داك المحامي غي شااافووو وسع عينيه اش جابو لهنا ؟؟؟؟؟
محامي : سي عدنااان ؟؟؟؟؟
النائب : عدنان كاين شي مشكل ؟
لامااار بقاات غي كتشوف مافاهمة والو هادو فين كيعرفوه ؟؟؟ وكيف دار دغيا وصل! وفنفس الوقت رتااااحت لي جا يفك ليها هاد الكارثة ..
وهو جر الكرسي وكلس .. كيشوف فيهم داير ابتساامة برووود...
عدنان : اش كاااين ! الشخص لي عقد ليكم الاجتماع مامنحقوووش يحضر ليه ولا شنو !!!!
طارق ( بالحس للمحامي) : شكون هااد عدنان تاتي؟
المحامي : هذا هو لي طلبتو يتوسط لينا مع النائب ... حيت راهم صحااب ... ولاكن علاش جا !!!
عدنان : احم .. اذن نتا هو لي باااغي تااخد المنصب ديال المدير فالمجموعة ؟؟؟؟
طارق ( غي كييرمش) : اا ااه ... انا هو ...
عدنان : مممم وعلى ما قاااليا سي براااادة فتييليفون ..اااه لاا لاا .. بلا منقول من الاكسن تسمع ليه بوودنيك اش قال ( هز تيليفون كان مسجل الابيل و المحامي بدا يتعررق )
المحامي : الووو .. سي عدنان هذا ؟ .. ياكما فيقتك من نعاااسك ؟؟؟؟ سمح ليا ..ره بزز باش لقيت لي يعني رقمك
عدنان : .. شكون معايااا !
المحامي : انااا المحااامي حميد برادة .. راه ديجااا فكيت ليك شحال من قضية .. واخر قضية ديال المتحف لي تشد ليك فسويسرا
عدنان : اش كااين ؟؟؟ شي جديد
المحامي : لااا اسي عدنان ....غير هاد المرة انا لي محتااجك ... كنعرف ان النائب ديال اللجنة العليا لتجارة والتسييير فالمغرب صااحبك ؟ وكتلاقاو بزاف ... وكليان مهم ديالك شرا عليك شحال من لوحة ...
عدنان : وعلاش بغيتيه ؟؟؟
المحامي : عندي واحد القضية ضروورية و محتاااجك توسطلي معاااه اسي عدنان الله يجازيييك بالخير .. القضية ديال مطموعة شركاات الروكان الى سمعتي بيها!!!
عدنان : نعاام ؟؟؟؟ عااااود اش قلتي !!!
المحامي : شركاات الروكان البححرية .. وبالضبط ديال الاستيراد و التصدير مااذر كومبانيي ..
عدنان : عررفتها ماالها ؟؟؟؟؟؟؟؟
المحامي : الموكل ديالي مدير عام فيها .. وغاتكون سمعتي فالاخبار قبيلة ان المدير ديالها لي هو الروكان .. راه غيبوبة .. ادن الموكل ديالي بغا ياخد بلاصتو علاما يرجع .. وبغينااا نقترحو الامر على النائب قبل مايعييينو المدير الجدديد.. حيت سي اسد معندوش شي اخ او اب او ابن لي يشد بلاصتو ...
عدنان : اهاه ؟ وشكون هاد المدير العام ؟؟؟؟ وعلاش باغي هاد المنصب بضببط ويعرقل النظام ؟؟؟؟؟
المحامي : وراك عارف الشركة غاتوقف الخدمة ديالها بلا مدير وبغا هووو يسييرها
عدنان : علاش غاتوقف ! ياك هو مدير عام ؟ اوا راه عندو الصلاحيات كاملة ماشي بضاروري ياخد بلاصة المدير.. لابغا يخدم ...يييخدم وصافي الا لا عينو فشي حاجة اخرى ..
المحامي : وراااك عارف اسي عدنان حالة د لي بيزنينس مان منحتاجشش نشرح ليك ... حتا ويلا كمل التسيير وهو مدير عااام .. راه المدراء كاملين غاينحسبو حيييت ماتفاهموووش
عدنان : ااه بون ! على اساس الى ولا مدير غايتفاهمو ؟؟؟؟
المحامي : وعلى الاقل يمكليه يبيع كولشي ...
عدنان : يبيييع !!!!! هذا راه ماشي باغي مصلحة الشركة هذا باغي يخرج عليها ....شكون هاد الحمااااار هذااا؟؟؟؟
المحامي : حنا ماشي شغلنا انا كيهمني غييير نشد رززقي ...داكشي بيناتهم ... دابا واش تقدر توسط ليا معاه !!
عدنان : اهاه علاش لا ...
المحامي : غذا اذن ؟
عدنان : لااا بزااف تااالغدا ... العششششية حسسب راسك معاااه فلبيروو ديالو
المحامي : مغاااانساش ليك هاد الخير اسي عدناااان
عدنان : او الله يجعلكم توصلو لداكشي لي بغييتووو... متخافش غي دعيت معاك ... قول امين
تقطعات لابيل وشاف عنهم وداك المحامي كون لقا لارض تشق يدخل فيها جابد واحد المنديل وكيمسح العرق على صليعتو وكيسرط ريقو وطارق كتررر تفضضح وتحط بوجهو وعدنان كيتسارا عليهم بغينيه و كيدير ليهم ضحكة شريرة
النائب : وقوليا هاكا من لول ؟ علاش ماقليتي والو ؟؟؟؟
عدنان : كيعجبني لعب على الاعصاب اصاحبي .. كيعجبني نشوف الواحد كييهجر ضحكو .. كنعشق دوك الملامح الضاحكين لي كيتجمعو شويية بشووية ويتصدمو .... ( شاف عند النائب ) عاارفني عزيز علياااا ريحة الشيااااط ...
لامار : كنتي باااااغي تبييييع اشمااااتة ؟؟؟؟؟ ها ؟؟؟؟ هاادي هي باغي مصلحة الشرركة ؟؟؟؟؟؟؟ اشنو دابا تساالاو ليك ؟؟؟؟؟ نريزيرفي ليك سرير حدا هاداك فين كنت ناعسة وانا مصدوووومة !!!!!
