لامار : اش جيييتي دير على صبااااح تاني مغاتفرقش عليا
اسبرو : ( صفر ) زييين يتعشا و لا غي كيتمشا... سيدي دااا و عرف اش دا ... زينة فالوجه و العقل عااا فردة ... اش نديرو بلبلارة لاكانت لابساها قررردة
لامار : غاااتنوض تكعد عليا قبل مانوريك القردة د بصصصح ..
اسبرو : سمعععت خارجا مع شي صديييق .. وحيييت عارفك ماعندك تاشي صدييق من غيري ... وجيييت ... طلبتيني و لبيت النداء ( مد ليها يدو ) مشيييينا
لامار : دابا ضاروري ماتخشي كعلااالتك فكلشي خراا على صباااااح .. سير من بعد ونخرجو ماشي وقتك
اسبرو :اها ؟؟؟ انا و الله منهنا ماااامحرك نخرجو بجوج يلااااه .. ويلا مابغيتيش شدي الركنة
شعلات تيليفون كتشزف لساعة لقاتها العشرة
لامار : مررررض ...
مشاات و اسبرو تبعها
وهبطات لعند شيفورر .. شافت لطموبيل د الكارد لي ديماراو مفافييين حالين فيها فمهم كتبااان من بعيييد واو .. و ركبات لوور .. و اسبرو طاار تخشا حداها
لامار : واااالواابااااء واااسرطاااان الدددم وااافين مدددرم الخرااا..
اسبرو : داااابااااال اسبرو رديتيه وبااااء .... الله يعطيك الخلااااء العرجاااااء الحمقاااااء العووجااااء تفووو ...
لامار : فوتني عليك وسير كتب شي ديوان شعري حححسن ... علقة د البيااار
اسبرو : وااااابكي عليها نتاااا و باااات عند رااااسها تاصحااات ... وتحي تقولك علقة لبيار ... انا كو حسابتني ملي تيفيقي ديري هاد الحالة كو قجيتك بسيروم ... كان سي اسد دابا خطب شي وحدة من العزاااياات ...( لامار غي مخنزرة ) ماشيا عندو يااااك
لامار : اااه عندو يلاه جري وصلهالو ...
اسبرو : ههههههه هادي هي لي مغاتووصلش ليه ابيبي .. بااا حميييد اعفااااط ليووومااا الفطووور على حساب سي فهد ... اعفااااط .. وااالاا عليك اسيدي انا هنااا حاضي رززززقك ... وزهر العوج .. .
لامار تنهدات ..و بداات تفكر مدام ممرضة قالت لاسبرو راها خارجة مع صديق دونك غاتكون وصلاتها تالاسد ... و شافت لور لي كارد و بدات تضحك وهي تشوف عند اسبرو وهي تجمعها
اسبرو : و الله مكتتتتحششمي ... هذاك وجهك و لا قفااااااك ... كو كانت لي تنوض تحمل دير هاد الحااالة .. كو راه تلقاي مول راحل خاشيه فصاحبو و لايححملو شي بكككرة ... صدييييق قالك ... عليها سماااو الصديق الزمييييييل لاكان بحال فهد زميييييل نييييت
لامار : دااابا نتا مالك مااالك ... واش عيب لابغيت نرجع راجلي
اسبرو : شتي ناس عندهم عقل نتي عندك خرية خضرة دواحد معركها بقولة .. واش مريضة و لا مالك لقيتي لي يبغيك ويدير عليك هاد الحالة و معفرااا .. كون كان شي واحد كيهرد والديك عصا كوراه متبتاااا ولاكن طااااالقك ..ومفششك كيصبحك غي بحبيبة و الورد . كيتيني انا تا حزمة د الحبق لاوي مكنشدهااا .. ورقة مرسومة فيها وردة ماعطاوهاليش ...
لامار : اسسسبروووو شقيتيليا مخي .. تاكلمة سكت .. خليك اسيدي فصفوووو ....انا غي هبيلة و ماعندي عقل كدو كننحماق على راجلي و كتستكطااااا علييييه و نقدر ندير اي حااااحة علييه باش نفقسوو و نمرضوووو .. عندك شي مانع ؟؟؟؟
ضارت لزااج وهي تشوف ليتيليفون كيصوني و بدات تفقص فاسبرو وتحلووون
لامار : الوووووو .. ووووووووي فففهد ( اسبرو كيتجننن بغا يقجها و كتبعد عنقها كضحك بتحلوين ) اويلي على نسسييت .. اناااا بايتة نحلم بهاد الفطوووور ( اسبرو كيدوز يدو على عنقو زعما غاندبحك ) انا فطريييييق ... متخافش مغااانتعطلش ....اوووكي سيفطها ليا ... باااااااي
اسبرو : و الله ااااختي ويعلقك من طررررمتك وسط شاااارع و لي جاااا يهرد فييييك ماتبقاااااي فيا .. ولاكن ماحدي انا هنا و الله لاخليت داك للعقل الخاااامج لي كمل عليه الوحم الهبييييل يوصل لاش بغاااا ... وهانا هاااانتي ... واعباد الله مغاتولد تاولللللدنا كاملين بنااااااقص بناااااااقص كون داك المااااا سقاااا بيهم شي جريدة و لا خوااهم فيك ... تقول ماحامل حد غي نت .. لا وزوينة قالك متعصبوووهاش باش مايطيحش ... وحنا يطيح لينا طونسيون و السكررر عااااااادي ... وللكن لا بقيتي على هاد الحال الرووووح لي غاطيح ... روكان تاليا ديالو يدير مدار هتلر ...
لامار بقات غي كتشوف فيه كيدمدم ..نيت عاجبها يكون معاها باش مايضسرش فهد ... عطات لشيفور يشوف لادغيس
و زاد بيهم وهي كاستنا امتى تشوف طوموبيل اسد تابعها.... ساعا وااالو ... تاوصلو قدام ريسطو .. وفهد كان واقف كيمشي ويجي شاد على تيليفون كيتسنا .. تاكتبان ليه نازلة .. ولامار كتشوف فلي كاااارد .. امتى يهزو تيليفون يعلمووه .. و اسبرو تسلت مشا عنهم حل لباب
- تااااا كلمة ماتخرجهو هاديك راها غاهبيلة ...
الكارد : مايمكنش .. االاوامر هوما الاوامر .. خصنا لي شفناه نعلمو بيه الروكان
اسبرو : اه شكون حيد ليكوم .. علموه.... خرجات معايا .. وداك قااع اللفتة ماااشتوووهش ومكاااينش ... ولا حنا غانمشيو فيها كاااااملين كفتة .. ورااكم عارفين ...راه بكلمة مني و الله تايجري عليكم كاملين .. تااااوااااحد مايقووول هادشي ... و بلي معانا داك نص بنادم .. مفهوووم ....
خلاهم و نزل وصا شيفور تاني ..
الكارد 1: لا خصنا ضاروري نعلموه ويلا ساق الخباااار مشينا فيها
الكارد 2 : غانمشيو فيها لا غيزها لينا هاد سعييد .... شفتي شحال من واحد جرا عليه غي حيت ماحترمش اسبرو .. راااه عزيز على مرتووو ... صااافي غي سكتونا دابا معندو منين يعرف مدام هادشي مخبي .. راااه مخبي ...
دخلو لريسطو وفهد غي كيفررررنس ولامار ماهياش فداااك العااااالم كتسنى غي امتى بجي تشوفو .. باغااا طلعو بهاد الطريقة و فهد قرب لطبلة لي موجد ليهااا و جر الكرسي باش تكلس هو يسبق اسبرو كلس فيها
اسبرو : يتوووب على خوويااا ....
فهد خنزززر كيدمدم غي مع راسو : منين هرج ليا هاد الزامل ...
خلاه و مشاا كلس و لامار تاهي وهو سؤال لي يسولها يجاااوب عليه اسبرو وهي غي كضور موراها متوترة كاتسنى فيييه يبااان وتشوفو .. جابو ليهم الفطووور و لامار غي شادة عنها كاس د العصير ..
فهد : جيتي زوييينة
اسبرو : شكراااا الحبييييب عينيك عيينيك لي زوينين ..( كيساب الكول ديالو )
فهد : دويييت معاها ... ( لامار غي ساهية ) لامممار
لامار : هاا ؟؟؟ هضرتي معايا
اسبرو : هه! لله مسكينة قبيلة هو يشعر و نتي بالك غي مع سي اسد ...
فهد غي كيفرك فيديه
اسبرو : لااديش عليها اسي فهد .. غااموحشاااه ...
فهد : ااحم مزيان .. لاملر فطري مكليتي والو ..
اسبرو : ( جات تجاوب قاطعها ) مسكينة الوحححم معدبها .. كيف وحمها كيف راجلها بجوج صعاااب ... مكتكووولش من طرف .. سبحان الله ..جا ليها الوحم غي على سي اسد ولات فين ماتكلس خصها يكون معاها ( هو كيهضر وهي غي ساكتة كتسسنى مراهاش معاهم اصلا ماهامهاش ) من قبييلة ونا نقنع فيها نخرجووو شوية .. وقاتلي واحد الولد مسكيييين شحاال وهو يطلب فيا نخرجو مافيها باس ديرليك الخاطر ليووم ملي اسد مشغوووول
لامار : ( تحت سناانها ) اسبرووووو ..
