اريج : يو ..يووووونس ( صوتها منغنغ بالبكية دالفرحة )
يونس كيشوف فيها عينيه كلهم حب و الخاتم متوسطهم ... متوسط جوج قلووب عاناو .. باش يكسبو بعضياتهم ... بيض كيلمع بالفرحة متوهج ... فرحتووو يجمع جوج قلووووبة ويوحدهوم ..
يونس : بغييييتك مراتي .. بغييييتك حلالي ... بغييييتك المراة لي نفيق عليها كل صباح .... بغيتك مامات ولادي ... بغيتك نتي لي نشد فيها فاش نبغي نطيح ... بغيتك نتي اول وحدة نهزها فاش نوقف ... بغيتك ... بغيتك نتي .... نتي بوحدك ... من الكسوة لبيضة للكفن البيض ... ( اريج كتشهق بالبكااا ) ههه عقلتي كيفاش رجعنا تلاقينا اول نهار ..... عاقلة ! من بعد ماكبرنا
اريج : ( بشهقة دالبكا وكضكك ) نووووض دوووك ضواسا لي لهيه حيددددهمممم كاملين و مسحهم لاكانت عليهم شي غبرة .. و عاود ردهم ... عندي حساسية من الغبرة ....
يونس : ( ضحك بفرحة فاش تفكر ) انا راه مهندس ... ماشي عامل النظافة الالة ... وموظف ماشي سطاجير
اريج : شنووو دابا ؟؟؟؟ كترفض اواميري ؟؟؟؟؟ كدخل فخدمتي ؟؟؟؟؟
يونس : لا حاشاا ... ولاكن انا هادشي ماشي خدمتي
اريج : ( كتزيد تبكي ) وليووووم غاتولي خددمتك
يونس : ( بعد مدة كيشوف فيها كيفاش كتبكي بفرحة ) من ليوم خدمتي نبغيك كتر وكتر ... ومنفرطش فيك ... خدمتي نحميك ... خدمتي نخاف عليك ونهتم بيك ...
اريج طاحت على ركابيها حداه وججهااا فزك بدموع و كتحرك راسها بآه ...
اريج : قاااابلة ...
يونس :اكيد ... معندكش خيار اخر ... هههههه ( عطاتو يديها وخشا ليها الخااتم وعينيهم كيلمعو بالفرحة وطارت عليه عنقتااااتو و مزيرة عليه كتبكي فحظنو ) ...
عند سفيان ...
سالا الماتش وضرب البلازما بالمخدة ساخط ملي ماربحاتش فرقتو ( سفيان ريالي ههه البارصا كالما ههه ) ... و حياة قااااطعة الحس تحتووو كتمووووووت قتلهها بزطها بجغها ... ناااض على سرير كيشوف لميسجات لي كيدخلو ليه دصحابو كيتشفاو فيه ههه وكيمشي ويجي ويخربق فشعرو بالفقصة عاد على لسانو .... و طفااااه كاااااع لاحو على سرير وهو يجي فراسها طرااااااااح وبدا يشوف لسرير معلي حاجبوووو جاتو شي حاجة فشي شكل تما .. واقف شاد على نصو بيد وملامحو ساخطين من شفاية صحابو ومعلي حاحبووو شعرو مبعثثررر ... حياة حساتو نااااض قالت يمكن مشا وبغات تطل .. بدات تحيد الغطااا عليها بشووووية كتبلق بعيوناااتهاااا وترمممممش كي شي فارة من تحت الكوفرلي وشافت فيه تشششعطات ملي لقاتو كيشووووف لعنندهااااا متتتعججججب ... عينيهاااا تبلقووووووو فاش شافتو ... مااحيلتها لصدمة ملي لقاتو هووو لي بايتة تحلم به .. ولا شوهتهااااا لي مخبعة فبيتو .... ولا لتحشيمة حداه ....وهو ممسسستغرب هادي منين جات وشكون ؟...... ماعرفات دير راسها ميتة ... ماعرفات تخنق راسها بشي مخدة ولا تبقا غي تبلق فيه .
الصدمات انواع كاين لي كتخليك تنوض تحيح .. وكان لي كتخليك غاكتبلق ... ولاخيرة وقعات ليهاااا ... راسها سخن .... وهو هبط فيهااا راسو بحركة كضحك وبدا يحك على لحيتو كيطل عليها بين مخاد
سفيان : شكون نتي ؟؟؟؟؟؟؟؟ ....( شاف عوينتاها صغااااااررر وهي اصلا قصييييرة جثتها كتبان صغيرة ...) وشنو كديري هنا ابنتي ؟؟؟؟؟؟؟؟ ( حياة وسعات عينيها على قدهم ملي سمعات بنتي )
حياة بدات كتسرط فريقها تلفات ليها الهضرة تبكمات وهو مطلع فيها حاجبو بتساؤل .. وهي تشد عينيها مزيرة عليهم تعجب فيها هي هاكا طبيعتها فاش كتكشف ولا تحصل ولا تحشم كتشد عينيهاااا فخطرة ههه اللهم ظلام ولا تشوف فوجهو .. شدات عينييهااااا مزيرة عليهم حاااااالفة متحلهم ... بقا داير فيها نظرة داستغراااااااب ...ووقف كيشوف
سفيان : شكون هاد المخلووقة ؟؟؟؟ اااا هاااديييك ... اعموووو ...فتحي العووينااات .. راه مغاندير ليك والو غي قولولي شكون نتي وشنو كاديري هنا !!!! ... عمووووو ..
حياة غي شادة عنيها ولات مززززززززنكة حمرة محملاتش الموووووقف خصوصي انها حشومية قدام البراني وخصوصي لاكان شي بوكوص قدامها ولاكن مع العديااااان ولي جبدها كتولي وحدة اخرى ... حياة من نوع لي مكتحملش طفل على شي حد ولا دخل لشي بلاصة بلا اذن مولاتها ويلا تكشفات كتبغي تخشاااا فحوايجههها بالحشمة .. قلبها كيضرب فالستيييين ماحملاتش راسها خصوصي ملي استصغرها ب بنتتي وعمووو .. وهو محمقها من البارح ... جابتلو للضحكة فاش شدات عينيها هاكاك وحلفات هي لاحلاتهم .... ربع يدو وبقا يشووووف فيهااا ... ملامحها صغااارر وبريئييين وحنيكاتها حومر زينها بللللدي وطبيعي ... و بدات تحل عينيهااا بشوية فاش سمعات الحس تقطغ تاني كتحل غي عين وحدة بحال الغمزة ... لقاتو مربع يدو كيشوف فيها ..
سفيان : صافا ؟؟؟؟؟
حياة : ( مع راسها : جججمعي راسك احايحاي نوضي من فراش السيد اوييييلي على شوهة نوضي جمعي راسك ويلا عندك شي وجه شديها طريق وحدة لدوااااركم اويييييلي على شوهة )
ناااضت بشووووية كون لقات الارض تشق و تخشا فيها ..... وسفيان متبعها بعينو زادها توتر مايعرفش يحني رااسووو لااا حنيه نتي .. مساعير ابتهال كايعرفو يحنيو راااس هاهيااات هايهاات..
وقفااات كتتتعتر فجلاليلها تاكتبغي طيح وتشد راسها كتشوووف فالاااارض ماقاداش طلع عينيهاااا فيه فنفس الوقت باغاااا تساااافررر فعينيه لي محمقينها .... ويديها كيفركوووو فشوميزتها لي لابسة كتكمشهاا فيديهاااا وتمشي بشوية باغا تهرب .... وهو كطلع معاها ويهبط ومع حوايجها ..وكيفكر تكون من الخدمات جات تجنع وداها نعاس لا ملابساش الللبسة الرسمية .. شكون تكون ؟ ....
عند لامااار .....
جراتو من يديه و ومشاو كلسو هو باس قسم وكلس طالق يدو موراها كيلعب فشششعرها مههههدن الطرح ومبسم وهي معنقاه ..
اسد : فين مشيتي ليوم ..
لامار : ( تفكرات راسها فين مشات بغات تقوليه ولاكن خافتو يحيح تاني وهي معند جد بوهل مورال) ... . ت تالبلاصة .. خرجنا شوية انا وقسوم
اسد : بصاااح ... اوا زيد.....( كيلعب فشعرها )
لامار : صااافي .....
بقا ساكت شحال تاكتحسووو كمش ششعرهاااا فيدوو مممزززير عليهااا تاغوتاااات وطلع ليها راسها قرب وذنها لفمووو ...
اسد : ماعندك ماتقوليلي مزاااال ااااحبي ؟؟؟؟؟ ( تكا على لباء)..؟؟؟؟؟؟؟
لامار :اااح ااااي ففففففطططلق اسد ططططلق اااااحح عفااااااااك طلق غاااتفيق قسم طلق
طلقها كيشوف فيها تخللعات من نظااراتوو لي دغيا تقلبووو وبدات تلوم فراسها على غباءها اش غااايخفاااا عليه هو كيييشمهاااا وهي باقا تامطرات ... دوزها عليه .....
