لامار حلات بلاكار كتشوووف فحوايجها اش تلبس و سروالها كااااع ضياقو عليها من لوهونش و اسبرو كينقب من الفطور ديالها وكيهضر معاها ... تادخلو اريج و رتاااج كي العجاج بواحد الكاطو والكابوتشينو و حليب سخون للمار ... سلمو عليهم و اسبرو ديجا كان كيعرف رتاج الشهر لي كلسات اريج معاه فكلينيك كان كيهضر معاها هو و اريج فتيلي ....كانت رتاج بكسوة حمرة لاسقة تالركابي و يديها سماطي و عنقها v و دومي بوط كحل لامااااع طالون وشعرها مبووكلي و اريج بسروال بيض قصير و شوميز موردة مشبكة من ظهر و عنقها وااااسع مجموع غي بخيوط جيهة صدر و صباط عالي بيج و صاك بيج و شعرها جامعاه لفوووق كوتشوفال وحلاقات مدورين ...
لامار : فففففف حوايجي كاملين صغاارو تفوو شغالبس دابا
رتاج : ودابا غاقضي نخرجو و شري ...
اسبرو : ونتوما باشمن صفة مخرجين مرت راجل بلاااا شوارووو باغين خلا ظار بوها
رتاج : نناااا سكككت حنا خززززب اللانثوياااااات اييش دخلك حبيبي؟؟ ...
اريج : اودي عيت نتعكس معاهم ونحط ونهز ... فللخر قنعوني دابا غاقول الله يسخر و الله يحضر سلامة لايوقف علينا روكان يعيشنا كلنا قصة سيدنا موسى و نعيشو ماتبقى من عمرنااا فمعدتو ...
اسبرو : وشكون بحالكم معدة روكااان راه فيها الكاط جي .. ااااح بغيتهاالكم و شي نتفة لهاااديك ( لامار كتقلب اش تلبس مراهاش فداك سوق )
رتاج : هاديك حاملة مغايحاديهاش... يلاه معانا كول دق علينا حنا غابنووتااات عضامنا هشاش ...
اسبرو : تاااانااا غاولية
اريج : هذا يسمع دق يعطينا جملة كيخاف من شوالو ....
اسبرو : سمعوووني ... ديؤ ليها عقلها فراااسهاا ترجع لدارجلها مسكين و الله ماعلم به غي الله بلا متبقا تراطا تما تايخليها وداك ساع تمشي تربط حدا مولات البرتقالة المرة.... تهلاو انا غانمشي لخدمتي ...لاماااااار تهلاي ...
مشا اسبرو و اريج كتسيلفي ورتاج مشلت تعاونها تلبس
جبدات لامار واحد كسيروة قصييرة بيج بسميطااات حد ركابي وواسعة من تحت ...لبساتها و لبسات معاها صبادرين بلا واخا هاكا كتبان قدهم هوما لي بطالون حيت لامار طوييييلة ... دارت كاب قصير فكحل فوق كسوة و طلقات شعرها و هزات صاكها فيه لبطاقات البنكية ديالها .. وطلعات شعرها بنظاظر كوحل مدورين وكادر بيج محجرين مع جناب ...و خرجوو لبرا ... وشيفور جا عند لامار و قانليه غاتمشي مع صاحبتها خلاتو ... ومشات ركبوو فطموبيل د ارييييج لي مجهدا لمزيكاااا وطايرة فطريق ... و لامار واخا كاحاول تضحك و تنشططط معاااهممم عقلها مامعهاااااش مغاتكملش ليها الفرحة غير لاكان اسد حدااهاااا ... عيااات تأقلم و تقول نقدر نكون فرحانة بلا بيه مي مكينش راااه القلب و مايريد ماتمكل خؤجتها وفرحتها الا لاكان بجنبها وشاد فيديها ..
اما اسد صباح كامل هو فلاصاااال كيططططرني ويطرااكسي و البوكس ... و يشغل راسو باش مايمشييييش عنها ويخرج شوقهااا فالرياضة.. وهو شاد شومبر فواحد اوطيل ديالوو مابغاش داك دار مزال يمشي ليها وهي مكيناش معاه فيها .... و خرج من لاصال وطلع لجناح ديالو كيلوح فالبانضات د يدييه و دخل دوووش دوووش .. وخرج بشعروو منفوووش كيقطر عليها قصتوو كتهبط تالعينيه ... لبس جيين و تيشوورت سامل كري و صبادرين كري .. دار كاسكيط لبسها بالمقلوب و هز سوارتو و خرج ديمارا لشركة ... طلع ديريكت لاجتماااع لي عندو ... دوزو بلا عقل خصو غي يتفك معندو لا مورال لا حلاوة فحتى حاجة ..... و مشا لمكتب ... كلس كيراجع هو يشوف صورتها على لمكتب و تكا تنهههد ساااهي كانت ديال العرس مصورينها من الجنب قمة البراءة فيعينيها ... قلبو محروق جيهتها .. وجبد تيليفون يسول عليها ...لقاه عامر بليزابيل دار يدو فعنقو لقا سلسلة طاحتلو فاش كان كدير طراكسيون نسا مهزهاش ... وهز تيليفون ... كيعيط مخلووع ..
اسد : اش كاين ؟ لامار واقعة ليها شي حاجة ؟؟؟؟؟
الكارد : لا اسيدي .. غي خرجات فطوموبيل د المادموزيل اريج ومعاهم بنت اخرى .. و حنا موراها دابا يلاه وقفو قدام واحد صالون
اسد : علاش حاط داك شيفوور تما الى مايوصلهاش ؟؟
الكارد : مابغاتش اسيدي تمشي معاه ولاكن هاحنا موراها متخافش
اسد : ( ضرب فلبيرو وهضر تجت سنان ) انا جاي طلع ليا لوكاليزاسيون ....
قطع عليه و ضرب داك تصويرة مع الحيط بالغدايد شششخشخها
اسد : اجي قتلنتي نتي حسن ... خراا .. اشمن صااالون هدااا على صبااااح ....ماتشديييش لارض و تصقري و خلي لبيبي يثبت وقت الخروج هدااا ..
ناض كيهز فسوارتو وهي دخل الكاتبة
- سيدي ...واحد سيدة على برا كتقول بغات تشووووفك
اسد : مااامساليش ...منبعد مابغييييت نشوف تاكحل راس عندي هنا
جات ضور تقولها ليها وهي دخل يطالوووون ديااالهاااا كيقرقب ....والميني فللكحل اللماع لاسق على فخااادهاا فوق ركااابي و شومييز مربوطة جيهة صرة و مفتوحة جيهة الصدر كاااامل كييان وشعر قصير حمر و قصيصة حد عينيها و عكككر مووووف ... و ليبيجو فيديها .... كتبااان شييييييك وكلها انوثة ولاكن القبوووول مكااااينش وجهها ديال خزيت ...
و اسد جا خارج وهي تبانليه داخلة وكتشوف بعينيها لزاج مهرس د تصويرة .... شااافها ووعلا حاجبوو كيحقق
كاتبة : امادموزيل ميمكلكش دخلي سي اسد مشغوووول خرررجي عفااااااك ولا نعيطي لسيكيرطي
داك البنت عينيها غي على اسد و كاتبتسم بمكر ملي كتشوف ردة فعلو ....واسد كيشوف فيها عاقد غوباشتو مصدوم .....
اسد : اسيييييل ؟؟؟؟؟؟
اسيل : اااه ... ( كتلللحنهاااا ) اااااسسسسيييل اسي اااااسد .....( كترمش فيه بتثاقل و ييتحلوين هو كيستوعب وعاقد غووبااااشتوو هذا مكان خصو غي هاد سوبرايز )
لامار كلسات على لكرسي فصالون وضارو بيها ... وبدات طلب منهم اش يديرو و تا اريج و رتاج كايختارو من الكاطالوغ الكوب ... قاتليهم لامار ينقصوووه و بداووو يقطعوو... و شعررر كيطيح حداها زغبة زغبة كحل حريري ... و هي كتشووف فصورتها هي و اسد فتيليفوون وعينيها دمعانين .... كان ناعس و متكي على شعرهااا و صوراتووو كضحك وهو ناااعس ماشايفهاش .... حيت كيعجبوو يشد فيه و ينعس وكان يقوليها هو حرير وسادتي ... وكتفكر فاش كان يمشطو ليها فدوش و يصايبو ليها ويتعكل فيه ..... ويجرهااا منووو ويخشي فيه راسو يشمووو بكل ححححب لريحتو ... و غمضاات عينيها شحاااال كتقوي فراسهاوو رجعات فتحاتهم و شافت فمرايا ...
لامار : كووولشي كيقطعو شعرهم عااادي ... دايا يطوااال .. اصلا مشهياااااه قصييير ...
سلاو ليها الكوب و بدات تشد فيه باقيلو شوية يوصل لكتاااتفها مبعد مكااان قريب لطرمتها ... بدات نمشط فيها بصبعانها و عجبهاااااا اصلا عطاها فووووغم اخرى لوجهها و تا اريج و رتاج عجبهم ستيلها جديد مع القصيصة تاهي ...ووحدة شادة ظفاارهاااا كتصااايبهم ولوخرا رجليهااا ...
فصالون ....