النائب : اش هادشي اسي طارق ؟؟؟؟( شاف عند المحامي ) ونتا لي زعما رجل قانون شنو كيتسمى هااادشي
المحاامي : ل ا لا ... و .. وهادي هي الخدمة
الناائب : هادشي رااااه خاارح على القااانووون ..مالكو وليتو تاااجرو فيه بهاد الشكل ... خخصك تعاااقب على هادشي اسي برااادة وهاد التسجيب لي عند عدنااان هو الدليل ... المحاميين بحالك لي كيخربو لبلاد مخصهومش يبقاو بينااتنا ( هز تيليفون ولاخورر كيرغبوووو ) عيطي ليا على الانسبكتور فيصل ... ودخلي سيكيريتي يخرجو على شس وحدين منهنااا تااايجيو لبوليس
المحامي : الله يرررحم ليه الوالديييين اسياادة النائب عننندي ولييدات وخداام عليييييييهم
النائب : خرررج عليا من هناا نتا ويااااه ... بلاصتكم الحححبس ... مضيعين ليا وقتي وجاييين كتقنعوني بالكدوووب وكنت قريب نتقنننع و نخبر اللجنة ان الموكل ديالك هو المناااسب للمنصب ..ونتوما كنتو ناوين على الغددررر .. خررجووو عليااا
جاو سكيريتي كيخرجوهوم و عدناان شد على كتتف طااارق وهبطو يييكلس ...
عدنان : هذااا باقي محتاجوو .. خرجو غي هداك ...
مشا المحامي كييتجررجر ليهم ويغوت ....ووطااارق بقا غي كيشوووف السخانة طلعاات ليه لررررربعين معرف باش تبببلاااا .... تا حس بيد عدنان على جبهتو
عدنان : ( طاانز ) كتحس براسك صافا ؟ شوووية ؟
طارق : ( نتر ليه ييدو وشفايفو كيترعدو ) انا مقلتش هادشي للمحااامي معرفتو منين جاب داك الهضضضرة عاقبوه بوحدو معنديش دخل ...
عدنان : بطيبعة الحال غايتعاقب بووحدو ... على نتا اش داير؟ كنتي بااغي غير مصلخة المجموعة وتسييرها .. الله يجازيك بالخير .. ولاكن لاسف ميمكننش دابا .. حيت عصصبتو لينا سي نااائب ... حظ سعيييد فالمرة الجاااية ..
النائب : طللبك مرفوووض رفض تام ( شد دووسي ) اللجنة هي لي غاتقررر شكون للمدير
لامار : بلا متحتاج ...ملي كيحضر الما ..كيترفع التيمم .. ويلا حضر الاح البيولوجي كيترفع التعييين...
النائب : مفهمتش امادام ؟ شي اسد عندو شي اخ!!!
عدنان : واايلي ... انا كاع قد هاكا ومابنتيش ليك ؟؟؟
طارق شاف عندو بببزرية ... والنائب شاف باستغراب
النائب اش كتقصد ..
عدنان : ( مد ليه الملف لي كان ضرب بيه طارق ) la DNA ... ( حلها لنائب كيشوووف ويقرا )
النائي : ميييمكنش ؟؟؟؟ وااش نتا خوو سي الاسمااالعيلي ؟؟؟؟؟؟
عدنان : اش باااليك ؟؟؟؟؟ ( متكي وجهو على يدو وخاشي صبعو الصغير ففموووو تمامااا بحال حركة اسد لامار بقات غي كتشوف اش هاد النسخة ديالو لي محطوطة قدامها كيشبهلو بزاف وحتا فالتصرفات وطريقة دالهضرة خصو غا البحة )
النائب : وعلاش معمرك قلتيييها ليا ؟؟؟؟
عدنان : ماشي كولشي كيتقال . ..( رجع شاف عند طارق ) هبطات ليك شوية الحرارة ولا تحتاج شي كالمون !!!
طارق : رااااهم غي كيييكدبو عنداك تيقهم ... سي اسد معندو تا اخ بيوولوحجي غايكونو مزوريييين
عدنان : اااه مزوريين ... نطح راسك مع الحيط ...
النائب : اذن اللجنة خصها نعرف هادشي .. بلا ماتعين مدير جديد ونتا كاين ... راه نتا لي مفروض تكلس على داك الكرسي
عدنان : لا لا حشششووومة نوضووو سي .. سسسي ( شاف عند لامار ) اش سمييت هذا نسيييت!
لامار : طاااارريق
عدنان : ااه وي ...طااااااررق ... حشومة نووضو سي طااريق ونكلسو حناا ( كيطنز عليه بالبيان ولاخوور زرااق بالفقصصة كييعض فلساااانو ) ننطلبو منو الاذن بعدا .. شنو اسي طارق تسمك لياااا نوووضك من كرسي احللااامك ؟؟؟
طارق : ( ناض وقف ) غااااااتتتخلصوووو هادددددشي مضووووووببببببل مغاااتهناوش مني غاااتندموووو
عدناان جمع دااك الضحكة و كرررز على سنانو وهبطو لارض تالتخو على لككرررسي وخنزر فيه .. دغيااا تقلب
عدنان : ( شد ليه فووودنوو مجبدها ليه ) ررركز معايا مزياااااان .. وطبق هادشي باااالحححرف ... عندك ساااعة و خمسة وثللاثين دقيقة ... ساعة يلاه توصل لكازا .. و 25 دقييقة غاتكون وصلتي للشركة و 5 دقاايق خليتها ليك سكور من عندي فحالة لاكان شي بلوكاط فطريق ... و 5 دقااايق غاتكون وضصلتي للمكتب تححط ووورقة انسااااحبك ... لي غاااتكون مأكد فييييها انناا ماجرينا عليك مااااطرردناك.. خارج بكامل الرضا ديالك ومسامح فكاااع الحقووووق وكتسالنا تادرهم ....وويييييييلا ... ركككززز معييياااا ويييييلا مدرتيش هادشي ..غانخسر عليييك دقيقة وحدة نغغغبررررر ليك الاثار( بدا يضرب ليه فحناكو ) خليني زوييييين .. وسير دير اش قلت ليييك ...
داك طااررق بقاليه شووية ويطرررطق وناض بززرربة خارررج مععععصصصب ناوي غلى خزيت وعدنان داار الكيت ...
عدنان : واحد لتحت تبعوه ... الى مشا لشي بلاصة اخرى من غير المجموعة شدوه ....
رطع قطع وشاف عنهم ولامار ماعرفة واش تفرح ولا تسنا تاني شي موصيية اخرى ...
النائب :اذن الامور واضحة ...نتا لي غاتشد المنصب دالمديير فحالة غيابو بما انك الاخ ديالو ... وعندك كامل الصلاحية .. و اللجنة غاتخرج موافقة للتعيين منهنا 5 حتا ل 6 دسوايع .... الوثيقة ديال الحمض للنووي هاهي .. وولاكن بااقي الكومت تاهو خصو يتتدفع دابا عند واااجد ؟
عدنان : شحال كيخص فيه !
النائب : كتر من 6 دالملايدر ...
عدنان بقااا غي كاايشوووف وكيحك فلحييييتو كيفكر والنائب فهمو اش باغي يدير لانو صاحبوو وكيعرف عليه كولشي
النائب : عندك ديرها اعدنان ....
عدنان :مكاينش شي حال اخور .. صافي حسبو واااجد .. نص ساعة نحولهم ليكم ...