فهد : غيير خليه .. عادي .. معرفتوش فين باغي يوصل .. مي طريقك مسدوودة اااسي .. اش سميتو
اسبرو : ( مد يدو ) سعييد اليد لييمنة د سي رووووووكان
فهد : (خلا ليه يدو ممدودة وشاف عند لامار ) مقلتيليش كيف دوزتي صبااحك
لامار : صافا مابهيش ( كضور تشوف موراها )
فهد : لامار كتسناي شي حد
لامار : ها ؟ لا اش كتقووول .. بالعكس ....
فهد : فرحت بزااف باتصالك كنت كتسناه ...
اسبرو : بستاناااااك يا حبيبي معاااك كل للعشااااااق تعععبت تتتعبت من للاشوااااااق ...
لامار : اسبروووو .. مجاك دو فوويس غي ليووم
اسبرو : مااايغغغغغني حد ..
فهد : غير خليييه هانية .... شفتك ما ( قاطعو )
اسبرو : شششششفت الخااااتم و عجبني تمنيييييت يكون بيدي يدييييي ..
فهد : ( تنهد بعصبية ) ظنيت غانفطرو بجوج
اسبرو : لا ياااا زميييلي لا ... لاماار ماكتمشيس بلا بياااا (غمزة )
لامار : ( بغوااات حيت اصلا معصبة ملي ماجاش ) اسبرووووووو
اسبرو طرب الطم وخشا وجعو فلي كيخيب ..
وهي وفهد كيهضرو سطحي كتجاوب غي باه و و لا ... فنفس الوقت مارضياش على هادشي لي كدييير ... داازت ساااعة وجابو ليهم كلاص ...وفهد عينيه لسقوووو فيهاااا ولات كتسطيه بكل تفاااصيلها .... وهي غي كتسنا واالو بدا يجيها الاحبااااط كولشي تضرب فزيرو .... تابدا تيليفون اسبرو كيصوني و بعد بهضر شوية جا
اسبرو : لالة مرات سيدي ... تهزي .. انا غانمشي سي اسد عندو شي مؤتمر صحفي خصني نكون مع الكارد ..
لاملر : كييفاش ؟ م مؤؤتمر ؟ ي يعني ماجايش ؟
لسبرو : وعلاش غايجي عيطو لي دابا وقالولي راه كيستعد يخرج يمشي لخدمتو ..
فهد : كنتو ناوين تلاقاو ؟؟؟ وماالباش طلبك ؟ خلا هاد زين كامل و مشا لصداع صحاففة .. مالوغوزمون ..
اسبرة : ( مد فيه صبعو) نتا ماااسووووقكش ..
فهد : ااااحترم رااااسك راه من قبيلة ونا صابر ليك ...
لامار بقات غي كتشوف وكتتترمش عينيها تعمرووو بدموووووع ....وغوتااات بجججهد صدعوها
لامار : سكتووووووووو .. صااااافي سسسكتو
ناضضت قرابة تبكي و ناس كاملة شافت لعنها ومشات بزربة لطوموبيل و اسبرو تابعها ... وسي فهد كتب ليه الله عمر جديد .. و ركبات لور هو جا يركب حداها اسبرو وهي تغووت عليه انزل و مشااا ركب مع الكارد وهوما مشاو لظااار و هي غي كتتتتتتبكي
لامار : حماااارة انا حماااارة .. هاااهووو مجااااش .. داها فيا ؟؟؟ واااخا عارفني مع فهد ... صاااااااافي نسااااااني نسااااااني . نسااااني.... انا كيفااااش كان عندي امل يجي كييفاااش... واش فينما نبغي نعععدبووووو كنتعدب غيييير انا ... علاش اسيدي اربي كيوقع معايا هادشي علاااااااش .... علاااااش ... غامرت بسمعتي على قبلوو وخرجت بلا نتيجة ... علااااش
بدااات تبكي تاحسااتت بمغص فكرشهااا وهي تسكت شادة على كرشها مخلوعة
لامار : س سمحلي اولدي عفااااك سمحلي .. سمحححلي نسيييييتك .. سسسمحلي ... مغااانعوودش .. مغانعاودش ... وصلات لدار و نزلات مشات بزرربة و اسبرو بقا واقف كيشوف فيها ميبستم
اسبرو : عاللله تردي عقلك عاالله ... غايحتاااجك هاد ليلة مشاا .. وهي دخلات ديريكت شدات عليها و لاحت تيليفون و كلسااات على سرير عاكياه لبكاااا كيف ديماااا ... و ببرودو و اهمالو فيين وصلهااا باش ترجعوو .. و بدون نتيجة
عند فهد ..
كيمشي ويجي كيحك على راسو و عدنان كالس جاب ليه الدوخة ..
عدنان : وعلاااااش ؟؟
فهد : مععععرفتش معععرفتش اصاااااحبي ... حتا ناضت مععععصبة مفهمتش انا مالها كاع .. وحتاااا داك الزاااامل مابغاش يرصاااا كييييطيير تقول مخديمينو بالحجر .. ملي كلسو فمو ماتشدتش قاااادوس و طالق نواوي... غايكون هو لي عصبها ... تفوووو على زهر
عدنان : ودابا غا برررد برد ... وكلس الارض راك دوختيني
فهد : اش غااانبرد اصااااحبي راه باغي نتسطاا .... تصوووور فاش شفتهاااا كنت حاابس راااسي بززز .. وااااااخطييييييرة اصاحبي عندها واحد الجادبية التفاحة ماساوية والو قداااامها ... انا مااااشفتش بحااال هاديك السيدة غاتسكككني غااااتمللللكي وااااااعرة عرفتي شنووو هي وااااعرة وغاعينيها كيتلفو لواحد على باب دارو ... حسابتك غا جا روكان و طاااح .... كالس على الكرسي و كنرررعد غي بووووحدي ملي كالسة حدايا .. راه كتفكرها مزوووجة بهاااداك لي مكتسمااااش راااه كنبغي نتفررركع .... اول مرة تجيني لغيرة بحال هاكا ورااا وليت كنتسطاااا عليها ... بزااااف داك السيدة بزاااف
عدنان : وليتي كاتحب والا شنو ههه ززينة هادي .. ياك نتا كان كيهمك غي طيح ليه نيفو ... شتك وليتي شاد لبعييييد ..لغيرة كااااع .. نسيتي راه حاملة ؟
فهد : ومنننبعد يدي ولدوو
عدنان : لا لا بللانتي بعيييد دابا
فهد : شفتي ملي عيطاتلي غانولي دابا نبلاني و نبني و نطلع حيييت عطااااتني امل .... رااا ملي شفتها صبااح مععععرفتش اش ووووقعلي ... تفااافيت .. غير تكلس حدااااك تنسيك على القبلة رييييحتها كولشي فيها زويييين ... مععععرفتش علاش مشاااات معصبة شنووو عصبها .. ولاكن مكيهمنيييش .. لي كيهمني هو عيطاااات و بغاتنا نفطرو بجوج .. اذن بداااات كتحس بشي حاجة من جيهتي ياك ؟ فففف فين حطيت انا داك تيييليفووون فيين ااه خليتو فالبيت
مشااا و عدنان بقا غي متبعو ..
عدنان : شي حاجة تما .. هاديك مغتتجيش و تخلي الروكان و تعيط لاهدا ... لا لا ... شي حاجة تما ...شي حاجة ماشي هي هاديك ..
شوية يبان ليه فهد خارج شاد تيليفون مستغرب
فهد : كتتتقطع عليا ؟؟؟؟.؟!!!
*عند لامار
كالسة ففراشها بعد ماجرات على الممرضة و على ماماها باغا تكلس بووحدها حممممرة بالبكاا و شفارها فازكين و غي كتشمر .. وماحدها كتشوف ليزابيل د فهد كتزيييييد تشهق كتر
لامار : اااانا اش درت .. اااااش درت .. اويلي اش درت .. هاد الخراااا دابا تيق رااااسو .. هاكدا غايبقا مصدعني دابا عاد خورتها بالبيااان تفوووو فين كااااان عععقلي ... تفووو ... اش هاااادشي وصلت لييييييه اش هاااادشي نزلت ليييه ...
شوية وهي تسمع مسج و فتحاتو ..
- * لاملر نتي صافا ؟ خلعتني عليك بزااف .. نتمنى تكوني بيخير .. قبيلة خليتني مشوش فاش خرجتي من ريسطو هاكاك .. ولاكن ماشي مشكل راحتك هي لولا ،نعاودو الخرجة مرة اخرى وهاد المرة غي بوحدنا باش ناخدو راحتنا كتر .. و بالمناسبة جات معاك لاكوب من داكشي واخا نتي زوينة بكل حالاتك ... لاشفتي ميساجي تاصلي بيا باش منبقاش مشوش ... ويدوز ليا الغدا ...*
لامار : انا بغيييت كاااميو د البتيخ مقطعين ليه الفرااانات يدوووز عليك نشااااءالله .. كبرت الشااااان الخراااا تاولا يقولي انا لاباااااني .. تفو .. وجه الباالا تاهو عطيتو وقت .. شووووف ا اسد فين وصلتييني .. بسباب اهماااالك ليا وليت ندير اي حااااجة .. تامن زامل وسعت ليه تقبتوو ... خرا ولا متيق مخووو دابا ....و اجي نتي دابا هبطي هاد سلفيستر ستالون الرض و قولوليه كااانت غي كتفقص فراجهااا شكون داها فيك .... واااانا لي شكووون داها فيااااا ...
