اسد : يونس راك كبرتي الموضوع على وااالو ... علاش ضاااربو دابا والبنت كتشوف واش حماقيتي ولا مالك شنو دارليك ؟ بلاصة ماتسولو كبف كان لبارح هاكا تلاقاتيه لاكان هداك لداخل مشروب راه هذا لي ضربتي كان غايحماق لبارح ... قدر شوية لوضع راه كان عالم بينا غير الله وكون كنتي فبلاصنا بربي لاتفكرتي حتى راسك ( يونس كيتغدد معصب )كلشي تكب فخطرة ...كنتي فبالنا ماشي مكنتيش وسفيان سولني واش نقولهاليك قتليه بلا منخلعوك تايخرج عدنان بعدا من لبلوك ونعلموووك ... اللهم نقوليك راه عدنان تضرب ودابا بيخير ولا تقوليك جري راه كيموت .. كنتي يلاه مشيتي و مراتك حاملة تمشي تخلع بشي خبار قدر ضروفنا حتى حنااا راه مناسيك حد ....
يونس : ( كييضور ويرد فشعرو لور وشاف عندو ) متعااااودوش اسد ماتعاااودوش .... انا راه خووكم ومن حقي حتى انا نكون واقف معاكم فالحلوة والمرة ... من حقي نتخلع معاكم ونعرف اش كاين ... ماشي ديما هاداك منخلوعهش ونتوما فيكم الدقة علاش ؟ اايييه مقدر الوضع ولاكن انا مكنحملش هاكدا ماشي تانعرفها من البراني وانا لي خصني نكون واقف معاكم فمحنة بحال هاديك ا اسد ( رجع كيتنهط وشاف فيه ) دابا شنووو وقع بضضضبط
كلسو واسد بدا كيعاود ليه طبعا خبا عليه موضوع القرع بغا سفيان قاليه غير بيناتهم شي حساب ... كيحاول يعاود ليه كولشي باش مايبقاش مقلق منهم وحاسب راسو كيخييو عليه .... بشوية بشوية كيحاول يبرردو وخا اجاب مااايبردو
يونس : ولااااااد القحااااااب ..... كوووون ماطلقتوهمش علاش طلقتوووهم
اسد : وشنو عندي ندير بيهم قالو ليك عندي عكاشة ....ظابا نسا علينا عارفني كيفاش داير مكنحكش على الجرحة وكنخليها تبرا داكشي داز مانبغيش يتجبد مزال هانتا دابا فهمتش اش واقع قلب عليا دابا .... دخل الى باغي تشوف خوك وماتبينش حداااه راه خصو الراحة ..
يونس : اوموركم نتوما مزياااان ؟ سفيان مطرا ليه والو لبارح
اسد : لا الحمد الله ... دغيا لقينيها وماطاري ليها والو ( ناض غايدخل ورجع ) ... اااه نسييييت ..... باقي ماقتليكش واحد الحاجة اخرى خصك تعرفها مافيا لي يسمعك لصداعك تاني تقبتي ليا ودني
يونس : ( وقف مخلوع ) اش كاين تااااااني
اسد : الهضرة لي قتليك دابا ماجاتك تاحاجا فيها غريبة !
يونس : اشمن هضرة ؟؟؟؟؟ قلتي ليا باقي حاجة اخرى .. اوا قوووولها ....
اسد : وعلاش بااغي نقولهالك فنظرك
يونس : اوا قلتي مافيك لي يسمع لصداعي ....
اسد : نسمع صداعك ؟ ...يعني ... !!!
يزتس : اسد ؟؟؟؟؟ م مافهمتش ؟؟؟ ( كيرمش ويرد الامور مع بالو بشوية ووسع عينو ) تسمع صداعي ؟؟؟؟ م مافهمتش هادي ؟؟؟؟؟؟ كيفاش تقبت ليك ودنيييييك ؟؟؟؟؟
اسد : ههه مزال مافهمتيييش ؟؟؟؟؟ مطننك لهاد درجة
يونس : ( كيرمش ) اساااااااااد غاااااااابشوووووووية عليا .. كييييييييفاش ؟؟؟؟؟؟؟
اسد : راه كنننسمعك ابنااادم .....
يونس : ( كلس فخطرة وحدة ) شنوو ؟؟؟؟؟؟؟ كيييفااااش ؟؟؟؟؟؟؟ ... ك كاتسمع ؟؟؟؟؟؟ واش داوي بصح ولا طانز عليااا
اسد : دابا واش هادشي فيه الطننززز
يونس : ( ووووقف بالفرحة فعيييينيييه قلبو بيض دغيا نسا كولشي ) و ولاااااكن كييييدرتتتتي لييييها ..... و واااش كتسمع مززياااااااااان زعما ؟؟؟؟ مزيان مزياان
اسد غيير كيضحك ويوووونس عنقووووو
يونس : والله تااااااافرحت ليك اصااااحبي زعزعززززعتيينني .....
