عند نارا وعادل~~
نزلت وتوجهت ع سيارته..ركبت بصمت..بعد عشر دقايق قطع الصمت عادل:اعطي السواق راتبه عشان يسافر بلده.
نارا:ليه؟؟
عادل:خلاص انت م تحتاجينه ووجوده زي عدمه.
نارا:ومين قال لك اني م احتاجه..بحتاجه.
عادل بحدة:لو على جثتي م اخليك تركبين معه.
نارا ببرود:مو شرط ابيه زينة.
عادل:براحتك..هو كلمني قلت له كلمها مو شغلي..بس حبيت اعطيك خبر.
نارا ابتسمت بسخرية..حبّت ترد له نظراته وتحرجه..طبعاً عشانها متغطية م بتستحي..لفّت راسها وحطت ايدها تحت ذقنها وقعدت تطالعه..هو تجاهلها..بس طوّلت وهي تناظر فيه..طالعها وقال:خير مضيعه شي بوجهي.
نارا:لا.
عادل:اجل ليش تطالعين؟
نارا:ابد..بس حبيت ارد لك نظراتك اللي تناظرني اياها بالبيت.
عادل استغرب مررررة منها ومن حركتها الجرررريئه..وبسخرية:تدرين ليه اناظر فيك؟
نارا و م زالت تناظر فيه:مو شرط اعرف.
عادل:لا شرط.
نارا:قول طيب.
عادل بضحكة وهو يطالع قدامه:عشان كشتك..ووجهك اللي م فكرتي تحطين فيه كحل ولا حتى روج.
نارا بخبث و م زالت تناظر فيه:بس عيونك م تقول كذا.
عادل طالع فيها وقال:انت شتبين توصلين له بالضبط؟؟؟
نارا واخيراً لفت راسها ع قدام:انت فاهمني عدل لاتستعبط.
عادل:هه مسكينة..ولا افكر افهمك..بزر يتفلسف والله حالة.
نارة:هههههههههههههههههههههه.
وصلو ونزلت بصمت وهي منبهرة من الفله الفخمة اللي قدامها..نزل معاها عادل..واستقبلهم فيصل.
فيصل:هلا والله.
عادل وهو يسلم عليه:هلا فيك.
نارة وهي تافف بصوت مسموع..سمعوها..طالع فيصل بعادل وهو يبتسم..غمز له عادل يعني دخلها لاتتوطى فينا.
فيصل:تفضلي.
دخلت نارة وهي منبهرة من الفخامة اللي قاعدة تشوفها..لارا بصراخ:نااااااااااارا.
فتحت غطاها وحضنت اختها طلعت ام فيصل.
نارا وهي تحضنها:وحشتيني حيلات.
لارا :وانت بعد وربك.
ام فيصل:هلا والله ببنتنا منورة.
نارة بعدت عن حضن اختها..ام فيصل طالعتها(ماشاء الله تبارك الله تهبل).
نارا وهي تسلم عليها:هلا فيك كيفك ي خالة؟
ام فيصل ببتسامة:الحمدلله حبيبتي..تفضلي حياك اجلسي.
جلست نارا بهدوء..وجلست لارا بجمبها وام فيصل..وبدو يسولفون ويتعرفون ع بعض نارا وام فيصل..ودقو ع منيرة تجي عندهم.
عند الرجال~~
ابو فيصل:تسلم والله م تقصر نص الشغل انت ماسكه حتى لما سافرنا م قصرت ماسك الشركة كلها..والله انك رجال من ظهر رجال.
عادل:ولو تستاهل انت ي عم.
ابتسم ابو فيصل وقام:يلا انا ماشي..مع السلامة
عادل+فيصل:مع السلامة.
فيصل:كيفك مع نارة؟
عادل ببتسامة:وربي فاااااتك مواقف كثييييرة حصلت بيننا.
فيصل بحماس:يلعن شكلك حمستني قول.
وبدأ عادل يحكي له عن كل شي صار بينه وبين نارا.
عند البنات~~
منيرة:سبحاااااان الله ملامحكم زي بعض بس مو مرة..لكن شخصياتكم غيييييييييير.
لارا:ايوا وسبحان الله انت ونارا تصاحبتم ع طول..وافق شنن طبقه.
نارا+منيرة:ههههههههههههههههههههه.
وقعدو يسولفون ويضحكون الين الساعه..11:44.
عادل يناديها:نارا.
نارا قامت له وهي تضحك ع منيرة..وقالت ببتسامة:نعم.
عادل طالعها:ماشاء الله هنا الابتسامة شاقة وجهك وصوت ضحكك واصل برا الفله..وهناك عندي معصبة ومكشرة وتعاندي.
فيصل كان يسمعهم لانهم قريبين من المجلس وضحك ع كلامه.
نارا بتافف:اووووووف..جاي تنكد علي انت اخلص ايش عندك؟
طالعها بحدة:قسماً بالله لو م عدلتي اسلوبك لافشلك قدامهم..وبعصبيه..يلا قدامي ع البيت.
طالعته وبرجاء:لا.
عادل بنظرات حادة:استناك بالسيارة..وخليك م تجين بسرعة..وربي لاسحبك من شعرك واصحي الحارة كلها عليك.
وراح عنها..نارا شوي وتبكي من القهر..رجعت تاخذ عبايتها.
منيرة:لاااااااا ناااااارا مرررررة بدري.
لارا برجاء:الله يخليك حاولي فيه.
نارا بحزن:لا هو معصب مرة.
