عادل:مين تتوقع؟..فتح الباب بسرعه وعلى طول حضنه.
دخلت نارا تجاهلتهم دخلت ورمت نفسها ع كنبة الصالة.
فيصل:وحشتني ي الدوب.
عادل:ههههههههههههه..مو كثري والله.
دخله المجلس وسلم ع جده وحضنه..الجد ببتسامة وفخر:والله انك رجال من ظهر رجال.
لارا بدموع وصراخ وشوق:نارا
نارا ضمتها بتعب:عيونها انت وقلبها..اشتقت لك.
عادل ونارا لازم يعرفون..فيصل نادى لارا وقال لها تنادي نارا..نارة كانت تعباااانه..اعتذرت لكن لارا اصرت عليها..دخلو الثنتين بالعبايه لارا تتغطى عن عادل..ونارا من الاثنين.
الجد بثقة:عادل ونارا فيه شي لازم تعرفونه.
نارا م كانت تسمع شي من التعب ومو مستوعبة شي ابد كانت منزلة راسها وماسكته ومو مهتمه فيهم.
عادل:تفضل..ايش هو!
الجد بسرعه كالعادة وبدون مقدمات:فيصل تزوج لارا.
لحححححظه صمت..نارا م سمعت شي ولا رفعت راسها..عادل طالعهم بصدمة قويه.
تكلم فيصل:عادل وبنت عمك افهمو السالفه قبل لاتحكمو..اولاً صعبه اقعد ببيت فيه بنت..صح انا قعدت احميهم بس ولو صععععبه اني اقعد وفيه بنت..ثانياً عشان احميها من عبد العزيز لان صراحه اولاد عمتكم ينخاف منهم..وبصراحه بصراحه وقال بارتباك..انا كنت احب لارا وخطبتها من جدكم وتزوجتها ع سنة الله ورسوله..اتمنى م تفهموني غلط.
عادل عيونه ع فيصل..فكر بكلامه طلع صح ماغلط و ماسوى شي غلط..ابتسم له وقال:الف مبروووك وحضنو بعض..نارا الى الان م رفعت راسها ولا تحركت حركة وحدة..حتى نفس م انسمع منها..عادل عيونه ع لارا وببتسامة:مبروك ي بنت العم.
لارا بحيا:يبارك فيك.
عادل:الله يعينك عليه عاد..تحمليه تراه بس يحن وثقيل دم و م يتكلم كثيير..فيصل ضحك وضربه ع كتفه:ماخذ عيوبك لاتلومني.
ضحك الجد وقال:لا والله فيصل مو كذا..فيصل رجال عن عشر رجاجيل.
ابتسم فيصل..عادل:الله يوفقكم ويهنيكم.
لارا بهمس مسموع:نارا..نارا..بنت ردي.
الكل طالع فيها م تكلمت ولا قالت شي حتى مبروك م طلعت من لسانها..مع انه المفروض هي اكثر وحدة تفرح.
نارا بتعب:همممم.
لارا بخوف:فيك شي؟
الجد قام عندها:نارا حبيبتي فيك شي؟..حتى م جيتي سلمتي علي..وربي اشتقت لك..عادل يطالعها بخوف:ترا هي م اكلت..حاولت فيها م رضيت..اخر مرة جبت لها رمته ب السيارة.
الجد قومها مشاها لين غرفتها وسدحها ع السرير..فتحت غطاها اختها..خفت الخدوش والكدمات لكن كانت باينة شوي..لارا خافت ع اختها..والجد راح عند عادل يفهمه.
كانت حرارتها مرتفعه..لارا اعتنت فيها..والجد معصب من عنادها اللي امرضها بالنهاية..فيصل جاب لها دكتور بالبيت عشان يكشف ع حالتها..طلع عندها فقر دم بسيط..والحرارة ارتفعت بسبب قلة الاكل.
''بعد يومين تحسنت نارة''
*حصة..جاء لها انهيار عصبي..بعد م عرفت ان ولدها ب السجن..الجدة وسالم وهدى يعتنو فيها..عبدالعزيز وناصر جو السعوديه بعد م عرفو عن خبر عمر اللي يوطي الراس.
*فيصل:لارا..يلا تاخرنا.
لارا بحضن اختها ويبكون سوا..لارا ببكاء:انتبهي ع نفسك..امااااانه.
نارا مسحت دموعها:من عيوني..مسحي دموعك لا يجي يفرشني فيصل.
لارا مسحت دموعها وهي تضحك:ههههههههههههههههه.
ودعت جدها واختها..وتوجهوا لفلة ابو فيصل..عشان يصدموهم بخبر زواج فيصل.
وصلو للفله..لارا انبهرت من شكلها..كااااانت فخمه بكل م تعنيه الكلمه..دخلوهم الحوش..فيصل مسك ايدها:خليك قويه..ولا تخافين دام انا معاك.
لارا وهي تاخذ نفس وببتسامة:ان شاء الله.
ابتسم لها فيصل ونزلو وهم ماسكين ايدي بعض..دخلو الفله..فيصل بصراخ:يممممممه.
ام فيصل فررررحت لما سمعت صوت ولدها..خرجت وشافته..لكن انصدمت من البنت اللي جنبه..قربت وقالت:منو هذي؟!
فيصل قرب من امه وسلم بإيدها وراسها..وقال: بقولك..بس لازم ابوي يكون موجود.
ابو فيصل دخل وقال بدهشة:فيصل!