لامار غي كترمش فشعرهااا خايفة من ردة فعلوو وفنفس الوقت عااااجبهااا هادشي لي كديير فيه باش تنتقم .. و رتاج من صباح وهي كتميساجا مع عدنان سولها فين هي بالضبط و اشمن صالون زعما داير فيها العاشق المغيار .... وهي الحب عاميهااا كتجاوب من كل نيييييتها .. ررتاج لي معروف عليها هو تاااااحد ماكيديرها بيها و دكية و كتعرف تصرف ولحد الان تاشي ولد المرة مدارها بيها .. ولي مشا تآداها كتحقد وترد ليه الضربة ضربتييييين تااااكتندمو ودلوووو قدام رجليها ... ولاكن دابا هي وحدة عاشقة لعيون واحد بلا اذنها احتل قلبها وسكنو وتربع على عرش كيانها .. وحواء فاش كتتحب و تعجب شي حد لدرجة كبيرة و يسحرررها و يمشي يغدرها ... فالغلاط ماشي ديالها لانها هي غي دارت النية و تاااقت فيه وخلات كيد النساء فالجنب و استعملات غي حبها الكبير وعطف الانثوياات ... اذن الغلطة ديالووو لي لعب بنيتهااا الصادقة هو الماكر ماشي هي لي مكلخة .... البنت لي كانت كتصايب ليهااا شافتها بعدات كتهضر فيتيليفون ...
رتاج : ففففف واااااش غاتخيليني هنا .. سرررربي راحنا مزروووبين..
قطعات و جات كملات معاها ...سلاااووو ليهم تسكااادهم ودارو ليهم تامكياج خفيف .. ووقفو قدام للمراايااا و اريج كتلعب بشعر لامار
اريج : واخا تا قصير جاك زوين ... مسخوطة لي درتيه جا معاك
لامار : تانا عجججبني ..
خارج صالون ..
حبسات طموبيل ..
عدنان : نزل ... دير اش قتليك بالحححرف
فهد : ولاكن كيفاش غانقوليها انا مول الصااالون ويلا كدبوني لي فيه
عدنان : قتليك نتا غي دييييير هادشي .. زعما طريق كاملة كنحفضك .. مااتعطلش يقدر يجي فأي لخظة مافيا لي يجمك من شي كلينيك تاني ... خليك مبتسم وتفاجأ بوجودها ..شوية بشوية غاتكسبها ... هبط
فهد : انا دابا بااااغي غي نوريه بلي راه ممكن تببببغيني ... ممكن تشوووف لغيرو بغيت نهبط نفااااااختو لارض هادشي لي باغي ....
نزل من طمموبيل وقطع شانطي ماشي لصالون و عدنان فطموبيل كيضرب فالفولون بصبعانو وخاضري مع طموبيل د الكارد واش مايردوش لبال لفهد كانو ملهين كيشربو قهوة فطموبيل حيت ماتوقعوش راجل يدخل لصالون دنساء قالو راها فأمان ...
عدنان : انا باغي غي نشوفو خاسر كولشي ....ثلاثة د حوايج لي عندو... مرتو .. خدمتو .. سمعتو ... غايطيحو واحد ورا لاخور ... وغاتكون المواااجهة داع ساع الروووكان مع خوك لكبير ... وتعرف بلي لي نكرتوووه و لي نسيتوووه و لي نفيتووه و ماسولتوش فيه و لي تربا فالحرمان وضحكو عليه صحابو حيت معندو لا مو لا باه ... رااااه منااااسكمش ......
وقفو اريج و رتاج كيخلصو و لامار باقا كتشوف فمرايا و تمشطو بيديها فرحانة بيه عجبها راسها مني تبدلات شوية .. مصات شفايفها كتشوف لعكرر نيت كانت موحشاه كان حارمها منو واريج و رتاج كيخلصو ... يلاه جات ضايرة وهي دخل ففهد
لامار : ااااي سسسسسسمحيلي عفاااك مشتكش ...
شوية تهي تنقززز وحدة كانت كتشد الخلاص من عند البنات ..
- اوه موسيو فهد ... مرحبا .. ياكما كاين شي مشكل ...
فهد شاف عنها : لامار ؟؟؟؟؟ لا لا مكااين تاشي مشكل ..( مد يدو ) مااعقلتكتش ... قطتي شعرررك ؟؟؟؟
لامار بقات غي كترمش و اريج كدير ليها لااااا بعينيها و كتقوليها يلاه نمشيو و رتاج مافاهماش شكون هدا ...
لامار : اا ااه ..
فهد : مالك متوترة خايفا يشوفنا ؟ هههه معرفتوش انا مالو معايا واش عندو عقدة يكونو عندك اصداقاء ..كنعرف بزاف مزوجاااات بيناتنا صداقاااات محترمة عادي و رجالهم متفهمين وواعين ماشي عقلية قديمة ... مي اسد معرفتوووش مالووو زعما كيبان ولد وقت مي عقليتو قديمة بزاف ... داك نهار جيت نطل عليك عادي ... معرفتش علاش تصرف هاكاك متسرع بزاف بحالا معرفت اش درت ليك ... هاد نوع كيبغي يتتتملك مرااااتووو ...
لامار : ااحم ... م موهيم .. انا خصني نمشي ..ويتملكني و لا مايتملكنيش هداك راجلي وانا مرتو و بيني و بينو ...
فهد : مممم عندك الحق اه ... انا غير هضررت يمكن حيت كووول ومعنديش مع هاد شكليااات ... على فكرة بصحة لاكوب ... شعرك كان زوين .. احم ( كيدوز يدو تحت فمو ) البنت لي كتقطع شعرها الطوييييل الحرير الا لاكانت عالنة الحداد ولا بغات تنظم وريقات حياتها من جديد و تبدا بستيل تاهو جديد هم ؟
لامار يلاه اتجاوب و اريج تدخلات محملاتش هضرتو
اريج : لامااار غانمشيو... اسد غايتخلع عليييك راك شفتييييه من قبيلة هو يوصي تردي بااااالك وماااتقلايش لي يييعصبك ... ونتاااا راك يمكن غلطتي فالعنوان هدا راه صالون ديال لبنات .. ولاا يااااكما جاي تصايب ضفييراااات
تدخلات السيدة
- لا امداموزيل هدا راه هو مول شي ...
اريط : اممممم اوا بزطعة يلاه الامار ...وحسن بلا ماتبقا تقرب لجيتها راااك عااارف نخاف على عضيييماتك ..
فهد : ولاكن انا اش درت ؟ واش قللت عليك شي نهار الحيا الانار تانستاهل منك هادشي ؟؟؟؟ مففهمتش
لامار : صافي سكتونا .. مكاين وااالو غي لقيتينا مزروبين نهارك مبروك
جات ماشية و عيط ليها
فهد : لااامااار ( جبد كارت فيزيت ) خليها عندك ... راك تقدري تحتاجيني شي نهار ... لابغيتي تشكي و لا تفضفضي و لا تفوجي ... غاتلقايني موجود .... كصديق كأخ لي بيغيتي
اريج : تفضفضي ؟ .. سميير الليل نتا ....زيدي الاماااررر اسد كيتسنااا مانتعطلوش عليه
لامار بقات كاتشوف لداك كارط فيزيط و شداتها باش ماتخليش يديه ممدودة و لاحتها فصاكها و خرجوو ... و فهد بدا يبتسم ... و ركبو مع اريج ....
فهد و داك لبنت خرجو عند عدنان لي كان متبع طموبيلتهم بعينيه تاغبرات .. و نزل من طوموبيل .. و عطا الفلوس لداك السيدة و غمزهااا على الخدمة حيت رتاج غي قالت ليه سمية دصالون مع كبير و معرووف ...من الانترنيت دغيا طلع نمرة د البنات لي فيه ...
شدات عليه الفلوس و مشات و فهد ركب
عدنان : درتيي اش قتليك
فهد :بالحرف
عدنان : اذن تسنا ... غااادا تصووني ...
فهد : ويلا ماصوناتش ؟
ع.نان : ندوزو لحاجة اخرى ... مهم مانستسلموش
فهد : كتابنلي متحمس كتر مني .. مزال ماباغي تعاودليا سباب عدواتك مع روكان
عدنان : كل حاجة بوقتها ....
عند اسد...
اسد ( شاف عند الكاتبة ) صااافي خرجي
مشات وهو ربع يدو كيشوف عندها ...
اسيل : بحالا تصددمتي بشوفتي ( بضحيكة )
اسد : وعلاش غانتصدم ياكما قتلتك ومافخباريش.. ماتوقعتش تكوني مزالا حية ... مي عادي كلشي ممكن .... ووفنفس الوقت مكيهمنيش الامر تاهو ...( غي كترمش فيه ) ياك لاباس ؟؟؟ اش حياك من جديد ...