لامار : اا .. ا ااسد شوااقع ؟؟؟؟
اسد : نتي لي نسولوك شنو واقع؟؟؟؟؟؟ ... رجعتي لكدووووبك !!!!! سياااادتكم مكتوووبيش !؟؟؟؟؟؟؟؟
لامار تبدلو فيها الالوان بقات غي كتسرط فريقها وتشوف فيه وتشوف لقسم ....
لامار : ش شوف ... ا انا ماشي كدبت عليك ... غ غير كنتفادا صداعنااا...
اسد : كاااتفاادااي صداااعنا ياااك ؟؟؟!!! ... لي كيتفادا صداع مع شي واحد اش كيدير مم ؟؟؟؟ يلاه دوي ..كيدير عكس كلااامو ويخبي عليه ؟
لامار : ص صااافي .. انا غادي نعاودليك
اسد : من لول كان عليك تعاودلي ليا مااااشي تانسعر ... فين هو قسمك مم ؟؟؟؟ ياك قلتي مغاتخبي عليا والو مزال
لامار : ومكنتش ناوية نخبي .. غي مورالي خااااسر ومافيا لي يدخل فشي تقاش وخليت تالوقت المناسب ...
اسد : ( تهدن ) اهاه واخا الالة ... نرجعو لهاد البلااااان من بعد نتفاهمو عليه مزياااااااان ... اش مشيتي ديري تمااا ممم ؟؟؟؟(طلع الناذل وهو يززززعف اسد تاااطيرهم ) ششششددد دااااك الباااااااااب مايطلع عندي حد
رجع داك النااذل ولامااار غا كتقفقف ماعرفاتو مالو تعصب كاع قد هاكا فاش كيغوت مع تبحيحة دصوتووو كيزعزع بنادم
لامار : اسد ... ا ا نا .. معرفتش اش داني لتما اصلا ..... كان لابد مانمشي ونهني ضميري
اسد : ( مربع يدو ) اهاه .. اوا
لامار : ... مشييت ... شفتها وو وجيت صافي ....
اسد : وعلاش
لامار : قتليك بغيت نهني ضميري كنحس بالذنب تجاهها معرفتش علاش ... مي مؤخرااا بقات فيا ....
اسد تننننفس مطووول ونااااض كيمشي ويجي كيرد شعرو لورر باش ماتعععصبش ويحاول ما امكن يشوف لقسم ويتهدن عللى قبلها
اسد : بسبااااب هاديك لي مشيتي عندها الامار ... راااك دوزتي حملك كااااااامل فالعداااب .... وصلتينا لفرااااق ... لخيااااااانة .... لممممرض الكحل.. وصلنااااا لبزاااااااف دالمواصل .. عيشتيني الححححنننننطل مور ما نجيتي من الاجهاض لي كانت غاتسبب ليك فيه .. الحنططططل شربتووو كل صباااااح فاش كنتي تصبحي عليا بداك ديسك ديال نتا سباااب ماااخرجيتهاش ... وملي خرجتها من حياتنا ...... مشيتي عندها برجليك ها ؟؟؟؟؟؟؟؟؟؟؟ فهميني غي فهههمييييني انا مااابقيت فاهم والو كيفاش كتتتتتفكري نتي ....تسيطيييت انا تسطيييييت ببببربي تاسطييييت معاك
لامار : ( وقفات عندو ) اسد بررررد مالك درتي عاد الحالة ... تهدن عفاك خلينا نهضرو بالعقل ... ااه عااارفا ... عارفا كاع اش طرا .. ولاكن دير فراسك كنت حاملة وعارف مشاعر الحاملة كيفاش كتكون خصوصا ففترة الوحام ... وعارفيني كيف كنت شحال هادي نص عقل و الكحل صفر و الصفر حمر ماسوقيش .. كنت كنخدم قلبي كتر من عقلي ...مي دابا لا ... خدمت عقلي اسد .. ندمت .... ففف ممااااشي ندمت لا .. وانما رشدت ... ربما روطااار مي فهمت ان سارة ماشي دنبها بوحدها تاهي يمكن ضحية.... فهمت ان بنادم يعيااا يغغلط ودير فالاخطاء ... ربي بعزو وجلاالو كيغفرلو ... شكون حنا لي منغفروش ...
اسد : ربي كيغفر للي طلبهااا منو وترجاه لتوبة .... للي طلب منو المغفرة الامار ... ماشي نتي لي تمشي عندها طلبها منك صافابا ؟؟؟؟؟؟ و هازااا قسم معاك من الفوق والسيدة مريضة كون دارتليها شي حاطة فين غانوليو ؟ تجي تاني تلوميني وتقوليلي نتااااا لي حاطها فمصلحة قريبة لينا كون نفيتيها لألاسكا ؟
لامار : عللااااااش غاتآديها ... داكشي لي كانت كتعاااطى هو لي كان داير ليها هاكداك .... دابااا تبدلات ..... معرفتش ولات كتبقى فيا .... محتاجة لي يشد فيديها اسد
اسد : وشششششدي الارض .. كتعرفي الارض ؟ شدي الارض .... نوووووض خرجها من حيااااتي .... خرجناها ومشات تاني برجليها رجعات لعنها ...( لامار بدات تشوف الارض ماعرفات كيدير توصليه فكرتها خانها التعبير) انا لي مححححمقني ومسيطني .. هووو اننني دوزت معاك االمرار فهاد الموضوع ... وملي صلحت الجووو رجعتي تاني تلعبي ...
لامار تنهدات ومشات كلسات ...
لامار : مكنتش كنفكر فموضوعها ... مكنتش كنحمل سميتها تجبد قدامي .... ولاكن فاش هضر معايا يونس اخر مرة على حالتها ... وكيفاش ولات .... فالعيد ماعيداتش .. فرمضان مدوزاتوش .. عايشة فحفرة ديالها .... بيتها مضلم وبارد ...معرفتش علاش بقات فيا ... حسيتها خدات عقاب كتر من لي تستاهل ... اااه هي ماخلات مادارت ... مي كيقولك الغاية تبرر الوسيلة .. عقلها كان مهووس بهدفها ومريض وزاد كمل عليها ادمانها ... خلاها تفقد كاع حواسها ... ( اسد كيسوط ويشوف فيها ) ضرت فيوونس ماااخليتلوش ...قتليه متعاودش تجبدهاليا ... وفعلا مرجعش جبدها ... مي عقلي جبدها ليا بزاف .... كل مانعس قسم على رجلي نرضضعها تجيني لبالي .... كنقول واش هي شي نهار متستاهلش تكون ام وتجرب هاد الاحساس .... كون بنتي لي طرالها هادشي غانسمح فيها ؟ لا ... تخطأ حتا تعايا نعاقبها ولاكن منطلقش من يديها ... هادشي لي كانت غادير ماماها كون كانت حية .. ملي ميتة .. علاش انا لي مانشدش فيديها .. لاكنت خاطئة نسمح ليها راها تعاقبات .. ولاكانت مدمنة ننسا الماضي راها تشافات ... ويلا كانت مامزياناش نحاول نصلحها راه ندمات .... انااااا ماحقوووداش ا اسد ... ماحقوداش ( شافت عند اسد عينيها كيلمعو بدموع ) حالتها قبيحة احبيبي.... قبيحة بزاف .. ماتبغيها لحتى حد ....
اسد : تاحد ماسامح فيها ... وتقاريرها كيوصلووني ومعاها احسن طاقم .... ونهار تعافا راه مغاتبقاش تما عندها كامل الحق تخرج تمارس حياتها كيف بغات ... كاين شي حاجة كتر من هاكا ؟ ...
لامار : كيفاش غاااتعااافا ... كيفاش غاتندمج فالحيااة بوحدها مااامكنش .. محتاجة لي يعاااااونها اسد
اسد : لاااماااار سمممعي ليااااا مزيان وحلي ودنيك ..... الخفة ديالك القديمة ماعندي مندير بيها شاااب راااااسي باش تحيدات منك ... باش تنوضي ترحعيليا المشاااكل عاوتاني معندي ماندير بيهم ... سارة عنندنا كاملين عزيييزة واخا مخلات مادارات ... ولاكت ماشي لدرجة نرجعها لحياتنا اصلا مناقصش ... باركا عليا نفكر غاااافمشاكيلي نهز انا الهم لامة محمد ! يونس منهنا .. نتي و قسم نهنا .. خدمتي من لهيه عدنااااان ومشاكيلو مستقبل سفيان ... ودنيا لي ماعرفت مال ديلمهم كل مرة مصدعين ليااااا راسي ( لامار غاكتشوف) ونزييييد مزال واحد اخور .... مااابقيت عارف لمن نفكر ...