طبطب اسد على ظهرو ورجع شاف فيه
يونس : بررررب تاهدا احححححسن خبر سمعتو منبعد ماقاتلي مرتي حاااااملة ..... والله ماعرفت اااااش غااااانقوليك ؟؟؟؟؟؟ وووامتى هادشي
اسد : ملي فقت من الكوما ..... بلاااااا ماتشوف فيا هاكاك راه ماقلتها لحد ..... خليتها تالشي وقت مناسب ... مي دابا كولشي بان ..خوك مكيعرفش يمثل مزيان هههه
يونس : وعلااااش صااااحبي على هاد الخبار كيتسنى وقت ؟؟؟؟؟ وبااااااازززز اخويا لووووجهك .... قوليا صافي الاامور مززياااان شنو قالك طبيب ؟ مغايرجعش يمشي السمع ؟
اسد : مكنضنش
يونس : ( بعدم تصديق ) كتسمع مزياااان مزيااااااان ؟؟؟؟؟؟؟؟
اسد : ههه لا غير شوية ( عنقووو كيف شي ولدو عوج ليه عنقو تحت يدو جارو ) زيد قدامي زيد من امتى وليتي عصبي ها ؟ تفلللستي صاافي
يونس : على بنادم ( تسلت منو ) راه فعمري 32 سنة اسي اسد ماشي 12 عام ( كيقاد حوايجو )
اسد : اووه شرفتي .. واخا دير 70 سنة غاتبقاو ديما خوتي الصغار لي فاش كانو كيشوفو باهم معصب وجاي ليا كيهربو ويتخبعو فالواليدة .... وكيقولوليها فكيه
يونس : ( هبط راسو ) ماتجبدش دوك اليام ... مافيهم مايعجب اخويا ...
اسد : لا لافيهم تاني شي حوايج زويننين ... كون مكانش باك ... مكانوش غايكونو عندي جوج دالحماق سميتهم يونس وسفيان او لا ؟
يونس : ( ضرب فكتفو ) اودي الله يخلينا ديما مجموعين .... داك المسخوط رعفتو قبيلة رديت عليه حرك كامل مسكين هههه
اسد : اوا سير رجعو لطريق دابا ...
دخلووو ويونس واسد كيييضضضحكو لشومبر عند عدنان .. عدنان كان كيلعب مع قسم شافهم وارتاح ملي ضاحكين .... واش كيبغيو الخوت لبعضياتهم منغير يشوفوهم فرحانين وماخصهم تاشي خير ...
لامار : هههه ضحكونا معاكم
يونس : راه والله تااااااا اححححسن خبر سمممعتو اختي
لامار : هههه قالهالييك ؟؟؟؟ ...
حياة قربات عند سفيان
حياة : اش كاين
سفيان : اسد ولا كيسمع
حياة : ( بغووتة كولشي ضار عنها ) هاااااا ؟؟؟؟؟؟؟
سفيان : ( شد على فمها ) ششششش شوهتينا
حياة : اااء وو واش بصح ( ضارت عند اسد ) واةةش بصاااااح اخوووويا ؟؟؟؟؟؟ ( شدات على فمها ) على خخخبااااااررررر دابا كاتسسسسمعناااااا ؟؟؟؟؟
ا ابتسم ليه وحرك راسو بآه وهي عضات على شفايفها كيضحك
حياة : معرررفتش اش غاااانقوووليك اخويا حمد الله فسلاااامتك ( ضارت مخنزرة فسفيان ) علاش مااااقلتي ليا والو
سفيان : يلاه عرررفتهاا حتى انا ( عنقها ) مالك باغا تبكي
حياة : ل لا لا غ غير معرررفتش تشووووكييييت سبحاااان الله ربي قادر على كوولشي واش رجعتي كتسمع غير هاكاك ؟؟؟؟؟
سفيان : لا غوديماغا ودنييييه
بقاو كيضحكو ولامار كتشوف بابتسامة فأسد وفرحااااااانة لي كولشي مجموووع وضااااحك ولاكن ديما فاش كتشوف هاد الهدوء والسعادة قلبها كيضرها كتعرف غاتجي شي حاجة من الجنب ونفضات من راسها هاد الافكار تابدا تيل ديونس كيصوني وخرج كيهضر
يونس : حبيييييبتي .... متصووووووريش على خبببرررر غانقوولو ليييك
يونس خرج كيهضر وهوما بقاو مجمعيين ... اسد باقي منفخ على عدنان ولوخرين كيسولوه على احساسو فاش سمع اول مرة جاهم الفضول ....