اسيل : باقي بنفس بروودك ...ولا ياكما مصطنننع ( كدير فيه شوفات محلونين ... هو فعلا تصدددم ولاكن معاطيش الامر اهمية واخا محملش راسو داك نهار مي كتبقا بنت عادية انتخرات بحال كاع لي كينتاحرو و كنسمعو خبارهم كيضرنا خاطرنا منبعد عااادي ... هاكاك اسد خصوصي فهادشي لي على راسو مكيفكر فحتى حاجة ومانقصش هادشي )
اسد : شفتك كدوي بطلاقة نسيتي راسك ؟ ....غاتلحني فداك الحروووف مرة اخرى غادردبي مع لباب كيف ف حيااااتك لولا .... علاش هاد المسرحية ؟
اسيل : ماشي مسرحية ... انا فعلا انتحرت
اسد : اها ...يعني شبح .. حيدي من طريق مشغول و مامساليش لهاد العروض سيرك.... ( جا خارج )
اسيل : ( شدات فدرعانووو و خنزر عنها بشوفة خطااااار تاطلقات ) اناا كنت فاقدة داكرة و ( قاطعها )
اسد : دابا رجعات ولا مزال ( اسيل غي كترمش ماظناتش غايتصرف بهاد بورود قالت من بعد الرسالة غايكون ندمان على داكشي و دابا غايفرح بيها ... هاكداااا قالو ليهااا لي سيفطوووها )
اسيل : اااسد اناا را
اسد : لعبتك و مسرحيتك مووتك و حياتك .... راه مكيهمونيش سيري فرحي عائلتك و لا شي حد كايعرفك .. كنتي مجرد موظفة عندي ..ويلا جيتي على قبل الوظيفة و فراه شدو بلاصتك حيت ملفك تسد .... حيدي من طريق نتي لي بقيتييلي فالحساب دابا
دفعها و خرج وهي غي كترمش
اسيل : علاش تصرررف هاااكااا ...هذا ماشي انسااان طبيعي .... و ولاكن انا ضنيييتوو غاااايتصددددم ... ضنيت بداكشي ندير بلاصة فقلبوو و يندم على اش دار ...
قلبات عينيها لارض و حنات هزات داك الكااادر .. و بقات تشوف فصورة والكادر مشقق عليها وجبداتها
اسيل : مممم ولا قوووول هادي لي مخلانكش تصدم ....
كمشاتها فيديها و لاحتها و ناضت كتعوج بطالونها خرجات كتبعكك ...
اسد ركب و قالوليه راهم دخلو لواحد ريسطو كيفطرو و كسيرا ديريكت لتما ... بكترة ماموحش يشوفهااا باغي يشدهااا و يقسمها على جوووج يضربها يسلخهها على هادشي لي دارت و حكمات عليه بالبعد .. لي هو اشد عداب لواحد عشق من قلبو .. عشق وجودها ريحتهااا ظلها و خيالها.. كيفاش غايتحمل البعد ... غايتقبلو غير لاكان الامر متعلق بصحتها و صحة الجنين لي جاي فطريق .... وهضرة دكتور كتعاود قداام عينيه
- المدام كدوز من فترة وحام صعيبة شوية .. نفسيتها متقلبة و هرموناتها مخربقين .. هوما لي دايرين ليها هاد المزاجية ... من الاخسن تخليوها على خاطرها فهاد الوقيتة و تحملو اخطائها بين ماتم الوضع ... على سلامة وخياة جنينكم درنا كل جهدنا باش يرجع يثبت فالرحم بعد مكان الامر مستحيل ....اذن خاصكم تعاونوها
ماحس براسو تاكان وقف قدام ريسطو و نزل و الكارد نزلو عطاوه تحية هو داخل سوارتو و نظاظرو فيدو منير وحجبانو مهزوزين كولشي كيشوف لعندو .. وهو يتلقاه مول الريسطو وصلو خبارو جاب كيجري
- سي اااااسد شرفتيييييناااا فمطعمنا المتواضع مرحبااااا بيك ... احسن طبلة ليك انشاء الله تتفضل معانا شرف كبير هذا
اسد : لا مابغيتش طبلة شكرا ... ثلاثة ديال لبنات عاد كيف دخلو فين هوما
- اا م معرفتش ...
جبد تيليفون وراه صورة لامار
- ااه .. راهم فطابق الفوقاني اسيدي نعيطو ليهم..
خلاه وطلع فدرووووج عاقد غوباشتو ....
رتاج واريج حطو ليهم كيك بشونتيي و لامار خلات ديالها ومشات كتجري لطواليط بولة ولات دايرة فيها حالة مكرهاتش تخشي لاشاص فصاك تديه معاها .. و اريج رتاج كينقبو الكيك .. تااريج بدات تكح وحلات ليها وهي كتشوف شكون جا ووقفااات مكترررمش بالخلعة ... و رتاج ضارت شافتو عرفاتو عاد ركباتها تقفقيفة ديال بصح اول مرة غاتوشفو مباشرة ..
تاوقف عليهم فطبلة كيقلب بعينيه ..
اريج : س سي ا اااسد
اسد : بصحة .. فين لامار
اريج : اا كك ك لس كلس .. لامار غير مشات لحمام
شوية هو يجي مول المطعم قف عليهم كيفرنس فرحان يتعرف ليه المحل ...
- سيدي تففضل لامعجباتكش طبلة نبدلوهااا
اسد : زعما نتي راك عارفة صحتها وباش كدوز .. ماشي وقت الخروج هذااا ...
اريج : تييييقتي اخوياا و الله ماتمشااات... من طموبيل لصالون ومن صاالون لهنا لريسطوو .. مكنخليهاش تمشا بزاف مي راه فصااالحها تخرج شوووية و تبدل الجو تخنقااات بزاااف غايجيها شي اكتآب دالحمل .. وجات ختي رتاااج ( شاف عنها اسد و ابستمات بحرج ووما ليها براسو وشاف عند اريج تكمل ) وقلت نخرجو شوية تبدل الجو ..بالعكس هادشي راه مزيااان ليها كون هاني .. فف ففهاد الايام الاخيرة تعصبات بزاف راك عارف ..ولات غي كالسة و كتفكر .. خ خصوصي ملي ..( قاطعها مول شي )
- سيدي مجاوبتيناش ... تتتفضل
اسد شاف عندو ورجع شاف عند اريج تكمل
اريج : قتيليك خصوصي م مملي ماجيتيش تديها من لاميغيك .. بقا فيها الحال
اسد : بقا فيها الحال من شي حاجة طلباتها هي ؟
اريج : راك عارف الحمل لاعب علييهااا وو ر را.. (مخلاهاش تكمل و جا ماشي لحمامات واريج طرطقات عينيها تفكرات شعرها المقططع اكيد مغايعجوش الحال وشداتو
اريج : خخخ خ خويااا .. غ غي وقف .. ززعما .. ب بلا متمشي
اسد طلع فيها حاجو
- سيدي هاااا طبلة واااجدة احسن مووني غايكون ح( قاطعو )
اسد : واااش مغاااتسكاش ؟؟؟؟فرررعتييليا مخي اسي محمد هنييينا
- لا لا اسيدي ...بغيت نقول ااه نسكت .. غ غير بغيناك تاخد راحتك تفضل ماتبقاااش واقف
اسد: راحتي واخدها غير كوني هاني ... ( شاف عند اريج ) علاش مانمشيش ؟؟؟
- سيدي مايمكنش تجي تااالمطعمنا و متتتكلسش حشومة
اسد بدا يدور كيرد فشعرو لور مغندف : واااايليي .. اصاحبي راه هضرنااا معاك صافي بلا منزعفو ... شكراااا مرة اخرى انشاءالله نجي ..داكوغ ؟يلا فوتني ( جا بهضر هو يخنزر فيه و مشا وشاف عند اريج تكمل )
اريج : ززعما قلت لاشااافتك غي غادير حالة عاوتاني راك عارفة و تزيدو تعصبو كتر ... غاااتقوول كيتببعني و حاضني و داك شي .. نتا راك عارفها على سبة خصخا غا علاش تنكر و حنا بسيف باش شادين ليها الخاطر ..
اسد غي كيتتنهد اصلا معندوش استعداد يسمع شي كلمة منها ولا شي قمع كيف ديما حيت مابقا صبر ... و شاف عنهم و مشا .. و اريج عاد كلسات و نتفسااات ...
اريج : فففففف اخيييييييرا
رتاج : علاش ماخليتيهش يشوفها
اريج : وشعرها القصير نسيتيه ؟؟؟؟ كان غايربل علينااا هاد ريسطو وتزيد تأزم خلينا هانين
رتاج : وراه غايشوفها غايشوفها عاجلا ام اجلا ...
اريج : فدار بعدااا بينااتهم يقدو يتفاهمو ...ماشي حدا للناس .. سكتي سكتي هاهي جاية ماتقولي والو لاتصدق هي لي قالبة هاد ريسطو فوق مخاخنا ولي والغادي و لي جاي يدي خبارنا.... دابا سكككتي ديري ماوقع تالو ...