النائب : متأكد ؟ عشر سنييين ونتا كتكاافح علييهم ..
لامار : علاش كتضهرو ؟؟؟ الى كان على الكونت انا نحول فيه الفلوووس
عدنان : (دار راسو مسمعهاش ) صااافي حسب الكووونت واجد ...
نااض وسلم عليه
عدنان : شكرااا .. وسمحيلي الى مقلتك ليك والو فلول .. كنت بغيت نشوف اشنو باغين يوصلو ليه ...
النائب : ماشي مشكل ... الامر تحل .. مدام الامار خليتك على خيير .. وبالشفاء العاجل لسيد اسد ( مشااا )
عدنان ضار عند لامار ابتسم ليها وخرررج وهي يصوني لييها تيليفون ...
لامار : يااااربي سلامة يااربي تحححفظ ( جاوبات ) وي عادل ... اشمن خباار جاااايب ليا تاني!!!!!قربت نبلوكي رقمك فخبااارك ...
عادل : عاارف عاارف امادم وجهي وجه المصايب .. راه عدنان وصلو حتا لدارو ومالقاوهش ... ساافرر صباح
لامار : صبااااح نوووور ... سير دير عليك شي مانطة ونعس حسن ليك منااااااافعني فواااااالو ... منغير الننحححححس .. مرة اخرى تجيبلي شي خبااارر عوج معندوش الحححل غانفدي دمك .. ( قطعات عليه وخرجات )
عدنان خرج لقا غي قسم لي فيد الكاتبة اما سفيان ماكينش ... و مشا هزها عندووو
عدنان : فين سفيان !! الولد لي كان هازها
الكاتبة: شاف واحد خارج من الاجتماع وتبعو فالسانسور ...
قسم بدااات ككضضضحك فرحانة وشاف عنها اول مرة يضحك تايبانو سنانو موالف اضعف الايمان غي كيبتسم.... وبااااسهاااا مزيييررر علييهااا ..كيحسها كتغلي ليه فالقلب لداااااخل ....
قسسم : بابااه بببااااه عععع ييي اموو يي دااا باااه
عدنان :اش كتقووولي ها ؟؟؟؟ اش هاد الصويييت للغزال عندك ؟؟؟؟؟؟ ( حط نيييفو على نيفها الصغيييور) ريييحتك زوييينة يزااااف الامييييرررة ... عرفتيييني انا شكون ممم ؟؟؟؟
لامااار : ( من موراه ) هذاااا عمك ابنتي ... واحد عمك لي باقي خصووو ططرررحة ديال العصا ولاكن تاايفيق باباااك .... حنا منقدروووش عليه الله غالب ابنتي ..
ضاار عندها عدنان مبتسم ..
عدنان : عارف ... عارف بلي مكانش عليااا نجي ... وعارف انني خلفت الوعد لي عطيت ليك .. لاكن ملي مسعت كيلعبو القرررودة فساحتو مقديتش نصصبر .. عارف بلي مكيهموهش الفلوس .. ولاكن عارفوو مكيييحملش الشششمتة بحالي تماما ....مكنحملوووش يشمتنا شي حد ولا يربحنا .... كااان لابد مانجي ... و نأدي دور الاخ ولو لمرة وحدة فحياتي ... ولاكن كوني هانية مغاتشوفينيش مزال ... محسابتنيش غاتكوني فالاجتماع مااانا مانوريكش وجهي ... شركة غاتبقا كيف ماهي وتقدري تجي ليييها عااادي بحالا تمااا اسد مكاين لي يحيد ليك ونتي لي خصك تعمري داك الكرسي فغيابو ... انا غانخدم غير من لبعييد وغانرجع دابا فحالي جيت غي نقضي هاد الغراض .. نتسناااه ينسحب و نتأكد مابقاش خطر عليكم ونمشي ..
لامار : ياك كنتي باااغي تهدمها ليه فوق راااسو ... علاش دابا باغي تنقدها شنو تبدل ؟؟؟ ( ربعات يديها وعوجات راسها معاه متسائلة)
عدنان : حتى نتي واحد نهارر قلتي لياا سسير فحالك وماترطعش ... و دابا درتي لي يقلبو عليا نرجع .. شنو تبدل ؟؟؟؟؟
لامار : باش عرفتيها !!!
عدنان : حتى انا عندي لي كيجيبو ليا خباركم ماشي في نتوماا ...
تحل السانسوررر وخرج منوو سسسفيااان حمررر وكيلووي فالقبضة دييييدوووو ولامار طلعات حااجبها
عدنان :نتمنى تكون خليتي ليه شي يد يوقع بيها على الانسحاب ....
لامار دغيا مشات كتجرري لزاااج طلات بانليها طارق ماشي متتتتكي على الحييط كولو دميااات بسسسسف وصل لطمووبيل وكلهالو غي فسانسور دخل ليه صحيح خخرج مشخشخ ...وضارت عندو
لامار : اووويلي ؟؟؟ عطبتييييييه !!!!!
سفيان : ماتخافيش .. خليت ليه واحد الرجل يكسيري بيها .. ولومبرياااج يدوزو بودنين داك الحماااررر لي سااااااكنو ...( شاف عند عدنان ) ماامشيتي تاهزيتها ( لان فلباااب فاش جاااا وشافها عندو بغا يهزها و كاان منعو يقيسها ورطع دخل لاجتماع )
عدنان : اجي حيدها ليا دابا ....
سفيان : غير مابغيتش نبيكها ...
عدنان : لا غييييير بكييييها ...
لامار : انا غي فهموني شنووو رااااضعيييين نتوما شنو ؟؟؟؟؟ شنو رضعااتكم مكم اناري ؟؟؟؟
سفيان : العععسل ااامرات خويا ( غممزز ليها )
عدنان : ههه ( ضار باس قسسم وشاااف عندها ) رااضعين النفس الحاارة ... والعكس ماشي مع العروق
لاماار مشات كلسات على واح لكرسي تما شادة على راسها كان الحال ضلااام
لامار : ففففف اخييييراااا غانتهنااااا منو ... دخل بحال شي فييروووس الله بسستررر ... اخيييرااا .... مابقا خاصني غي اسد يفيق ونرجع نعس بحال عباد لله ...
عدنان : مهم انا خصني نمشي دابا ... ( طلعات لامار فيه راسها وهو شاف عند قسم ) تمشي معاياااا ؟؟؟؟؟ ( قسسم غي كتشوف فيه بعويناتهالل وبااسها بججهد كان غاياكلها ومشا حطها عند لامار ) باايييبااااي الغزااالة ( كيدير ليها بايباي )
بدا تاني كتتتبكي وتغووووت كتتحبد تنوض عندو ... ولامار ناضت وقففات بييها كتكسستها
لامار : فييين غاتمشي دابا ؟؟؟؟
عدنان : غندوز للبنك .. ونرجع نشوف داك خينا ولش انسحب عاد نمشي ...