لامار : كك .. كيحرقوك ودنيك مم؟؟؟؟؟
اسد : ( ماشافش عنها كاع غي ساعر ) نتي فاش كتشوفي الاومور هانية ضاروري مخصك تخرجي بشي حاحة تنكيديها ... ااخررر مرة نسسسسمعك عتتتتتبتي لعندها الامااار اخر مرة
( ناضت عندو )
لامار : اسد حراام عليك لبنت محتاجانا ... محتاجا تا قسم .. رغباتني نرجعها ليها
اسد : باس تلوحها لمك منشي سرجم وبقاااي تشووووفي ... هضرتي قلتتتها .. هانا غاندوزها ليك هاد المرة .. المرة الجاااااية نسمعك خبيتي عليا شي حاجة ولادرتي لي فرااااسك وعكس كلامي غايكون كلام اخور ونرجعو تااااني لافلامنا لقدام بانليا تووووشحتيهم وتوحشتي العكس ... وعارفاااااااني لااااااسعرت ....فبلاااا ماتسعري دابا ديييلمي ..... ( شاف عند قسم كتحل فعويناتها وناض هزها عندو) اجي ابنتي اجي مك شي نهااار غانطرطق ليا عروق راسي ....
خرج هازهااا مغطيها بازارها خاشيها فيه و تاهي هزات صاكها وهبطات تبعاتهم محملاش الوقف
عند يونس
كالس هو واريج وشااد يديها كيشوف فالخاتم وباااسها ليها وشاف عنها ....
يونس : اذن نتي قابلة تزوجي بيا
اريج : واش غاتبقى كل مرة تأكد هههه صافي راه قتليك اه ...
يونس : ليوم قبل غذا
اريج : كيفاش ليوم قبل غذا ياكما ناوي تجيب العدول هههه
يونس : خلي ليا ضحييييكة ( جبد ليها حنكها باسها ) علاش نتي اريجو امتى ناوية نتزوجو
اريج : اوا اجي طلبني من دارنا بعدااا قالولك شايطة .... ونشوفو منبعد داك ساع
يونس : احم .. ( ناض كيحك فلحيتوو وشاف عندها) حياااتي .... اام .... هو ... مانحتاجوووش العدول .. ولا نمشي لداركم ... مكاين لاش
اريج : ( جمعات ضحكتها ) كيفاش اش كتقصد ؟ ... علاش مانحتاجوهمش ؟
يونس بقا غي كيشوف ماعرف مايقول
اريج : يوووووونس ( ناضت ) واش كتتفلى عليا ؟ بديتي تلوااا عليا تاني .... ششششرفي راك خديتيه ايووووونس .... كيفاش متحتاجش عدول ... غااااتمشي تاني وتخخخليني ... يونس راه فوقتاش ما عشت معاك لحضة زوينة كانعرف غاتقلب ليا بكا وندامة .... حرام عليك ايووووووونس
يونس : ششششششش مالكي وليتي تفصلي وتخييطي غي راسك وانا باقي تامكملت كلامي
اريج : (ضرباتو لصدرو بغات تبكي ) ححيت وللللفت .. وللفت هادشي ..... واش كتعلب بيا ... هااا ( غوتات ) وااااااااااش كتلعب ببيااا واش مرة تقولي بغيتك حلالي مرة مكاين لاش العدول .. واااااش بااااااااغي تحمقني
يونس خلاها كتتهضر ومشا هز العقد دزواج كيضحك هادشي لي كان باغي يوصل ليه وصل . وهو يخليها هي تبغي زواااج .....
اريج : زااااايدهاااااا بضحك ايوووووونس ... زايدها بضحك .... انا ماافههمت مااالي وليت حممقة يحال هااااكدا مافهتش قفوزيتي تاتجي تتلعندك وتقلبي خنفورتها .... كاع داكشي لي دوزتي عليا وباقا كنتيق فيك كي لهبيلة بكييييت بالفرحة
يونس :شدددي عندك هادي ( عطاها ليها )
اريج : ببببعدددد مني ... سررري انا لي جايا ( شدها )
يونس : ككككلسي الارض ... قرااااي بعدا شنو مكتوب تمااا تفهمي علاش مابغيت لا عدول لا داركم
اريج : ( شداتها كتغوت ) اش غااااااااايكون فيها كاع ... انا مبقا كيهمني تااااااا عدر .. منلي ماباغيش وعندك سبب .... علااااااش طالبني لزوااااااج بغيت نفهم ..... كيفاش انا وووورررقة بيضة تتتقننننعني بيها تاني ...... شنوو غايكون فييييها كاااااع ( شافت فيها تقرا مفقوصة ودموعها سالو ) كل مرة خارج ليا بعدر فشكل اش غاااايكون فيهاااا ....مساااافر تاني لشي ددووولة تغغغبببررررر عارفااا عاارفاا ... ولاكن انا لي ....... اا انا لي .... لي .....ها!!!!!!!!( كتقرى ) ااا . بب .. كك كيفاش .. اا اااش هذااا... ش شنو مكتووووب .. ه هنا مافهمتش... ك ككك كيفاش
يونس : هههههههه حمقة ... الحمقة ديالي (جرها عندو وحيد ليها داك الورقة كيقرا ليها ) على سنة الله ورسوله اشرف الخلق اجمعين ... تزوج السيد يونس القحطاااني ولد عزيز... بالسيدة أريج الباني بنت احمد ... ( اريج حالة فمها مصدوووووومة ) وداك يوم الثاني عشر من اكتوبر بحظور الشهود و ولي امر العروس ... ( خطفاتهاليه من يدوووو كتقرااااا وتكأكد واش مامزوراش كتشوف فيها وفيه )
اريج : ك كييفاش .؟؟؟؟؟؟؟؟؟؟؟ اش هادشي .....
يونس : يعني .... ارييجو ... نتي راكي مراتي وحلالي .... من شحاااال ... وتانهار نعست معاك كنتي حلالي وانا منقدش نقيسك فالحرام كون بغيت كون درتها شحال هادي .. كيعني اريجو ان تاحد مزال مغايفرقك علياااا وتنطابق السما على ارضها
اريج : كضحك معايا ياك ؟ لا نتا اكيد كضحك
يونس : وعللاش غانضحك ؟ياك نتي احبيبة بغيتي نتزوجو اوااا بحال ليوم بحال 12 اكتوبر بحال غذا عااادي ..... مهم نكونو مع بعضياتنا
اريج : وااااااش منيتك واش انا مزوووووجة وانا ماااافخباااااريش ..وبااباااا ؟؟؟؟؟؟؟
يونس : فخبااارووو .. فخبارو كولشي وبموافقتووو .. ورجعت كلست معاه وتحدثنا وطلبتك منو بالاوصول ..
اريج : لاااااااا مايمكنش
يونس : داااااارها خوويا العزيز دارها ههههه فدقيقة جمعناااا هههه
اريج : عاود لياا عاااااود ليا كيفاش طرا هادشي .. 12 اكتوبر نهار كنت غانعقد بشهاب لااا ؟؟؟؟؟ ...
يونس : اجججي اسنفورتي اطي ( نوضها كلسو عل سرير ويدا يعاود ليها وهي مصدووووووومة كتسمع) ...
عند سفيان ...
خرجات حيااة وهو لبس تيشورتو خصو يعرف شكون هي وهبط نازل موراها فدروج وهي هابطة بززززربة ....
سفيان : حبسي .. حجبسي ...اهااااااديك .. ااا نتي .... حبببببسي قوليلي شكون نتي ...
غي هاربة عاضة على شنااافتهااااا حشمانة تشوف فيه واصلا كاتحس براسها غي كتشوف فيه كدوب هوما هابطين و اسد داخل هاز قسم وباينة فوجههو معصب ولامار موراه ... وبقا يشوف فحياة لي هابطة ووسفيان موراها معلي حاجبو شكون هادي تاني كتر عليه الباشار ... و لامار تاهي كتشوف فيها معرفاتهاش ... حياة هنا جاتها البكية و الموت دالحشمة ... ندمات كاع علاش جات ...
سفيان: ( هبط ) ااه جيتووو اخويا .. ( شاف لعند حياة) للقيتها فلبيت لفوق ماعرفتهاش شكون ( شااف عند لامار ) كتعرفوها ؟
لامار : للااا ... شكون نتي اخي ؟؟؟ وشكون خللاك دخلي ؟
حياة : ااء .. ا انا ... انا حيااااة ... بب بنت خالتك
لامار : ( ضربات على راسها) لاااااااا سمممحيلي والله ماعرررررررفتك ... مسااات من بالي غاتجي ( قربات سلمات عليها واسد طلع منير فدرووووووج هاز قسم ) ماااعقلتش عليك كاع تتتتبدلتي وكبرتي هههه .. كنعرفكوم صغارين بزاف ...
حياة : ااء... ر ربي خليك .. ر راه جيت مع شايما ... غ غغي مشات تجيب خوك .. و وخلاتني .. ق قتليها لا .. و ولاكن مشات وخلاتني
سفيان : اااااه سوووو نتي خت شيماء عليها كنقول فيمن كتشبه ههه ( حنااااات راسها مزنكة وهو شاف عند لامار ) طاااار بقسم ماخلاني تانبوسها .. انا غانخرج اختي بللا متسناوني للعشا معروض ( عطاها غمزة مشاكسة ولامار ضحكات ليه )
لامار : نتا لي جات معاك .. عارض ولا عارضين ليك
سفيان : سفيان كيعرض اكييييد عارضين عليه .. ههههه يلاه بوون سواغي
جا خارج وضاررر شاااف عنها لابتسامة وهي قربات تسخف غا كتعض فشفايفها
سفيان : بووووون سواغي عمووو الخوااافة ..
