حياة : دابااا ازمررر مالكي مخلوعة ...غي تهناااااي انا راه فاش كندير شي حاجة فراسي راه غانديرها وتاحد مايوقفني .... غي بلا متحفي الحجرة ...
رتاج : احياااة مخصني بو مشاكل عفاك ... غايردني انا لي داياك معايا ضد فيه ...وانا مغانستحملش هضرتو وغانتخاصمو ..... كلسي للارض مغاتمشي لا بوحدك لا معاياا
حياة : والله اختي مانخليكم تخاصمو غانقوليه انا لي بززت عليها وخافت عليا نمشي بوحدي ووافقات وهو عارفني كيدايرة والله مغاتخاصمو واش حسابتك غانخليك طيحي فمشاكيل .... نتي غي ديني ومعندك مناش تخافي مرانيش بنت صغيرة
رتاج : ( شدات على راسها ) اووووووف..... دوك لبلايص مكتعرفيهمش كيدايريين ... انا غانشمي مع صحااابي نشطحو وصااافي ... وكولشي كيعرفني تما مكيضسر ليا حد ... ونتي راه مكيعرفوكش غايضسرو عليك .... لا احياة هاادشي لي كتقولي ميمكنش ديري عقلك
حياو : اوا صافي ..ملي مابغتيش نمشي بوووووحدي ... ( جات مااشية ورتاج ناضا من الفرااش تابعاها )
رتاج : حياااة .. صبرررري حياة ووووقفي اززززمر
حياة : ( ضارت عنها ) شنو ؟
رتاج : فييين غااتمشي الموصيبة فييين.... راه ديسكو ماشي بحال ريسطو عااادي كيف كيحسابتليك
حياة : وعلاش غاتمشي ليه نتي ؟
رتاج : حيت انا مع صحابي وكنعرف ناس تما مكاينش لي يتجرأ حتى يضسر عليا عارفيني جايا غير ننشط ومولفا بداك لبلايص ودوك ناس... نتي مكيعرفك حد تما وماعمرك دخلتي .... راه يعرفها سفيان والله عمرو لاهضر معايا
حياة تنهدات ومشات كلسات
حياة : معنديش شي طريقة اخرى لي نحبسو بيها من غير هادي ... صافي متخافيش مغانجبدش ليك صداع ... غانمشي بوحدي لبلاصة اخرى
رتاج : وااااااش باغا تحممقيني ..
حياة : راه غانمششي غاااانمشي فكرت مزياااان .. اش عندو يدير كاع يضربني ؟ ديما كيضربني ... ياك هو خايف عليا من هاد العالم لاندخل ليه.. اوا خليه يحس بلي بسبابو غاندخل ليه
رتاج : ( ساطت بجهد وناضت ماشية لدوش ) وناري شحال معككسسسة
حياة : راااه غامشمي والله حتى نمشي ...
رتاج : ( رجعات ضارت عندها ) تممممممشي لجججنهم ان شاء الله ....ففففففف ...صاافي صافي هنينا .... ولاااااكن شووفي عندي طرا شي حاجة والله منعقل عليك
حياو : ( وقفات كاترمش بغينيها فرحااانة ) متخااااافيش
رتاج : ماتقربي لحتى شي ولد غانكلسو غير مع صحابي ... تا الى جا غايلقانا فكوان نقي ومع ناس نقيييين ... والى مجاش هادشي لي بغينا ...