لامار : علاش غاتمشي للبنك ؟؟؟ عدنااان ...الكونت ديال الضمان دااشركة انا غانعطيه ليييك ...فلووسك غاتحتاجهم مايمكنش تججمدهووم تما
عدنان : انا هاد الساعة محتاج غي نشوفكم مرتاحين ... (مشا لساانسوؤ )
لامار : عدناااان ... عدناااان ووووقف ( تشد عليه السانسور وهبط وبقات غي كتشوف وتسككت فقسم )
لامار : صااافي اماما صااافي
سفيان : غايرجع فحالو ولا شنو ؟؟؟؟
لامار : بغا يمشي .... قالك يهدم غير من
بعيد ... مابغييييتوش يييمشي اسفيااان ...
سفيان : فين غايمشي تسطا ووولاااا مااالو !!!
لامار : سيييررر ردو عفاااك رااااااركا عليييينا .. صااااافي عيييييييييت ... يمكن باااقي فيه الحال مني ..سير ردو وقولو غير كنت معصبة داك ساااعة ومكنتش عارفاه مرييض .. باينا غايحط رززقووو كامل فهاد الكووونت اسفيااان ... ففففف .... صاافي ابنتي صاااااافي معندي عقل لغوات دابا .. سير مزراه عفاك دير المستحيل ردوو.. باركا تعاقب بما فيه الكفاية الندم غايكون قاتلو ...
قسم : ( كتتبببببكي وتججبد يديهااا لجججيهة سانسور ) ب باااااااا ببااه
لامار : فففففف مااغااتسكتش ليوما عاوتاااااني ..
سفيااان ابتسم ليها وقرب عند قسم باسها فراسها وعطاا سوارت طموبيل للاامار
سفيااان : رجعي لكااازااا ... ومغاتجي فين تسكت قسم تانكون جبتو ليهااا ... ميمكنش تبكي عموو ديالي على شي حاجة ومنحضرهاش ...
خلاها ومشاا لساانسور وهبط وللامار كلسات جبدات البيبرون من صاك عطاتها ليها تسكتها شوية ....وبقاات مبتسمة مرتاحة نوعا ما .. ملي ضايرين بيهااا غير الرجاال .... وكلهم باغين مصصلحتها هي و بنتها .. حسااات بلي ميقدش شي خطر يقرب لييييهم وهي وسطهم ...
عدنان مشا لبنك سحجب كاع لفلوس لي كان جاامع باش يفتتح المتحف ديالو ويمولو لي هو مشروووع احلاامو ..... و دارهم فالكونت لي غايعطي للشركة يتجمد ... بقاوليه غير ملاين قلال خلاهم فالكونت ديالو ... وخرج كيهضر فيتيليفون مع النائب ...و هو يلقا سفيااان مممتكي ليه على الطوموبيييل مربع يدووو ...قطع الاتصاال وقرب عندو
سفيان : طموبيلتي داتها لامار ...ياالاااااه وصلني ...
عدنان : واش شوية لاباس؟....
سفيان : سوووووبر الحمد الله ونتا !!!!
عدنان : ؟؟؟؟؟؟؟
سفيان : دااابا نتا اخ نتا ! وسط هاد المشاكييل كاملة باغي تمشي!!
عدنان : انا بالله ماابغيييتو تفهمو ليا !!!! ياك هادشي لي باغين
سفياان ماحس براسو تاجمع معاع ببوونية زواااه وشاف عندو
سفيان : مرررة اخرى تعلم تقراا العنييين وشنو مور الكلاااام ... تعلم تسمع بعينيييك شووية ...
عدنان : ( ناااض ردهااليه تاهووو لككككرشو عوجو ) تممدد يديك عليااااا غاااااندم دييييييلمك
سفيان : ( عطاع بونية اخرى لوجه ) نددمني يلااااه .... نتاا عم دابا نتااا عم ؟ مخخلي لبنت موراك كتتتببككي وماااااشي ... مابقاتش فيك ؟؟؟؟؟
ناض عدناان عطاه وحدة اخرى جابو على طموبيل وشد ليه يديه لور باش مايضربوش
عدنان : على فاااش هزيتها فالكلييينيك و حيدتها ليل من يدي مااابقااااتش فيك داك ساع ..شنو هاد تتبرهيييش
سفيان : تبرهييييش هو لي كديدر فيه دابا ... عمرني شفت شي واحد عندو عااائلة وغايمشي ويييخليها ....
عدنان : واش صافابا ابنادم ؟ ؟؟؟؟
سفيان بقا غي كيشوف فيه وبعد عليه عدنان كيقاد فشوميييز ديالو
سفيان : علاش حنا ماشي عائلتك !!!!! ماباغيش تكون وسطنا ولا شنو ؟؟؟؟؟
عدنان : شنو هاد السؤاااال !!!
سفيان: كيف ما بغا يكون عندو جواب .. علاش ماعارفش عندك عائلة! 3 دالخووت .واحد فيهم شقيق .. وجوج عيلات خوتك .. وبنت خوك . وتوام فطريق .. غير الى ماباغيتش تجمع معاهم .. ماهوما فاتحين ليك يديهم ...
عدنان غي كيرمش
سفيان : لي خسر زمان نصلحوه ليوم .. كندفعو الضربية دالاغلاط لي ارتكبوهم الكباار .. لي شتتوه هوما نجمعوه حنا ....
خلاه ومشاا ركبب فطموبيييل عندو بزز عليه .. وعدنان بقا غي كيضور راسووو ... ورررجع ركب فطموبيل وشاف عندو بجدية ...
عدنان : شكون يكره العائلة ؟ ... ولاكن انا راه مابغيتش نخلف وعدي .. عطيت وعد لامارر اانني غامشي .. حيت فعلا باغيها تسامح ليا ... ويسمحو ليا على كل مادرت فيييهم ... كان الحقد عامي ليا عينيااا ومكنت كنشوف والو ... مكنش كنفكر لراااسي كاع .. عايش غير على انني نشوف الوالدة كتعدب كيف عدباااتني كنت كنضن هاكاك غايبرد ليا القلب .. مكنتش عارف انها ماتت وتعدبات كتر مني فحياتها .. كنت بااغي نعدب ليها ولدها لي فضلاااتو عليا .. كنت حااااقد لواحد الدرجة مكتصوش .. وتفتحو ليا عينيا نهار تلاقيييتوو مباشرة ... شوفة فيعنيه كتخليني منقدرش نشوفو فالخطر ... كننعيا نعيااا نقسح .. فلخرر كنحن ...وملي عرفت داكشي كامل لي دوز ... كرهت راااااااسي .. وليت مستعد ندير اي حلاجة .. حتا وانني نتخلا على العائلة لي قلتي عليها راها عندي... وحتا وانني نخلي داك البراااءة مورايا كتبكي.. موهيم يسمكو ليا ونسمح لراااسي ...وااعدتهااا نبعد ومغنخلفش ...