باقا كترهنن حتا سمعات صوت اريج و رتاج و تخشات بزربة ففراشها غمضات عينيها دارت راسها نااااعسة ...تاسمعاتهم حلو عليها لباب شافوها ناعسة و مشاو عاد فتحات عينيها .. كتتتنهد .. ماعندهااا خاااطر .. العشية كاملة وهي شاادة عليها تغدات بسييييييف .. تا ودنات العشاء و ناضت صلات و طولات فسجووووود كدعي من الله يبدل الحال لاحسن حال ويغفر ليها لاغلطات هي فحقو بداك اللقاء ... وناضت .. دخلات دووشااااااات باش تسترخااا كتحس براسها سخوون .... و دخلت لبيتها كتصايب فشعرها و تنشفوو .. تاشافت من المرايا الباب تحلات وداخل اسبروو كيفرنس ..
لاملر : عاربي واش بجغتك و نسيتك فشي قرينة ... معندك مايدااار
اسبرو : نييييت راك تولدي قدي .. جسد البغلة و عقل بوعبولة
لامار : شد شد نشف ليا شعري من لور يدي معدبة
اسبرو : دابا هاد شعر مساند صالات رديتيه شعر ..
لامار : صايب صايب و اكتيفي سيلونسيو لداك دلقوش ماافيااا لي يسمع لشي تزنزييين
اسبرو : شتي نتي نهار توولدي ونفكرك فهادشي لي كدير فيه ... غانوليو كولا نهار نزلوك من السططح ونقولو ليك نعلي شيطان لاش اتلووحي راسك ونت كتقولي خلييييوني .. هانتي عقلي عليها انا نهار تكوني كتزحمي نفكرك بهادشي بالفقصة غاتزحمي الطحااال مع الولد ...
لامار غي شااااة عينيها وهو كايصايب
اسبرو : دلباا مالك عاطيانا النخااال .. بنا ليك كروازييين ... ماباغاش تهضري ...واااخاا نقوليك بلي راااجلك سيفطني باش نديك عندو مغاتهضريييش
شوية وهي تطرطق عييينييهاااا و ضارت عندو
لامار : شنوووو
اسبرو : هاااا لي قالت الشوااافة .. منين كيسكتو هاد العجب قزدير الريح
لامار : كيفاااش ر راجلي شكووون
اسبرو : شكون راجلك ؟؟؟؟ مووول الزريعة لي فراس درب ... شحال من راجل عنك .. ولا خرجو رجليك شواري البكرة
لامار : وبلا طنزز .. كضحك معايا ياك
اسبرو : حق مووولانا تاقالي سير جيب لااااماررررر ... وجيت نديييك ليه
لامار : هااا ( ب بابتسامة ) ححححلف ؟؟؟؟
اسبرو : ونووووضي تهزززي دغيا لايحسابت ليه غي ماباغاش تمشي
لامار : ( كلسات كترمش وهي تعععفر ) وشكوووون قاليك انا باغاااااااا ااااصلا نمشي ... مغاااااداااااش تااايجي هو ..مالي برية يسيفطوني معاك
اسبرو : ( حال بلاكار كيشوف ) اه تسناي يجيب الدقة المراكشية و العونيات و تقيتيقات ويغني ليك لتحت اهوا ليك الامار الله يهديك ...
لامار : واخا يجيب عبيدات الرما ... مغااااااداااااش
اسبرو : تلبسي هاد
الكري ؟ غاااتجيك واعرة
لامار : لا مكيعجبوش الكري ... جبدلي لي الكحلة ...
ضار عندها
اسبرو : منيتك ماباغاش تمشي ؟.
لامار : اسبرو دخل سوق مخك وفووووتني .... خرا شحال حاضيني ....( طلع فيها عين ورجع كيقلب فالحوايج) اااحم ... نمشي نشوف اش بغااا ورجع .. حيت بيني و بينو بزاااااف مايتقال نسمعهوم ليه وحدى وحدة ونجي فحااالي ( مبعة يديها مطلعا شنايفها لسماا )
اسبرو : اتوووحشتيه العفرييييييتة ..
لامار بقات ترمش شحال تحبس دموع فلللخر هبطات راسها وومات بآه
اسبرو بقا يرمش فيها و شد بلاكار و جا كلس حداها
اسبرو :غاديري عقلك اخيتي يااك ؟ مغاتكبتيهاااش ...
لامار هي ساكتة
اسبرو : واااشوف كي زيانيتي دابا ملي درتي عقلك .. هو راه كيبغيييك الاماار خاصك تحاافظي عليه مكاينش لي يبغيك قدو .. صااافي باركا عليييكم من هادشي ... و سيري عند راجلك و اعتدري ليه و كملو حياتكم
لامار : ااحم .... غااتفقص لاشاف شعري يااك ؟؟؟؟ ااااااح والله تااااانمرضووو ....
اسبرو : ينعلديلمي انا😐 حسابتني كنهصر مع وحدة بعقلها ....
لامار : موهييييم انا غانمشي ...وااااخا مايستااااهلش ... علاش بغاني ؟
اسبرو : ماعرفتش .. قالي سير جيبها
لامار : وعللاش لي مايجيش هو
اسبرو : بيناتكم ابييسسضاوة .. دابا واش تمشي ولا لا
دفعاتو و بدات تشووف لبلاكار بشر
لامار : و داباااا لي طلللبني خلينني نتفشش على كيفي هههه
بدات تدوز فكسااااوي تاطاحت فوحدة كحلة جين بحال صالوبيط من صمااطي ومن تحت كسيوة حد ركابي .. و بالقب .. و فالكرش جويب .. جايا سبور كلاص ..
جبداتها كاتشوف ليها و تشوف مع مرايا
اسبرو : تي هاادشي قصسييير
لامار : وسوووووقك .. خرااا ... ماوحلناش مع مول المرصى وحلنا مع مشاشهم ...
اسبرو: ( ضرب فمو ) هااااك افمي
لامار : خرج خليني نبددل ... اجي بعدا .. فين بغا يشوفني فدار ؟
اسبرو : لا ...فوحدة اااخرى ( مشا )
لامار : واااصبببر وااااقوووليا فين ؟؟؟؟ زززمر مشاا ..
ضارت لمرايا كتفففرنس وشادة على كرشها ....
لامار : غاااانمشيو نشوفو بابا لي توااااضع و طلبنااا نمشيو عندو .. شفتي على ذل اولدي .. مي ماتخافس على ماماك نعصبوه وندمووووووه على هادشي .... كاع داكشي لي فقصناااا اولدي نردوه ليه مضوبل ... احححم بعدت اجي نعصبوه غي بهاد الكسيوة ولي عارفا غاتعجبو عهه ونعصبوه بلا كوووب هههه نيت مغايقدش يضرببني ونتا هناااا اولدي هههه نستغل بعدا الفرصة ماحدي حاملة ...
بدات تحيد فحوايجها ...تخاف ماتحشم لبسات داك كسيوة غي من تحت سوتيان و شورط قصييييير ايلاستيك .. وهي حد ركابي و بدات تشوف فششعرها و خاايفة منو فنفس الوقت باغا تفقصووو تاهي كيف فقصها ببرودو ... بلاكاتو مزيان وخلاتو على راحتووو مطلوق ... فتحات بواط مكياج وهي تفكر مكيحملش العكر و بلعااااااني دارتووو غوووز لمااع .. دارت ماسكرااا و كحل طراسات بيه عينيها ...و رشات بارفانها وكتشوف فمرايا
لامار : والله تااااندمك على هاد تجريرة لي جرجرتني ونسيتني ... دابا تشوووف ... كل دمعة نزلتها نرجعها ليك ....
لبسات تقييشرات بويض و سبادرين كحلة فيها بابيون و هزات صويك طوييييل و القصيصة خارجة محطوطة على عينيها مخبعة حجبانها كيوووت كحيحلة .. وجات خارجة وهو يشدها راادار دلالة حوبي ..
رقية : تالاين
لامار : ماما واش وليتي دايرالي ديوانة .. هانتي قلبي ليا الصاك هازا البارود نبيعو فالحدود .... وراااا تزوجت اعباد اللله كاين لي حاكمني دابا غي سيري تنعسي ...
رقية : وشافك بهاد الكوااارع و لا ماااشفكش ...
لامار : غاادا عندوو .. نشوفو و نرجع ...
رقية : على وليدي رجع
رقية : على هو فين كان .. مهم خليني اماما غانتعطل
باستها فحنكها و مشات
رقية : وللاااتجريشاي لايزهق ليك البجغوووط باقي خضر ... ياودي ياودي على تواخر زمان .. كنا منعريو الكوارع غالبغينا نشتفو على زرااابي ...
خرجات لطوموبيل بانتليها رنج د اسد صايكها شيفور سيفطها لييها ... شافت عندها توحشااااتها .. و بقات تبتسم دغيا جمعات داك الابتسامة
لامار :جججمعي راسك ماتحليش ليه دغيااا تاتندميه ويعتدر ليك .. تفكري سارة و وفكري اسيل و تفكري هاد تجرجيرة مااااتحنيش ماتحنيش هااانتي مجاش عندك تاا بيدو ...
حل ليها شيفوور و ركبات لور كتسنا اسبرو يطلع هو يشد عليها لباب و ربع يدو على سرجم
لامار : مغاتمشيش
اسبرو : لا لا .. انا كنمشي غي فاش نكون باغي نحضي رزقو .. دابا رزقوو كامل ماشي عندو .. شوفي عندي تبتي و خصني و باركا من تفرفير
لامار : ماااااشي سوقك ...
