اسد : هاكداك .. اوااا بشوييية بشوية تانعرفو كاااع اش كاين ... ( شاف عنها ) ياك احبيبة ؟
لامار ضورات راسها كاع .... كتغززز فضفرااااانهااا اجاب ماايفكها معاه ... وهو غمز لكارد ديالو كان واقف بعيد فهمو وجاب ليه تيليفون وكتب مسج لعادل قالو شوية وتكون عندي فدار ... ورجع حطو كيتنهههد كيدوز على شعر لامار بيد ويد هاز بيها قسم عندو تاجاات الممرضة هازة لي ساشي دالماكلة صحيية ... وحطها قدامها نوضها بسيف واقف عند راسها هو ورتاج تاااكلات ... يلاه كتشرب واحد الكينة واوحد ممرضة من لور ضربات ليها لمنوم فسيروم حيت خصها تنعس باش يتقاد طونسيون ... ورجعات نطتكات على اسد تااااداها نعااااس ... وجا سفيان هزها حيت اسد مايقدش وحطها على واحد الفوطوي وغطاتها حياة وكلسات عند راسها ... وعادل دخل كيشوف معاهم ويضور ففعينو متوتر ومشا كلس معاهم مجموعين كاملين ... واسد عاد قاد الكلسسة مزياااان وربع يدو و حط قسم تلعب وشاف فيييهم وهوما واحد كيرمش فلاخور منين يبداو والكارد تاهو دخلو كلسوو طلب كولشي يتجمع ... شافهم كاملين قدامو ..... وعوط راسو معاهم ...
اسد : يلاه ...باسم الله ...
عادل: بسسسم الله
سفيان:بسم الله !!..
اسد غي كيرمش فيهم كيتسناهم ينطقو .......
تااادخل اسبرووو بحال العجاج كييييجري شاد على كاسكيطتو على طيييح ... غير هوو شافووو هوووو يووووقف مطرطق عيييينو كان يحسابتو رااااه مجبد فبيتو كيف خلاه يكون حل غي عينيه ماشي كالس مربع يديه ... وبدا يتبسم ويضحك ضحكة صفرررة وتعووووج
اسبرو : سسس .. سسيدي حي ... حياك الله ؟؟؟؟ ب بغيت نقول شافاك الله؟؟ ... اا .. ع على م مزيناتك زز زعما على سلاااااامتك بغيت نقول .. اا .. ق ق قا قالولي فقتي .. م مقا مقالوليش .. و وقفتتتي ... ب بغيت ن نقول كلستي و وخ خنزرتي .. ح حستبتنا متي .. بغيت نقول حسابتنا زعما اودي يعطني لقوة تاكلمة مامسكمة كي زهري نعيا نحلق عليها غاكتخرج كتحشمني مع وجهوكم اسيدي...( بدا يتفكر اشكان كيحفظ فطريق يقول ويعبر بيديه ورجليه ) اااحممم على سلامتك و والله يوقفك على خيير .. اااه لا نسيت نتا صافي وقفتي غ غي حيييت جييت كندرب على شنو نقول ليك وهي تزهق .. عارف اسيدي عاارف مزغوب وعقل لاروب غ غاقبلو علينا اسيدي نكبرو ونتعقلو ونعجبوك ... غ غي الفرحة الفرررررحة د ديال رجووعك ل لينا .. ورجعو سوء الحالة الجوية و الاعصارات و العجاج ب بغيت نقول رجوع الجو الهادىء والربيع الصافي و بلعمان و الاقحوان وك كاع داكشي ... ( تنفس ) اووف سالييييت ...
اسد: (اسد شداتو ضحكة وااااخا معندو كانة حيييت كان عيااااا يتخيل فهضرة اسبرو وعمرها طاحت على بالو غاتكون مسسسسسرسة و رقيييييقة كيف هضرة شي فروج جااااايف و فيها الانوووووثة ... ) زيدد اسعيد .. زيد كنتي ناقص غي نتا زيد ..
اسبرو بدا كيشوف معاهم مستفيييين كاملين وعادل كيدير فيه نظرة ديال رااااااك اكبر منحوس على وجه الكرة الارضية ملي جيتي فهاد الوقيتة .. اسبرو غا شاف لي كارد فيديهم طابليطات عرف القضية فيها تقارير .. عادل اللون مخطوف من وجهو ... وطبلة مهرس فيها نص فاش ضربها برجلو ... و لامار ناعسة وسيروم فيدها ... صافي عرف مدام الكارثة ناعسة اذن جا يهز عليها الدقة فالوقت المناااااااسب .... عرف الى ليلة تفركيع الرمانة وفين مكان شي تفركيع وكان هو حاااضر .. بوحدو لي كيتفركع فيه كولشي وتبسم ليييييهم بخوف زعما راه مطاري والة هو قرب يبول ....