سفيان : وتانا واعدتها نردك ... ومغانخلفش ...
عدنان : عاد لبارح كنتي كتقول هضرة اخرى ..
سفيان : حبسني تانا بحالك .. تانا ححقدت عليك وتعماوليا عينيا لا انا لا هي .... بصح منبعد حطيت راسي بلااصتك وفهمتك .... ودابا اقلب صااافي .... غي رجع الى غاترجع راااه خووووك ماكلا تاشي حاحة من صباااااح ميييت بطوووع وخليت مامات لامار فدار باينة غاتكون هي لي موجدااا شي طاجييين مأنتك .كيف ديييما ....
عدنان : شنو خلاكم تبدلو رأيكمم بين البااارح وليوم ؟
سفيان : اشهر هادي اشريييييف كيبدلو فيها الديوووررر ... والخددمة و االعيالات ماشي غا الرأي ...
عدنان: ؟؟؟؟
سفيان : باغي تكفر على غلاطك وتسامك ليك !!! يلاه رجع .... اه فلول قاااتليك سيير باش تسمح ليك ودبا تميزاجورات وقاتليك اجي وتسمح ليك ... حنا هاكااا دايرين حمقين وبعنا الععقل ...
عدنان بقا غي كيشوووف
سفيان : عدنااان ... ( بجدية كيهضر ) حنا محتاحين لبعضياااتنا فهاد الوقت بضبط ... محتاجين نوقفو مع مراتو وبنتو حتى يرجع ... اسد محتاج يحس بينا كاملين حداه ... حتى نتااا خونا وانا كون كنت عارفك فين نتا شحال هادي كنت قلبت علييييك ... شكون هذا لي مايبغيش خوه حداه ؟ حنا تربينا بعاد على بعضياتنا ماشي حتا تجمعنا ونتفرقو تاني ؟ هاد الهضرة بضبط قالها يونس .. كون كان تاهو هنا غايقول نفس الهضرة ...معندناش منغير بعضياااتنا ... و فالشدة فين خصنا نوقفو مع بعضياتنا ... الخاااكر صفا .. ولامار بيدها رغباتني نجيبك معايا وماتقولش غير على قبل قسم .. حيت قسم قادرين نسكتوها غي بالشوكولا ولعبة جديدة ... ولاكن حنا فعلا محتاجين نشوفو سند واخد نعولو عليه معانا .. انا ويااها عييينا .. عييينا ديال بصح ...
رجع دييماررااا وعدان شاف عندو
عدنان: كااااملين عيانين ومغانرتاحو .. ختى يفيق .. واخا عشرة مني ومنك مغايعوضوش تالربع ننو عندهم ... ( كسيرا وزاد وسفيان عاد ارتاح لي قدر يقنعو )
وصلات لامار لكازا ومشات ديريكت لداررر ... لقات غي اريج بوووحديتها تما ... جاها موت دالملل
اريج : فييييينك نتي شحال ونا نتسنا
لامار : هااااحنا جييييناااا
اريج : ققسووووومتتتتي احجججي اححبيييب ة عندو خااالتو اجي غبرتي عليااا ياااك خليتني بوووحدي ( هزاتها ) فين كنتو الامار ؟ شحال وهي تصووني عليك رتاج فلخر هضرت معايا يلاه شافت للخبااار
لامار : كنت سايكة ماقديتش نجاااوب .. كيف دوزتي نهارك صافا.. سمحيلي بزااف غابرة عليك هانتي كتشوفي فحالتي ..
اريج : سسسكتي سككتي لانوض نتفك ....فين سفيان وشنو درتو ؟؟؟؟
لامار : ماما مجاتش ؟
اريج : لا جات مااالقاتكش ومشات
لامار : ككلسسي كلسي نعاودليك .. حطييها عليك فالاررض راه ثفيلة كنقولك ماتهزيهاش ... رجااء رجااااء هبططططي ايييسسس لقسسااام ..هااا شيييوايش ديالك جاي نزلي على خالتو حااملة ...
عدنان وسفيان يلاه دخلو كازا كان عاد ميسولو على كيفاش دخل طارق بيناتهم وشكون هو وعاودليه سفيااان ... هو يصوني ليه تيليفون ودار السماعة
عدنان : وي !! ...مممم داااكوغ ( قطع عليه ) داك ولد القححبة راه فالشركة
سفيان : غاينسحب زعما
عدنان : الى بغا يعيش ...فايت قتلت وتاهد المرة مغانترددش ... ضاايع ضااايع
سفيان : مممفهمتش علاش كتقول هاد الهضرة !!مالك قاطع يدك من الحياة بحال هكداا!!
مررردش عليه كاع وزاد كسيييراا لشركة .. وصلووو ودخلوو ... عدنان حاس براسو فشكل .. كيتفكر اخر مرة دخل لهاد الشركة كان ناوي غي الغدر .. ودخل بصيفتو العالمي كيشوف كيفاش تبدلو لياام .. عمرنا نديرو فيهم الثقة فاي لحظة يقدرو يقلبو لينا ماع الحسابات ...وكاع لي قلنا عمرو يتحل .. غايتحل ... ولي قلنا عمروو يتتععقد غااايتعقد .. ولي قلنا تاعمرو يطييح هاوا طاح ... طلعوو فالسانسور ومشاو ديريكت للبيرو د طااارق .... لي كان كالس مع الكوميووترر عينيه فيهم شر كبير وغي كييرعد و موير على سنانو وكولو مضرووب ... غي شاافهم ششد داك لبيسي بززربة وبقا يسرط فريقو ويدير راسو مخايفش وهو غايبول فسروالو وخا هاكاك جبهة
وهوما دخلو وكلسووو قدامو فالكراسا لي حدا لبيروو وكيشوفو عندو ببرود ... عنهم نفس النظرااات ونفس التطليعة دالحاحب كيهدو الركابي ...غي واحد عينيه رماديين ولاخور عسلييين ..
عدنان : فيين لانسحاااب .. مخدماتش ليك لانمبريمونط ولا شنو ؟؟؟؟
طارق : هوو لي متحلموووش بيه .... نتا معندكش الححق.. تايجي سي اسد هو الى بغا يططرردني ...