حياة : ( طارت عليها عنقاتها ) خليييييك لياااااااا
رتاح : طططلللقي جيفتيييني ... برهوشة كيدايرة ... لي خلاتو فيا اريج قبل ماتزوج اجي كمليه نتي وانا نبقا بايرة تابعاكم
دخلات رتاج لدوش وحياة بقات تمااا كتتقززز وتصفق متشوفة تشوف هاد الديسكو كيداير ... بحكم حياتها لي عاشت فدوار وسنها الصغير ومراهقتها و عنادها وحيويتها ولدو ليها واحد حب الاستكشاف وفضوول كبير تستكشف اي بلاصة واي حاجة .... رغم ان هادشي دايراه غير لعبة لسفيان ولاكن متنكرش انها باغا تشوف هاد بلايص وتشوف ناس كيفاش كتعيش حياتها وتجرب كاع دوك
الحوايج المحظورين .. الامر مثييير الاهتمام بنسبة ليها .... فنفس الوقت باغا تشوف تاني ردة فعل سفيان كيعجبها الحال ملي كيتشوفو كيغير عليها وخيفان عليها وخا كيعصيها مكتحشمش هههه مرااهقتها صعييبة .... خرجات رتاج ولبسات حوايجها وخرجو لواحد لكافي يدرو الكوطي ويتقضاو سواريات لليل ... حياة ناشطة غاطير بفرحة حاسة براسها نساااات شوية همهااا ودق لي عطاها سفيان وحسات بلي خرجات شوية من عالم السلطوية والحكام دباها ودسفيان وغادير لي فراسها وهادي هي الراحة النفسية دالمراهقات .... ورتاج غير كدعي بسلااامة تخرجليلة على خير فنفس الوقتتاهي كتقول مزياااانة فيهم هاكا كيخص لرجال لمرا لي تمرمدهم وتخليهم يقطعو حوايجهم بالاعصاااب هي علامن كيتسطاو مداك الساهلة كيف وااالو ... بنادم يعيش حياتو ولي ليها ليييها ...مطالعاش مطالعاش ..حياة واكلة واكلة العصااا ..وهي منخلينها منخلينهااا ... اش غايطرا اسوء من هاكا .....
سفيان رجع لدار طالع ديريكت هاد المرة لبيتها يهضرو بعد مابرد شوية ...شرا ليها تيل جديد ... حل لباب مالقهاش بقا كيقلب فدوش بالكون مابانتش ليه حط داك لابواط تما ...ورجع خرج مطلع حاجبو باستغراب فين مشات عاوتاني .. وهبط فدروج كيجري يعيط غير لماماها بعدا واش مشات لدارهم حيت كيعرفها طايشة تمشي دير شي حاجة .... وهو يشوف رجاء
سفيان : رجاااء اجي اجي
رجاء : نعام اسيدي
سفيان : مابنتليكش حياة ؟
رجاء : خرجاااات قبيلة اسيدي
سفيان : معرفتيش فين
رجاء: غالبا غاتكون مع المادموزيل رتاج .. حيت قبل ماتخرج طلبت مني تتصل بيها من الهاتف ديالي منبعد جات موراها سيارة ديالها وداتها
خلاها وخرج بزرربة كيصوني على رتاج .... لي كانت فلاكابين دإيساي كتجرب واحد لاغوب وحياة برا كتشوف فالحوايج .. تااسمعات تيل درتاج كيصوني على لكرسي ... طلات عليه لقاتو سفيان ... وبدات تضحك
حياة : ههههه لا لا احبيبي مزال خصك تمحن شوية ( قطعات عليه ) خلييييك تقلا مزيااان ... (دخلات بلوكات نمرتو من ليزابيل باش لارحع يصوني يطلع ليه طافي وهاكا رتاج متشوفوش صونا ورداتو لبلاصتو)
سفيان لقاها قطعات بقا غير كيشوف فتيل .. لش واقع لهادي ؟ بدااا للدم تاني كيفور ليه فراااس ... سخن عليه دياااال بصصصصح .... ومشا بزربة لطموبيلتو ركب وكسيراااا بجججهد ديريكت لدار رتاج ...
حياة عرفاتو غايمشي لدار درتاج اكيد .. وهي ديرها بالعاااني بقات كدير راسها معجبها والو غير باش يتعطلو هبلااااتها تاضلااام الحااال عاد ختارت واحد لاغوب فبلو ماغين قصيرة وباليدين مع ليباموس .. وتاني حرب باش يختارو ليزاكسيسوار وسفيان وصل لدار قالوليه خرجو ومشا كيقلب فكل بلاااصة عليهم ويصوووني والو كيعطيه بحالل طاافي تاعض فداك تيليفون بجنوووون قرب يهرس ليه لافيشور شققها .. ورتاج وحياة سلاو شوبينغ ديالهم وخرجو لباركينغ
رتاج : عيت ...من داااابا حرقوني رجلي كيغادير نكمل لاسواغي وانا شهوتي نشطح ..
