باقين كيهضرو و يونس دخل معصب ...
اسد : ( وفف داير يدو فطيب ) اش وااقع ايونس ... اشمن سرقة ؟
يونس : فلوسي تسرقو ا اسد ...
اسد : واش متأكد ؟؟؟ تكون حطيتيهم فشي بلاصة و مقلبتيش مزيااان مكاين لي غايسرقهم ...
يونس : علاش مكاينش ؟ ياك داك اولد داخل خارج لدااار و مكيجينا والو ... داااير ثقة عمياااا ا اسد فالرجاااالك
اسد: انااا عمري كتتيق فشي و كندخلووو لداري .... حد حتا كنعرفو قد ثقة.. ومارانيش ولد ولد صغييير ...
يونس : ادن لكييت ديالو اش كان كيدير عندي فالبيت ...
اسد : نستفسروو ... ماشي نتسرعو ... امور بحال هادي ماسهالاش ... و مبلغ بحال هداك لاتهمتي بيه سعيد راه غايخلعو ... مافكرتيش تكون ضالموو ...
يونس : ااااذن فهمني علاش يدخل لبيتي فالوقت لي تهزو منهم الفلوس .. فيمن غانشك من غيرو فسارة و لا فلاماار ؟؟ حط راسك فبلاصتي .. راهو الوحيد الغريب بيناتنا
اسد: غيييير بالعقل دابا ... غير بالهقل ... غايجي الولد و غانفهم كولشي ... مكانش عليك تجري عليه قبل مانجي
يونس : عااارفو خدااام عندك ... ولاكن راه مصبرتش عرفتي شحال دمرت على داااك المبلغ ؟؟ قلت اخيرا جنيت شي حاجة بعرق كتااافي و غانخرج نستقل حتا انا ...ومنبقاش عايش غي ضيف انا ومرتي وولدي لي فطريق... و داك المبلغ لي يقد يجيك نتا عااادي و بسيط ... انا كان عندي حاجة كبيرة ...
اسد :كتحسب راسك ضيف هنا ايونس ؟ فدار خوك ! اشمن اخوة كنتي كتهضر عليها اذن
يونس : اسد عفاك ... كيف مكان الحال خاصني نستقل براسي وااحد نهار ...
يونس قال داك الهضرة و طلع و اسد بقا غي واقف كيفكر ... تاكيحس بتيليفون كيصوني ليه و دخل للمكتب
اسد : وي
- سيدي سيد لي طلبيتنا نبحثو ليك على هويتو ... راه صورتو مكطلعش ليناا فكاع لي كارط ناسيونال د البلاد ... باينا غاتكون عندو هوية فبلاد اخرى
اسد : ممم .. اذن قلبو على برا
- صعيب الحال اسيدي ... عرفتي شحال من دولة كاينة فاعالم
اسد : عندك شي شغل اخوور ؟؟ لله يطعلو يكون تا فجزر الكناري بغيييت هويتو تكون عندي ... وماتصل بيا مرة اخرى تاتكون عندك خبار زوينة و تقنو خدمتكم بلا متجهلوني ..