تكات على لبوطون طلعات زاج فوجهو و زاد شيفوور .. و هي كترعد ماعرفاتش لاش ولات هاكدا .. قبيلة عاد كانت فرحانة .. مالها و لات ترعد بحال هاكدا .. ماعرفاش كدير تعامممل خايفا شوقها ليه يفضح كبريائها ...كتخيل فملامحو فراسهااا كتزيد توتر انها ماشيا تشوفو ..و يديها مابغاوش يثبتو كيترعدو ..
لامار : مالي انا دايرة هاد الحالة .. غانبقا هاكا كنطير فاش غانمشي غالقاه باااغي غي يسمعهم ليا على لفطور دقبيلة ويطلع معايا قالب تالمعي دقييق .. زهري ونا عارفاه ... اشمن طريق غادي منها هداا .. خرجنا على كازا ؟ تامنطقتو خلينا لور ..
حطات راسها على زاج ... بكثرة مامتشوقة تشوفو بكثرة ماباغا تفقصوو كيف فقصها ببرودو و اهمالو ... من بعد نصف ساعة د طريق لقات راسها داخلين فواحد لابيست ... و من الهوا البارد لي ضارب فيها ... واضح انها قريبة للبحر ... بدات كتشوف لي pاانو لي معلقين و كيضرب فيهم الفار د طوموبيل كتقرا بلي طريق شي منطقة صناعية بحرية .. وكاينة تا سميتو مكتوبة .. شوية وصلو لبانو دممونوع دخول سياراات .. ولاكن شيفور دااز ... بعد مافتحو ليه طريييق الحرس
لامار : فين غادين ؟ واش منطقة اخرى هادي ؟ ياكما باغي ينفيني هنا ومايسقلي حد للخباااار .. وها مولاي شريف والخلعة طلقي مني .. لا لا اسد مغايآدنيش واخا فاقص ليا مرارتي مي غانفهم كولشي علاش مكانش كيسول فيا وفاش يعنتدير عااااد ننعتدر .. عييييت من هادشي صافي بارا علينا ... مي حتاااااا يعتدر بعدااا .... . و دابا فقصييييه شووويفي لفووق و تعععفررري
هاااكداك
بقات كتشوف تاوصلووو لواحد طريييق عاد كتشوف البحر ورا شي شجرر كيتسمع موااجووو ومع ليل عااااد عرفات راسها كانو مااشين طريق ساحيلي عاد دخلو لهنا .. بعد طريق ماطويلاش بزاف وصلو قداك باب كبيرة دحديد كحلة مشبكة عالية عاااامرة كاميرات و الحرس بسلاحهم .. فتحووها ودخلو لواحد منطقة عاد بانليها ضووو كوولشي مضوووي و اليوخووت وموطورات دالبحر مستفين على شط ...وصف د طوموبيلاتو د الرمال رباعين الدفع ... حتا بانليها باااررركا قدام واحد دارر .. لي هي عبااارة على لوووحة ماشي داار .. .. بقات كتشوف معاها الضلاام وضو ضارب فزاااجها كاتبااان واااو بقات غي كترمش ...
- مدام الاسماعيلي هاحنا وصلناا يمكليك تنزلي ... . سي اسد كيتسناك للداخل
لامار : كيفاش لداخل ؟ وعلاش لي مايخرجش !!!!
- نقوليه بغيتيه لبرا ؟
لامار : صاافي صافي . بلاش .. انا غاندخل .. غي الله يحضر السلامة اش باغي هاذا ...
نزلات من طوموبيل كتهبط فالكسوة طلعات كاملة ... و بدات ماشيا تالداك لباب قصيرة و فتحاتها وهي تتووووسع عينيها ... الاطلالة كانت حمرااا فوق الجسسر وورود مبعععثرة و شموع عشوائية محطوطة كبيييرة .. بقات غي كترمش
لامار : اش هادشي كنشوف ؟؟؟؟؟ اا ا سد موجد هادشي ؟؟ ك كيفاش ؟؟؟ ... دابا دابا هاد كان سامح فيا هاد المدة كاملة .. و دابا ؟؟ مم ماافهمتش
بدات زايدة و كتشوف منبهههرة مع المكاااان روعتو و الاطلالة الحمراء الرومانسية زاااااادتو روعة .. طلعات فوف الجسر بشوية كتشووف لمااا لتحت مرشوش عليه الورد و الشموع المائية ... بلاصة هاااادئة و كاتفتح النفس كتشوف مع شي شجرات معليقين فيهم اباجورااات شااعلين و لباب لكبيرة قداامهم محلولة ....يلاه غادير خطوة تنزل من الجسر و هي ترااجع جاااتها بحال السخفة بقات شادة فالحديدة كتنفس ....
لامار : مييييييمكنش ( عينيها تعمرو بدموع ) ههو ... هو .. هو كاع منساني .. ي يعني .. يعني كاع ماملني كيف كنت كنضن ... ه هو ب بااااقي مفكرني .. و وكيبغيني ... هادشي ليا موجدو .. لياااا ... ( سرطات ريقها ) وأنا ؟؟؟ ففففف اش دررررررت اش درررررررت ... موصيبة كحلة .. ( شوية بدات تقيس فشعرها ) ويلي ويلي لاصاافي قووودتها بالبياااان ... نااااري لاااااا دابا غي مااايشوفوش ( دارت القب فوق راسها بقات غي القصيصة كتبان طايحة وهو جمعاتو تحت القب د كسوة ) حححسن منوريهش ليه داااباااا .. الله يجعلني نشوف اش باغا ونهرب لدارنا تايطوال ... ماعندي وجه نشوف فيه .. نمووووت و ماييييتححيييدش هاد القب هاد نهار ... ت تاانتصالحووو .. نااااري لاشافني قطعتو و الله فيا لاحن غايقول انا اش كنوجد ليها هي باغا تفقصني و الله تايدددددبحني ... ( لامار حسات بالخطر تاقربات ليه ) .. ففففف اشكتقولي الامار راه تاهو غلط ... مممي لا مغانقدش نوريه شعري دابا لا من بعد .. بلامنأزمها ..
نزلات دريجة و بدات ماشية بخطوات بطيييئة للباب و قلبها كييييررررعد و فتحاااتتتها بشوووية كان ظلاااااااام .. غي ضو خفيف من الفايووزات و الشموع فالارض .. كتشوف فديكووور لي كان واااااااو ... و شمعات طوااااال فقنااات مشعوولين ...
لامار : اا ... اسد ؟ ... ااا اسد ؟؟!!!
بدات كضور وهي يبانليها ضو من لفوق شاعل وطلعات فداك دروج لي ملوين بحال الحلزون ... كترررعد سنانها كيقفقفووو ماعرفات اش وقع ليها دابا علاش داير فيها هاد الرعب كامل ....و حبسات قدام لباب د لجناح ليكان مردود .. يديها كتهزهوم باش تحلو ويطيحو ليها فللخر غمضاااات على عيينها ودفعااتو ...
لامار : اااسد!؟
بقات كتشوووف مع لبيييت كان كبييييييررر و سرير فالوسط يهز عشرة عليه ازار لماع كحل ومدردر عليه ورد احمر ووردة حمرااااء كبيرة فالوسط و بدات تشوف الحيط زجاجي كلو كيطل على برا و المواج و منارات صغار وسط الما كيضورو ويضربو فزاج ... فالقنت بعيد بييسن داائري و فالقنت لاخور صاالون صغيير ... مكتبة .... و شيميني حداه فوطويات بجلد نمر .. وحماام غير بزاج اسود ...وقلبات عينيها لارض حدا رجليها بانليه سطر بالوريدات حومر وتحنات هزاتها و بقات تابعهاهم متوترة تادخلات فواحد كولوار وبانليها باااب زوييييييين مصبوغ بالبيض و فتحاااتوو تابعة سطر د الورد .. غي فتحاتو وهي تصصصدم ... كان كوولووو ابيض من غير تويشيات صغار ملونين ... كتسوطو شرسر اطفاال فالابيض و عليه حجاااب حريري ... و لارضية كلها نااعمة بالريش ابيض كيغبرو فيه رجلين ... وووسيدات وحدة على وحدة فالارض و محطوط عليها دب بيض ناعم .. ولاكن ماكملاتش ضورة دعينيها مع الغرفة كاملة فاش شافتو عاطي بضهر وكيحط اخخخر وردة من داك سطر فوق واحد كوافووووز صغيير .. بقات غي كاترمش وقلبها كيدق دقاتو كتسمع .. كان بجين و شوميز بيضة لاسقة عليه مطلع ليها الكمام كتاااااف عراض مفتووولين .... و شعرو راجع لور ... ريحتو ضرباتها لنيفهااا ... وهي هازة داك الوردة فيديها و كتهبط القب على راسها .. و كتترمش دموع باغيييين يهبطو .. تابدا يضووور عنهااا شوية بشوية مببببتسم ولحيتو مقاااادة .. واخا حااحبو مهزوز ابتسامتو واضحة واخا كتبان مقلقة .... شوميز كان فاتحهها من صدر كيبااان مبروونزي ... و كيشوووف فيهاااا ويطلع معاها ومع داااك الكسوة .... وجمع ضحكتو .... هي بقات غي كتقفقف بحالا ماشي هدا هو راجلها حضورو وهبتو منعند الله كتتتتفشل الواااحد واخا مو .... هي غي كتشوووف فيييه وتاهو عينيه فعينيها ... وكتتعض فشفايفها باش ماينزلوووش دموووع . ... وهو عاارف داك النظررررة فاش تبقا تلعب بعينيها و تعض ففمها عارفها غاتبكي ... و بدا يقرب
بقات كتشوف فيه كيقرب وهي كتبعد متوترة ...وهو مطلع حاجبو مستغرب من هروبها وووقف ... عاد طلعات فيه عينيها ...