حياة : عرفتي شنو بلا منرجعو تالظااار غانطولو طريق وصافي .. نمشيو لشي صالون غير هنايا لبسو فيه
رتاج : داكشي لي قلت نيت .. وياربي دوز ليلة على خير باغا تخرجيها فيا وصافي ...
حياة :نساي شوية نساي انا ليغاناكل هرا دار بويا وماهازاش لهم بحالك .... خلينا نمشيو نشطو ونعيشو الللحظة وفين مابغات توصل توصل ( رتاج بدات غي كضور راسها وضحك وخا هاكاك عنهاااا عزيييزة وعنقاتها وزادو لطموبيل )
مشاو لصالون ... لبسو تما رتاج غير بغوب بيج بسميطااات وفوق ركابي وصندال كرووونة عااالية صايبو ليهم شعرهم ومكياج خفيف بااش مايبانوش كيف ديك القحبات ... وحياة بلاغوب ديالها وصباط عالي كحل لامع يلاه كتركب حلاقتها وتيل صونا لرتاج
رتاج :ازيييين
معاد : واافين ...راحنا كنتسناوك غير نتي
رتاج :انا جاايا راني فصالون مي ساليت ... شكون تما كاع
معاد :حنا وصااافي وليلى يلاه جات هي واحد صحيبها نافخ علينا ريشو هنايا ضيع لينا لكلسة .. ولاكن عرفتي ديسكو مطرطق ليوومااا الحييييحة
رتاج : وايلي هههه مهم انا جاااايا ... ( قطعات عليه ) حيااااة يلاه راه كيتسناونا ... شهرازاد الله يعطيك صحة احبيبة عجججبني شعري ( كتسلم عليها ) تانتشاوفو بااااي ...
شهرازاد : تهلااااي ...حيااااة تشششرفناااا بيك احبيبة تانتي مرة مرة اجي مع رتاج صالون صالونك
حياة : اااه علاش لاااا نجي يلاه تهلااااي
خرجو مشاو لطموبيلات جااو خطاااار كيطخو زرزورر من فوق سور وشدو طريق لديسكو وسفيان كيهبل فطرقااااان مخلوع .....
وصلو قداام ديسكو وحياة غير شافتو تبدلات داك النظرة لحماسية لي فعينيها وتقلبات لنظرة متوترة وبدات تفرك فصبعانها .... ردات ليها البال رتاج وهي تشد على يديها
رتاج : الى بغيتي راه نقدر نرجعك ..
حياة : ( خطفات يدها وتنفسات كتطرد الخوف ) لاا لاااا مابغيتش نرجع ... يلاه ندخخخلو سربي ...
نزلات من طموبيل وريح دا ليها شعرها وهي كتشوف مع لباب كانت كبييييرة وفوق لباب مرسومة مرة مستلقية على جنبها سيييييكسي .. وحداه جوج دليبوديغارد مكلضمين والسماعة فودنهم ... ورتاج عطات سوارت لواحد جا لعندها يمشي يباركي طموبيل ودخلو غير حلو ليهم الابواب وهي تسمع الززززدحة حيت على برا مكيتسمع والو ... الحييييييحة ديال بصح ودروج هباطين لاكاف حيت لفوق كافي عادية ... محدهم هباطين ماحد الززدحة كتزيد تجهاد فودنيهم ... رتاج أليز عكس حياة لي كتستكشف بعينيها وكتشوف مع البنات طالعين هباطين المعري فيهم كتر من المغطي وكاينة لي سكراااانة وكيلوات دالماكياج فوجهمم ... تانزلو لتحت وحياة كضور فعينيها مكاين غير شيشات علىبالي ودخاخن وكل واحد تحت يدو وحدة وكاين لي كيفلورطي وتاحد مامسوق عالم اخوووررر ... رتاج فاتت داكشي كامل وماشيا بجيهة واحد الكوان بعيد شوية وخاوي نوعا ما كيكلسو فيه غير النخبة والسربيات كيضحكو معاها كيعرفوها .. تاوصلات قدام واحد الكلسة بلي فوطوي دجلد فالموف دائرية كالسين فيها بنات ودراري كيبان عليهم نقيييين وغلى طبلة محطوطين الكيسان دالشراب و دالعصير وشيشة شافو رتاج وضحكو ليها وواحد لولد وقف كان متييييتز انيق وحلاقة فودنو داير لي باااغ ومد يدو لرتاج
معاااد : على سللااااامة
رتاج : سيركيلاسيون راك عارف ..هلااااو كااايس .... رااااكم هنا مجموعين ...