ضحك ليها بضحكة زويييينة تموت ومتنساهاش ومشااااا خلاها غاكترمش
لامار : ههه ماديش عليه هاكدا داير مفروح ..
حياة : وواش كنبااان اختي صغيرة لهاد درجة
لامار : ههه لا غي هاد التريكة عندي هنايا مولفين بالمكياااااج وطالوووون كيجيب ليهم الله لي ملابسش داكشي باقي صغير ههه ونتي اصلل مالكي مشرفة راسك راك باقا صغيرة فنيكيشة ... زييييدي كككلسي .... مالكي حشمانة ... كلسي هنايا غانطلع نرضع قسم سنعي راه طلقات الحلوووق هههه وانا جااايا ... ( مشات صونات على رجاء طلعات عنها )
لامار : شوفي لبنت اش بغات تشرررررب
طلعات لفوق دخلات لقات اسد متكي على سرير كيلهي فقسم وعاقد غوباشتووو .. وجات عنها هزاتها كترضعها وهو ناص لدوش بقات غي متبعاه بعينيها ... طريق كاملة ماهضرش معاها ودابا ميك ...
لامار : ( كتشوف عند قسم وقلبات شفايفها ) دابا شغادي نديرو لهاد باباك عاوتاني نصاااااالحوه .... يااااااربي ياااربي اول مرة نشوف شي حد كيهبج على المصايب بيدو هي انا ...
تنهداااات وبدات ترضع قسم تاشبعات وبدلات ليها ولابساتها لبسة بحال ارنوبة ... خلاتها وسط سرير كتعلي رجلاتها وتشد فيهم ترضع فصبعان رجليها بقوة الحركات لي كيدير ليها اسد كل صباااح ... من صغرها عضامها مرنين .... كيتنسناها تزيد شوية ويخشيها فالما تعلم تعوم ....
بانليها اسد خارج من دوش ملوي عليه فوطة شعرو كاع كيقطر كيردو لور ومغووووبش ومشات عندو
لامار : وصاااااافي شحال غاتبقى بحال هاكدا زدتي فيه .. صافي منعاودش
والو ماردش عليها ودخل لدريسينغ
لامار : ططططططرطق نتا كااااع شغادي ندير ليك .. ففف ... قاتلة روح .. شحال عاجبو راسو
مشات هزات قسم وهبطات لعند حياة
لامار : وبقااااااا تما .... ضرب راسك مع الخيط فشوش طلعولي فراااااسي يخ ......
اريح : ( ناااضت كتمشي وتجي وتهرنن ويونس شاد على راسو ) اويلي وووووحدي اويييييييلي وحدي .... ندددب ولا اش نديييييييييير ..... ... بغاااا يشيييرني بغاااااا يهبلني ..... صغري كامل وانا تابعاه هو تابع ليااا داك العزاااافة .. قلناا مكاااااين باس ... رجعت عندووو خلاني وسااااافرررر تاااااهي دوزناها ... دددخل بياااااااا وانا ماحاساش وعلم الله كي كنت دوووزناها تاهي ... ولاكت تاتزوجني بلا خبااااااري .....لا لاااا لااا لللااااااا و الف لاااا.. واش مومياء انا ؟ هااا؟؟؟؟ فرعون محنط انا ؟؟؟؟ تانا بشر اعبااااااااااد الله ... شنو فحياة البنت من غير زواااااج ودخلة هاااا؟؟؟؟ مااااحسيتش بيهم مشاااااااو على عيني ضبااااااابة
يونس : ( تنهد ) قااااااالولي نبعد من كنس العيلات راه مععععععكسات مكنتش كنسمع ... احبيبة الله يهديك الدخلة لابغيتي نعاودهالك ليك داااباااااا نعاودها فين تبااااااااان ليك الخرى .... زواج نمشيو دابا نسنييييو عاوتااااااااني ... هادا وكان ؟؟؟؟؟
اريج : ( كضرب رجلها مع الارض ) ولاا لاااا لاااا لاااااا ...فين هي داك تجي لدارنا ونا نلبس قفيطين بليغة دصم و تغمز ليا من بعييد ونتا كالس حدا بابا ونجيو نقراو الفاتحة وتنسى ليا من الفرحة ... فين هي تشربني الحليب و تمر .. وتبداو تفاهمو على صداقي ونقولك باركا عليا غي نتتاااااااا و ايفون و دااار على لبحر و بي ام دابليو و سفر لصين و طاقم د الماس .. فين هي كل ما تحدد موعد زواج نأجلو انا مزال بحكم ماسااخياش بدااااارنا ... هاا ؟؟؟؟؟ فين هي نخليك تنهار نجيو نسنييوووو ونبقا شادة ستيلوووو كنلعب على اعصاااااااابك ... فين هي نزطم على رجلييييييك.. فين هي كل مرة تقولي يلاه تمشي لداري ليوم ونحشم وندير راسي خايفة منك ..... فين هي ليلة دخلة لي نلبس بيحامة ونتا تكون كتسناااا شوميز دو نوي ونخيب ضنك .. فين هي دخل دوش وتلقاني نعععععست وتخوي الما على كرشك ... فين هي ندير راسي خااايفة ونحمنك واخد سيمانة ب احقا خليني نولفك هااا ؟؟. فين هي نصليو بجوج وماتجي ضور تلقاني هزيت جلابيتي ودرتلك كانو هنااا ... فييييييين هادشي فيييييييييين ( يونس غا شاد على حنكو وكيشوف )
يونس : صافي ؟ نهضر ؟..... اكبيييييييدتي انا راه كنت عااااارف غاديري لمك هادشي داكشي علاذ زربت عليك .... اختصرررررنا مالنا على صداع راس ... مان*وي تايعواج
اريج : تفووو كلكم عارفين وانا وسطكم كي اللهبيلة حالة فمي ..... ر راااجلي .. دابا نتا رااجلي وانا ماافخبااريش .. رااااااجلي وجبتي وحدة لخرى جايا شادة فيك فالحفل ... رااااااجلي ؟
بقات كتشوف فيه مطرطقة عينيها ويونس كيشوف فيها داك شوفة د اللهم نجييييينا يا رب ... ومشاااات كتجري عندو طلعات فووووقووو قاااجااااااه بيديها
اريج : راااااااااجلي اولد الحرااااااام وعلم الله اش كنتي كدير فداك كنداااا ومعااااااااامن ... راااااااجلي و طالقاك بلا حكااااااااام ....
يونس : كحححح .. اااح كححح ططططلقي ( كايحد ليها يديها وناضت عليه كتنهج )
اريج : اجيني دابا ...حقا والواااد حنا مزوجيييييين منحتاجو لاعدول لا والو ( كتهضر وتشير بيديها ) بببقرة انااا ؟؟؟؟ هااااا هضاااااااار ....
يونس : حاااشااا انا بقرة انااااااا انا بقررررة ..
اريج : نتااااااا تووور تورررر .... كوااااااني لبارح قالي فيقي على سلااامتك باااااااااااح البكارة ... وليوووم خطبني وقالي فيقي على سلامتك تزوووجنااا باااااتح العمااااارية.. وغذاااااا نعس نفيق لقا رلسي محطوطين قدامي تواااااام .... وبعدو نلقا ضرة .... ورااااه فينا رووووح ابنادم الروووووح شااااااورنا
يونس : يااااااااربي ياااااصبر ايووووب .. واهااانا شاورتك مغاتقبليش؟؟؟
اريج : واااماااانعررررف
يونس : غااااتهبليني نتي ليوم ...
اريج : موصيبة كحلة وباباا بغا ؟؟؟؟؟ طلقني ليك بلا عرس
يونس : للعرس عاد انتفاهمو عليه .... حنا دوينا غا على الزواج .... العرس باقي
اريج : اهاه وسيادة نسيبك فخبارو بلي راااااك دخلتي بياااا هااا !!!!!!!
يونس : وداكشي كيخصني انا وياك
اريج : قالولك بابا سميتو جاك فيرلاندو .... واااازيد اولد الحراااااااااام عند طريطوووورررر دغياااا راه عاد مشاو عليا ليغيكل غذا لقا راسي حاملة ونوليو فطلق دجاحة لمواليها .....
يونس : منيتك ؟
اريج : ... تحرك دابا نمشيو عند بابا ... خصني نشوفو بعيني كيقولي فخباري ومزوجك ليه ....
يونس : دابا ؟ رااااني عارض عليك لا
اريج : عندك وجه دالعرااااااضة .. ( شافت لسعتو لقاتها تمنية ) زيد غايكون دخل من الخدمة ...
جراااتو خلاتو غا كيبلق
يونس : واااااصبري تالغذاااا ونمشيو.... ولااااااا راني باقي باغي نقصر معاك ياااحسرة
اريج : باااااااغي تسااااااري لقررريد دياااالك على حفااااريااا قالاك تقسسررر ... مكننعرفكش .....زيييييد بابا هو لول ....خصني رضااااااه ..