اسد : ( بهدوء صوت رجولي هامس ) حبيبة ديالي مناش هااربة
لامار : احم .. اا .. نن .. نتا علاش بيغيتيني
اسد : ( جابتلو ضحكة ) هه! .... عاودي سؤال مفهمتوش
دارت غي راسها فالارض الحروف ملخبطين ليها و كل الاحاسيس مجموعين على راسها .. ماعرفاش كيفاش تصرف محتاجة لزمان دابا يوقف فهاد اللحظة و تمشي عند شي حد و تسولو واش انا لي غاالطة ؟ وترجع تصرف ... حب الابرياء و كبرياء حواء مجموعين عليها فهاد اللحظة ... واااش تشوف عند عينيه و تنسا كلشي و ترما فحظنو وتبرد نار حبها البريء ... و لا ترجع جوج خطوات لور و تبدا تجبد القديم و جديد و تحاسب طلب تفسير بكبرئها حواء ..
سااهية تاتطرقات فرقة من صبعانو حداها وشافت عندو مفزوعة و ضحك ليها نصف ضحكة ....
اسد : خليك معانا ....( عوج معاها راسو يطل عليها حيت رجعات هبطاتو وهو مرااااقبهااا وبدات طلعو شوية بشوية وكتسرط فريقها و تأكد بيديها واش القب على راسها و تزيد تهبطووو على راسها باش مايطيحش وتصطنع فالقوة) احم .. م مافهمتش ... ننتااا اش كيضور ليك فرااسك ها ؟
اسد ربع يدو و بدا يشوف عنهااا هو لي مافهمش فهاد اللحظة مالها
لامار : ا انا مفهمتش ... نتااا هملتني هاد المدة كاملة و دابا هادشي ( كتشوف مع البيت ) مافهمت والو ...
اسد : مدة ؟ كااااملة!؟ ... هادي غي تليتياام اروحي .. طوالت كااع قد هاكا ؟ ( ضحيكة خفيفة مستفزة فنفس الوقت )
لامار بدات غي كترمش و تحسب الايام د فراقهم و تأكد ولقات بصح .. مضنتاش بلي تلتيام دارت فيها هادشي كاااااامل بحالا كانت عاااااام وزيادة .... و رجعات شافت فيه ...عينيها كيلمعو بدموع ..
لامار : (كتستقوى من جديد ) عاادي ... عادي تجيك قليلة .. تادابا ماحيد لك حد .. زيد طوول و جبد فيها خليها عام لابغيتي و لا عامين عااااادي خليها عااامين ..
اسد : (كيقرب بشوية وكيهضر بثقااااااالة ) تلت سنين .... و حتا ربعة ... ممم نخليوها عشر سنين ولاعرفتي شنو ... العمر كلو ( شافت فيه مصدومة و شد يديها ) مع بعصنا اروووحي ...
لامار : ( سرطات ريقها كيعرف يلعب ليها على الاعصاب وكتشوف ليديها لي شادها و كيقرب لعنها )
اسد : ملي اول مرة شديت فيديك ومدرتيش هاد الحالة ديال ليوم .. مالكي كترعدي ... ( عوج راسو معاها كطيل عليها ) هم !
لامار : ا اسد .. ب بلا متبقى دابا تستفز فيا .. دوي بوضوح بزاف مايتقال و اصلا جيت باش نهضرو و نمشي ...
اسد : ( بهمس ) وفين غاتمشي ممم ( كيزيد يقرب )
لاملر : ل لدارنااا
اسد : ( لسقها معاه و عينيه على شفايفهااا و هي يبسااااااات كيف شي مومياء ) مابقيناش غانمشيو ليها احبيبتي ... دابا هادي هي دارنا
لامار : ر رر رراه كنقصد دد .. د دماما
اسد : ممم .. ( طلع ليها وجهها بصبعانو شافت لعندو ) وتسخاااي بياااا
بقات غي مترمش
اسد : ههه نزليهم يلاه نزليهم حسن مايبقاو مجموعين ليك تما .. مكتشوفيش تابيهم مزيان .. غير نزليهم راني موالف نشوف دموعك .. وراهم مكينقصو والو من كرامتك هادي لي كتحاولي تقمصيها دابا ....
لامار : اااسد .. عععععلاس كدير ليا هاكا
اس. : اش درت ؟ حيت بغيتك تشوفي فيا مزياان ؟ وتشوفي فعينيا شحاال موحشييييينك .. هم ؟ اش درت
رمشاااات وهبطو معاهااا بحالا كانو كيتسناو غي سبة و جبدها لعندو عنقها خشاها فيه وهي تلقااا راحتهااا و بدات تنخصص فصدرووو بحالا ماعرف اش دااير ليهااا تاحساتو غايشد على راسها و هي تبعد راسهاا و بعدات منوو ....سعا معامن رجع جبدها عندو بالمقلوب تاتزدح ظهرها مع صدرو .. دارها قدامو وهو معنقها من لور خاشي راسو فعنقها شعرو شاب ليها الهرة فرقبتها ...وهي غابرة بين درعانو محاوطينها تحت من صدرها ...
اسد : كيف جاتك لاشومبغ ؟؟....
لامار بقات غي كتشوووف معاها مجهزة من كل حااااجة بسسسيطة و هاااادئة و كتفتح نفس جدران بووويض سرير بيض.. ريش فالارض بيض.. اكسيسورات بويض و طلة كلها بهجة ... كان ملكها البياض الانو مزال معارفش الجنس دجنين ..
بقات غي كتشوف معاها و تحرك راسها بآه زعما عجباتني وهو حط يديه بجوج على كرشها بصوت حنين ....
اسد : وووولدي ...باباااا تووووحشك بزااااف .. مزال مابغيتي تكبر و تبدا ضرب ليا فالماما ؟ تبرد غي جنون باباك لي مايقدرش يقيسها دابا ... عجبك بيتك اوولدي ؟ ( لامار ساكتة كتسمع ليه تاحسات بعضة فعنقهااا حيت كان كيهضر فعنقهها وهضر بدلع ) محرشا عليا ولدي شتو يجاوبيني ...
لامار غي ساكتة و حساتو طلق منها و جرها من يديها وهي تابعاه ...
اسد : وهادا بييتنااا ... ( بشر ) فين غانديرو وليداااات اخرييين .. و بنيييتات ... و فين غايكبر حبي ليك كتر و كتر ( شدها عندو من كتافها )
اسد : ماباغاش تهضري ؟ ... ولاااا لااا ( متدمر بلمسة دلوعة ) لااااااا دموووع تاني لااا ... غير شفتيني كنسمع بعينيااا و ليتي تهضرري تانتي غي بعييينيك ...
الامار : أسد .. اا أسد انا راه مزال مافاهما والو
اسد : اذنو لي مافاهماش ..
لامار : فين حنا
اسد :فدرانا .. ياك مابغيتيش ديك دار مزال .. جينا لهنا .... معجباتكش نبدلوها ؟
لامار : لا باللعكس ( كتشوف مع الارجاء ) زوينة بزاااف ( رجعات شافت عندو ) ولاكن ... علاااش هاادشي كااااامل
اسد : شنو لي علاش ! ...
لامار : ( بججججدية مزيرة على لحروف وكتسنا جوابو بفارغ الصبر ) علاش هاد الورد و علاش هاد الشمع .. و وعلاش شااد فيدي هاكدا ... قووولي عللاااااااش
اسد : لامار !!!!!
لامار : قوووووولها ا اااسد قووولهاا بغيت نعرفهاااا يلااااه قوووولها عفااااك ( بالبكا و دموع ) وغاااا قووولها ... ن نتا نتا . علاش بدلتي الدار ... نتا علاش ديتني تالامريكاا وتخلعتي عليا .. علاش بقيتي معااايا شهررر عند راسي ... نتا عللاااش ماانسيتينيش ... علاش ماطلععتش فراسك ومامليتنيش .. .. نتا علاش رغم داكشي كاااامل لي قلتووو ليك مزااالك معايا ... عللاااش ( بعد صمت هو كيشوف فيها و ضرباتو لصدرو ) قوووولهااااا ا اسد .. قولها يلاه ( كضربو و جبهها عندنا عنقهااا كاتتتترعد )
اسد : كنبيييغيييك ( لاماررررر عاااد استرخات فحظنووو و زادت زيرات عليه معنقاه ...هااااادشي لي كاانت باغا تسمع ) .. رااه كنبغيييك المسطية .....واش هادي نتي محتاجة طرحي عليها هاد الاسئلة كاملة باش انا نقووولهالك ؟؟؟؟؟ يكفي تشوفي غير فعيني تفهميهااااا
بقا مزير عليها تابدات كتسلت منو وشاف عنهااا
اسد : شكيتي فيها ؟؟؟
لامار حركات راسسها بآه
اسد : هبيلة .. تلتياااام خليتط شوية تراجعي راسك ... ضنتيني نسيتك .. مممم ؟ ونت لي شهررر على طولو و نتي تبعدي فيااا و ماتخلي ماتقولي ليا و مدرتهاش ...( تنهد ) بغيت نفهم ... واش متايقايش فيا .. ولا كاع ماتايقا فراسك
لامار : مممعرفتش ...