اسد هبط لطموبيل ديالو فتح لباب فلخخخر زززدخهااا بحر جهدو و تكا علل طوموبيل .. مممحملش راسو ...حس براسو ولد صغييييير فهاد اللقطة ... ومعمر استصغرو شي حد تالمراتو .... خوفو على اعصااابهاااا و مورالها و على لبيبي كتفوو من كل جوايه ... مخلاهش يمشي يوااجهها و يجرها من شعرها ويردها لدار... مفروض عليها يسمع ويقول ااه ويتحمل ... باش مايوقع ليعا والو ...فهاد اللقطة دابا كره راسو كتتتتر استصغر بزااااف ...... وركب فطوموبيل شعل كاروه وتههههدن عاد جبد طيلي خدم الكاميرا و حطها قدامو ديمارا مكسيري و كيهضر معععععصب وووكيضرب فللفلولون بحالا كيهضر معاها ..وفرغ كااااااااع داكشي لي فيه ( منبعد تعرفو علاش ) يلاه ووصل قدام الشركة هو يتفكر اسييل تاني و تنهد .. لانو مغايدوزهاش دغيا هاد القضية د مووتها المزور خصو يعرف اش موراه باش لاكانت باغا توصل لشي لعبة يحدها ليها قبل ماتنفدها.. وعيط فتيليفون
اسد : وحدة سميتها اسيل ش ششادلي و لا شرابي معرفتش بضبط ... قلب فارشيف د الموظفين .. دارينها متوفية .. مي راها بقا حية بغيت نعرف هويتها واش بقا نفسها و لا تبدلات من بعد خبر الموت .. لاكانت نفسها جيبلي كاع المعلومات عليها فين كتمشي منين كتجي كولشي بغيتو ...وتا خبار دارهم و مكانتهم المادية ومعارفها بغيتهم .. ..
قطع ودخل لشركة... ومشا لواحد بوست فاااستبقال ووقفااات مولاتو قدمات تحية ...
اسد : لبنت لي دخلات قبيلة اسيل ... مابغيتش نشوفها فشركة
- حااضر اسيدي .....
خلاها وطلع للمكتب .. يلاه كلس هو يجيه تاني اتصال من صطوندار ديالو ...ودوزوه ليه
- سيدي سمية د عدنان الوازاني طالعة لينا من المانيا ماشي فالمغرب
اسد : اهاه
- بااحث فالاثار القديمة وكل ماكيخص التاريخ القديم و بالخصوص الروماني .. و مستقر مابين بيرلين وفرانكفورت .. فملكو 3 شقق و فيلا عائلية كانت كضم جداه وجدو .. مي دابا توفاو و بقا ساكنها بوحدو .. سيااارة بورش خاصة .. ومارسيديس للعمل ... خريج الدراسات البحرية وكل مايخص تقنيات هيكلة السفن الحديثة... رئيس لخمس جمعيات لتكفل باليتامى فجنوب افريقيا ..
اسد : امتى دخل للمغرب
- معدنا تامعلومات كدل بلي دخل للمغرب .. لان الاسم لي عطيتنا باقي ناشط لحد الان فالمانيا وخاضر فاجتماعاتو وحملاتو الجمعوية و احتمال لاكنتي متأكد انه دخل للمغرب راه تما تزوير الهويات و معندا تا معلومة على ان عدنان الوزاني فالمغرب ... و السيد ضارب حساباتو مزيان اسيدي و باينا عارف اشكيدير ...
اسد : مزيان ... مزال غانحتاجك ..
قطع عليه و بقا يفكر عاض على شففتووو ..
اسد : شي غلط فالموضوع ماميكنش .. لا اكيد شي غلط مواضحش ... وخصو يوضاااح
عند لامار .
خرجو من ريسطو وهوما ماقالو ليها والو بخصوص اسد ... ركبات فطوموبيل لوور و بدات تطل موراها بانتليها طموبيل د الكااارد تابعينها ورجعات ضارت تنهدات حاطة يدها على كرشها ...
لامار : بابا فخباااارو بلي خرجناا اولدي وكاع ماتشطن علينا ولا سول فينا .... يكون نسانا صااافي ؟
بقات كتهضر مع كرشها وتحسسسر ...تاحبسو قدام واحد المول بخيفي لامار مسخات دموعها لي هبطو و ابتسمات باش تبين القوة وماهمهاش ... كتكدب على راسهاا مسكينة ... و نزلو دارووشوبينغ و بدات كتقضى حوايج جداد صييفين حيت بدا يسخن ..و حوايج تقلديين حيت رمضان على الابواب .. زمشات غالداك الحوايج لي كانت تلبس قبل ماتزوج غاشورطات قصاااار و تقزاااااب مكاين غالله يعطيك صحيحتك ....شراو كولشي و مشاو لدااار .. و ودخلو معاهااا شداتهم رقية يتغداو واخا كانت 4 دالعشية .. و لامار مشات ديريكت لبيتها قبل لاتشوفها ماماها مقطعة شعرها تحشمها مع البنات حيت رقية عدوووووها لي كيقطع شعرو ...
رقية : تي فين مشات لبنت يلاه خليتها كالسة
اريج : غاتكون دخلات غي تبدل خوايجها ..
شوية وهي تخرج دايرة فولارررر و رقية ربعات يديهها كضور فراسها
رقية : غاااامطاح عليك للايمان
رتاج : ناااري وري للماماك جاك زوييين
اريج : ااه اخالتي جااااات واعرة صراحة دابا هاد بان وججههها مزيان شعر كان مغطيه وخا بقا فيا
لامارر غي كتغمممزهمممم يسكتووو حين معارفينش مها مكتحملش شعر قصير
رقية : تومااا اش غاتوريني اش غانشوف
لامار : ( تحت سنانها ) اناااا بغيتهم بشوفو جن كروازي ....
رتاج : لاماااار وري لماماك مالك اويلي . والله تاااجاك زوين مقطع
رقية : توما اش قطعاااات
لاماى : يييقططططع لييييييييكم الحححححس
اريج عاااااد فهمات و ناالضت وقفات
اريج : ق ق ق كطات الشانطي اخالتو .. قطعات الشك باليقين ... رتاج تهزززي نمشيو
رقية : لا ويلي كلسزوو تا تغداااو ... وااابينيتي وااا زويهرة ... الزيف كيديديروه قدام الرجالة ماشي قدام مك و هاد الشششمش لي قربات تدخل من الشرجم تي فكي عنقك من الصهد هاناري
لامار : لا ماما ماعليش التبرج حرام السترة مزيانة ( اريج و رتاج طرطقو عينيهم )
رقيو : على ااابنتي كاين شي زيف والكوااارع عريانين ( كانت بكسوة حد ركابي ) .. ولا من لفووق تهديت ومن تحت خزيت ..
مشات تجيب صينية كضور فراسها
اريج : وشحال غاتبقاي مخبية عليها ملي فيك هاد الخوف كامل خلي شغرك طويل وووهنينا
لامار : وشكوووون قالك انا خيفاااانة
رتاج : ههههه ناري باقا كتخاف من مهاا هههههه
لامار : رتااااااج
رتاج هههه المرا قربات تولد وكتخاف من ماماها ههههه يااااااالهووووي هههه
لامار بفقصتهم حيدات الفولار
لامار : مكنخاااااافش ... يلاااه نشوفو فين توصل كاع مالي دايرة جريمة اصلا كبيرة وماسزق حد فيااااا ندير لي بغيت
يلاه اتكمل وووهي تسمع
رقية : ياااااوشهااادشي كنشووووف هانااااااااري تي فين السااااالف
لامار : ها ؟؟؟ ط ططط .. ط طاااح لي . ف ف فطريق
رفية : ( حطات صينة احم بغيت نقول زدخاااات صينية ) هاااويلي وشوهتي و مايقطع حوايجو ومااا يقطع شعرو غالهبييييييييل .. هاويلي وشوووهتي و كان عندها سالف لونجااا يحنت الفقهى كرجاااااتووو ودارتلي هاد شعررر الباااااط بغيت ليهاااا تكريييييجة لداك ليدين .... هاوييييلي و اخرتك يارقية شعر بنتك قد شعر لي بين رجليك .. هاااويلي وخلصة لمرحوم مشات كلها حناااني و غاسووول و قرررنفل ومرددودش باش ربيت ليها السااااالف العودة و مشااات دارتلي زنطييط المشة هاويلي وشووووهتك يارقية هااويلي العيللت ولدو اابنات و نيتي ولدتي الفققققققصة
لامار ناضت تخبات ورا رتاج
لامار : وااااكاايجييييب غالعيييين وااامي وارقية وراني كبيرة ومزوجة حرام عليك ضربيني
رفية بدات تكفض على دراعنها واريج ورتاج شادين ضحكة
رقية : ااااججججي للللهنا غااا أنا درت هوووك مشيت لسوووق و نتي سلللتي مشيتي كررررجتي داك الشععععر وررربي واااشنوو دارليييييك كان كي الخرير هوك مسبسب .. ياااا وشنو فالبنت لامكنش الساااااالف ..