ليلى : لحووووب ديالي جات كتغبري تاكنتوحشوك
زينب : عاااااش منشاااافك ...
رتاج ضحكات ليهم وبعدات من قدام حياة لي واقفة موراها ماشافوهاش ...
رتاج : جبت معاياااا واحد ضييييفة
معاد : ( كيشوف فحياة ويصفر ) مرحبااااا مرحباااا... تففففضلي امادموزيل
رتاج : ( شافتو عواج وحياة مبتسمة عجبوها ماموسيخنش وباينة متواضعين ) خليييييني بعدا نعرفكوووم ... حياة هذا معاد ولد صاحب بابا باقي كيقرا فاوكرانيا ويلاه دخل فاكونص ... هاادي زينب بنت عمو تاعي كتقرا معاه ... وهااادي ليلى صاحبتي المشععكة لي مافايدة فوااالو ههههه .. وهادي كوتر قرينا بجوج وتاهي خدامة فواحد كلينيك ... وها دالمسخوط اشرف ( وقف تاهو سلم ) تاهو ولد صاحب بابا وكسير شركة دالاثاث التركي .. ولي معاه جيهان خطييييتو ومصممة وصديقة اريييج ... وهذا باقي تانا معرفتوش
ليلى : ختيييشيبي ههههه مراااض
رتاج : مشرررفين ... وهادي حيااااة ... مراااات سفيااان خووو اسد مول محموعة شركااات الرووووكان
ليلى : نووووووو ناااااااااري جاتني البككككككككية تزوووووووج
مراض : وعلاش بسلامة غاتبكي ؟
ليلى : هههههه غير ح حيت ... ك كان صديقي وصااافي ( جبداتو من حناكو ) مغيااااار ديالي
معاد : مشششرفين بيك احياة ...سفياااان صااافا ؟
حياة : حححمد الله راه بيخير .. غير هو نصحح لرتاج .. ماشي مراتو ... يلاه مخطوبين
زينب : وابحال بحال الله يكمل بالخير زيييييييدو تكلسو ...
مشاو كلسو ورتاج جرات ليلى
رتاج : شكون هاد ميخي لابس الصفر كي رب الهنوود منين كتقلبي على هاد الاشكال
ليلى :راه قتليك خطيييبي
رتاج : اشمن واحد فيهم ... ربي واش مكيتغالطوش ليك
ليلى:لا معلماهم .. هانتي هذا معلماه بداك الخالة لي فعنقو ... نااااااااري خطيبة سفيان كاحححححمق شفتها فشلت داكشي علاش مداهاش فيا انا داك نهار ..... كتحمق ياختي جاتني كتشبه تالمرات روكااان فيها شي حاجة منهاااا ياااااك؟
رتاج : راه بنت خالتها .... باااركا من نميمة سيري عند ميخي ديالك كيف كيخنزر يخ محملتوش
ليلى :مانا حاملاه صابرة غير حيت سسسسسخي شرالياا بررررطمة وااااعرة على لبحر ... حيت بوحدي لي لقاني صابرة ليه على داك زبيبة لي عندو ...
رتاج : واااااااع هاد تكلضيييمة كاملة ووعو زبيبة
ليلى : واااايه بارك عليا نشد نمحنك ... وملي مشيت عندو ياريت كون كانت زبيبة .. وقد داك العووود لي كاكون فراس زبيبة .. عرفتي راه خصني المكبر يلاه نشوفو ... مافاش يكون مامقيمش خصني تيليسكووووب ... جاية نضرب الكوجاك سعا خفتو يوحل ليا فضراااس ونصدق على خر يامي كنخور ثبوو من سناني بالكورضون
رتاج : هههههههه واااااع بععععععععدي مني وااااااكرشيييي حررقتني
حياة : علاش كضحكووو
رتاح : والو غير هاد خيتي خص لي عاود ليها ترابي ...
