عند عادل~~
عادل:خالد اعطيني الاوراق اللي كلمك عنها فيصل.
خالد:ان شاء الله طال عمرك..قدمله الأوراق.
عادل وهو يقلب بالاوراق:نصها تحتاج توقيع ابو فيصل.
خالد:اعطيني اياها وانا بعطيه يوقعها.
عادل:لا خليها هنا عندي وانا بعطيه لان فيه اشياء وملاحظات باخذ رايه فيها.
خالد:براحتك..اي خدمة؟
عادل:لا تسلم تفضل.
خرج خالد.
وعادل بدأ يشتغل بالاوراق.
الساعه„11:59م„
رجع عادل وقعد ع التلفزيون الى الساعه1:22ص
وراح ينام عند نجود..حط راسه ع المخدة وتذكر نارا..ابتسم..شوي ونام.
مر اسبوع و ع حالتهم..*م في اي شي جديد..*
*عادل م يشوف نارا الا بالغداء والفطور احياناً لانها تسهر..وبالعشاء يكون ب العمل..اشتاق لها مرررره..مر اسبوع و م تعاندوا..م سمع صوتها..حتى لما كانو ياكلون م يتكلم الا نجود..وعادل يرد ع اسئلتها..كان مستغرب من هدوء نارا المفاجئ قرر يروح عندها ويسألها اذا فيها شي او لا وهو م يدري.
الساعه~6:44م~
نجود راحت عند اهلها بعد م اتطمنت ان عادل راح الشركة..م تبغا عادل ونارا بالبيت لحالهم.
نارا قعدت لحالها طفشاااااانه..اشتاقت لاختها..م عندها جوال تكلمها منه..جوالها كسرته من بعد ضرب عادل لها.
عادل بعد عرف ان نجود راحت عند اهلها استأذن وراح متوجه لشقته.
وصل شاف نارا تكلم بالتلفون الثابت..قرّب منها..م حست فيه لانها معطيته ظهرها.
نارا:طيب اكيد بشتري جوال..ان شاء الله..ههههههههههههههههه..اقول طسي..طيب بكلمه..يلا باي.
قامت وهي فرحانه لانها سمعت صوت اختها..لفّت بتروح لغرفتها بس شهقت..عادل بهمس:معليش خوفتك؟
نارا حطت ايدها ع صدرها وهي تتنفس بهدوء من الفزع..وبهدوء:ايه خوفتني.
عادل:اجلسي بكلمك.
نارا طالعته شافته جلس ويستناها تجلس جلست بعيد عنه..مسكها عادل من يدها وقربها منه بهدوووء:قربي شفيك؟؟؟؟
قربت منه و نزلت راسها تستناه يتكلم..عادل طالعها وقال بحنان وهدوء:نارا فيك شي متضايقة؟
نارا طالعته وهي معقدة حواجبها باستغراب:لا'
عادل:متأكدة؟؟؟عادي اذا فيه شي قولي لي..واوعدك اساعدك واسوي اللي تبينه..ترا انا اخوك وزوجك يعني مو غريب.
نارا بهدوء:لا والله م فيني شي..رفعت راسها وطالعته وقالت..ليه تسأل؟
عادل:مستغرب من هدوئك المفاجئ هذا.
نارا ببتسامة سخرية:انتم اشوفكم هاجدين و م تعاندوني ولا تقهروني عشان كذا هجدت..وعشان تعرفون!!انا م اجيب المشاكل..انتم اللي تجيبونها لي ولكم.
عادل مستغرب توها كانت هادية شفيها قلبت فجأة(منجد انت غريبه يانارة حتى عجزت افهمك بسهولة..حتى صعب احد يفهمك)عادل ببتسامة:اهم شي انك مرتاحة..تبغين شي؟
نارا طالعته:طفشااااانه.
عادل ابتسم وحب يقهرها قام بيطلع وقال : اقري قرآن احسن لك.
نارا وقفت:لا انا مكتومة ابغا اخرج اتنفس شوي.
عادل بحدة:قلت لا يعني لا.
نارا بقهر:يعني حلال ع نجود وحرام علي..انت ونجود اذا شفتوني نايمة خرجتم تتمشون وتفطرون برا.
عادل:نجود غير عنك.
كان بيخرج لكن وقفه سؤال نارا:كيف نجود غير عني؟
ابتسم باستهزاء وطالعها:نجود تدلعني ، تسمع كلامي ، تحبني ، تخاف علي ومهتمة فيه ، وتعاملني كزوج ، مريحتني..عرفتي الحين الفرق بينك وبينها؟؟؟
نارا طالعته وراحت ع غرفتها ع طول..ابتسم وخرج.
اليوم الثاني~~ع الفطور~
نارا تبغا تقول له تبغا تروح عند اختها..لكن خايفة من ردة فعله..اكيد بيفشلها وبيرفض..قررت تكلمه اذا كان جالس لحاله بدون نجود.
بعد ساعتين*
نارا تطالع بساعتها(اكيد الحين نجود بالمطبخ تسوي الغداء)..خرجت من الغرفة بهدوء شافته قاعد لحاله ع التلفزيون..تنهدت براحه وراحت عنده وقفت جمبه:احم.
طالعها ولف وجهه ع التلفزيون وقال:خير؟
نارا:اليوم لارا عازمتني.
عادل وعيونه لازالت ع التلفزيون:والمطلوب؟؟
انقهرت من حركته وكلمته خاصةً(فاهم قصدي بس يستعبط)قالت بعصبيه:ابغا اروح عندها.