اسد : خاصك تعرفي .. نننتي خاصك تعرفي ...حيت راك كتعاقبيني بواحد الغلطة لي ممكن تكوني نتي مولاتها ماشي انا ... خاااصك تعرفي الامار .. فيمن مواضعاش الثقة ... باش لاكنت مواضعاش فراسك انا اش دنبي نتعاقب ...
لامار تنهدااات : حاسة براااسي عييييت ... و الله
اسد : عااادي ... حيت كنتي بعيدة عليا ... ( بعد مدة كيشوف فيها ) خليتك هاد ثلث ايام .. باش مرة اخرى نهار تبغي تقولي مابغييتش نشوفك تحسبي حسابها .. حيت مساهلاش بحال كيفمااا كتقاال .... تعشيها راه صعيبة .... ياك!؟
لامار حركات راسها بآه بحسرة ودموعها على خدها .....
لامار : و لاكن ماتلوحش اللومة عليا كاملة .... الغلطة ديالك من لول ... نقدر نكون مددتها وجبدت فيها .. ولاكن نتا لي خلقتيها ماتنسااش ...
اسد : عاااارف ....
لامار : ملي عااااارف اعتدر ؟؟؟ ولا الاعتدار كينقص منك ؟؟؟؟ اعترف الى راك غلطتي تانتا واحد نهار ملي ماسمعتيش كلامي .. ماشي ديما انا لي هبيلة ... اعترف ... علاش ماباغيش تعترف ؟ رااه هادشي اي قاتلني و خلاني نمدد و نكبر فهادشي ... ( انفعلات ) نسيتي شحااال حدررررتك منهاااا ممم .. نسييتي ؟؟؟ قتليك غاتآدينا .. ماااهتمتيش ... تااااشفتي اش وقع ... ومع دالك ماعتدرتيش ... و نهار كنت كنتسناك تعتدر جبدتلي موضووووع اخور .. واش هاديك هضرة تقال ا اسد.؟؟؟ كووون نعست معاها كانت غاتكون حية ؟ هادي هضرة تقولها لمراتك لي نفسيتها زيييروو و حاملة و لبيبي فخطر ... قلتييها و كملتيها بمتعصبيش ... قلللبي مبااااررردش ا اسد ... ماباااردش باش هاد الهضرة متأتثرش فيا اناا ماشي غرررربية و لا جايا من الارجنتين ....
انا عرربية انا مغياااااارة على حااجتي نفسي حارة و سخوووونة منقبلش بداك الكلاااام .. تقدر نتا تكون مفتووح انا لا ... و ماانقدش نتخيل تااا اسمك يخرج من فم واحدة اخرى من غيري ... نتقبل ليك داك الهضرة ... ومع دالك تاا عليها ماعتدرتيش .. فاش قتليك خرج عليا سارة .. كاع مدرتيييها ... وفاش قتليك مانشوووفكش درتيها .. واش كاتسمع من كلامي غي لي يرضيك ؟ واش كتعرف شنو هو التنازل ؟ بحث عليه ... راحنا محتاجييينووو بزاف باش نكملو ( اسد مور هاد الكلمة خنززر و قرب عنها زير على يديها ) غااانكملو بييييه و لا بيه ... حيدي ريحة الفراق من كلامك فاش تكوني كتهضري معايا ... لابغيتني نبقا مهدن و نراقب كلامك ...
لامار غي سكتات و بدات ترمش قلبهااااا كيضررب وهو بدا يرخي يدها وهز ليها راسها
اسد : معمرك تهبطيه .. لامار الاسماعيلي مكتهبطش الراس..
شافت عندووو وهو شاف لشفايفها و بدا يقرررررب تاغمضات عينيها مستسلمة لرغبتها ..و تلاقاو شفاايفهم
بعد العططططش القاتل .. وحاان افطاارهم على رييييق سخووون كيروي القلب الصايم ... وماحدو كيزيد داك الريق فدرطة الدفئ ماحد الشهوة كتزيد تقوى وتجمح و الشفايف كيتفتاارسووو على مهل .. كالاها مع الحييط و حط يديها مورااها ...ويديه شاد بيهم وجهها عندوو كايبوس فيهاا و يدوز لسانو كيداعب لسانههااا.. قبلات متتالية حتا كيقولو يشبعو و كيزيدووو.. الحرارة تاترتفع وهو موالف يخشي صبعانو فشعرها بدا يطلع يدو ييحيد القب وهي تستفففق و دفعاتووو كتنننهههج خيفااانة
لامار : ا .. ا اسد ... ك مم مكنحسش براسي مزيااان
اسد : ؟؟ ضااراك شي حاجة !! مالكي ؟
لامار : ل لا لا تاحاجا .. غ غي معرفتش بحالا دخت وصافي ( بعدات منو ) واش نقدر نرجع .. ت تالمنعد و نجي لهنا .. ز عما نرتاح عند ماما
اسد : ههههه (جابت ليه ضحكة معصبة ) واش منيتك ؟؟؟ قاااطعتيني فالنص و كتقوليليا نمشي عند ماما ... وخا نكون مصاااحب معاك مديريش هاد البلان
لاملر : اسد فهمني راااني عياااانة ...
اسد : وراحتك معايا .. ( كيقرب لعنها ) و انا دواك ...
لامار : لا... ااه .. و ولاكن غي خليني نمشي ....
اسد : واش مريييضة نتي و لا مالك .. عاد قبيلة كتقوليلي خليتك و دابا باغا تممشي .. بغيتي ماماك نجيبوهالك لهنا ... ( كلسات على سرير كتشوف هنا و هنا وهو حنا عندها شاد على ركبتو ) ولا شي حاجة اخرى كضور ليك فداك ااراس انا باقي معاارفهاش ممم !؟؟؟؟ ....
لامار ات تفكر فطوورهاا د صبح مع فهد و تقطاع شعرها وهي تشوف عندو حيت شافت باقي ماحسبها على والو ...
لامار : يياااك واخا كنت عند ماما .. كولشي كانو كايوصلوه ليك رجالك اولا لا ؟؟.؟
اسد : وعلاش غانراقبك ؟؟؟ لا باللعكس كنتي بكامل حريتك .. غانراقبك لا مكنتش كنتيق فيك ....
لاملر : وو وداك الرجااال ها ؟؟
اسد : هادوك درتهوم لحمايتك .. حيت كون كنت بغيت نراقبك مغانتيقش تااا فرجالي .. غانزوق ليك دار و طوموبيل و حوايجك بالكاميرات .. غانراقب تيليفونك .. ( لامار غي كاترمش) ونقد نتبعك انا كاع فين كتمشي و فين كتجي و تحركات كاااملة .. بامكااااني الدوش غانعرف اش كديري فيه بتفصيل .. مي هادشي ماشي ديالي .. انا مافاقدش ثيقة فعلاقتنا لهاد درجة .. حيت انا تايق فيك الامار و عارفاك مغاديريش شي حاجة لي تغضبني و نحتااج نراقبك عليها ... بيناتنا شي حاجة سميتها الثقة ... وكنتمنى ماضيعيهاش ... حيت لامشيت تارقباتك غاتمرار عييييشتتتتك اروحي ....( غميزة)
لاملر بدات غي كتتتتتسرط رييييقهاااا ...
اسد : اه بصح كيقولو ليا فين مشيتي و فين خرجتي حيت هادي خدمتهم منهار تزوجنا .. هادشي لي مقلقك ؟؟؟
لامار : لل لا لا .. ااانا غي قلت ... ز زعما غايكونو كيراقبوني و كيوصلوليك خباري
اسد : خبارك لي دانت كتهمني هاد تلتليام غي خبارك الصحية .. وكانت كتوصلني بالتدقيق .. اموروك الاخرى عطيتك كامل الحق فيها ... حيت كنتييييق فيك (باس على رااسها عاد رتاااااااحت لي معرفش بالفطور لي مع فهد و لاكن باااقي شعرهااا خالق ليها مشكل) ...
بدا يشوف فيهاااا وهي عارفة ديك نظرة شنو موراها و هي تقفز
لامار : ف ف فين الحمام ... ب بغيت ندخل نغسل وجججهي د دخت ...
جاتو ضحكة عارفها باغا غي تهرب ...
ووماا ليها بعينو و شافت فيه ابتسمات بخوف و ناضت ..
اسد : شحااال قدك هههه ...
دخلات لحمام غي كيشعل ضو كيبانو ليها الجدران كاملين مرايا ... حيت دار زجاجية كاملة ... اسد كلس فتالي د سرير كيتفرج فيها اش باغا دير ... حيت كيبان على برا كولشي منغير فين كيدوشو ...وهي حسابتها مكيبان والو ... شافها كاتكتشف الحمام و تبتسم واضح عجبها و حلات الما كتغسل فوججهااا .. و قدامو بلازمااا وهز تيليكونوند بغا يخدمها هو يلوح عينيه عليها بانتليه جبدات تيليفون و كتشووف فيه مخلوعة .....
عند لامار ..