داك مراد عينيه غير على حياااة كيطلع فيها ويهبط وهي كتشوف غير فناس تاجات عندهم سرباية
رتاج : اش تشربي احياااة
حياة : مم معرفتش
معاد : هههه هانتي كاين المازا هينيكن وان دريد ستيلا الفوطكا باترا
حياة : اش هادو ؟ قهاوي ؟
ليلى : هههههههه لا شوووربااات
رتاج : الله يمسخكم ... الشراب هذا احياة متديش عليهم .. جيبلينا 2 عصير
داك مراد غير طيشوف فحياة كيف كضضحك كتبان عفووووية وكتمايل نع الزدحة شدو جنون على شفايفها مكرهش ينوض غير يبوسها ... وليلى تاهي عاطياه تيساع كتفرج فتيتيز تاهي ضارباه بركلة خصها غير ماتسوس منو ...
رتاج : نووضوووو نشطحو
حياة : يلاااه دارو فيا جنووون
شدات فيها رتاج وناضو ومعاد دغيا كيتطلق معاه لواحد واشرف وخطيبتو تاهوما ناضو كيشطحووو ... وهي كتشطخ مع رتاج ومعاد وليلى تاهي وزينب وكيضضضحكووو بجهد ويغوووتووو وديديجي مرووون القضضضية ... كيشطحو على نغمات HP ديال MALUMA ونييييت بحالا كيمعني عليييهم كيهضر عل لبنت لي باغا غير تنشششط ومكتقلبش على الحب باغا غي تنساااا واحد الحمق هههه .... شششطحو تاعيااااووو لارتاج لا حيااااة نسااااو كااااع اش ضاير بيهم وسفيااان عيا بتقلاب ماخلا فين سووول وكاع لي كلوب مشا ليهم ودابا شادها لسبيطارات لاتكون واقعة ليهم شي حاجة ...
لامار واسد وصلو لدااار ما تا اسبرو مقصصر مع عادل ... قسسم طايحة ناعسة فيد لامار ... ودخلو لدار سهيييييط مكاين حد ومشاو ديريكت لجناح ديالهم
لامار : اسد ... غانمشي نشوف حياة ... يقدر يكون جا سفيان وداها
اسد: داكوغ غاندخل ندوش ...
خرجات مشات لبيتها مالقاتهاش وتا اسبرو مكاينش ...
لامار : فين مشاو هادو ... ياربي سلامة مايكون واقع والو وصافي ...
هبطات لتحت يلاه غاتصوني فتيل هو يبان ليها عدنان داااخل وضحكات
لامار : على سللاااااامة ( قربات سلمات عليه ) تسينيتك قبيلة كاع ماجيتي ...
عدنان : جييت غير مالقيتكمش ... كنت غير هنا قريب وبانتلي طموبيل ديالكم دخلات توحشت قسم بغيت نشوفها وعندي شي غراض مع اسد ( كان هاز واحد الملف فيدو )
لامار : جبببناااها ناااعسة .. الى فاقت نهبطها زيد كلس ... لقيتني غاتصوني على خياة كانت معايا ودابا مالقيتهاش
عدنان : وي تا فاش جيت كانت هنا هي وسفيان ... فين مشاو
لامار : هي وسفيان ؟؟؟؟؟؟ سفيان شافها هنا
عدنان : واااايه
لامار : تخاااصموووو يااااك ؟؟؟؟؟
عدنان : م م معرفتش ... لقيتهم عادي.. غاتكون غير معاه ... ( كيحك فراسو كيبان عيان وراسو ثقييييل عليه )
لامار : عدنان ياك لاباس ؟
عدنان : لالا صافا ( كيتتفس بصعوبة ) غير شي كاس دالما بارد عفاك ...
لامار : ( صونات على رجاء تطلعو ورجعات عندو ) واش نتا بيخييير ؟
عدنان : بيييييخير مالكي تخلعتي هههه باقي مطول معاكم متخافيش هههه غير عييت شوية بطريق ليوما ...
