباد الله .. هاهو هطاه الله بنت دابا يجيب لي لله لي يضحك علييهااا ... شكون غايضرف على هادو داباااا .... طاااحلي مت عيني تفوو معندوش حس المسؤوووولية يخ ... بو بلوطة بووو نمااااري
اسد : هههههه زيدي زيدي ... ولدو فيديك يسمعك كتجبدي باه بالخايب
خرجها من للكاااج والمروض خرج النمرة الام يديها ... وهوما مشاو لواحد بلاصة
اسد : حطيييه نورييييك ....
حطاتو وكلسات فلارض مربعة رجليها بحال اسد
اسد : غاتشديه عندك بحال هاكا ...... هاااااكداك ... دوزي يدك على راسو بشووية وقربيييه لصدرك ... راااه قلت لصدرررك ماشي لبزازززلك مال مك مكبووتة ماااالك ..
لامار : وكييغانديرلو ابنادم راه هدا هو صدري قالولك عندي ليزابادو ...
اسد : قريبيه هنااا ..باش يحححس بالامان ...وشديه بيدييك هاكدا بشوية عليه بحال كيف كديري لقسم .. خصو يووولفك ...
لامار : يييييييي كاااايهررررررني وصدررري لاش
اسد : تماااا فين كاينة رييحتك ... انا لي عارفهاا ...
فوالا ... هاكداااااك ... ( شي نص ساعة وهو معاها وكتحضن عليه عاد ناضو ) صافي يلاه طلقيييه داباااا ....
طلقاتو من يديهااا وبدا يضوررر
اسد : يلااه زيدي غاتكون قسم فاقت
لامار : هاء وهو؟؟؟؟؟؟؟
اسد : قلنا ليك زيدي ...
شد فيديها وهي كتشوف من موراها بانلييييهاا كاايضورر تما بوحدو ورجعات تبعات اسد
لامار : ياك قليتنني ندييييوه ماااالك تقلبتي ...
اسد مكجاووبهاااش يلاه غايوصلو لطموبيل وهي تحس بشي حاجة حداا رجليها لقاتو آيييس
لامار : اوووووه هاااهوووو اسد
اسد : هههه هاوهو تبعك ... ودابا مغايفرقش لا نتي لا بنتك ....
لامار : يييييييييي حمقتي حممممقني .... حمقني ...( هبطات عندو ) بغيتي تمشي معايا نشووفووو قسم مم ؟؟؟؟؟؟؟ يلاه
حلات لباب طموبيل لور وحطاتو ومشات ركبات حدا اسد كل مرة ضور عندوووو كترجع معاه ايام روووبن .... وصلو لداررر ونزلات حلات ليه لبااب ونزل تاابعها مع رجليهااا ... ودخلو لفيلااا امنة ورقية غي سمعووو الطموبيل هزو قسم لي كانت فاقت وبدلو ليهااا وهبطوها بالكونة ديالها وحطوها فصالون ووقفو كيتسناوه يجيو يفطرو وهوما يدخلووو ... ورقية جمعااات الضضضضحكة ملي شافت شنو داااخل معاهم وهي تغوووووووت وطلعااات فوق الطططبلة دايرة صبااعها فودنيهاا
رقية : عووووك عووووووك اعباااااااااد الله عتتتتتقووو الرووووح اعبااااااد الله وااعوووووووك عووووووك اعاباد الله
لامار : ويييييييلي ... مااامااا وووغاااا نزلي امامااا مككككيعضش
رقيو : مكيععععضش غاكطير الريووووس ياااااااك ابنت ليييهووووودي باغا تهناااااي من ميييييمتك ... واااااااالعداااااوووو ... وااااااهياااااااا المرحووووووم واهيااااا مي تعااالااااااو ... لا لا لاتعااالااااوش اناااا لي مجااااا بنت الهم ماخلات كرشي جاايباااني لعندكم بلل الاججججل ... مدخلا ليا ملك المووووت مع لباااااب قاااالك مكيييعضش غاااكيخطف لرواااح ... واعووووووووك عوووك وففففرشوولي قبري وزييييدوووو ترااااب ... وااااترحمو عليااا سبع فلبااااااب وااااااااجيبولي نتودع مع الحباااب ورقية غااااتمشي فعززز شباااااب واااعوووووك عوووووووك
لامار : شباااب؟؟؟؟؟واااااماما الله يهديييك باركا من الغوااااات غااتخلع لببنت و الله مكييعض غي نزززلي ... واش لاكان كيعض اندخلوه شوفي رته غا صغير وماشي سبع ... وصااااافي هبطي
امنة : غانزلي اختي راه مكيعضوش كان عندهم واااحد شحال هادي حسن كاع من بنادم
رقية : لا لا لاا فااااين جلاااتتبيتي فاين تسبيييحي فااااين تييمووومتي فاين الكااااااار نمشي فحاااااالي ففاين كيييحبس الساااريع يوصلني لدوييرتي واااعوووووووك عوووووك ... غااايتيتمووو فياااا ولييداااااتي وعوك عوووووك مااااقتلني عدو مقتلني فررردي قتلني غاااا مخلاااااات لي كرشي ... وووووبنت ليييهووووووودي باغا تهنااي من مييييييمتك مزال ماشافت متشووووووفت واااااعتقووووو رووووووووووح
اسد خرج ايييس لبرااا قبل لايسكت ليها القلب طالعة فوق طبلة وكتشالي بيديييهااا
لامار : هااهووو خررجوووو صااافي غااانزلي ... وراه والله مكعععض وبااقي صغير نتي لي خلعتيييه ماشي هووو
رقية : ههااويلي هاوييييلي استغفرررر الله اااينت المجحووووووم باغا تسكتلي قلللبي بااغااا تييييتملي ولاااادي .. بغا تخليلي قوييييسم بلا جدااهاا ... اويلي هاولي على ماخللاااات كررررررشي مدخلالي سبع مع لبااب مقدكش لي مزوووجااااه البنت الهم ... دااااااخل طااااالق رجلييييه مابقاتش دااار هااادي ولات نيشينيولاي(ناشيونال جيغرافي) وووسير ابنتي اش بغيييييتليييييك غااااا زك فرووووج ويتلامووو عليك جووووج ... وااااهيا ميمتي غاتسكت ليا لقلب مدخلا ليا ملك الموووت مع لبااااااب ..