لامار : الاخلاق اااااامي
رقية : يااااااا اغدايدي يااااا غدايدي تااااااقلت غاتزوج و دير العقل غااامازاااايدا فالهباااال
اريج : خالتو رقية رجوع اللله راها حااااملة اخالتي حااااملة يسمعنا اسد يكرجنا كاملين
رقية : واااواخا تكون تاااا مغرزة ... يا طيرااابكرررر كوكااانو عالينوضو يحملوووو يكرجو سالفهم كو را القرقرااات كلهم مبوشييين بزغب عباد الله .. وبغييييتلك ماتعطا المووووكة العينين كبااااار و تقبتها مشروكة ياااا طيراااابيركر يا ماخلات كررررشي ... تي بنات يربيو السااااالف ونتي كررجيييييه ... عاابلتي عالخااااانزة تاع بوووووك ويشوووفك وليدي اسد ( كطلع يدها لفووق لسما ) لي اللله يحفظوووو وووووو ليا .. لامااااا قررع ليييييك بلا مااات غاااا بلاتي يفررررجني فيك .... لا مااخلا ليك غالقلولة كاتزززريط نا ماشس رقية بت الشرفة ... يااو قرانتك حجوووو ونتي باقا ديري ليااا ففعايل الهباال تقطعي سالفك غامعطاااك مولاك يااالمطوطة
لامار : وااااادابا تاني رجعنااا لهاد الكاسطية د قراناتك ... وصافي دااابا انتقلتي من مرحلة قراناتك تزوجو .. لقراناتك حجووو ... على زييييييين قرانتي لي كتعرفي .... ياك غا بنت طيابة حربش لي هرفات على مول سنااااك مشات عركاااتها شاوارما و ملي قالو ليها الحساب خلصات بالبكا و الخناين .. قاتلو انا غا خدامة فواحد دار و مكايوكلوونيش ... وملي مشا يتبرا منهم يوكلوها دفعاتو لداخل ولاحت هليه جوج قوالب دسكر د عزو جدها و قالتهم جا يخطب ... و بنت نجار راابيعة لي راجلها كان مشااااا غا يصايب عند باها دفة وقاليه يلاه نوررريك شانتييوو فداري ...صدق مصااايب معاه ففلوس الصداق ودار معاه المروة نيييييت عطاه دفة من دااااااااكشي ... جا يصايب دفة ولا دابا يمشي فشوارع بالحفة يضرب فرلسو و يلعن هاد الخفة ..يااااك غا غاحلييمة لي قالك مزغرتة عليها مها ودات فقييييه لي جا يصرعها يخرج جن ...عراااات على فخاااد و ترمة و الفقيه موحشهم كيشوف ترامي غافاش كيسجدو ويطل من تحت .... شاااف سيقااا د دردك تفافها جا يخرج جن ساكنااتو هي ... راااه دابا يصلي بالناس العااصر مع المغرب ويشرك الشفع و الوتر مع صلاة الاستسقاء ... لاكاااانو غا هادو لي حجو كوني متأكدة ابليس غايتبعهوم بالحجر تااالسلطنة عماااان .. هادو راه خصهم يصومو 5 سنين ...ويحجو عشر سنين ...ويوكلو الفيليبين وشوووف تشوووف واش يشوف فيهم رب العالمين ..... عمري شفت قوم قريييش كيحج ..
رقية : يااوشووووووفلك طواااااالييييها لللسان دووزي نتي لهيه طلقيهااااا ليااااا
رتاج : حاااملة اخااالتي حااااااملة
لامار : وتكون تااا نااافسة هاديك واخا تكون شادة حق الله دايززز فيهااا للعصاا
لامار : الله ينجيييييه
رقية : ايييييه على مااااشي الولد شيبيتيه على صغرووووو .. لي ماسيفطتييهش لراوضة بشي فقصة مو راااا مزغرتااااا عليه ... يااتووومااا طلقووو ليا طيرابكررر للاتخبيوهاااش .... اناااا بغيت كييييف ماقطعتي داااك الشعرر يتقطعو ليك الفرانات والحبااسات وتولي ماشيا وتتححزقي كي شاااكمة بيكوووب علال ... و فين مادخلتي تخخنزي يا المطوووطة تاعتبوك .. شببهههتي فتاااصيييلتووو ريوووسهم كي ريوس البصلة ...ماشببهتيش فتااصليتي القردة تاتعت بوك
باقين كيتخاصمووو و اسبرو داخل مخلوع خلاو باب محلزلة ملي خرجات ممرضة تسخر ... دخل كيبرققق بعينيه كتبانليه رقية شاعلة و لامار مخبعة ورا اريج قسع شعرهااا هووو يطرطق عينيه مزيان و لامار شافتو
اسبرو : ععععععععع
لامار : اسبرووووو ماتكملش عليا
اسبرو : عععععععععع
اريج : سككككت نتا اززمر
اسبرو : عععععععع
رتاج : اسبروووو
اسبرو: عععععععع
رقية : تامالك هاناري تبوشاولك سلوكا
اسبرو : ققق ققق قققطعاااتووو
لامار : ععععععععععع
اربج و رتاج كيشدو فرقية و لامار مخبعة منها وهي كتهرنن واسبرو غي مصدووووم واقف فبلاصتو ... دخلات للممرضة هازا فيديها علاش صخراتها لامار و هي تلوح داكشي وجات كتجري شدات رقية
ممرضة : امااااادام .. اماااادام الله يهديك .... تاحد ماايقرب ليهااا .. امااادااام
رقية : تي ماااشتي شاااي الحالة لي داااايرة فرااسها
ممرضة : لا امادااام ميمكنش تقربي ليييهاا راها مريضة و تحت رعاايتي ... ( مشات جبدات لامار و داتها البيت و كلسات رقية كتهنج )
اريج : اخالتوو الله يهديك راه غي بغات تبببدل شوية
رتاج : ماافييها باااس نيت باش يطوال ليها زوين ... وراكي عارفا ومجربا الوحم كيهبل الواحد ... خليها راها مرييضة
اريج : و شتي هادشي لي درتي كوون جهضااات كون حملنا اسد بلاصتها ... راه حالتها مدهوورة اخالتي انا لي سمعت طبيب ... كيأكد وعاود على نفسيتهاا حيت هي كواشي دابا
لامار دخلات لبيت و كلسات كتشوف فمراايااا وكتعوج شنايفها كيدراري صغار ...
لامار : مالووو جا ووين مااالهااا دارت هاد الحالة
ممرضة : مدااام لامار راكي عارفا لي كاين كتر من ماماك بعدي على هادشي .. اسد لاساق لخبااار لهادشي مغايعحبوش الحال
لامار : كيشتييييه مسوق
ممرضة : انا غي قتليك و الله ويسيق الهبار مغايهليكش هنا مزال ..
ضارت عنها
لامار : يهههربني من مامااا منتك ؟
ممرضة: ايييه ماماك و هانتي شفتي اش دااارت ...
لامار : خرجي هرجي رااك مافاهمة والو .. خرجي بغيت نبدل حوايجي
ممرضة : انا نعاووونك
لامار : راه قتليك خرجي ...
خرجات ممرضة و لامار فتحات الكسوة طيحاتها لارض ...وبقات غي بدو بياس كحلين ووقفات حدا واحد مرياا بجججنب كتشووف لمرشها ...والو مزال مابغات تباااان كيجيها الاحباط خصها غاامتى تكبر ... لبسات واحد شورط قصير و ايكسا ديالو و جمعات قصيصة شداتها لور بمقيبط .. وخلاتو مطلووق و كلسات على سرير تاشافتهم داخلين وجات رقية كلسات حداها
رقية : الله يابنيتي الله و اش دارليك هاد الشعر كان مزيناتو
لاماار : خلاااص اماما قنطني صاافي بنادم هو لي يبدل شوية داابااا يطوااال
رقية: وووكنتي تنقصيه غاشوية ماااشي تكرجييييه
لامار : وصاااااافي طيبتيلي راسي اماما قلبي الموضووع
رقية : وراااجلك فخبارو
لامار : (خنزرات ) يدددخلي تافشعري ماااسوقوووش .. ماما ديريلي شووووية قيييمة ملي تزوجت ونتي غي اسد اسد اسد .. انا مدايراليش قيمة قدامووو كاع كيفاش بغيتي يديرهالي هووو وااابزاااف غايييخس غير راااااني شااايطة .. انا مااشي بنتك ولاشنووو اماما .. واااعيقتي شحال و نا صااابرةة...
اريج : صااافي قلبو علينا هاد الموضوع و نتي على سبة . . يلاه نوضي تغدااااي ماغاناكلوش بلا بيكي ...
لامار : مااافياااش .. ريحة المرقة ماعجبتنيش
ممرضة : ماكلتك غاتوصل امادام دابا .. وتا المروض دابا هوا جا ... اذن تغداي قبل مايجي ...
شوية ووصلات ماكلتها و اريج و رتاج خرجو يتغداو برا هوما خرجو هوما يلقاو اسبرو باقي واقف كريمش و مشات اريج زعزااعتوووو
اريج : وااابننننعمي وتااا توكض
اسبرو : قطعاااتووو قطعاااتوو
اريج : تامالك ... صافي خليو عليكم البنت ..اش فيها كاع ..
رقية: تجمعو اولاداتي الله يرضي عليكم على طبلة .. اميييين مررروان خرجو من داك البيت ونتوما عيناكم لسقو مع داك المشاااقف خرجة تغداو ..
تجمعو على طبلة يتغداو بحالا دااار ماماهم حاسين بالراحة .. رقية دغيا كتربي الكبدة عليهم حيت كيدخلو للخاااطر ... و دخلو عند لامار و اسبرو غي ساكت كيتحححسر على شعرها جاتو البكية .... تاجا المروض و بدا معاها الكصص ديال عنقها و داز ليديها وهي كتشوف مع رتاج فتيليفونو موضيلات د كونات د لي بيبي تاسلا .. هوما يشوفو عندو لقاوه سااهي فاريج لي كتسليفي ... و لامار و رتاج شافو فبعضياتهم و تغامزوو ...
لامار :ااااحم حم ... صافي ؟ حيت عيييت
مروض : ااه اه ... صافي ... بشيفاء انشاءالله .. غير اسبوع و غايتسلاو الحصص تباركالله تحسنتي ..