سفيان : شتك وليتي كطلبو دابا هو يرجع .. ياك كنتي فرحان ملي خوا الساحة .. ولا مكنتيش عارف موراه وحدين خرين يخليوك تدعي معاه ومع راسك بالسلامة عالله غايرجع يفكك منا ؟؟ ماعرفاش لامشا تافاق غايطردك من دنيا ماشي غي منهنا.. منين جاتك هاد تكليخة مافهمتش ...كاين شي حد كيخشي يدو فغار دلحنوشة ويطلع سالم
طارق : دابا باغين طردوني ولا شنو ؟ طردو مدير عام بلا خبارووو
عدنان : شكون قال شي طرد ؟؟؟؟ ( شاف عند سفيان ) حتا طردناه؟؟؟ طردتيه نتا ؟
سفيان : نوو!!
عدنان : شكون طررردك !!!( بقا غي كيرمش معاهم ) ناااا غااااتمشي بالرضاااا وخاطر الخاااااطر دياااالك ( جبدو من الكرااافطة لعندو قااااجووو ) يااااك بخااااطرك ماااامبزز لييك حد !!!!! كلس معانا شكوووون حيدليك ( كيزيد يقجو زلاهور كيتتخنق ) علاش غاتمشي ماسخيناش بيييك .. اوووه غاتخلي بلاصتك ... ولاكن ملي قررتي ومصمم تمشي مكاين لاش نوقفو فطريقك ( كيزيد يجيف ) كنا باغييينك تبقا خساررررررة ..
طارق : ( كيتتتخنق ) ططط ط ططللق مني
طلقووو وبقا يشووف فيه وهو كينهج شاد على عنقو .. وسفيان قرب لفيكس لعندو و اتصل بالكاتبة
سفيان : وجدي ورقة استقالة باسم طااارق .. .... وسربيها عندك دقيقة مادوزيهاش
طارق : شنوووووو واس حماقييييتوووو
عدنان : علاش اش واقع !!! ...
طارق : انا مااباغييييش نستقل ....
جبد عدنااان سلاحووو وبقا يلعب بيه على لبيييرو وطارق قرب يخرا فحوايجو
عدنان : اذن بااااغي تموووت !! ...
طارق : كيييفاش انا حاط هنا رزززقي كامل ونخرج هاكاك
عدنان : واااش حنا جبناك بزز عليك ؟ حنا قباااح .. ظااالميين ... دعي لينا بالهداية ... كنتغداو برزق هداك لي كان باغي يتعشا بزززرقنا ....
طارق : ونتوما ااااش دخلكم ياااك الشررركة د اسد نتووما علاش ...
عدناااان حححقققد عييينيييه وناض عندووو بزززربة ووقف موراه جبدو من ششعرووو لوررر عوج ليه راسووو بعندو وحط ليه سلاااح فججبهتووو
عدنان : بلاااااااا مطططلع ليااااااا لكازواااال لراااااسي وبلااااا متتتتشششحف ليا كككررررري وبلا منووووسخ فيك يدي صبري قليل ومعنديش مع المعااااطية .. غااااااتسنننييي الخراااا دغياااا وغااااااتقووووود علياااااا منننهنااااا و لا بررررربي تااااااقبرك يببقااااا معععري لكككلااااب لي ججججهل يترييييه فيك ..
ضررربووو بظهر دااااك السللااااح لراااااس تاااتزدخ مع لببيييرو .... سمع دقة فلباب و خباه ورا ضهرو باش ماتخلع الكاتبة ... و دخلات ليهم الورقة ومشات حيت عارفة سفيااان خوه .. مايقدوش يقولو لا ... وسفيان طللع ليه راااسو من على لبيرررو وعطاه داك الورقة ستييلووو ولاخور داير ليه سلاح فراس
سفيان : سسسسني ..
طارق : هاددددشي لي كااادييروو فيهه غااانعاااقبووكم عليه كيفاش كنستقل باالرضا ديالي وسلاح فووق رااااسي.... غااااااتخلصو هادشي كاااامل
سفيان : باااقي ماساالينا خليك تاتجمع طوطال ... واجي نخلصوووه ماتكون غا على خاطرك ....
طارق بقااا متتتررردد مقادش يسني راه غايخرج لا ريال لا جوج ... تااااحس بضضضربة اخرى بضهر سللااح فراسو عاااد وقع دغيا بزرربة للااا يتيري فيه وطططلقو من يدو رجع سلاحو ورا تيشورت
عدنان : ودابااا مززززياااااان ..
طااارق : واااا عطيوني تعوييضااااااتي ...
عدنان : نعام! مسمممعتتش مزززيااااان عاود ؟ تعويضات ؟؟؟ ... ههه راك واقلة وقعتي على الورقة لي كتقول بلي دييييتي تعويضاتك ..مالك ماقاريش مزيان الابجدية . !!! نزيدولك السوايع !!؟
سفيان : مرة اخرى تبقا تقرا مزيان على شنو كتوقع .. حتا عطيناك تعويضااااتك .. مكتسالنا مكنسالووك ...
طارق : اش هاااد شي ؟؟؟؟ .. ماخديت وووالو
سفيان : ححلف ..!!!! ( عوج معاه راسو بطنز )
عدنان : عندك ش دليل ؟ ... حنا عطيناهم ليك شوف نتا فين درتيييهم ! ! خسريتهم بهاد سهولة ( كيجبد كاااارو يشعلو وهضر وهو عاض عليه ) ياكما نبلي بالقمر وتما هسرتيهم .... ماعليش ربي يعوض ...( شعل الكارو وساط عليه دخان ولاخررر بدااا يكككح )
طارق : ( شاف فيهم بححقد مبببرررد شوية لانو نتقم شيئا ما ) مغانشميييش بييدي خااااااووين عقلو على كلتمي .. والله تاتندمو على هاااادشي .... غانعلمكم تضيعو ليا رزقي ....تفكروووها مزيان ..
سفيان : لا متخاااافش من هاد الناحية مكنسااااوش ....
عدناان : ااه شنو كنتي باغي دير قبييلة ؟؟؟؟؟ فككرني اسفييان ؟ علاش كان عاقد داك الاجتماع ؟؟
اسفيان : كااان بااغي اللكرسي د الروووكان
عدنان : ااااااااه كان باغي ييييكللس علييييييييه
سفيان : ( ناض عندو ) كنتي باااغي تكلس عليه ممم ؟ ... عندنا جوج ختار علامن بااغي تككلس لول ! ...
طارق : اا .. اا .. اش كتقووولو صافي خليوني نمشي فحاااالي ( جا ينوووض وهبطوووو عدنان لارض لتخو على لكرسي )
عدنان : لا للا ... تراجعنا وتحركات فينا اللانسانية .. حشومة تخرج بلا تعويضات ... ياك نتا قلتي ماغاتخرجش بيديك خاوييين ؟
سفيان : حنا دايرين معاك استثناء.. مغانعمروش يدييييك غانعمروووو حااااجة اخرى خصها تعمر ...
عدنان : عندو غا وحدة يمكن على حساب داك اللحية لي فوجهو ....
سفيات : اوا حنا نردوهم جووج .. لي معمرر جيهة الاهرى معندو علاش يبقا .. مراجلش مرااااجلش..