هبطات لامار لعند حياة لقاتها كالسة حشمانة حطات ليها رجاء كاس د العصير ... وجات حطات قسم حداها
حياة : بنتك هااااادي .. تباااااركالله شحال غزالة ربي يحفظها ليك ... واخااا نهزززها
لامار عطاتها ليها وبدات ضحك معاها وتا قسم كتحل فمها لمن ما كان غا كضحك
لامار : قاتليا ماما غاتجي ونسسسيييييت والله سمحي ليا
حياة : ماشي مشكل .... مم م وهيم نتي لسمحي ليا مصدعاك معايا ... مابقا ليا تاشي حل اختي .. داك ليلة حسسيت بالبيبان تسدو فوجهي ... كنت عااارفا هذاك مصيري... الزواج ... ولاكن كنت بحال هذاك لي عارف راسو الموت عليه الحق.. مي عايش حياتو عادي وكيقول ماشي ليوم نموت ...( دمعو عينيها ) ملي قرب وقت العقد والعرس وبقاتلهم غي ليلة .. ماقديتش نصبر اختي .....نقطي زوينين والاستاذة دالفيلاج لي قريت عنهم كاملين كيقولولي ماتفرطيش فقرايتك خصوصا ملي شفت راسي خديت الباك ب 17 ... كان خاصني نهبط لكازا نكمل لافاك ولاكن شكون خلاك ...راكي عارفة حالة دوار اصلا بزز باش كملت للباك ...تاخرجو ليا بزواج
لامار : تباااااارك الله عليك 17 معندي مايتسالك
حياة : جات ختي وسعيد بحااااال النعمة عليا ... ووتخبعت ليهم فالكوفر وجيت لهنا .. قلت اللهم نهرب ولا ندفن راسي وصغري مع داك الشااااارف
لامار : هادش لي كيدير فيه باباك وخالتي والله لاسمح ليهم لا الله لااا عبدوووو
حياة : ماما لاش مسكيينة ... راه بابا مول كولشي .. وداك مرتووو ... ولادها مقريااااهم وحاضنا عليهم وحنا شوفي كي كدير لينا.... تاشيماء كانو باغين يزوطوها كو مجاتش خالتي رقية هزاتها .... كتقوليه عندك بنات بزااااف معاها بدا تنقص باش متبقاش تصرف عليهم بزااااف وهي لي كتجيب لينا الخطاب
لامار : ( بقاااات فيها ) التخخخلف كيدااااير ...
حياة : منكدبش عليك اختي من صغري وانا كنحلم ندير مستتتتقبلي ونولي شي حااااجة ونهز راسي من داك الجهل .... واخا واقعي ضدي ... فانا غانتحداه ونتقاااااتل تانحقق حلمي ... صعيبة ولاكن ماشي ماشي مستحيلة ...
لامار : ديري فيك النفس غاتوصلي نشاااءالله ..... تاحاجا مابعيدة عند الله ..
حياة : سمحيلي زدتك بصداااااعي ... مابغيتش نتقل عليك ولاكن خالتي رقية سيفطاتني لعندك
لامار : ممم ... فكرت فموضوعك احياة ... و انا ديجا عارفاك كتقراي مزياااان ... بغيتي تخدمي مرحبا وللاكن مغانخدمكش هنا فدار .. لان بنتي باباها ماباغيش يريبيها شي حد اخور من غيري و فدار ماعنديش شي حاجة... واضلا وحدة بحااالك صغييرة وقااارية مغاتجيش معاها خدمة بحال هادي .... مهم انا قريب غانفتتحح شاريكة ديالي . لابغيتي تخدمي كاتبة معايا مرحبا بك ...
حياة : اء ؟؟؟؟ واااااش كتهضري بصح اختي ؟؟؟؟؟؟
لامار : ااااه ... قراي وخدمي ...
حياة: معععرفتش كيفااااااش غانرد ليك هاد الخييييير اختي فاطمة زهرااااااء فررررررحتيييني
لامار : مكاين لاش .. غير حققي احلامك ... ومرحبا بك .... عندك بعدا اللغات فرنسي انجليزي.؟!
حياة : اااه اااااااه مهم شوووية راك عارفة لي قرينا وصافي ولاكن نتعلم والله تانتعلم راسي خفيف كنفهم لونجلي و تالفرونسي كنفهم شوية مي نزيد نتعلم
لامار : اه دونك هاد الفترة لي مزال مافتتحنا درسي فيها للغة حيت غاتحتاجيها ... اصلا الشركة ديال الورود .... دونك غايخصني فيها غي الوريدات بحالك ههههه
حياة : ( حطات قسم وطارت عنقاااااتهااااا فرحانة ) ماااعرفتش اش غاااندير اختي نششششششكرك والله مااااااعرفت ....( بدات تبكي ) بكاااتني الفرحة ...والله تابكااااتني ... عيطيتني كتر مكنت نتمنى
لامار : اويلي ططلقي ... عاادي ياااك غاتخخخدمي بحال عندي بحال عند واحد اخور ... انا عاودات ليا ماما وقاتلي ميمكنش تبقاي عندها حيت يقدرو يلقاوك تما يمشيو يديرو ليك شي حاجة .... شيماء بعدا ماسمحاتش فشي راجل ليلة العرس ... و ماما قاتليهم مراهاش عندي دونك لاقاوك تما غاتخسر مع ختها وتسمى كدابة
حياة : اااه راه داكشي مناش خايفين اختي ....
لامار : مغايطرررا والو ماحدك هنا مكينش لي يقرب ليك .... عندك لاكارط ناسيونال ؟
حياة : اه عندي ديرتها فاش دوزت الامتحان ...
لامار : اوا صافي طلعي نوريك بيت لي تكلسي فيه .. جيبتي حوايجك ؟
حياة : لا اختي جيت غي نهضر معاك وصافي
لامار : دابا تجيبهومليك شيماء ... اجي معايا ...
هزات عليها قسم وطلعات دخلاتها لبيات لي كانت كالسة فيه كرسيتين ...
لامار : هذاااا خوديه و كلسي فيه علما تخدمي انشاااءالله وتستقري ... دوشي ليك ورتااااحي ... حسبيه بيتك ماتحشميش .. راه دوش فين كاين ... و رجاء دابا طلعيليك بيجامات ... اول حاجة غاديريها غاتعيطي لماماك قوليليها راكي بيخير باش متبقاش مشوشة ...
حياة : ااه اختي غانعيط .... والله ماعرفت كيندير نشككركك اختي والله ....
لامار : مسحي داك دموووع ....راه قتليك غي قراي وشكرني بشي نقط زونين... حااااسة بيك تانا واحد نهاااار احياة كنت بحالك ... كيتشدو البياان فوجهي كاملين ... تاكنيأس وكنقول موحال واش نعيش بحال البنات .. تانا كنت نحلم بحالك نولي شي حاجة كبييرة ونهز داااارنا .... يعني حاااااسة بيك ...
حياة : ررررررربي لي غايجاااااازيك اختي
لامار اتبسمات ليها وبقات كتشوف فيها شحال كتبان زوينة وكيووووت... بقات فيها لا هي لاشيماء عندها عزاز حيت من صغرها وهي مها كتعاودليها اش كايقاسيو مع باهم وعارفااهم داخلين سوق راااااسهم ومربين احسن تربية و حشوووومين ... و خاااالتهاا دارت فيهم الخييير بزاف فاش مات بابات لامار ... كانت كتحيد منها وتعطيها لختهااا رقية .. هي الوحيدة لي بقات عزيزة عليها فعائلتها ماتبقى كلهم مكتحملهمش خصوصي فاميلة باباها ... وحياة كتشوف فالبيت عجبها
لامار : يلاه رتاحي نخليك ... بغيتي شي حاجة صوني على رجاااء من لهيه وغاطلع عندك.... غنمشي نشوف راجلي راني زاابلاها معاه
حياة : اه شفتو قبيلة بانت فيه معععععصب ولاكن راجك شحاااااااال زويييييييييين اختي ههههههه ماديرهاش مني قلة صواب مي الحق يتقال هههه كييييييحمق اويلي ههههههه
لامار : ههههههه ياك اااشنيولة بقيتيلي غي نتي يااااد ههههه
حياة : اا خخ تي ... نسووولك وعنداك تفهميييني غالاط ....