اسبرو: ل لاا . ا انا ... انا مشغوووول ... ططط ااا طاااا ط ط طيااارة .. ك كتنسانيني ك كيشتي وقفات لياا فواحد بلاصة ممنوعة وقفتها بزز باش ننزل ... و خص وخصني نرجع بزربة قبل مايديرو ليها الصابو ويديو ل لبيلوط لبيرمي و ونهز دنوبو ... خ خليتها غاهنا فدورة كتسناني ومنها لي ر راكبين ديخايين يتقياو ..علما نرجع .. جيت غي نشوفك اسيدي و نمشي ح حيت قالولي ر راك بين الحياة و الموت و ويمكن غ غي مفهمتش مزيان ي يمكن قالولي راه لاجيت انا لي غانولي بين الحياة والموت ... .. ا انا بغيييييت نكلس معاكم ولاكن مشغووووول انا مشغووول ... ع عندي شغل فالميريييكان اسيدي منقدرش نكلس .. عندي شيحاجة ض ضروووووري نرجع ليهااا ويلا غاطرا كاااارثة
اسد : ... ياكما مرقد البيت الابيض فجافيل وخايفو يكشف .... (بصرامة ) كككللس
اسبرو بالخلعة كلس فبلاصتوووو مربع فاارض كيشوف فالسقف بدون مايرمش زعما حااااضر ناضر
عاادل ناااض بزربة عندو نوضو كلسو يتقنت حداه ....ورتاج كضحك غير بالحس باش مايخنزروش فيها حيت كولشي متوتر .... تووحشاات اسبروو وغي هي لي حاسة براسها اليييييز حيت مادايرة والو هههه ماشدت ماقتلت ومقطعت رجل د حد ... ماجابت حد ...
عادل : ( بلحححس لاسبرو ) يجيك الهم ... مالقيتي امتى تجي
اسبرو : على ااخويا اش كتعرف على المنحوس ؟ انا غاامنحوس زهري ومن زهر داك العتروس .. لي عاكر و مافيه لالحم لاشحم فيه غالخفة وقوة التبعويق .. ماينعس عليه مريض ماتنكف عليه عروس ...قاعو فيه السوس وفين مكان شي موصيب كينقز فيها كي الفلوس .... اش داني ... اش دااااني انا لشي صواب ينعل بابايا ... هانتا ياك شاهد اخويا عادل مادرت الو انا ؟ كنت كنجي كندير غا زيارة المريض ونرجع فحالي انا مشت والو مدرت والو ... ياك شاهد ... وهانتا هاا انا ... انا لي غانهز دقتكم كاملين .. غايبدا بيا واخا معندي علاقة .....
عادل : اودي غاسكت وتركن ماديرش ماتخافش
اسبرو : ورا حيت مكنديرش داااكشي علاش كنخاف ... كون كنت ندير بعدا ماايبقاش فيا الحال ... انا فين عمري درت اخويا شي حااااجة
سكتووو كلهم تاولا سهييييييييط واسد كيشوف فيهم ويضور عليهم عينوو عااااااطيهم الخاطر تايهضرو على خاطرهم مبرااااااد الطرح لان لابين ليهم معصب مغايقولس كولشي .. .. وسفيان بدا يشوف مع جنابو ...
سفيان : ماشي صهد لا ...
يونس : لعجاج ..
اسد : داباا امتى ناوين تهضرو ؟؟؟؟
بقاو غي كيشوفو فبعضياااااتهم وتنهد
اسد : انا غانسهل عليكم القضية ( رجع تكا لور داير معاهم جهدو ) .... انا غانسول ونتوما غاتجاوبو ساهلة ياك !!!!
عادل : ا اه اسيييدي هاكا حسن ... (عاد تنفس يجاوبو على اسئلتو ماشي هي يعاودو وماعرفين اش يقولو واش يخليو)
اسد : مزيان .... اذن بغيت جواب لهاد السؤال ... اااااش واقع !!!!! ....
عادل : ( بالحس ) ورا بحال بحااال زعما اش سهليتي ..
اسبرو : ( هضر بالحس ) راه تقدر دير الاستعانة بصديق ! نقلب ليك فويكابيديا نقدر لقا ليك شي جواب
عادل: سككككتنا ..... احم .. ق قلتي اسيدي .. اش واقع ...( شاف عند سفيان ) اش ااقع اسي سفيااان ؟؟؟
سفيان شاف عند يونس
سفيان : قالك اش واقع .. ( حياة حابسة ضحكة عجبها الحال تشوفو مخلوغ )
يونس شاف فاسد
بونس : موااااقع والو ؟ واقعة شي حاجة ؟
اسد : ( باقي مبرررررد مكاااااالمي كيسرسرهوم غي بشووووية ) او ا ملي مواقع واالو .. هي نوووووض نديرر انا شي كارثة باش تولي واقعة شي حاجة ياك ؟ ....
عااادل : ااء ش شوف اسيدي .. هو بزااف دالحوايح وققعو طبعا فاش مكنتيش .... غير زعما .. باش نبداو ليييك ...
اسبرة : (بالحس فودنو ) هاولي على باش نبدا ليك بدا ليه بالسسسفة عاد لحم ... تاهضر لاغاتهضررر وقول كاع اش كاين ... عااااارك لامقولو داك زومبي عندك قطعات لواحد رجليييه بلا بنج.. عااااقوووولها وخليني نتفرج يااااك انا مكتتش اوا غاقول
عادل : ( تحت سنانو ) سسسسسكت ..... اا . ك كيف قتليك اسيدي باش نبدا ليك .؟. ر رااااه بزاااااف مايتقال
اسد : يااا سلام .. ( تنهد مطووول ) بداوليا بعدنان ...
سفيان : احم ... ااا ... مهم ... غانبداو ليك من A و نتماو تخلينا نكملو ليك تاوصلو ل Z بلا مايوقع لينا والو .... ( بالللحس ) على بركة الله اللهم يسر ولا تعسر ..
كلهم ولاو يهضرو غي بالحس كيدعيو وهو عااااااطيهم الخاااااااااطر ... ومربع بدو ..
يونس : اللهم لا نسألك رد القضاء لاكن نسألك اللطف فيه ...
عادل :ولا تحملنا مالا طاقة لنا به يارب العالمين
اسبرو : سبحاااانك رب العزة عما يصفووون وسلام على المرسليين والحمد الله رب العالمين ( باس يدو )
اسد : ساليتو ؟ ..... يلاه هضضرو دابا .....