ناض كيجمع ماتيريالو وخلا ليها بانضة فيدها و جا خارج سلم عليهم و سلم على اريج و بقا شاااااد فيديها بزااااف تااوترهااا ملي فهم راسو طلق ومشااا متوتر كيحك فشعرو ويبتسم ... وممررضة تبعاتو يقادو تقريرها لي كيسيفطو لاسد و طبيبها .....
اسبرو: شفتووووو لي شفففت
لامار : شفت يا ختي شفت بهاد العينين ليغايكلهوم دووود
اسبرو : الحب بقا غاكيتشاير ههه
رتاج : وووولللعها يا حبيبي ولعهاااا هههه
اريج : عللااامن نتوما كتغااامزو يخليييييهاالااا سللللعة صوونيو بلا دقان ...
لامار : عيييينييه لسقو وو مكرهش يمشي ويخليهم هنااا ههههههه
اسبرو : هووو بيض و شهب و نتي بيضة غاتولدو لينا شي كروفيت روايال من داكشي ههههه
ضرباتو بوسادة :جممممع راسك نوض تقود ونتا خاشي راسك وسطناااات ... هادشي لي بقاالي ...
لاملر خلاتهم كيضحكو و ناضت كتجري لدوش مروعة جاتها ردة بداكشي لي تغدات وخرجات من بيت للحمام شادة على فمها تاوصلات و كلسات كتقياااا فلاشاااااس شادة على كررشهاا هي كتقياااا و كتفكككر اسد فاش كاين يدخل ويشد على رااااسهااا ويغسل ليها وجههااا ويعنقها تاتهدن ويعاتب فليبيبي لي قياها .. كككتقيااا و تببببببكي بااااااغاه فهاااد اللحظة محتاجاه بلا قياس ... تاسلات و تكات على لحيط كتنهج و دموع معمرين عينيييهاااا و ناضت لافابو بدات تلوح الما على وجههها و تبكي ... كتحاول تضحك معاااهم كتحاول تخلق جووو و تنساااا و دير راسها قوية و مكتهتمش ليه ..و سعيدة .. وللاكن راه هو سعااادددتها كيفاش غاتفرح بلا بيه .. ضحكة من الفم و القلب طااااااااايب ...كتحس صااافي بدات كاتفقدووو .. ملي مسولش فيها خرجااات هاد صباح و مداهاش فيهااا ومعاتبهاش ومخافش عليها وكضن قل اهتمامو بيها ....هاد المدة كاملة ماسمعات عليه تاخبار اش يكون كيدير فين مشاا .. واش ملاهياه شي وحدة عليها .. كاع الافكار الخايبين كيجيو لرااااسهااا وحدة ورا لوخرا .. وكتحس بلي مخلي فراااااااغ كبير فحياتها ...كان نووور و مشا و خلا غي ظلام .. كان سكرر و مشا وخلا غي الحنطل ... تاحاجا مامضوية بلا بيه و تاحجة ماحلوة بلا بيه.. تامنضحكة ولات تضحكها قمة فالنفااااق غي باش نتبينش تقليقتها وظعفها ... حيت مكيمكنش تخرجها من القلب .. و القلب تلف منهار بعد عليها ... اااه ماباغاش تشوووف فوجهو و فنفس الوقت حضورو هو امانها ... مابغاهش تسمع صوتو .. وفنفس الوقت هضرتوو هي راحتها ... مابغاش يقيس فيها ... فتفس الوقت لمساتو هي دواها ... ماباغاهش فنفس الوقت هو حياتها ... لامار فهاد اللحظة وصللت لواحد المرحلة لي ماعرفاش راسها اش باغا بضبط ... نفسية ملخبطة بلا قيااااس ...
تاسمعات دقان خفيييف و مسحات فمها و عينيها باقين حومر و فتحات لباب لقاتها رتااج شافتها تعطلات و وتشطنات عليها وتبعاتهت .... و لامار بقات غي واقفة وكتعض فشفايفهاااا باش ميهبطوش دموع حممممممرة و رتاج غي كترمش فيها ... فللخر ا رتاج فتحات يدييهااا ..وتلاحت هليها لامااار معنقاااهاااا بححححررر جههدهاااا وكتتتتبكي بجججهد ورتاج سدات لباب باش مايشوفهم شي حد ... وخلاتها كاتتبكي على رااااحتهاااا
لامار : ( بالبكا فحظنها ) علااااش نسااااني علاش .. علاش اختي نساااني ؟؟؟؟ علاااش مااايسولش فيا .. صااافي عاقبني مجاش داني من كلينيك صاااافي يررررررجع خلاص باركااا.. مااابقييتش قاااادة اختي مقااااداااااش ... كووولشي مجموع علياااا .. فراقوووو مررضي ولدي ... كووولشي .. واخا راني فدارنا مع خوتي و ماماا ... ولاكن نااااقسة بزاااف بحالا غريبة وسط نااااسي ...ع ع عععرفتي عرفت بلي وو واخا نكون وسط عااائلتي كنحس براسي برانية .. حييت اسد .. اسد رااه ه الوطططن لي انا كننتتتمي ليه انااا .... كيفاش غانكمل لى ماااسوولش فيااااااا وهملنب كيفاااش ... ندل راااسي و نمشي عندوووو ... انا فاااااااش غالطة غي قوليلي ... انا فاااش غلطت معاه ... للاااكنت تعصبت عليه رااااه بسباب اش دااار ... لاقتليه مانشوفكش راااه عارف اش دار ... كيفاش غااايتخلا عليا دابا و انا محتاجاه كتر من اي وقت .... بغيييت ندموووو ا اريج بغيييت ندمووو ... وفنفس الوقت بغيت نعنقووو ... بغيتوووو يننندددم على اش دااار و فنفس الوقت يرجع ليا ... ( طلعات ارسها كتشوف عندها بترجي ) يكون بدلني هااا ؟؟؟ ييي ي يكون زعمااا نساني .. ي يكون كان باغي غي سبة ها ؟ طللعتلو فراسووو ياااك .. صاافي خيابييييت شووفي كيفاش وليت غلييضة وووجهي صفررر و شنايفي بياضوو.. بقوة مككنتقياااا ... وليت مزاااجية و مكنننحمل تاحجا ومعصبة .. صااافي مللني ياك .. حيت وليت نكاارة .. ديما مريضة و عيااانة ... هو غايكون باغي لي تلبس ليه و توجد ليه ماكلة وتكوون ضااااحكة ليه ي ياك .. باغي لي متنكرش عليبببه و تقوليه غير ااه .. غايكون لقاها ياااك داكشي علاش نااسيني
رتاج شدات وجهها : تتتهدني الامار تههدني ...وفكري فووولدك .. ماتفكري تافاحجا اخرى .... علاش فقدتي الثقة فراسك الامار ... علاش كديري هاكا ؟؟
لامارر : اناااا عاااارفة نسااااني عااارفة
رتاج شدات ليها راسها و راتو ليها فمراية
رتاج : شووووفي فراااسك شووفي مزيان ... شوووفي فوووجهك ....شووفي كيردتي عيييينيك ... ماااالك على حالتك ... شوووفي شفارك كيف طاحو بقوة دموع .... شوفي نيفك كي ولا حمر .. عروووقك خرجو بالاعصاااب ... ماالكي الاااامار ماالكي ...ماسووولش فيك ؟؟؟؟ بقا فيك الحال حيت مادهاش فيك ؟ ومااابتقاش فيك الحال حيت مادياااهش فراااااسك ؟؟؟؟ نتي هملتي راسك و كتلوكيه هو على اهماالو ؟؟؟؟ وعزهااااا تعززززك .... ديها فراسك لابغيتي يدييها فييييييك ... لامار سمعيييني انا نقد نجيك قاااااسحة ماشي بحاب اريج .... بصح لمصلاحتك ...اسد لابعد علييك راه حيت خايف عليك ... حيت كل ماشفتيه كتغوتي و تعرعري وهو خايف على ولدو ... اللهم يعطيك بالتقااار ولا تصدقو فشي اجهاض و تلوميه تاني .. كون كنتي كتشوفيه و ماتغوتيش و ديريليه حااالة وحالتين كوووراه معاك دابا ... الى كان خصك تقلقي من شي حد تقلقي من تصرفااااتك ....الى كان اسد خلااك .. فراه خلاك على هاد الثقة لي عدمتييها فراسك ... غرتي من وحدة حمقة كيحسبها اختو ؟؟؟؟؟ غرتي من وحدة ميتة كيحسبها عاهرتو ؟؟ لهاااااد درجة فقدتي الثقة فراااسك نتي لي حياااتو ... نتي لاامااااار .. لامار البنت البسييييييطة و فنفس الوقت القوية لي طيييحااات الرووووكاااان فشبااااكها ...و لا يهترس بيها كيف ليل كيف نهار ... الروووكااان لي مكيناش لي قرباااتليه و لا مسااتوووو و كيحلمو بيه غي فتاصور ويتمناو وقفة حدااااه .. روكان لي كوولشي ضااربليه الحسااااااب ... رووكان لي سميتو كتدكر كولشي كيحني راسي ويقفقف ... بالهبة ديالو .. بجبرتووو .. جيتي نتي مللللكتيه .. حطلك حياتو بين يديك .... مداها لا فسارة لا فاسيل لا فتا قحبة اخرى .. داها فيك نتي .. ولدو فككرررشك نتي .. مناااااسيكش الامار ... غي نهار لي تديها فصحتك و فرااااسك ... و ثيقي فراااسك و تعلي راسك للسما كييف كنتي .. وتقولي انا لامااااار لي مغااااتشبها تاوحدة ... غااايرجع ليك ... .