دخلات للحمام شعلات ضو وهي بدات تشووف رايدسها فكاع الجدرااان المارايا و تبتسم كان كلو زجاجي و فوطاتو واكسيوارات كاملين فالكري الغالق ... كضور معاها عينيها عجبهااا و شافت فراااسها فمرايا و تنهدات مبتسمة و اخيراااا تجمعات معاه من جديد بعد مكانت كضن صاافي فقداتو .. حلات لافابو كتغسل وجهها و هي تسمع تيليفون كيصوني و بدات ترعد كولها
لامار : نااااري مغايكوووون غي ديك زمممممر ... ناااااري على مووووصيبة ...
جبدات تيليفون يديها كيترعدو و طفات عليه و بدات تقلب على نمرتو تبلوكيها تاكتسمع لباب تحلااات وهي تخخخطف ولات صفرررررررة ...
اسد : ( قرب عنها وهي تخبع تيليفون ) مالكي .. معجبتينيش
لامار : ولا و واالو غي قتليك عيانة .. و ووماما كتعيييط عليا . و وصافي
اسد : ممم ( مفهمتش مالها و مابغاش يحكر ) غسلتي ؟ يلاه ااجي بغيت نوريك شي حاجة
لامار : وااخا ...
زاد بيها لبررا وهي توقفو و ضار شاف عنها متسائل ...
لاملر : اااسد
اسد :ممم ( جامع شفايفو بغنج )
لامار : ( بعد مددددة كاتشوووف فيه و طارت تاني عنقااتووو مزيرة عليه خلعاتووو و تاهو زير عليها من خصرهاا مدة مخشية فيه كتحمد الله عليييييه و رجعات شافتو عندو ) غيييررر تووووحشتتك
اسد : مممممم وقدااااش ( بدلع)
لامار : ماااعرفتش ههه ... ( بجدية ) اااسد نتا عارفني كنبغيك ياك ( كيضور راسو باه بابتسامة )
اسد : ههههه ماااعجبيتنيش نتي ليوم ... عااارف عند شي حاجة .. غااانعرفها مي ماشي وقتهاا ....
لامار : اا ! ا اه ماشي وووقتها ... ق قوليااا اش كنت باغي توريني ... ممم
جبدها عندو لسقها فيه وهي كتشووف فيه مبتسمة
اسد : اسد باغي بووووسة ...
لامار : لامااار قاتلوووو لا هههه
اسد : لامار خخايبة ...
لامار : هه قاتليك وااش كتبغيها
اسد : اسد قالها لا
لامار : ياااااااك
اسد : اسد كيتسطا عليهاااا
شدها من حنااكها جارهم لعندو و باسهاااا كيعض فشفايفها ماشي بيهااا كيفترس تاطيحها على سرير وهي عقلها غي مع القب مايطيحش شاداه .. وهو كيبوووس فيها وغي يطلع يدو كيتحيدهاليه.. و مادا ماجاب حيت يتوووووقع كولشي الا تقططططع شعرها متجبهش لبالو... و خشا يدو فجيبها بحركة بالفن جبد تيليفون خشاه عندو لان ملامحها قبيلة وهي كاتشووف فيه معجبوهش ... و كمل بسالتو على خاطرووو و رجع تكا كيشووف عند فخادها لي عريانين قداموو تاطلع معاهااا قرصة تاغوتاااااات ...وهبط عنها هاد على لسانو
اسد : اااااش هاد لبس خارجة بيه مممممم ؟؟؟؟ تففففقصيني زعما .. عقلكم نتوما العيلات ثثد هاكا ( جمع صبعانو ) لابغيتو تفقصوو تععريو ... راك كضري سمعتك و شرفك قبل مني ... الخااايبة الهبيييييلة لي ماغادير عقلها حتا نخرجو انااا
لامار : اااح طططللق اااسد ااااااح
اسد :اااسد اااح دابا ... غابلاتي على مك... ( تكا عليها مكالي بيدو ) حبي رتاحي ... انا جاي ...
لامار : فين ماشي ؟؟؟؟
اسد : غانجيب غير واحد الحاجة نسيتها لتحت .. ( بوسة فعنقهاا ) ليلناا طويل اروحي ... اااه فداك بلاكار شي حاجات عاجبيني مكرهتش نطلع لقاك لابساهم ... ( غمزة ) حبيبك واصلا بيه للعضم .. شههر و زيادة وهو كابت
لامار : نوووض عليا بديتي
اسد : مزاااال .. انا نجي ونوريك البدياان اروحي ...
عضة فشفتها
اسظ : نمووووووووت فيك ... ( بوسة اخرى فشفايفها ) ففففف صافي ماما شيش
لامار : هههه نووووض .. سييير شوقيتني
اسد : اصبري نزززيد وحدة ( باسها تاني ) اااح ... ( زاد تانية ) مال ديدينمك حلوة هاكا
لاملر : روماااانسية عندك مشرممملة
اسد : ورااه حلاوتك كتززمل الواحد اش ندير
لامار : نوووووض عليا واااع خنقتنيني
اسد : دابا كنخخخخخنق انا نوريك ( طلق يدوو وخشاا راسو فعنقها كيعض وهي شادة في فقببهااا )
لامار : اااااااسد ااااي فففف اااح عععنقي .. اااااي نووض
وناض عليها كيسكد فسروالو و يمشط فشعرو بصبعانو لور خربقاتو ليه شنايفو حووومر
اسد : انا راااااجع لدييلمك ...
مشا ووهي بقات متبعاه كضحك فرحانة اخيراااااا رجعات ليها الحيااة تابانليها فتح لباب لي بعيدة عليهم شوية حيت بيت كبير و نزل ... وهي بقات تشوف معاه و ناااضت لبلاكااار ... فتحاتو .. وهي تلقاه عاااااامر بلي شووومييز دونوي انواع اشكال خيوط و اثقاااب نهه ... بدات دوز فيهم غير طووووووب وكولشي بتكياااتووو ..
لامار : ناااااااري على موووصيبة لا لا لا لا مغانقدش نحيد هاد الكسوة ناري و شعري .. لا لا خلي هاد ليلة دوز على خير لامقداااااش لا ... نااااااري مقداش نتخاصم معاه تااني و نا مااتقلت تارطااااب ولا تعصب جاماردو لطريق ... لا لاااااا منقدش ... ممممممنقدش ....(شدات داك بلاكار ) ضاروري مالقا شي سبة نتهرب بيها ليوووم ضرووووري ...
اسد هبط لتحت كان نسا لابواط د العقد على ليفوطوي ... يلاه غايهزو يطلع هو يحس بالفيبرور فجيبو لور هو فلأصل صووونغي و لاكن مكيسمعاش غي الفيبرور .. وهزو هو يشوف *فهدوشي* ...علا حاجبو مع داك الاسم كيشوف فيه و يستوعب تاكان قطع .. وهو يرجع خطوة لووور و كلس على تكاية د ليفوطوي ... و دخل ليه كيشوف لي زابيل باااانليه جورنال عاااامر بلي زابيل ديالو و كان تا ابيل خارجة من عندها ... و كيقولي شنو هاد فهدوشي ... بانليه دخل ميساااج وو مشا قراه ....
- لاماااار جاوبي عفااك راه بديت كنتشوش واش نتي بيخير ...
عينيه بغاو يتسدووو مافهمش او بالاحرى فهم و ماباغيش يفهم ... كدير الالاف الاعدار قداااامو و مايكونش داكشي لي فعقلو بصح ... قال يمكن شي صاحبتها مدخلاها هاكا .. .. وجاوب بشكون معايا ... فمسج هو يوصلو ميساج فيسااع ...
- لامار ياكما مسحتي رقمي ؟؟؟ انا فهد ...
اسد بقا غي كيرممممش ماحس تالابوااااط طااحت من يدوو .. وررجع شد تيليفون بيدو بجوج باش مايفلت ليه .. ودخل لميساجااااات .. ولامار هابطة فدروج وهي تشوفو كيشوف فتيليفون مصدووووم وهي تححححل فمهاااا وشدات عليه كانت غاطيح و شدات فحديييييدة قلبهاااا غادي يسككككدت ماعررفات تهرررب و لا اش دييييير ... و اسد كيقرااااا الميساجات و كيركز على داك ... جاات معاك لاكووووب .. يديه بردوووو ... ووقف كيستفسسر ماتايقش وهي تابانليه واقفة مصدومة فتالي د الدرج .. وشاف عنها وهي دموعها شلال هابطين كيزيدو يأكدو شكوكو ..
اسد : ككوب!!!.......
زااااد عنها كيتمنى مايكونش هادشي لي كيفكر فيييييه بصح وهي شادة على عينيهاااا مزيرة كتتتتبكي ... ومد يدو على راسها وحيد الققققب وهو يتطلق شعرها لي كانت خاشياه فيه ..حد كتافهااا ... بقا غي كيييرمش بلااااااا ردة فعل و تيليفون طاح من يدو ... وهو ملامحو بااااااااااااااردين كيشوف .....