لامار : وي ؟؟؟
حياة : داك الولد قبيلة .. لي عنيه رمايدين ... كايجيكم
لامار : ( شافتها كتهضر عليه وعنيها كيلمعو ) زين ديالي ... هانتي احبيبة لا بغيتي طيحي فشي حد عطااااهم الله .... بعدي من هاد تريكة والله اختي تااتحرار عيشتك ههههه بلااااا منزيد صداااعك تانتي ... هاااد الخوت ماعرفتش كيفاش نوصف ليك .. مي لي طاحت فيهم كتعدب بالبيااااااااان هاد كتديهم .. كتشرب الماء القاطع كيجيها حلو وتسرطو كيقطع فمصارنها وتقول الله يخلف وترجع تاني تشرررررب ...طيييييحة فيييييهم خايبة ... هووووما كيبغيو من قلبهم ولاكن كتااااااكلي معاهم العداب ... ويلا كليتيه نتي غاناكلووووو تاناااا ... حيت مجربة وحدة قبلك راه ماااااااتهنيت تااااتزوجات وباقي تابعيني مشاكيليها .. لذا الى عزيزة عليك روحك وباغا تعيشي مهنية بعدي على هاد المساعير هذاك بالخصوووووص .. حبووووووو صعييييب ... واخا تشوفيه هاكداك ديضحك ومفروح راه خارج من جنب عندو نيشان نيشان ...هاااادو اختي .. تشدي معاهم طريق كتمشااااي يبرعووووووك نتي توقفي يعوووجووووك .. من الاحسن شدي ركينة لاتصبحي مزوجة ونتي مافخبتركش وغوتي نتي قولي لا يقول اه ونطحي راسك مع الحيط
حياة : خهههههههه ناااري واخا مافهمت والو مي انا غي سولت اش داني لشي حب انا دالحب انا ؟ ونتي شتيه قالي عمووو و قبل ماتجيو قالي بنتي ... اش وصلني ليه اختي انا ديالو ونا بنتليه قد بنتو ... غي سولت وصافي
لامار : وتانا غاسبقتليك هههه ... يلاه رتاحي حبيبة غانمشي عيااااتني البرهوشة فيدي ...
مشات وحياة كتعاود هضرتها مع راسها وضحك ودخلات لبيت فرحااااااااانة كتتتتغوت بالححس وتنقزززز
مشات لجناح ديالها بدات تقلب عليه بعينيها مالقاتوش .... تاسمعات شاكمات ديال طموبيلتووو ومشات لبااالكون كطل بانتليها جاكوار ديالو خارجة ... صوتها كيزعزع وعاطيها تاهو لي فكرشها كي ديما معندوش هو يمشي تحت من 80 .. حلووو ليه لباب وخرج وهي تنهدات .. ومشات حطات قسم ... عارفاه فاش كيتعصب جاب ماردو لطريق تاني ...
مابغاتش تفكككر فيه وتبدا تمرض فراسها يضبر راسو هي مقتانعة باش دارت ومندماناش .. وشاافت لقسم وهي تنسااا كووولشي ... وبدات تضحك ليها وتاقسم شااافتها ضحكات وهي تحل فمها تاني ككضححك و تقررركل و تمص فصبعانها وتشد فصبعان لامار ... حنيييكتهااا حميييمرييييين و شعرهااا حريييري هابط عليها و بدات لامار كتلعب معاها وتبوس فيييهاااا تاكتبغي تااااكلهااا ونقززز عليهم تا آييس على سرير ... و بدات تلعب معاهم نسات كوولشي فبرائتهم .. وقسم كتشووف لااايسسس وتبدا تخشي صبعها فعيينووو تستكشف ...وهو كيبعد راسووو كيجيبوليها ضحكة .... عيات قسم ونعساااات .. وحطااها فكونتها وآيسس طلعو ليه المقوتة ديالو ومشا تكمش فسلتو وللمار دوذات وخرجات ببنوار تكات كاصوني ليه ...
والو مكيجاوبهاش .. فللخر صونات لاريج تشوفهم اش دارو و لقاتهم فدارهم و أكدات عليها يجيووو لعندهم باش تعاود ليها ...ومشات لبسات سيرفيت كحلة وجمعات شعرها كعكة .. وهزات قسم فكونتها وهبطات لتحت كلسات دايرة رجل على رجل كتشوف لتيل حتا كيبان ليها سفيان داخل كييخربق تاهو فتيليفونو شاف لكونة وجااا كلس حدا قسم
سفيان : نفييقهها
لامار : لابغيتي توحل فيها... مغاتنعسها غي نتا
سفيان : شي نهار نهرب ليك ليها بالله .... قسوووووم ... فيقي الفرااااشة ... ( كيبوس فيديها ) تووووحشك.. عمووو عشية كاملة مشافك
لامار : والله لافاقت ليك هههه ها راه لاخور هباط تلهى فيه
كان آيسس هاببط كيتسارا مع راااسو .. وهزو سفيياااان كيمشط على شعرو كيسسستحلااااها اييسس
حياة فبيتها كتمشي وتجي كتسمع هضرتو لتحت ... وكتسرط فرسقها مرة تمشي تحل لباب مرة تشدها ... بغااات تهيط وحششمانة .... كترعد غي بوحدهاا وضحك وتعض فشفايفها ومشاات قدام واحد مراية طويلة كتشوف فراسها ... كانت لابسة بيجامة غوووز بيبي زوييينية جابتها ليها رجاء وبانطوف .. و شعرها ضافراه لجنب ... وبقاات تججبد فحناكها يحمارو وضحك غي بوحدها الله يستر .. فللخر تنفسااااات وفتحات لبااب هبطات .... هابطة كضحك تاوصلات لعنهم وهي تجمع ضحكتها فاش شافت شنو مكلس عندووو ومشات كتجري ورا لفوطوي
حياو: اويييييلي ححححححي اش هذااااا
لامااار : ههههه قررربي اجي مغايدير ليك والو ....
سفيان : اجي اعمووو تكلسي مشافش تالعندك ...
بقات غاترمش بعيوناتها
حياة : ص صافي .. غ غانطلع
لامار : اجي احياااة مغايدر ليك والو كلسي هنا
حياة : نمر ياك ؟؟؟؟؟
سفيان : ديناصور .. عنداك تقربي كييييعض ههه
حياة : هاا؟؟؟؟
لامار : حرااام عليك ... لاعسااااك متديش عليه ... اجي تككلسي ...
بدات كتقفقف وجات من جيهة اخرى وكلسات حدا لاماررر كتشوفو كيفاش شادو ومخايفش منووو شداتها تبوووووريشة فاش كتشوف عندو
حياة : ناااااري كيداير .... واخا كيخلع زويييييين
لامار : سفيان ولا نمر ههههههه
حياة : ( تزنكات بقات غي تبلق وسفيان كيضور راااسو ويضحك كييداعب اييس ) لل لا .. لا ... ن ن نمر
لامار : ههههه حسابتني
سفيان : نمرررر وسفياااان ياك اختي ؟
حياة : اا .. اه ... ( هبطات راسها حشمانة وهو كيضحك مامسوقش )
عند يونس ... ( على صال مومجي كانو كيتعشاو)
اريج : والله لا صدمتووووني
احمد : علاش ابنيتي ؟ ياك نتي لي كنتي باغاه
يونس : فهم تسطى اعمي ...
اريج : ااه ولاكن علموووووني
احمد : راه سي اسد لي جا عندي و عاودليا كولشي .. كنت باغا نقوليك ولاكن مخلانيش راجلك .. قالك بغاك حتى تبغي على خاطرك ومقال عيب
اريج : مممم .... ( كتشوف فيونس ) واخا هاكاك والله لادوزتهالكم ... عرسي بغيييتوو يكون مطططرطق
احمد : هههههه انشااااءالله ابنتي تجي ختك بعدا راه قرب لكونجي ديالها ونجي انا من السفر
يونس : انشاااءالله .. اريج يلاه ... عمي خلينا ليك الراحة تعطل الحال وتانتا غاتكون خصك ترتاح طيارتك بكري
اريج : شنوووو ؟؟؟؟؟
احمد : ( شاف لساعة ) ايييه عندي مع سبعة
يونس : يلاه نوووضي نخليو باباك يرتاح
ارسج : فين غانمشي اويلي راه دارنا هادي
يونس : ( كيشوف ف احمد وفيها ) منيتك
ارييج : اااااه ... بابا قووول شي حاجة
احمد : اش غانقول ابنتيي راه راجلك هذا ... بينك وبينو
اريج : ااااه ولاكن مزال مااانمشي باقي مدرنا العرس
احمد : ههههههه خليها على خاطرها اولدي
يونس : ( ناض ونوضها ) زيدي قداااامي ( بالحس ) غابلاتي على مك نوريك ....... عمي خلينا ليك الرااااحة
اريج : طططلق مني مانمشيششش...... لااااااا بيتي هنااااا
يونس : طلعي جيبي حوايجك باركا من لفشوش ... هانا كنتسنااااك
اريج : وفين غاانمشيو... لوطيل ؟( عارفة انو غايتبعها تما )
يونس : ( كتنهد ويشوف فيها ) وغازيدي دابا
احمد : اريييج لاواه ابنتي ...
اريج : مالكم ضرتو فيا ... ما خديتو رأيي لا فزواج لا فامتى نخوي ...وااابزاااف ...
احمد : وراه من احسن كلسي هاد فترة مع راجلك انا مغانكونش بلا متبقاي بوحدك
اريج : على اساس قبل كانو معايا جنون
يونس : وداباااا انا كاين ....
اريج : فففف ... مهم راه لامار بغاتنا ندوزو عنها
سونس : لااااا مشااا الحال
اريج : لااااا نمشي عنها هي لولا كتسنانا ... ودااااك لا غي حيدهااا معايا انا ...
يونش : ( كيدوز يدو على شعرو ) الله صببرني ....