طارق : بعدددوو مني اش باغين دييروووو ...
سفيان : غانكلسوووك عليييييه ...
طارق بدا غي كيطلب السلااامة و عدنان قرب عندو ونوضووو من علا لبيرو ولتخو فالحيييط
عدنان : مضربك حد على يدك وقالك اجي لعب ورا الظهر ... هداك لي كنتي باغي تغدرو ... موراه خوتو للي يقتلو عليه بلااا مايفكرو ....
طارق : الله يررررررحم ليكم الوالدين ماخللليوني نمشي فحاااالي
قرب عندو سفيان
سفيان : فين باغي تمشي!!!!! ... واش عند بالك صااافي خلصتيي !!!! صااافي سااالينا! لا اوليدي لا ... اللعب معانا مكيساااليش بحال هاكدا .... شحال وحنا صابرين على ديلمك .. ودابا غاتخلص كووولشي ... قررررربتي لمراااات خووويا ... ومقادتش القتلة لي كليتي و وجاااي بااغي تحححكم وسط شركة د راااجلها ... جبببهتك ببببقعة فالضحى اولد الواااسعة مكككتمررركش ... و اسد لافاق وعرف بلي كنتي باغي دير هادشي ورا ضهرو وتبيييع ليه كولشي و تزيد ....غايجبد مصارنك و يطلعك وخا تكون تحت لارض دوووق منووو تاهوا ... وبلا منعدبوه ويضيع الوقت فتقلاب عليك ... نخلييييو ليه حقووو غييير حدااااه .. وطلب الله يفيق دغيا يتتتططططلق سراااحك .. نتا والزواامل لي غاااتلقا تما .. ( جبد تيليفون كيصوني ) ططلعو هبطو هاااذا عند لوخرين لديبوو ...
طارق : لاااااااااااا صااااااافي الله يرحم لييكم الوااااالديييييين مععمممممرررني نعاود دوزو ليا غي هاااااادي عفاااااااكم الله يخلي ليكم خووووكم ويشاااافيه
مجا يكمل ههضرتو تاااكان عدنان طفاااا ليه الكاااارو ففممو فلسااانو لدااااخل و طاااح تماااا مزييييزززززن ...
عدنان : صدعتييييينا ابنادم ... معرفناك بيزنيس مان ولا كنتي كاتسعا حدا الجوامع ... كون كانو دعاويك مقبووولين كون نجاك الله منا غي مضيعش الححججرة ...
دخلو الرججااال هزوووه كيتجرجر ودم خارج من فمووو شوووطووو ... و مشا عدنان كلس فلبيرو حل داك البسي
عدنان : دايرليه لباااسووورد ولد القحبة
سفيان : لادار شي حاجة راه غاطلع فالبيسي لي فلبيرو د اسد ... تاااتجي لامار وتفتحو لينا راه معرفت كيدارت شدات لبيرو دايراليه شي كود ولا لبصمة ولامعرفت
عدنان : داك كلستو هنااا مكانتش د الله الله .. ماعجبونيش عينيه ...
سفيان : ( تلاح على واحد لفوطوووي تما شاد على راسو مطلعو لفوووق ) ففففففففف على نهاااارررر ددززززفت ... ( شاف لسعتو ) الهشرة هادي ... يللاه مشا الحال ..
عدنان : ( عينيه فالبيسي كيحاول يحلو ) فين !!!!
سفيان : لطااايوان ... لداار
عدنان : ( شاف فيه ) ماتقوليش كنتي كتهضر من نيتك !
سفيان : دابااااا جييتك عندي المورال د دضحك ابنااااادم .. نوض تتتككككعد يلاه ....
عدنان : هنيييينا اصاحبي ... سييير راه تعطل الحال ... ( رجع كيشوف لبسي )
سفيان : ( مشا كلس حداه فالكرسي لي مقابل معاه ) شوووووف عندي كنهضر معاك ( شاف فيه ) داك دار ديالمن مم ؟؟؟
عدنان : سفيان معند جد والديا خااااطررر بلا منجيب عليك سبتي .... غي سييير ترتااااح
سفيان : لا غي قووليا ديالمن... وااش مكتعتبرش اسد خوك ؟ ماباغيش تشوفو ؟ ... وداك البنت صغييييرة ؟ واش ماباغيش نساااليو علينا هادشي خلاص ؟؟؟ راه والله تاااااتقهررررررنا
عدنان : سفياااان فهمني ... ره منقدرششش .. كنحس براااااسي النفس غاتقطع ليا ... خويا لي كتهضر عليه راه 30 عام وحنا مفاااارقين راه مغااانتأقلمش بين ليلة ونهارها!!!! ... داك االمرااا عندو حشمااان منها على داكشي لي درت ليها ... وخا تالبنت للصغيرة كنشوف فيها كنكره راسي ... صافي هنييينا وسيرررر ترتاح ولا اش غاديرررر ... تايفيق اسد ويكون خير ....
سفيان : دابا ماباغيش ترجع ؟ مم ؟ هاد اسد هدا عندبالك مكيحسش لاكنتي قريب منو ؟ ... ومن غير اسد ... انا محاسبييينش خووك لي كانقوليك دابا يلا وتردها فوجهي ؟؟؟؟؟؟
عدنان : خلااااص اسفيان
سفيان : لا بغيييت نسسسمعها .... محاسبنييش خوك ؟
عدنات شاااف فيييه وتنهد
سفيان : هاااااكداك ... ....بغيتي العزززلة ؟ بصحتك بيها ... بغيتي غي الوحدانية.... مليون هكتار د تيساع غانعطيوك غير تهنا ... حنا فتحنا ليك يدينا وقلنا ليك مرحبا نجمعو لي تششتت ونساو لي فات ... حيت مابقا عندنا خاااطططررر لشي هم اخورر نهزوه ... مااابغيتيش على خاااطرك المحبة مكتجيش بزز ( نااض )
مشا هز سوارتو وتجاكيت ديالو وخرج وعدنان بقا غي كتتننننننهد كيشووف فيه و شد على راااسوووو بقاااا شحال فلخخخر لتتخخخخخ داك للبيييسي بكل ماافيييه من قوة تاااااهررسوو و رجع وقف و ضضرررب لبيييرووووو برررركلة تقبووو من الججججنب وناض لزااااج كييرد شعرو لوورر وتنفس مزيااان .... حااس براسو مقادرش يمشي .. مقادرش يتأقلم معاهم ... طول عمرو وهو بوحدو كيفاش غايديير داباا يعيش وسط عائلة ... كيفاش غايسمح لراسو على داكشي .... كيفاش غايشوف فدااارو ومرااتو وووبنتو ومااايأنبوش ضميييييرو ... وشد على عينيه مزييييير عليهم و على القبضة ديالو يدو ... وقلبووو كيحرقو من داااااخل ... وشد عليه ... ورجع كلس كيتننفس حاس براسو غاتخنق تاني ... و طلع راسو لسما ...