تاجاو الدكاترة خرجوهم يديرو ليه الفحص تاني وخرجو بقا معاه غير واحد دكتوررر تمااا تعطل معاه شووية عاد خرج ودخلو ممرضات كيدكو شي ايباري فسيروم ودكتور خرج مبتسم وتلاقاه اسد
اسد : طو فا بيان ؟؟
دكتور : لا كووولشي مزيااان الحمد الله كنتسناو نتائج تحاليل نزيدو نطمنو كتر ...ودابا غانديرو اجتماع ندرسو صور الاشعة ونردو عليكم بكل التفاصيل ... من الافضل يحاول يوقف شوية ويتمشى مزيان ليه ولاكن غير مدة قصييرة راه محتاج لراحة
مشا دكتور وهوما رجعو دخلو لشومبر لقاوه بحالا باغي ينوض ومشا سفيان شدو
سفيان : بشوووية عليك اصاحبي صبر نعاونك
عدنان : سفيان سير جيب ليا الحوايج مغانبقاش انا هاكا ( مايقدرش يوقف بداك الكسوة د طبيب )
سفيان : واخا شنو نجيبليك ؟؟؟؟؟
عدنان: سيغفيييت
سفيان : انمشي نجيبهاليك دابا ... ماباغيش شي حاجة اخرى
عدنان : لا لا شوفهم يعطويك غير تيليفوني
سفيان : كريساوك هههه غايكون عند رتاج انا نجيب ليك الحوايج وندوز عنها
خرج سفيان ومشات معاه حتى حياة مشا لاقرب بوتيك ياخد ليه الحوايج حيت دارو بعيدة .... وعدنان رحع تكا والقوة والو وداك كمامة على فمو ونيفو
ممرضة : رخف ليا شوية يديك اموسيو عفاك ( بدات كتضرب ليه شوكة اخرى كتحيد دم ) صااافي ... الله يشافي .. معندكش شي حريق ؟
عدنان : لا ..ولاكن الجرح كيحرقني من داخل بحالا مزير بشي حاجة كلمي ليا رتاج ولا شي حد كان فالعنلة يشوف اش واقع ( لامار واسد كيشوفو )
مررضة : ااء ؟ واااش بزاف اسيدي
عدنان : لا لا غير نتي قوليهالهم ....
مشات بزربة
اسد : اشمن حريق هدااااا تااااني ؟؟؟؟؟ ( قرب عندو ) واش فجرح ولا فقلبك لداخل ؟؟؟؟؟؟
عدنان : ماااشي شي حااااجة يمكن حيت مشا البنج ...يحيو ونشوفو علاش ....
اسد : واش كيييضررررك بزااااف ؟؟؟؟؟
عدنان : لا لاااا غير شوية ....
فالاجتماع
كالسين كلهم كيتسناو دكتور يجيب نتائج والصور ورتاج كتكتب فواحد الملف وتهضر مع واحد دكتورة على شي حالات اخرين .... تاحل دكتوررر البااااااب بججججهد وجاي قااااصد رتااااج حممررررر مععععصصصب متووتر ولاح قدامها الوراق
دكتور : دكتووووووورة رتاااااج .. ملي مقااااداش بالمسسؤوووولية ومبتدئة فالجراااحة كنتي تعلمييييينا .... حنا نقوووومو ليه بالعملية واش عاااارفة راسك شنو درتي ولا ماعارفاااااااش
رتاج : ( وقفات مخلووووعة شنايفها بياضو ) ش شنو .. ش شنو درت ادكتور م مافهمتش اش واقع
دكتور : معععرفتييييش اش وقع ... شووووفي الاشعة قرااااي لي غيزيلطاا ديال ليزاناليز ... مااعممررر لكيلينك دياااالنا دار خطأ طبي بحال هدا ... فين كان عقلك فاش كنتي كتخيطي .. الفرحة سيطرررات عليك حتى غللللطتي ... دابا خصنا نهبطوه لبلوووك ولا كولشي غايلتهب ليييييه ... كون شي حد غريب وماشي موالين ليكيلينك هادو راه غايرفعو علينا د دعوة
رتاج : ودابا بشوية وماتغوتش عليا فهمني انا اش درت ؟
دكتورة كانت كتشوف لصور دالاشعة موسعة عينييها وشدات على فمها
دكتورة : و واش القطن هذا لي نسات هنا ؟؟؟؟؟؟؟؟؟؟؟؟ اووه نوووووو ( كلساات فخطرة على لكرسي شادة على فمها ورتاج كضور عنها بشوية مامصدقاش غاتسخف بالخلعة )
