اسد لاح لمار فااليخت وهي كتركككل معرفاتو اش بغا يدير .. بقات غي كتشوف مع يخت ديالوو مصمم خصيصا ليه فاللون الاسود و الارضية كلها دهبية و منقووش بالكريستال الخاالص ... و تاتصميم ديالو كيشبه رأس القرش .. فيه ضرابو ( راية ) باسم رووكان كرفرف لفوووق واليخت كااامل كيلمع عبارة على 4 طبقات جوج مفتوحين وواحد فالوسط مغطى و الطبق السفلي كاين فجزء لي مخشي فالما باش تكون اطلالة على قاع المحيط ... طبقة العليااا فيها بيسين و 2 رولاكس بلي باراسوول و ثلاجة د نبيد .. و طبق لي تحتو هو فين كاينين دابا فيه بلاصة منين كيطلعو فالمقدمة ديالو كاين مقود الاكتروني بلا كابتن كيتبروكراما على الاتجاه ويمشي راسو .. و فالوسط جيهة دروج لي كيطلعو لفوق و يهبطو لتحت و فيه صالون صغير ديال ريش و الارضية كلها لماااعة و فالطباق لي من تحتوو فيه مطبخ و صال د سبوور و صال دوجو و جوج بيوت مفرشين وكابق سفلي كااع هو عبارة على بيت نعاس ديالو بالحمامات و الجدران زجاجية كتبين البحر من داخل و فمن برا كاين بولات مشعولين باش يضويو ضلمة قاع اابحر و تبان الروعة ديالو و تا الاسمااك ... وايضا فيه قاعة سينيما صغيرة ... لمار بقات غي كتشوف دهشاانة فرووعة ديالو اول مرة تركب فاليخت اوو لابغينا نقولو هذا جنة .. ولاكن قلبها مامهنيييهاش حاجة لي شاطناها و كدور فبالها هي تفضحات و هو مامتيقهاش و غايلووحها فوسط لبحر ياكلوها الحووت باش ينتقم منها ...طلع موراها اسد وواحد من الخدام د الشط قطع ليهم الحبل وانطلق اليخت خلاها غي كتشوف بعينيها و مشا بروكراماه يتمشا بوحدو و عطاه الاتجاه .. و زاد عندها لقاهت كتغزز فضفارها وهي كتشوف اليخت زاايد و كيبعدو على الشط... غي ضارت عندو بدات تغبن لامار : اااسد فييين غادي بيااا حرااام علييييك اش باغي دير اسد كيشوف فيها خايفة بغا يزيد يفقصها اسد : غانمشيو لواحد بلاصة بعيييدة .. غانحطك تما و نجي لامار : ها ؟؟ و ك .. و ع ع لا ش اسد : سكدي الكلمة الامار مكنفهمش لامار : قتليك علااش .. انا اش درت ليك واش مقلق مني درت لك شي حاجة ؟؟؟ اسد : ( بجدية ) مقلق حيت مدرتي والو الامار .... والو ...( تنهد ) ماعلينا .. الى عيانة هبطي ترتاحي باقي تابعانا طريق كنشوف راسكي سخون بكيتي بزاف لامار : ولااكن فيين ماااشين .. ياكما باغي دير ليا شي حاجة اسد حرك راسو بالايجاب مبتسم لمار : اسد عفااااك اسد : مالكي كتررعدي .. ( كيقرب ليها ) خايفة مني ولا شنو لامار : أنا؟؟ لااا اسد : ( كيزيد يقرب وكيخفض نبرة صوتو ) اوا مالكي .. مابغيتيش تبقاي معايا ( لامار غي ساكتة ) لاماار .. راه مبعدناش بزاف الى مبغيتيش غانردك ...نردك ولا تبقاي معايا ؟!؟ ( غي كتشوف فيه ...فاش كيدير فيها هاد الشوفات و نبرة صوتو كيخفضها كتبغي تسطى ... كدوب بحال زبدة . و حركات راسهاا بمعنى آه اسد : نرجعوو ؟؟ لامار ضورات راسها ب لا ظ.وضحك ليها ضحكة خفيفة اسد : يالاه هبطي ترتاحي ... ابتسمات ليه و هبطات وتاهو تبعها كيشوف فتيليفوون شوية كيلقاها طااارت عليه مخلوعة لامار : جبتيييييه ؟؟؟؟؟؟ اسد : ( فمهمها بالمقلوب ) جبتو؟؟؟ لامار: عللاش جبتيييه اسد : ( خربقاتو ) اش جبت ا الامار راه عاد ناويين نجيبوه زعما .. لامار : جبتييييه متخبيش عليا اسد : نجيبو بلا فااتحة ؟؟ كيغندير ليه .. لامار: اوا وهداك لداخل شنووو هوو .. رااه فين كيحمر فياا تقلب يشوف فين كاتشوف شاف روووبن عااد فهم لساقات ليه تكوليخة اسد : كتهضري على رووبن لامار: وشكوون من غيرو اسد : هههه نخليك نت و منخليهش هو .. زيدي راه مغايدير ليك والو .. زاد عندو وهي بقات وقفا اسد : ااجي لامار : لا لا نطلع لفووق .. (جات طالعة و جبدها من شعرها جرررهاا ) اسد : متبقاايش تعاندي قتلك ااجي هي اجي .. قربي خصك تولفيه مغايدير ليك والو .. لامار : لاا لاااا علاش نولفو اش بينو و بينووو اسد : وغي قييسيه ( اسد جاتو الكانة هاد نهار يقلب ليها الهضرة هو ناويها فشكل وهي فاهمها فشكل 😂 ) لامار : لااااا والله منقيسو اسد : ههه قيسيه غااتولفيييه هانتي وخا كيخلع رااه زوين غي تولفيه يعجبك تولي ديمااا تقيسيه ههههه لامار : ولااا بعععد مني يدي كيترعدوو اسد : ههههه علاش غايترعدوو قييسيه غايعجبك .. ولا عرفتي شنو اجي بووسيه باش تااهو يبرعك 😂😂😂😂😂 ( هز ليها يدها ودارها فوق راس رووبن وهي تخطفها غوتات ) اسد : قسسسحك ههههه صافي دابا مغايقسحكشش غير المرة اللولى وصافي ههههه لامار : نتا علااش كضحك اسد : سيري وجدي لينا مناكلو بلا مطيبي راه كولشي فثلاجة انا غانمشي ندوش😂😂😂 مشا كيضحك تابانو نيابو لي كيسطيوها وهي ماعرفا مالو سيد كان عايش عاالم اخووور تاقيمااتو ههه ..