احمد : معندك مادير اوليدي ههه
يونس : وغاازيدي دابا زيدي
هزات صاكهااا وباست باباها سلمات عليه وودعووووه حيت غايسااافر ماتفارقات معاه غابدموع ...وطلعات جابت حوايجها لي تحتاج .... ومشات تبعاتو لطوموبيل
يونس : منين خرجتي ليا بلامار تاني
اريج : حيت انا عارفاااك اش غادير لي فداك لوطيل
يونس : على اساس الى مشينا غانفلت مك ....
ديمارااا ومشاااو لمنطقة C دروكان .... ودخلووو باركاااا ...
يونس : اسد مكاينش ؟ طموبيلتو مكيناش
اريج : وراهم لوخرييين
يونس : هادوك مكحركهومش فليل ... نزلي يلاه
نزلو ودخلو لدار لقاو غي لامار و حياة وسفيان ... لامار غي شافتهم داخلين ضاحكين فرحاااات ... ومشاو سلموو عليهم
لامار : تعطلتوووو
ارييج : كناا فدااارنا ... حبيبة خاااالتها نعسات ( شافت عند حياة ) سلاااام احبيبية
سلمات عليها وحياة غي كاتشوف فيهم .. وشنو لابسة اريج لي معري كتر من لي مغطي ... ويونس تاهووووو خطير فلبااااس ووالوساااااامة خلاتها غاكتقول هادو واش راضيعن الزيين ... فين كينبت هادشي ...
اريج : شكووون هاد لغزيولة كتشبه لشيموووؤة لا ؟
حياة : عينيك لي غزالين ربي اخليك
لامار : اه راه ختها .. حياة لي كانت كتعاود لينا عليها
اريج : اااااه لي كانو غاايزوووجووك لا ؟
حياة : اا .. ااه اختي
لامار : راه هرباااات ...
يونس : هربتي ؟؟؟؟
يونس : غايزوجها فهاد سن ؟ صافابا
حياة غي دايرة راسها فالارض كتحس برااسها كانت محكوووووورة ...
لاماار : تاهي طلعااات ماساهلاااش هربات فالكوفر عند اسبرو هههه ... بغات تقراااا وتكمل قرايتها ... تحدات واقعها ماستسلماتش ليه
يونس : كتقرااي
حياة : ا ااه اخويا
لامار : راه جااابت فلبااااك 17 ....
اريج : معععندي مايتسااالك ازييييييين تباركالله عليك ....
سفيان : هااااا عمووووو فاااااااقت ... هاااا عمري فااااااقت ( هزها عندو )
يونس : عطيييهااالياااا
سفيان : شد نوبتك بااااقي ملعبتش معاها
اريج : راه يااه كتفيق طلقو منهاااا دابا تبكي ... مخسرين ليها نعاسها
لامار : ( غي بينها وبين اريج ) اجي نتي بعدا عاودلي ... كيديرتولها
اريج : فففففف نتي بعدا حسابي معاك هو اللخر هادي هي الصححححبة
بداو يهضرو بالحس باش ميسمعوش وحياة غاكتشوف زي الاطرش فزفة وكتقول كيفاش نقدر نندمج معاهم وهوما شوف كيفاش دايرين خصوصي ملي جبد يونس كيكمي ... و سفيان واااشم واريج لابسة غوووب قصييرة ... وهي مامولفاش هاكدا غي كتشوف بعينيها وتسهاا فسفيااان وضحكتووو غي هو كيضحك مع قسم وتاهي كتبدا تضحك غا راسهاااا .... كيلعبو معاها تاااكيسمعو تحنحييينتووو وصقروو ... كايدخل وريحتو كتعطي من لبااااب داااخل كيضور فسوارتو وتغوبيشتو باقا مرسومة عليه ..... وشافهم مجموعين فصالون بقاا غي كييشوف .... كتر عليه بنادم ... ومشا كلس سلم عليهم وحيد لسفيان قسم هزها عندووو .. وشاف لعند يووونس لي طالق يدو ورا اريج كيجيبد فشعرها وليد لوخرا وكيلعب بصبعان يدييييها ...
اسد : (مطلع حاجبو مورال زيرو ) على سلامتنا الاخ ..
يونس : بللكشاااااايف اصااااحبي ... باالكشاااايف ... شيبااااااتني
اريج فاش كيجي اسد كتحشم بقات غي كاتشوف وتغمز ليونس كتقوليه بلاتي عليك وهو كايضكك ويجننهها
وشاف عند حياااة ورجع شاف عند لامار
لامار : اا .. اسد .. هادي بنت خالتي ..... خت شيماااء ... م موهيم ... نسيت ماقلتهاليك ...بغيت نقول مالقيتش الوقت ... موهييم راه غاتكلس معانا علاما تبدا الخدمة ( اسد جنون طلعو ليه وقاليها اوكي غي بعينيه باش مايحرجش البنت )
ارييج : فاااش غاااتخدم
لامار : ( سرطات ريقها وشافت عندو ورجعا تشافت فيهم ) ا اقترحت عليهااا تخدم عني ...
اسد : فين عندك ؟
لامار : ف فشركة جديدة .... كاتبة .. اللهما هي ولا واحد اخور ...
اسد بقا غي كشوف ويتهند مكان لي غايجيبليه شي كرييز قدها .... وبدا يدوز يدو على وجهووو كيحاول يتهدن ....
يونس : هانتي شتي لامار ....و يلاه تكككعدي تعطل االحال فيا نعاس
سفيان : حتااا انا غااانطلع نعس ... عمووووو تمشي تنعسي معاااايا ممم ؟ خلي هاد ماكا وبابا يوحدهوم هاد ليلة ... يلاه تنعسي حدااااياااا كتكوتة ديالي ( حياة غا كتشووووف و تبتسم كتخيلو كيقولها ليها قلبها فرفر )
( رجاء جات بديسير )
لامار : خودو ديسيركم بعدا .. سفيان اراها عليك تاكل ( كتشوف لعند اسد كتعرفو فاش كايدير هاد شوفات عارفا غادوز معاه جهنام لفوق كتقول ياربي مايمشيوش )
يونس :تصبحووو على خير القوم ... نووووضي نتي ( نوضهاا )
سفيان : خلي لبنت اصاحبي تكمل غي كاسها ليل طويييييييل مال مك طايب ( حياة بقات غب كتولول شحال مكيحشموش )
يونس : نتا غا دخل سوف راسك ...
سلمو على اسد ومشاو ... تاهو هز بنتو وطلع ... وسفيان تاهو طلع لبيتووو ...
حياة : تانا اختي نطلع .. تصبحي على خير وشكرا مرة اخرى
لامار : ماشي مشكل احبيبة تصبحي على خير
حياة : ااء ... ختي ... راجبك شتو بحالا معصب . ياكمااا بسبااابي ناااااااري حشمت .. عرفتي كون غي نمشي عند خالتي رقية
لامار : اهوو هاكاك داااير ... ماديريش فبالك ...
طلعات حياة ولامار رجعات كلسات كتتتنهد تابعاها الححححرب .. ناااضت تنفسات مزززياااان مستعدة ... وطلعات عندو ... غادخلات لجناح بانليهااا وااااقف دير يدو فجيباااو كيشوف فيها داك النظرة دياااال عندك بزااااف ماتقولي ليا واااقلة .....
لامار : اسسد ... م مااااتشوفش فيا هاكداك ( اسد غي كيشوووف ويتسنى منها تفسير ) و .. واااصافي عفاك ... شوووف هاااانتا تنففس ... و كلس حححسن .. ححح حيت واقف كتستهلك طاقة بزاف ونتا معصب غاتزيد تأثر على الجهاز العصبي ... نجيبليك تشرب ؟؟؟؟
كتحاول تستملح الجووو وهو وااالووووو ساخط بقات غا كترمش بعيوناتها زعما تبقا فيه
لامار : اا .. غ غانمشي ن ن نرضع .. ق قققسم
جات ماااشية وجبدها لعندووو حطها على السرير بغيت نقول لتخخخها على ااسرير
اسد : ( معععصب ) شكوووون اناااا شكووون هااا ؟؟؟؟ شكووووووون
لامار : ( كتشوف لقسم وتشوف لعندو ) اا اسد .. عفاك تهدن علاش هاد العصبية ....