اسد بقاا كيشوف مع شعرهاا المقطع لي طايح فوق كتافها بعد مكان ففخصرها كيوصل .. ويعاود داك الميساجات فراسو و يركز على الخرجة ويستوعب واش هادشي قدرات ديرو فيه .. هاديك لي عطاها الثقة بالعمى ديالها درت هادشي ؟ ماصانتوش فغيابو ؟ .... وهي حمممممرة راسها فالارض و كتببببكي و تشهق ... ماقادا تنطق تاكلمة و معندهاش الوجه لي تهزو فيه ... اسد فهاد اللحظة مغانصورش ليكم و مغانوصفش غضبو حيت وصل لواحد الغضب لي مكياااابنش و مكتوصففففش كاع ... رااااحتو سالبها منو ..لا فنعاسو لا فماكلتووو و كيفكر غي كيدير يريحهاا .. و ينننضجهاا .. ويربيها و يوفر ليها كاع اش غايسعدها .. مكتهموش راحتووو قدام راحتها ... داكشي كامل لي سمعات ليه فامريكاااا و قميعها و تجرجير ...واخا هاكاك بقى كيفكر غي كيدير يفرحها ويخرجها من اكتآب حملها المتعب... عمرهاااا كاااانت ل اسد خدا الورد و لا شعل الشمووع و لا صايب عقد لشي وحدة و لا اطلع على ثغرة من ثغرات الرومانسية ... عمررررررها كانت و لا عمرو ظن غاتكون .. عطاااااااهااا كللشي ... كلشي داكشي لي كيميز الانثى .. عطاها الاحتراااام الكبير .... لا فالكلام لا فالافعال لا فالعلاقة الجنسية لا فالنقاشات لا قدام الناس .. عطاها قييمة .... قيمة لالماااس و الجووهر ... رغم كااااع اش كانت جايا هي دير فيه فلووول ماهتمش و علاها فعرررشو و حط على راسها تاج .... عطاها ححححححب كبير .. داك الحب لي كااين فالداخل د أي واحد فينا مفرق عل الوالدين و ااصدقاء العالة و النفس .. هوو جمعوووو كامل فدقة ليهااا .. حيت هي كاااانت كوووولشي عندو .. عطااهااا الاهتماااااام بأقصى تفاصيلووو لي ممكن تمناه اي وحدة ... و باختصار عطاها حيااة لي مكانتش كتسترجي حتى تحلللم بيها شي نهار عيشهااا فيها اميرة بلا حساااااب ...
عرفتو احساس واحد منا نهار عائلتو كاملة كتخلا عليييه و تعطيه بالظهررر.. صحااابوووو و حبابو و كولشي كيخونوه .. هو احساس اسد دابا ملي خانت ثقتو وهو جامع فيها كولشي ... فقد كوووولشي .. فقد تامعنى الثقة فشي حد ...حاااس براسو فهاد اللحظة رداتو ولد صغييرر و استهبلاتوو و استغلات طيبتووو معاها ... ولعبااات و را ظهرو كيف بغات .. رغم انو كان بإمكانو يشدد عليها المراقبة و ميخلها تعتب لتاشي بلاصة و لاكن هو خلا ليها خريتها و قال هاديك كتبغيني غاتصوني تاافغيابي ... مظنهاااااش هاكدا .. هذا هو احساسو فهاد اللحظة .. لي ماااطرجم لا بعنف لا بتهرااااس لا بضضررررب لا بحتى حاجا من داكشي لي كيدير لواحد فاش كيتعصب ....ترجم بحاجة وحدة ..
بدااا يضحك ...
لامار حبسات شهيقها فاش حساتو كيبعد منها ... و شافت لعندو لقاتو كيحك فلحيتووو و يضحك بشوووووووية ...كون ضربها و سلخها ومرمدها ...اهون عليها تشوف هاد الضحكة لبااااااردة دابا ....
لامار: اااسد ... اا اسد سمعني بعدا عنداك تفهم شي حاجة غلط ...
اسد غي مبتسسم فييهااا بببروووود عينيه مافيهم تامعنى
لامار : شششوووف ( جات شدات فيه و كتنسجد و تشد فوجهو بهستيرية على عكس هدوءو ) حبيبي عنداك يمشي باااالك بعيييد .. ر رااا رااااه للا هضرت معاه ر راه كان غي بااااش نفقصك و صااافي .. و الله العضييم تيقني مادرت تاااشي حاجة والله مكننننت كنجاوبو كااااااع ... خرررجت فطرت معاه و كان معانا اسبرووو غي على قبل تجي نتا تشوفني معاه تييقني هادشي لي كتفكر فيه مكاينش .. كولشي على قبببلك... اسد واش كتسمعني ... اسد
اسد حدوو هز يدو بشششوية رجع ليها شعرها لور طاح على عينييها .. وبدا يمشطوو بصبعانو ... وجاا راخي منو يدوو تااا شد واحد للخضلة فيدو جمعها ...و بقا غادي معاها كيعبر طولها تاوصل لكتفها وهي مغمضة عينيها .. تاااانتتترهاااا بببببجهد و غوتاااااااات بحر جهدها شاااادة على راسهااا كتتتبررررد بلاصتها .. و شافت عندو لقاتو شاد فيدو داك الخصلة و كيشوف معاهاااا ... عينيه فهاد اللحظة اول مرة غاتشوووفهووووم بحال هاكا ..... ومزال غاتشوف وجهو لي مكتعرفووووش ... مزااااال
كمشها فيدو و طلعهها و هبطهااا مبتسم و طلع فدرووج وهي بقات غي كتبكي شااادة على شعرها لي باقي كتحرقها بلاصة الخصلة لي تنتف كتوزوز ...
وكلسات على دروووج كتبكي وووضرب فرااااسهااا .. عاد ولات تحس باش دارت .. وهي تشوف لارض بانليها تيليفون كيصوني طايح .. وخا طاح ليه مطفاش و مشاات ليه لقات اريج ... و بدات ترررعد و جاوباااات
لامار : اريييييج
اريج : لاماااار ؟؟؟؟؟ لاماااار مااااالكي هضرري مااالكي علاش كتبكي
لامار : صاااااافي ا ارييييج حيااااتي ضاااااعت ضااااااعت
اريج : اش كتتتخربقي ... شووفي تهدني و هضري و قوليلي اش واقع ؟؟؟؟؟ لبيبي واقعالو شي حاجة
رتاج كانت كالسة حدا اريج كتهضر فتيليفون وهي تسمعها
رتاج : عدناان منبعد و ونكملوووو ..
عدنان : علاش اشواقع
رتااج : مننبعد عفااك غي نشوف ختي مالها ...
قطعات عليه و مشات نقزات حدا اريج
رتاج : ماااال لامار :؟؟؟؟ ديييري مكببر ( جهدات صوت ) لاااماااار حبيبة ماااالكي
لامار : (بشهيق صوتها كاع مامفروز ) ااااسد عررررف كوووولشي كووولشي
اريج : لاماااار تهدني و فهمنيييينااا بلا بكاااا اش عرف
لامار : جييت عندو .... ل لقيتو مووجد ليا دار جديدة ومصااايب كككولشي و الورد و الللشممممع حححشمت من راااااسي اش درررت.ظ. حشمت من رااااااسي ...
رتاج : اوا ؟؟؟؟؟
لامار : تاكان كووولشي مزيااااان و تصااالحناااا .. هوو يلقا ميساج د فههد فتيليفوووني
اريج : فففهد ؟؟؟؟؟؟؟ اش طاب فهد لهضرة اااااااش درررررتي
رتاج : واااش تسيطينتي فين شفتي فهد ياك حيدناليك نمممممرة ظ .اش ووووصلك ليه واااش خرا ليك شي حد فففعقلك
لامار : حفضتتهااا و مشيت تلاقيتو
ااريج : للاااااا الامااار لااا ااااااش دررررتي
لامار : ووكان سيفطلي ميساج كيهضر فيه على الخرجة و قالي فيه جات معايا لكوب ... وهو يشووف اسد شعري مقطع و كمل على كووووولشي
رتاج : ويلي ويلي على فضييييييحة عرفهاااا من فهد ......ياااكما ضررربك؟؟؟؟؟؟
لامار : ياااااااااريت .. ياااااريت .. هوا مادواااااا مانطق
اريج : ماسسسمعت تالعبة بالكاااا .. لامار غي تهدني دابا هو فين مشا ؟؟
لامار : طلللع لفوووق ..... نتف ليا شعري وططططلع .... سكوتووو لللي خاااالعني .. .
اريج : غايكوون تتتتتجرح الامااار... هو اش وجد
ليك و نت اش درررتي هااديك راه خيااانة الامااار .. ديري راسك بلاصتو كنتي غاطلعي خنافرك لسما و تقولي طلقني ... واش مريضة و لا مالك فين كان عقلك راه تاراجل مغايقبلهاااا رااه رجولتو تمسااات ... طيحتي بيييه ونتي عارفاه كيداااير
لامار : ( بشهيق مدمرة ) عاااااارفة عااارفة رااهه كنت معمية بإهمااالووووو معمية ....ماعرفتش اش ندييير دابلااا مععرفتش ... عرفتو ملامحووو خوفووووني .. عمرني شفتوو بحاال هاكااا .. كاااااان غي كييييضخك ... هووو راه ماتيضحكش تادبصح عسااك يضححك فاهاادشي ... راااه خللللعني
رتاج : لامااار متنسايش راكي حاملة .. شووفي صافي رجعي لداركم و يهدا شوية ورجعو هضرو
لامار : لا انا نغانمشي فين انا غانتسناه تايجي و نعععتتدددر .. و نفهم ليه بلي مااااااخنتوش ... و معمري فكرت حتى فيها ... حسيت بضميري كيعدب فيا فاش شتو اش موجد ليا و انا اش كنت كنننندير وشنو ظنيت فيه
اريج : رااااه هضرنااااا معاك للالمار و نتي راسك قااااسح....
