အပိုင်း ၂
" မစ်ရှယ် လာဦး"
အိမ်ထဲဝင်သည်နှင့် ခေါ်ရသည့်နာမည်။ အရင်ဆို Cas ဟူသော ခေါ်သံလေးနှင့် ပြေးကြိုမြဲ။ အခုတော့ တိတ်ဆိတ်လျက်။
"ကျောင်းက ပြန်လာတည်းက အိပ်နေတာ"
ငယ်ငယ်တည်းက ထိန်းပေးခဲ့သော အစ်မမြ သည် မျက်စိမျက်နှာပျက်လျက်ပြောလာသည်။
"ဘာလဲ ။ နေမကောင်းတာလား"
မေးလည်းမေး မစ်ရှယ်အခန်းရှိရာအပေါ်ထပ်သို့ အလောတကြီးအမူအရာထက်ပိုသော အလျင်နှင့်ပင် ခြေလှမ်းတွေကိုကျော်နင်းဖြတ်တက်မိသည်။ အစ်မမြသည်လည်း အနောက်မှ နေ၍ ခပ်ကုပ်ကုပ်
လိုက်လာသည်။ သုံးနှစ်အရွယ်ကလေးငယ်နှင့် သင့်တော်လျောက်ပတ်သော အပြင်အဆင်နှင့်
မွမ်းမံပေးထားသော အခန်းသည် အစ်မမြကျေးဇူးနှင့် အမြဲရှင်းလင်းနေသည်။ ပန်းရောင်ကြောင်ရုပ်ပါ
ခုတင်ထက်တွင် အိပ်မောကျနေသော ကလေးငယ် ။ ပန်းရောင်စောင်ပုံတွေကြား ကြာပန်းဖြူပွင့်ချပ်များနှင့်
တူသော ပါးပြင်အိအိကို ထိတွေ့ကြည့်သောအခါ ကိုယ်ပူငွေ့ကို မခံစားရ။
"ကျောင်းပြန်လာတည်းက အိပ်နေတာ။ အစ်မက မိုင်လိုပူတင်းလုပ်ပေးထားတယ် ထစား ဆိုတာတောင်
မစားချင်ဘူးဆိုပြီး အိပ်နေတာ"
ညနေကျောင်းဆင်းချိန်တည်းက... အခုဆို ၈ နာရီပင်ရှိနေပြီ ။ ဒီနေ့ကလည်း ATM အတွက် network
ချိတ်ဆက်မှုအသစ်များအတွက် အစည်းအဝေးထိုင်နေကြရ၍ ပုံမှန်အလုပ်ဆင်းချိန်အတွက်နောက်ကျ
နေရခြင်းဖြစ်သည်။ ကိုယ်က အဖွဲ့မှူးဖြစ်၍ တခြားလူတွေပြန်ရင်တောင်ချက်ချင်း ထပြန်၍ မရ။ ဆိုင်ရာယ
လူကြီးများနှင့် စကားစမြည်ကလည်း မြင်ကောင်းအောင်ပြောနေရသေးတော့...
ဒီကလေး ဒီအချိန်အိပ်လေ့မရှိသည့်အပြင် ညနေစောင်းတည်းက အိပ်နေသည်ဆိုတော့ ဖျားလိမ့်မည်။
"မစ်ရှယ် Wake up. Hey..."
ဆွဲထူပွေ့ကာ နှိုးသောအခါ ရင်ခွင်ထဲမှာပင် လွန့်လူးလာသည်။