اسد : اناااااا بغيت نعرف راسي شكوووون هنا
لاماار : ك كيفاش شكون ...... ااه اه عارفة راسي غالطة مشاورتكش .... ولاكن حاسة براس تانا عندي صلاحية نتخد شي قرار اولا ؟
اسد : ( كتقتلو بسنطيحتها ) وانا معنديييش صلاحية نعرف قراراتك ؟؟؟؟؟؟؟
لامار : وعفااااك بلا متغوت هاهي قسم غاتبدا تبكي جاب مايسكتها ليا ... راااه كنت غااانقولهاليك وماالقيتش فرررررصة ... راااه محتاجني مسكينة .... تاهوما عاونونا بزاف شحاال هادي بغيت غي نرند ليها خيرها ... ويلا على سارة تاهي راه بغيت غي نعاونها
اسد : ( غي كيشوف وخفض نبرة صوتو باستغراااب ) اليونيسيف نتي ؟
لامار : ككنهضر معاك دبصح ...والله حتى فنيتي غي نعاونهم
اسد : ( طلع راسو لفوق كيسوط) ياااااصبرررك ياااارب الكععععبة صبرك صبرك ... ( رجع شاف فيها) انا مشكلتي مكاينة لا فسارة لا فهاديك لتحت لي معرفتها منين خرجات تاني .. مشكلتي فمرتي لي باينليا بغات تلغيني من حياتها بصفة نهائية .... واش المادام حسابتها ما موراها تا حد ؟ فييييين انااااا الالة فين خليتني ؟ ....( لامار غي كترمش وتشوف لارض ) واش انا مااانع عليك شي حاجة ها ؟ ... واش عااااارضت شي قرار نتي قررتيه ؟ ... بغيتي مدرسة الرقص هانا كنخدم فيها .... بغيتي دخلي سيااحة لتجااارة فشركتك خدااااام عليها تاهي .... شنو مابغيتي كنوافق عليه مادمتك كتجي وتقوليليا اسد هاشنو باغا ندير وهاشنو مغانديرش ... مامنعكش الامار مااادمتك عاطياني بقيمتي ... شااااوريني ... خبرني .. ماشي نعرفهااا مع ايها ناس .... من حقي نعرف مرتي فين كتمشي وفين كتجي..... ولي كنضن هاااادشي رااااه فتناه .... فتناه شحال هادي .. ماشي تاااا ولدنااااا عاد غانبقاو نهضرو على هاد المواضيع .... بغيتي تشيبي دين مي تاني !!!!مكترصايش
لامار : ( وقفات ) هانتا غي تهدن .... هادشي لي كتفكر فيه نتا مكينش .. قررت فجأة انني خصني نمشي نشوفها ... وقلت نخرج من عندها ونقوليهاليك ... ( قااطعها )
اسد : ققققققبل ماتمشي .. قببببل ماتعتبي عنها خصني نكون عارف ... وكنضن را هضرنا وقلتي ليا راني غي خارجة .. على اساس غاديريها باسد ...
لامار : (تنهدات ) صاااافي صااافي عندك الحق ... اه بصح غلطت كان خصني نشاااورك .... كنععععترف
اسد : شنو قصة هاديك لتحت
لامار : ب بنت خالتي .. ر رغباتني ماما نخليها عندي .. علاما تخدم و تقرا ... حيت عائلتها بغاو يزوجوها وهربات لهنا .... وقلت ليها علاش ماتخدمش عندي .. صافي
اسد شد على عينوو ومشااا كلس شاد على راسو وهي بقات واقفة كتشوف فيه ومشات عندو
لامار : وصافي سمح لياااا ... عفاك ( قاست فيه باش يشوف فيها )
لامار : سمح ليا
اسد : انا مااابقا ليا مانقول ... هزيت يدي ( هز يدو ) هزيييييتهم معاك ..... مااااابقا ليا ماتفول
بقات عي كتشوف فيه وعينيها دمعوو وهو تنهد ونااااض باااس قسم ... وهز كارو وخرج لباالكون
لامار :ففففففففف كحاااااالت تاني .... من الاحسن نخليه يفكر مع راسووو حتاااا يبرد ونهضرو هاكا مغانوصلو لوالو .....
مشات لعند قسم بدلات ليها لبسات حوايج خفاف تنعس بيهم ... وبدات كترضعها وهو غي فالباالكون مدخخحلش ... مرة مرة كاتلوح عليه عينيه كمااا بزااااف ... وكتقول يبرد وندير المستحيل نصالحو ... حيت اسد بحال العااااافية فاش كيكون شاعل منين مادزت ليه كتحرق ولي بدات تناقش معاها بحال كتزيد ليه ليصونص ... اما فاش كيبرد ويطفا كيولي رمااااد ملس ونااااعم كيف مادرتليه داك ساع يعجبها .... سهااااات فيه تاشافت عند قسم لقاتها نعسات ووحطاتها فكونتها ... ودخلات دارت روتنيها الليلي فالدوش ولسبات بيجامة خفيفة دساتان و دخلات ففراااشها تقلبات جيهة قسسسم كتخشي صبعها وسط يديهااا كتشوف فيها وتشوف عند اسد لي باقي كالس تما شاعل بيسي وشي وراق قدامو ... بقات كتشوف فيها تاداها نعاااس
سالا اسد خدمتو وتكا على لكرسي كيعوج فراسو تعوج ليه قدام البيسي باااش سالا الخدمة و البنود فمدرسة الرقص ديالها ولي غدا خصو يمشي يزورها باش يدخلو الاثاث و الاكسيسوارات و الاجهزة ... حيت عيد ميلاد لامار بعد غذا... يعني الاثنين ... وموجد ليها تما لانيفيغسيغ ... لي هي براسها واقلة ناسياه ... ولي ماعرفاش لامار ان تاريخ ازديادها هو نفسو ديال اسد ... عمرها ردات ليها لبال ولاكن هو من زمان عارفها منهار شاف تاريخ ازديادها ملي سيفكو ليه مكتب مخباراتو هويتها انا هي عمر ردات لبال لتاريخ ازديادو ... و اخر عيد ميلاد كان عنهم ملي تخطفات .... نساتو كاع فيه بداك الخلعة .... اما دهاد العام لا.. باغي يحتفل ليها بيه وهو ملاحظها اننها عمرها احتافلات بيه كاع ... سلا خدمتو وناض .. طل عليهم بانوليه ناعسين ... فعلا كيتعصب منها وكيشعل وكيتقلق وليكن هادشي عمرو كيلغي مكاااانتها فقلبو ... كتبقى هي هي ... يعني يييعصببببها مايخليش ليها بصح مايقدش ينسااا شي حاجة كتخصها .. باسهم بجوج وباس يديهم لي متاشبكين وهوما ناعسين ... وعارف انو غذا مغايشوف لامار وبنتو نهار كامل لانو فنهار غايكون خدام فمرسة الرقص وبليل خصو يفضي شغلو مع اسيل باش يكسبها لعندو منها يشد تيلفونها يقلبووو ويدير فيه لبوركرام ديالو يعرف بابات الولد شكون وشنو كتقول لعدنان ومنها يخليها تيق بلي بصح دوزات معاه ليلة وخا هو مخطط مايمسش تافيها .... مابغاش ييجيه النعاس.. بقا غي كالس وكيشوف فيهم واااالو خصو يشوف عينيها وعينين قسم حيت مغايشوفهومش غذا نهار كامل بقا غير يمشي ويجي ماباغيش يفيقها زعما باقي غضباااان ... و رجع كلس حداهم عاض على شفتو
اسد : ( بالحس ) قسووم .. مغااتفيقيش باذ تفيقيها ليا ها ؟ ... وصااافي ابنتي فيقي ..باباك لامشافش عينيكم مغاينعسش ....ماشي حشومة نتوما ناعسين وهو لا .... ماجيعاناش ابنتي ؟ ياك كتفيقي بزاف ودابا لي باغي باباك يشوف عيوينات ماماك سهطتي .. وااافيقي البرهوشة ... انا غانوريك
مشا قرررب عندهاا وعضها من نييييفها تاغوتات ورجع لوووررر وبدات كتفيق لامار مخخخخسرة كتشوف لعنها
لامار : مااالك ابنتي ... اش كاين ... شافت لتيليفونها ) ماشي وقت فياقك هذا ...
هزاتها عندها وقسم كتبكي وهو كالس على لكنابي لور كيشوف فيهم ...اش كان باغي وصل ليه .. باغي غير يشوف عينيهم ....
لامار : واش جيعانة ابنتي ... هاء ؟ مالكي ... تخلعتي ولا شنو ؟ بسم الله عليك
بقا غير يتفرج كيفاش خيفانة عليها تابدات تنعسها من جديد .. ودغياا غفات حيت اصلا كان فيها نعاس طيرو ليعا بداك العضة هههه ولامار شافت لبالكون مالقاتوش وبدات تقلب بعينيها عليه ...تاجاو عييها فعينيه وهو كالس على لكانبي داير فيها مقلق زعما ... وبدات تترمش فيه وهو قلب راااااسو الفشوش يا سادة اسد غي ليمكيعرفش ليه كون ناضت عندو دابا تاكلو بحوايجو ..... حنات عينيها ورجعات تنعس .... وناض تاهو نعس .. عاطيها بضهر وعاطياه بضهر .... بقااا شحال كيدابز باش مايضورش عندهاااا وهي كدعي الله يهضرهها .. فللخر ضااار عنهاااا تسالا صبروووو تاا للاامار لااااا ....وقربببها لعندوووو خشاها فيه وهي ضايرة لجيهة لوخرا ... وعنقها عندو من لوووور خاشي راسو فعنقها كيف ديما ...وهي ضحكااااات عجبها الحااااال .. معنقها ومزير تاسمعاتو همس فودنيها ....
اسد : مخاصم مع افعالك .... حضنك لا دخل له ....
لامااار شدااااات عنيهاااا مبتسمة وعاااااد حلات ليها النعسة ...