حنااات لامارر و رتاج خشات ليها راسها .فلابو طلقات الما ... وبدات تغسل ليها
رتاج : اخر مرة نشووف فعينيك هاد دموع ...
لامار شافت عنها كتشمررر
رتاج : صااافي باركا عليك طيبتي قلبك .. راه مكاين لي كآديك قدك نتي ... كمرضي راسك براسك ..( ضوارتها تاني للمرايا ) شوفي فراسك مزيان ... ضضضحكي الامار ضحححككي ...ااابتسمي وشووووفي كيغاتووولي ( لامار بدات كتبتمس فعززز قهرتها ) ششفتي ... كاين شي واحد يضااهي هاد لقمر ؟؟؟ راااه مكنننش بحالك ... غليضة و رلا رقيقة شعر طويل و لا قصير .. مكااااينش بحالك ... حيت اسد لاكان بغا شي حاجة فيك ... فهو بغااااك نتي ... ماشي جسدك ... حيت عطاهم الله ... فيك شي حاجة ممميزة نتي ماعرفاهاش فراسك .. ولاكن هو غايكون عارفها وبغاك عليها لذا ماتقوليش لاغلاضيت و لا ضعافيت غايملني ...
لامار بقات غي كترمش ...
لامار : ننساه ؟
رتاج : واااش تنسااي نصك ثاني ؟ ...
لاماؤ : اشنو نترجاه ؟
ىتاج : ابدااا ماديرهاش حوااء ...
لامار : بغيت نرجعووو ارتاج ...
رتاج : ثيقي فراسك ... وماتقرانييش براسك بوحدة اخرى ... وتيقي فيه تاهوا .. وغاترجعيه ..
لامار : ولااكن بغييتوو يندم على هاددشي مابغبتش ندوظوها بلا مايخد درس واخا هادشي معدبني بفراقو
رتاج : كديك غضيييم ... مناخفش عليك ...
غمزاتها ....وخرجااات ... هضرة رتاج كانت على جروح لامار بحال لبلسم ... حيت هي مامحتاجاش لي يديخا على قد عقلها ...بغات لي يفتح عينيها واخا قاسح .... بقات تشوووف فمراااياااا شحااال وترمممش .. وتشوف لتفاصيل وجهها و ملامحها... ربي عطاها كولشي مقدود و فبلاصتوو وجه ملائكي وهي هالكاه باابكا ... بدات تبتسم لا ارداايا عجبها ووجهااا وهو ضاحك وعينيهااا صغاارو مع ضحيكة .. عاودات غسلات وطهها و تنهدات ... وخرجات .. لقاتهم رجعو يشدو فاريج تاني عصبوووها .. ورتاج طلعات راسها فلامار وومات ليها براسها زعما مزيااان مع ضحيكة ... ولامار كلسات تاهي حداهم و عقلها غاااايب ولاكن كتسمع ليهم ...
اريج : غااااااتعاااودو بحال هاد الهضرة و الله تاتخسرووووني وراااه صعيييب نرجع
رتاج : هههههه كوود بين نتي ... انوضي تكعدي تلقايك طايحا فيه وكالسة ترطاي
اريج : رتااااج جمعععي فمك
اسبرو : وماالها اش فيها تنساااي بييييه غي يووونس لي مشا بلا رجعة ههه
رتاج : ويلا رررجع فقصييييييه بيييه هههههه هاانتي الالة استعمليه غي باش تفقصي يووونس كااع ههههه وتبردي فقصتك هنههههه
اريج : لامااار شدي عليا هادووو ولا والله تااان... لامااار ؟؟؟ لاامار ...
للمار مطرطقة عينها ومبستمة بحالا لقات شي حااااجة كانت كتقلب عليها
اريج : ( بخوف ) لا لا لامار لاااا عفاااااك لا
رتاج : عندااااااااك الاماااااار .. حنا غي ضااحكين
اسبرو :اويلي ماااشي نت ماااشي نت ... عطييييوها الكووفيتيييير دغيااااا عتقوووو
اريج : لامار الحبيية ديالي ختتتك انا عنداااااااك تمشي ديريها
لامار : ( ناضت كتقلب ) قيييين صاااكي فييين حطيتو
ناضت كتقلب ..
رتاج : طييير تتاااا دغياااا حيد ليها الكاارررط فيييزيييت
رتاج : ارررربي على هضرتي كولها شداتها بالمقلووووب حوووكلوووو شيباااتو .... جري نتاااا حيد ليها صااااك ...
اريج : حيد ليها الكااارط قطعها حرررررقهااااا مهم مانخلييييهاليهاش
لامار : ططططلق ... طططلق اسبرو
هو كيجبد وهي كتجبد ...
رتاج : وااش حمقة نتي ... غاتخسريه الامار
لامار : مغااانخونوش اعباد الله .. لاكان هاملني .. بغيت نرجعووو ..
اريج : وماااهاااملكش الزززمر مهاملكش
لامار : هاااااااملني ... كوكان مهتم ليا فاش خرجت قبيييييلة كان سول فيااا
رتاج : سوووول .. سووول هاد الخرية المليطة لي مخلاتوش يشوفك
لامار : وها طنز ... والله مغانتراجع دابا عطيني نتاااا صاك طلق
اريج : وااااجا لريسطووو فاش كنتي فحمام ونا مخللليتوش يدخل
لامار : انووضي تكعدي واش ههداك غايسمع ليك كون له قلب عليا داك القهوى .. بلا متبقاو تخترعو عليا فالكدوووووب والله تاندير لي فرااااااسي
ناضت اريج تاهي كتجبد مع اسبرو كيحدو ليها الصاااك و رتاج كتقلب على نتيليفونهااا تيحدو ليهااا ربلات البيت والوسااايد تادخلات رقية وهوما يحبسووو بحال شي فيديو تحبس ...اريج هازة وسادة للفوق و اسبرو شاد الصاك ولامار جااراه واريج شادة فاسبرو من ظهرو كانت كتجبد معاه ... شافوها وابتسماااووو بدا يرمشووو ..
رقية : توما مالكم هاناري
رتاج : اااحم ... ككنت كنخمل .. ب بيتها ترووون ( بدات ضرب فداك مخدة و رداتها )
اسبرو : ( طلق صاك ) اا .. ك ككتت كنقووليهاااا والله ماتقيسي شي حااااجة نخملو حنااا كولشي ووهي قالك والو تهز صاك تردو لبلاصتووو راسها قاسح انسيبت سيدي
اريج : و وانا ...كك كنت كنخمل فاسبرو .. كنحيدو مم م طرييييق
لامار : ( ضارت صاك موراها ) اشنووو اماما
رقية : عااسمعت صداع قلت لايتكونو قلبتوها خييييط صباااااط
اسبرو : ( شاف لساعة ) والعداو ليوووووم يييفررركزني نسيييبك ... تتتعططططلت تفو تلهيت معاكم اككنس القسيييف ( فودن اريج ) عنداااااك تخليييوهااا عنداااك راه غاتنوض على راسها النحل
مشا و رقية تبعاتو تشد لباب
لامار : صااافي غي طلقووو مغانعيطش عليه طلقوووو مالكم
اريج : لا لا متايقاااااش ... عطيني داك كارت فيزييت ..
لامار : هاااااك ( جبداتها كتشوف فيها بنص عييين من صااااك و عطاتها ليها ) شششدي تهنيتي دابا
تاج : والله تامقطعة بالله .. كون عرفت منين نشريليك عقل كو مشيت ... مهم اااريج خصنا نمشيو .. انا عندي غونديفو مع واحد طبيب على قبل سطاج ... نيت تعطل الحال ... تهلاااي ازين فصصحتك
اريج : دابا لي عندي الكاااارط عاد تهنيت ...
هزو صيكانهم خرجوو ولامار بداات تشوووف وضحك وجبدات تليفيون من صدرها
لامار : صفر ستة تنين وستين .. خمسة وخمسين صفر واحد ( كتقيد رقمو لي شافتو حفظااتتو ) ااااش غاندير ليه فااسم مممممممم فهدوشي هههههه وااع ... ( كتباتها ) وبدات تضحك
عند اسد ...
داخل لاطوليي د المجهورات و الاحجر الكريمة .. كانت الخلفية كلها زرقاء زجاجية و باااردة حيت كاينة فلاكاف ...و العمال بالوزرات بويض مكتوبة فضهر الروكان ... و اغلبهم فالهندسة المجوهراتية ... داخل كيدير الطلة ديالو كيف كل اسبوع واغلب هاد المجوهرات كتكون هدايا للعائلات الملكية و الرؤساء وهنا فين كيتم التصنيع ديالهم و نحتهم .. كينين دي فيطخين كلهم احجار خاام .. مامخدومينش ... و فوسط القاعة كاينين صناديق طويلة كل واحد و اشمن خاتهم و اشمن عقد محطوط عليه .... جرو ليه الكرسي قدام واحد طابل ...و كلس و دار ليكات فيديه مطاطين وعندو ناحت فيدو وجوج ابر فيد الاخرى شادهم بحال العيدان ديال الصين .. كيشد بيهم الحواهر ... وحطو قدامو البلاطو لي كان طلب ...