مشا هو .. و هي بقات تشوف فرووبن لامار : دابا لابستو غايبرعني !؟؟؟ كيفاش زعماا
مشا اسد غسل وجهوو و عنقو كان موت د صهد هو اصلا شاعلة فيه الحرارة شعل كليمة و رجع لعندها لقاها باقا فبلاصتها اصلا حريرتها مابغات لاتفهم ليها اسد : اوا هادي هي الماكلة لي وجدتي عولنا عليك بكري .. لامار : ( مخسرة ) ضهشرتيني خليتي ليااا شي عقل غي كضضحك بلا تاشي سبب و هضرتك كاملة الغاز مابقيت مقشبلة معاااك تالعبة .. و الله تاتقضاوليا بالله اسد : هه اجي اجي القملة اجي .. مشا لكوزينة و تبعاتو و كلسات على الكونطوار كيف عادتها كتعض فواحد لينكاس ورجليها كيلعبوو لامار : فيين مااشين اسد : ( كيجبد طباسل ) مسافرين لامار : و فين اسد : ميكسيكو لامار : بلا طنز فين غادين واش غي دورة و راجعين اسد : دورة !؟ مالي كنهز لبلايص فالكورنيش ولا !؟ لامار : وبلااا ضحك قولي فين غادين ... اسد : بنتلك كنضحك .. راه قتليك للميكسيك ...صلا عندي فيها مايدااار .. قلت نجيبك معايا لامار: ( نزلات على الكنطوار ) شنوو اسد : مالكي تاني لامار : واش المكسيييك المييككسيك .. هاديك ديال فريخيليتوو و ايكنااصيو و ماركاريتا ؟ هاديك لي فيها استريييلا اسد : شنوو ؟؟ لامار: وااش الميييكسيك الميكسيك ديال الفرييدو ؟؟؟ اسد : معرفتش علامن كتهضري ولاكن دولة وحدة لي كاينا فالعالم سميتها الميكسيك هي لي غادين ليها لامار : ولااااكن انا معنديش وراااق ويلا شدوناا لبوليس اسد : هههه غانقوليهم حااركا لمار : لااا رجعني اولي نمشي بلا ورااق ؟؟؟؟ اسد : رااكي معاايا متحتاجيش .... لامار : يعني غي نمشي اسد : هانتي ماشيا اصلا لمار : يااااااي اااخيييرا ااااخيرا غانخرج على المغرب مشات كتطير تطل على لبحر اسد : ( بدا يضحك ويضور راسو ) اوا وروسيا كاينا فعين مديونا المكبووتة ههههه زعما غاليعول عليها تكدب .. حمقة ههه شوية لقاها جات عندو كتجري لامار : اااسد .. دااابا المكسيك بعيييدة بزاف شحااال باقي نووصلو اسد : ( دايها على قد عقلها ) علاش تابعاك شي حاجة لامار : لااا .. غي زعمااا كيغانديرووو اسد : هااهو غادي بينا حتا يوقف هههه لامار : قووووليااا شحال كاع اسد : واحد سوومين لامار : شنووو ( بدات كتحسب فيديها ) تنيتلاات جمعةسبت تلاتاربع .... اااع ناري بزاااف غانبقاو سيمانة وسط البحر اسد : مزربانينش ... غانحبسو فالجزر نرتاحو .. منهم جزيرة فين كاينة مامات روبن لامار : هااا ...دابا نتا داي روبن يشوف تاسيلطو مسكين اسد : هههه شدي شدي خرجي لبراا نت خاصني معاك الخشيبات باش نفهمك .. ( عطاها للعصير و خرجات وهو جاب بلاطوو و كلسو على برااا و الشمس قرباات تغغغرب ولمار غي كتتفكر جاتها غرييييبة تبقا سيمانة فلبحر ) اسد : لامار .. كولي بعدا و من بعد نشرح ليك بشششويا تاتفهمي لامار : ودابا حنا غانبقاو سيماانة مسااافرين العحب هذا اسد : علاش العجب .. ماشي نت لي بقيتي سيمانة فالكوبتير .. غي نت كنت فالسما وحنا فالبحر دابا لامار سرطات هضرتها بقات غي كترمش الكدااب نسيه و رجع فكروو و خشات وجهها فطبسسل هاربااا منو هو تيشوف فيها كتاكل وخا حمممقة و عفووية بلا قيااس الا انها فماكلتها كيوووت و تالصوت متسمعوش كتصدرو كتاكل بالحس و كتبنن بعينيها ومرة مرة تعض على شفتها الى عجبها المدااق .. ويلا كان حاامض كيتخسرو ملامحها وهو نسا الماكلة وكلس غي مرااقبهاا و كيحفض فتفاصيلها لي شوية ويسطيووه .. تاشافت عندو لامار : كوول اسد : شوفة فيك شبعاتني ....( مع نظرة خطيرة كيطيح الركابي حيد ليها الشهية كاع )