سفيان وصل لداارر .. ودخل مسسسخسخ كيرد فشعرو لوررر باغي غي يطيح ينعس وميت بجوع ... غي دخل لقااا صهييييييط ... وتلاح على لكانابي شاد على راااسسسو ... تاهبطات ارييج عندووو
اريج : سفيااان على سلااامة ( كتشوف لباب ) مجاش معاك ... قاتليا لامار راك غاتجيب معاك عدنان ؟؟؟؟
سفيان : نجررو بسناسل مابغاش اش غانديررر ليه .... مضبريش على خوك مايقصي ...ميييييت بجووووع
اريج : ناري نتا راك مواكلش نهار كااامل ... طلع لبيتك دووش ونطلب ليك شي حاجة.. الشيف والخدمات مشاو .. شنو باااغي تاكل ؟
سفيان : لللبلدي لللبببلدي .. باغي شي طااااجين ووخبز ديال شعييييييير
اريج : تاكل الخخخبز بلييل ؟؟؟؟
سفيان : اه اختي ببببغيت الخخخبز انا ...
اريج : فين غالقاالك خبز الشعير انا فهاد ليل ...
سفيان : فففف انا خصني نتزوج حسن ليا ..
اريج : وباز بحالا بقات شي وحدة كتعجججن دابا فهااد الوقت
سفيان : حسابتك كولشي بحاااالكم كتخافوولييا على ضفيييييرااااات ( هز ليها يديها كيشووف ) .. مكتخبشيييش راسك هههه يديك بحالا كانو يلاه فميكة تحلات عليهم مشافوش الشمش ... هادو غايعجنو هادو
اريج : ( خطفات يديها ) باركااا من الطنزز ... انا غانعيط لريسطو نشووووف ...مكنعرفش نطيب منا كون وجدتليك شي حاجة
سفيان : عاارف عاااررررف ااباااربي غي كنضحك معااك ماشي حمق نوض مرات خويا حاملة طيب ليا .... غي خليك انا دابا نططلب ولا نهبط نوجد لراسي ...
باقين كيهضرو وهي تهبط لامار لاابسة سوورفيت وهازة قسم عندهااا لابسة بيييجامة غوووز وبانضة غوووز وغي كتنخصص
سفيان : ماااال زززييييين دياااالي
لامار : ( عطتتهالو ) حرااااام وااش بغات تسكت .. باغا تفييقووو بزز .. تجننات ليه على سييييروووم
سفيان : ( هازها عندو كيمسح ليها دموع ) مااالكي الغزاااالة ديال عمها ؟ توووحشتي بابا يلعب معاك ؟
لامار : فين عدنان كاع ماشتو جا معاك ؟
سفيان : قلتها ليه مي تردد ...حسيتو مزال مامستعدش عطيه مزال شوية دالوقت
لاماى : كيفاش مامستعدش ؟؟؟؟ اش فيها؟ ؟؟؟ واش هذا باغي يتعزل بزز ... السيد راه مريييض و مكرهتش يكون تاهو بييناتنا .. كيبقى تاهو خو اسد وعم بنتي ... عييينا من هادشي صافي .. الحياة ساهلة وحنا كنعقدوها
سفيان : و اش غانديرليه انا ا لاامار مابغاش .. كنحسو فوطو كوبي د ايد نفس الكارااكتيرررر
لامار : وااااايه ... مكيرجعوش لطريق دغيا ... صراحة منكدبش عليكم من بعد الجيست لي داار هاد نهار .. وكيفاش هناني من هم كبيير .... ونزل كيف الرحمة ....وعلم الله منين جاب لفلووووس باش عمر الكووونت وماباغا ياخد منعندي تاريال وضحا ب 6 دالملاير شرا لينا الهناااا ونعسو شوية مرتاحييين ..... وهاشدي كامل باش ينقد وااااحد شوووووووية غايضيع من خوه ..... حسييت عندو حنااااان كبيييير فعينيييه ...... نسيت كاع اش داررر بمجرد الجيست ديال صباح والوقفة لي وقف معانا ... و فاش كنتفكرو مريييض .. ماشي كيبقا فياااا ولاكن .. بغيييت نعووضووه على هادذي لي عاش فيه .. يستاهل ناشي مشكل .... صراحة مكرهناش حنا كاملين نتعوضو .. العائلة شي حاجة مكتتشراااش .. كنززز مكيفناااش .. مكرهتوش يكون بين خوتو .. ويتصالحو هو واسد ... ونتجمعو ومايبقا تاواحد ناقص .. تا اسد كنت كنحسو مامرتاحححش وخوه بعييد ... اه انا غي مرات خوووكم .. ولاكن بااغاا نكون ام لهاد العائلة ونجمعوكم نتوما للخووووت كاملين تحت سقف واحد ... حيييت العائلة الكبيرة حنا كاملين مشتاقين ليها وكنا كنشوفوها غي عند ناس ونتحسرو عليها .. بغيت نكونو مع بعض ديما واقفين فالخلوة و المرة .. وماحدنا متاخدين تاواحد فينا مغاتخصو شي حاجة .....ولا يحس بشي نقص
سفياان : دااباااا يررجع امرات خويا ... مسألة وقت وصافي .. تاهو باينة فيه حنييين ... اصلا الوالدة كانت حنييينة بزاف وحنا كلنا ولادها راه شابهين فيها ...تزادينا ذكورااا داكشي باش مكتبانش عليييينا .. وكنقسحو من على برا ... ولاكن راه لداخل ررطب منكم نتوماا لبنات ... خصو غي شوية د الوقت .. طريق كاملة ونا كنهضر معاه جاني بحال شي واحد يائس من الحياة! بحالا شي واحد غايودع غدا صاافي ...
اريج : مخصناش نخليوه فداك الحاالة ... غي كيآدي راسو .. خصكم تبينو ليه بلي سمحتووو ليه ... انا اكتر وحدة كنعرف طبعو كيداير حييت حاضرة على علاقتو كيف كن مع رتاج .. مرة يعرق ليها التوااااسل مرة بولي حنيييين ... مرة يبعد عليها مرة يقرب .. كانت كتنعس والكام قدامو شاعلة ويبات كيتفرج فيها وانا شااايفاه .. وفصبح يقوليهااا حقاا نعست ومارديتش لبال ليك واش قطعتي على اساس مكانتش بايت ليلة كاملة كيتفرج فيها ..داير بحال شي واحد ديما كيتهرب من شي حاطة هو باااغيييهاااا .. بحال فاش كيكونو يدينا فازكين ومككنبغيوش نقييسو فشي حاجة باااش منفزكوووها ..