- سيدي كلشي وجدناه ليك .. ملي طلبتينا تنحت بيديك .. شرفتي النحث .. لي شحاال ما درتي فيه يديك ...
اسد : صورة واجدة ؟
- جاهزة بقا فمجمد غانخرجوها دابا ...
تحطات قدامو جوهرة💎 لونها مائي بحري ... كاتاخد اي لون تحطات قدامو ... و بدا ينحت فيها ومن اللتحت بدا يدير ثقققب منين غاتخشا الصورة ..كان كينحث فيها بكل دقة مصغر معاها عينو ...وهوما حداه كل مرة و الناحث لي كيمدو ليه ... وجابو ليه الصورة كانت باقا فثلج هازينها بواحد اابرة كانت صغيييييييييرة بزااااف وتقدر متبانش كاع بحال شي نقطة مكايبان فيها والو ..غي فتيتة ... مجهرية .. دار فعينو المكبر باش قدر يخشيها فداك الثقب و فيدو ابرة كدفعها للداخل تاولات الجوهرة كللهااااا كاتبان فيها صورة لامار من كل جيهة منحوووتة .. كتبااان كبييييرة .. كانت صورتها وهي ضااكحة بعفوية مشافتوش وهو كيصور... بدا يضور الجوهرة فيدو كلها كتلمع و كتبين صورتها لداخل بحالا كتحرك كل جنب من الوهرة كتبان غيه ... ورجع هز واحد الحديدة دائرية صغيرة ...بدوك لاابرات لي فيدو و خشاها فثقب لي خشا منو الصورة ... وعطاوه العقد الماسي لي فيه ماسااااااات صغار كل زحدة لاسقة مع بعضها تادارت عقد ... وخشاع فداك الدائرة .... و صنع العقد لي بغااا بيدو ... وجابو ليه لابواط كانو مزلعين فيها حجيرات لاماعين حووومر وحطها وسطهم وخدات اللون الاحمر كتبان واااو فالابواط و سد عليها وحبديد ليكات و خرج هازها فيدو .. و مشااا لدااار لي وجدو ليهم ... كانت بجااااانب البحر على الرملة و قدامها اليخوت ديالو بخمسة لي عندو فالمغرب مستفين .. جاا للدار لي عندو ف لبلاصة فين كحيط اليخوت ومنين كيبحر وو هنا فين عندو لاطوليي ديالو د السفن و القطع ديالهم ... كانت فيلا صغيييرة زجااجية البحر كايبان كولو فالمرايات ديالها و مع كان وقت د الغروب الجدران الزجاجين تبدعات فيهم لوحة طبيعية من دااااكشي .... هاااااادئة و بعييييدة على للبشر كاينة غي غابة وراهم و مكتب بعيييد دالامن .. كانت عندو قديمة و تعاود ترميمها ... حل لباب القصيرة الفضية ودخل كان قدامو كوض صغييير دائري مشعول فيه الضو لتحت بالاخضر وفيه نوع من الاسماك النادرة .. و فوقو جسر خشبي كيدوز لدخلة د دار ... كان بالبولات مع جناب كلشي مشعول .. و دخل لداار فتح لباب بالبصمة و شعل ضو و بدا يشوف مع الارجاااء كلشي كيف بغاه و كولشي محطوط فبلاصتو ... واخا مزال غايكملو فيها غدا من ناحية للديكورات ... طلع لطابق لفوقاني لي هو كولو عبارة على بيت نعاس بطلة سوداء قمة فالرقي .... عجبو داكشي ..وطل على واحد الكوااان لي هو مهم بزااف ... عجبو و غدا يكمل فيه خدمتو ولامساتو بيدو ... حط داك لابواااط وجبد كاميرا روبو .. حطها قدامو وكلس على ناموسة... الاشارة الحمرة كضرب فيه .. على انو بدا التسجيل وهو بقا سااكت شحال كبستم زكيتفكككر .... فللخر شاف للكاميرا بعينين نظرنهم زوييييينة ملي مبتسمين و بدا يهضر ....
عند لامار ...
مخشية ففراشها كانت كتشوف فواحد كتاب على المرحلة لي هي فيها من الحمل .. و سداااتوو.. عينيها عياو ... وتكات على سرير كتشوووف فسقف.. وتاااااهت فبحر دكراياتها من جديد ... لي كيتخللو ليها حدث بحدث كلمااا كلسات بوحدها وكل ما جا الليل ...كتتتفكرررر فاول نهار فصحات ليه بحبها فاش كانو فميكسيكو شادة على عينيها
(* لامار: ... ا اسد... ص صاارحة معرفتش كيفاش نخرجها على فمي و الله .. و لا حتا منين نبداها ولا حتا اش نقول .. رغم اني كنت مرتبة الكلمات ...كلشي مشاليا...تقدر تجيك غريبة كنهضر بجدية هاد المرة و لاكن و الله الى من قلبي ... نهار لول ديالي معاك ا اسد .. شفت فرق كبير بيناتنا فالعقلية و فكولشي اخر حاجة ضنيتها انني ندوز معاك كاع هادشي ... نهار على نهار .. كنزيد نتقرب من كل تفاصيلك ...وليت كل مانغمض عيني غي نتا لي كتجيلي لبال فاحلامي فمنامي فتفكري ... معرفتش اش وقع ليا .. اصلا هاد عيني لي كنشوف بيها غي بساب العدسة .. كنقدر نشوف بيها حاجة وحدة بلا عدسة .. هي نتا .. صورتك سااكنة فعيني ... حسيتك آمان ...حسيتك عائلة بجنبي رغم انك شخص غريب عليا و مكتجيني بحتا صلة .. كل مكتقرب ليا ... تقيسني و لا تقبلني و الله تاكنحس براسي وحدة اخرى ااسد ... ع عيت نخبي و نكدب على راسي ولاكن فالخر ( شافت فيه) لقيت راسي .. بصح كنبغيك .... تيقني ... انا كنبغيك ا اسد ...*)
فتحات عينيها لي معمرين بدموع و مسحاتهم ...
لامار : كنبغيك .. كتر من اي حاجة ... و اي حاجة كننديرها غي باش نرجعك ... مغانقدش نجي عندك و نطيح براسي و نترجاك و نتا الغالط ... انا باغا غي نتأكد ا اسد ... اااخر حاجة غاندييييير هي نخونك .. اما دابا باغا ... غي نتأكد من حبك ليا واش باقي نفسو ... واش باقي كتغير عليا بحال لول .. واش باقي كتبغيني ... ولا صافي نسيتني ... ( اسد فدارو كيشوف فداك العقد وزيرو فيدو وكيتسنا غدا بفارغ الصبر ) هادشي لي بغيت نعرف ... تيقني معمري نفكر نشوف فغيرك ... هادي اخر حاجة غاندير على قبل حبنا ... ااااخر حاجة .. و اخر فرصة كنعطيييك برهن ليا بلي نتا باقي كتبغيني و مامليتنيش برهن ليا بلي انا غالطة فحقك ا اسد ... ..
هزات تيليفون كتشوف فداك الرقم ووسرطات ريقها و صونات ...
فهد كان فالريسطو كيتعشاو هو و عدنان واحد جوج مونيكات معاهم باغين يقسرو بيهم .. تاكيصوني تيليفونو ...
فهد : الووو ...
شوية و عينيه توسعووو و ناض واقف و عدنان كيشوف فيه بمعني شكون .. وهو ناااض بعععد فرحان ...
لامار : الو فهد ؟ كتسمعني ...
فهد : و وييي الاماار وي كنننسمعك .. ماااتصوورتش تعيطي ليااا
لامار : ياك نتا قليتيلي لابغيتي اخ تعاودي ليه انا موجود
فهد : اخ ! اا اااه قلتهااليك ... نجي عندك ولا ؟
لامار : لا مكاين لاش ... اش بانلك نفطرو بجوج غدا هم ؟
فهد : على انا نقد نقول لا .. موحال تاواش يديني نعااااس
لامار : واخا اذن .. نتلاقاو مع العشرة صافي ؟ ختار ريسطو و يسفطلي لادغيس
فهد : هي لي ماتعاااااااودش ... أجججمل فطور غانفطرو هو ديال غدا
لامار : يلااه تصبح على خير ...
قطعات عليه و لاحت تيليفون و شدات يديها عنها
لامار : كنتمنى هادشيي يرجعك ليا اسد ... و يبرهلني بلي حبيبي باااقي كيبغيني و كاع مااانسااااني ...
ابتسمااات و تنهدات مطوووولة ... و تخشات ففراشها كتلعب بخاتمها فيديها وتبتسم ... تاداها نعااااس ...
و اسد براا حدا البحر كااالس كيكمي كان بشورط دجين و تيشورت سماطي كحلة و ماد رجلو على لكرسي ... كيدوز بيدو فتصااورهااا موووووحشهااا بزاااف ... و حط تيليفون كيتنهد و كيشوف للبحر و مواجووو الهايجة فهاد اللييل و نسمة ريح خفيفة البرودة كضرب فشعرو .... وتاهي ففراشها كتشوووف فتصااورهم بعينين دمعانين