لامار تنهدات وقربات عندها هبطاتها تكلس وكلسات كترعد بالخلعة ...
لامار : الله ييهديييييك اماما مكييدير وااالو .. تانا كنت نخاف منهم بحااالك ... مي هادو زوينين بحال القط آيس لي كان عندي عقلتي عليه... تاهو سميتو آييس ...
رقية : وااااااالوووو داك المجحووم انا ولا هو فهاد الدار ... يمشي يااااكل ليك اابنت ويخليك كتشوووفي ... واش بععععقلكم ولا تسطيييتوو تخلطو الصح مع المززززح
لامار بقات غا كتشووف فيها باقا كترعد بالخوف وشدات فيديها باستها
لامار : صااافي صاافي مغايدخلش هنا ... تانا كنت نخاف منهم فلول مي ولفتهم غزاالين والله ...ياك كانو كيعجبوك القطوط وديما كنت تخرجي ليهم لماكلة ...
رقية : القطوووط ماشي قبااااطين الارواح
لامار : وصاافي ... مغايدخلش ...
ناضت شافت عند قسم بانتليها فايقة كتلعب بيديها وضحكات
لامار : بنتي الغزاااالة فااقت وكااااع مااغوتااات .. ياااك ؟ خلي ليا حبيبة ديالي ( كتبوس فيديها ) كانت مرييضة ليا وخلعاتني انا وباباها وهي صااابحة كضحك خليلي ضحيييييكة ...( ناضت ) غانعيط على اسد نفطرو باش نرضعها .. فين اسبرو ؟
امنة : فطرر قبيلة راه عنهم شي تدريييب مشاوو مغايجيو تالغدا
لامار خرجات لعند اسد لقاتو كيهضر مع واحد اييس هزوه يديوه لواحد الكاج علاما يمشيو لمغرب
لامار : كتخااف منهم بزااف .. ونيت شكون هذا لي مايخافش من نمر هههه
اسد : مااشي مشكل ...
عنقها ودخلووو يفطروو
فمكان اااخر ....."المطار" ...
كيمشي وسط الرجلين صبادرين كحلة وكيمشي بززززربة جار غافاليز سروال كحل و شومييز كحلة مززيرة عليه شال خفيييييف كحل مدلي طويل على كتافو لحيتو كثيفة كحلة ومخننززز وداير طربوووش كحل وشعرو كيبان من تحت ... مطططلع حااجبوو مخننزززررررر وواضح من ملامحو عندو صرااع لداااااخل بحاللا مغددد بحاللا مجنن ... معصب ... خرج من المطاار ركب فطاااكسي مشا ديريكت لداروو لاح لفالييييز وجبد تيليفون ..
- : دابا تكوووووني عندي ... بلا كثرة الهضرة ... قلت دابا ...
كلس على واحد الكرسي كييفككككر ... ويفرك فصبعااانووو عنيييه حاااااقدييييين تاسمع لباب و ناض حل ليهااا هي شافتوو ونقزااات عليه عنقااااتوو حيدها عليه ودفعها دخل و تبعها
اسيل : مااااامتيقاااااش عدناااان رجعتي قلت صااافي مششيتي ومغااترجججعش فيييين كنتي ؟؟؟؟؟ عرفتي شحال توحشتك
عدنان : شحال عندك
اسيل : ها ؟؟؟؟ مم ك ... كيفاش ؟!!!!!!
عدنان : ( سبفتو طتخلع) سؤاااالي باين .. شحال من شهر عندك
